拉麵Jo

营业中

休息中

今日約左男朋友黎cwb行街街，兜左一大個圈，最後決定一試呢間人氣爆燈既「拉麵Jo」，好彩今日閒日，時間又尚早，唔洗等位姐！聽過咁多拉麵Jo既好評，但就未真係入去試過，今次一定要抓緊機會食返一次！呢間拉麵店，除左主打既沾麵、拉麵，仲有飯、小食同飲品，樣樣都想試啊！Order紙好清晰簡潔，先揀味道，再揀麵要唔要蔥花，輕鬆配搭出自己既心水。我地都好中意食沾麵，都好想食半熟蛋，唯有2個都叫特製沾麵。有時候唔止撞衫，連口味都會撞。。。座位方面，好似日本拉麵店咁，呢度每一個位都係面向廚房坐，可以望住廚師準備食材，證明呢度係唔會有「那西」既情況出現，比到好大既信心我地。呢度細心到會有張guide介紹點樣食沾麵，又學到野啦！特製沾麵 ($106)沾麵黎到個賣相就認真唔錯，佢個沾麵係粗麵黎，掛湯黎講比幼麵好，啖啖都沾滿湯，口感亦都有咬口，煙韌彈牙。 湯底非常濃郁，木魚味重，但濃得黎又唔會油膩，都幾難得。叉燒就有小小肥膏，不過d肥膏入口即溶，偶然食一兩舊無所謂啦！食飽先有氣力減肥啊嘛！半熟蛋都好正！餃子 ($32/3隻)餃子有3隻，一貫日式餃子既做法，先將底部煎得香脆，再一下反轉上碟，再加上特製醬汁，得左

最近唔知係咪大家都只係潮流興飲台式黑糖珍珠奶茶,就忽略咗食拉麵嘅衝動,眼見幾家拉麵小店都相繼結業,可以感覺得到香港人嘅口味亦似乎有所變動...而剩下來的,應該就係多年老店又或者係以實力取勝得以留存。我同阿肥都鍾意喺各區尋覓嘗試拉麵,始終位位師傅各施各法,碗碗湯底必定有所不同,而最出名嗰幾間例如一蘭啦豚王啦霸嗎啦等等我哋都一一去過喇,今次就嚟到呢間連續五年得到米芝蓮車胎人美食推介嘅"拉麵Jo"試試看。其實一直都有聞說過呢間拉麵店嘅名聲,但阿肥係一個不太相信<米芝蓮推介>嘅人(當然係因為佢試過去完其推介而係覺得唔好食,有被騙嘅感覺啦),所以我倆嘅覓食指標一向唔會喺米芝蓮之上,而佢更加唔會為咗食一碗拉麵,專程走去一個唔就腳嘅地方大排長龍,平心而論,呢家拉麵店嘅位置確實唔太討好,出咗地鐵站,至少要行多八分鐘左右先嚟到加路連山道,好彩嘅就係佢開業已經有番咁上下年數,今時今日,已經唔需要再排隊就有得食喇。嚟到已經天黑,門外大紅燈籠更顯日本味道,一貫其風格趟門設計,店舖裡面亦是傳統日式style,每個座位皆"面壁"吃麵,匆匆的來吃完麻煩也匆匆地去。雖然店舖已經提供畫紙以便選擇落單,但

上次來過之後🤔，老公🍋對它一直念念不忘🙄，好喇好喇😵，今晚就跟你再來好了😐。門外大大的紅燈籠🏮，一切依舊沒變😚。每個位置都放了辣芽菜🌶及酸菜😍，人妻🐷當然最愛辣芽菜啦🤤~蒜油豚肉🍜：今晚選了跟上次不同的😝，但半熟蛋是一定要加的🥚！豬骨湯經過了16小時的熬製🔥，入口清甜香濃😍，鹹淡適中😄；麵條跟上次一樣🥢，用上了直身的幼麵😌，口感爽滑彈牙🤤；叉燒🐽口感幼嫩；木耳爽脆👍；竹荀🎋鮮甜🎋。名古屋辛味拉麵🌶：老公🍋的湯底比較上來更為濃郁😲，質感亦較黏口😋，而他的麵條則比較粗身🥢；微辣的湯底🌶、肥瘦適中的叉燒🐽、爽口的麵條🍜，老公🍋表示極為滿意🈵。自製餃子🥟：外皮煎至香脆💛，加上了肉汁豐富的餡料🤤，當然是拉麵最好的拍檔了💞。炸蟹肉忌廉餅🦀：再追加了一客小食😁，酥脆的外層😊，配上了幼滑的餡料😃，新鮮炸起🔥，千萬要小心❗，不要被燙到喔🤭~總結：豚骨湯要一滴不漏地喝光是常識吧🤤，水準依然非常高🤤，最後二人捧著大大的肚子😍，滿足的回家去了💋。

好耐以前已經有朋友介紹我嚟呢度食，之後仲得悉呢度連續四年都係米芝蓮推介的，就更加想嚟食，今日終能一試風味～喺門口望餐廳唔太顯眼，舖頭亦唔係好大間，有典型嘅日本拉麵店格局同兩張坐枱。一坐底店員就遞上杯同水，係冰水呀 — 香港終於有返間日本餐廳係遵循日本嘅做法俾冰水，又加分了～日本近年好興呢種辣麵，有啲似擔擔麵，用上肉碎同辣醬，但就多啲湯水，呢碗嘅辣味好足，令人食得過癮。而叉燒嘅肥瘦平均，好軟熟。麵條非常粗，亦係較硬嗰款，配料都唔少，除咗半隻溏心蛋，仲有成三塊叉燒同三塊紫菜！本身嘅湯用上木魚同豚骨熬，味道好濃，又充滿魚香～食哂拉麵之後再請店員加湯，都唔會搞到好稀，味道猶在。呢個蟹肉忌廉餅超正，超級 creamy，簡直入口即溶，基本上唔洗點醬油都好好味～唔好睇呢餐嘅份量好似唔多，但慢慢食落又幾飽喎～

位於銅鑼灣的拉麵 Jo已經連續多年獲得米芝蓮推介，這天放工後經過，難得見到沒有人龍就入內吃晚餐。店面面積較細，座位很少，環境淺窄，坐得不太舒服。雖然都是獨沽一味賣麵食，不過小食款式也不算少。沾麵 $88沾麵是拉麵的變奏，上桌時會把麵跟湯分開，但食法、味道、風格均與傳統拉麵截然不同。最獨特之處就是這裡的沾面湯底以石鍋盛載著，蒸氣騰騰，從頭吃到底都可保持熱燙滋味。叉燒都是厚切啖啖肉，脂香滿瀉，肉質軟嫩不死實。沾麵麵條可選熱麵或冷麵，口感滑順而又緊緻彈牙，提升入口的嚼勁，呈現小麥特有的甘甜原味，沾上濃厚的木魚豚骨湯底，味道濃香而細膩。另加 $15就可有一隻日本半熟蛋，軟嫩蛋白包裹著半熟晶瑩的流心蛋黃，滿溢香濃蛋味。自製餃子3個 $28外皮不算過厚，不過稍嫌煎得未夠金黃脆口。一咬開餃子餡料扎實多汁，豬肉混合蔬菜絲，令肉餡豐滿清爽。炒野菜 $38炒野菜調味略為單調，明顯比其他小食比下去，不過份量確實是出乎意料之外的多。炸八爪魚球 $48即叫即製熱呼呼，個子渾圓飽滿，外層香脆帶有焦香，確實和在日本吃到的水準相差不遠。雖然內餡的八爪魚比較小顆，但丸子口感外脆內軟而不會糊口，點上蛋黃醬、燒汁、木魚碎，