巧興麵食店

营业中

休息中

香港的餃子店不少，我最喜歡的還是自家包餃子的小店，那種我一邊吃然後幾位阿姨一邊在旁包餃子的情景特別溫馨，總讓人有種家的感覺。常出入土瓜灣的街坊大概都知道巧興。它位於不太繁忙的安徽街，白色的招牌，小小的店面，卻有不少餃子迷慕名而來，為的是吃那種老舖獨有的味道。大約12時到達，店內客滿，幸好未見隊龍，不久便有位坐。搭檯坐比較迫，我卻覺得更有風味呢！而且我最期待的畫面出現了：幾位阿姨在後面那張檯包餃子。想試多點不同的東西，就點了一份湯餃、一份煎餃和一碟炸醬麵。湯餃選了白菜冬菇餃($28)，皮的厚薄剛好，不會一口麵粉，這個餃味道清淡一點，沒有味精那讓人口乾的感覺。煎餃選了韭菜餃($28)，餃皮煎得香脆，讓人垂涎三尺。韭菜特別惹味，夾起煎餃不會散，醮上醋、辣醬，是百吃不厭。雖然便宜但份量真不少，很抵食！炸醬麵($24)的麵頗煙韌，加上黏稠的炸醬和清爽的青瓜絲，是不錯的飽肚之選，但我偏好餃子多一點。另外點了杯凍豆漿，豆味很濃又不甜，我猜是天然的即磨豆漿，相當驚喜！這種簡樸的老舖在香港是買少見少，一定會再來光顧支持。

多年前在紅磡區工作,果時呢間小店已經存在,由於平,同水準好,每次經過都會幫襯,今次重遊舊地,再試一次,叫了三鮮餃,炸醬麵,豆腐,三鮮即豬肉,蝦,韮王,要了煎的,好香有肉汁,蝦同韮王味也分明,十分好味炸醬麵有大量瓜菜拌肉醬,十分野味,麵條軟硬適中,有一碗清湯送埋,唔錯豆漿就一般,豆味尚可總結店子味道二十多年不變,人情味也依舊,味道也依舊好味

因為買咗groupon的洗車打臘, 所以無啦啦走到去土瓜灣, 放低車就去醫肚, 老公問食咩, 我話唔知又唔識路. 我突然唸起, 車緊係去openrice search下啦.堅冇咩食, 只係見巧興係特別多留言和讚, 於是一試.老公點咗雞絲涼伴, 因為佢話見人人都叫. 拿! 堅係好食, 醬唔算好多"張"住個口, 雞絲唔會少少, 唔算好凍, 冬天食都OK.然後佢迫我叫咗炸醬麵, 其實我想食炸菜肉絲麵, 結果佢冇食我果個炸醬麵, 因為麻麻地, 味道...... 有點怪, 可能我唔接受啦. 但青瓜絲好新鱗, 爽口, 加番分.再叫咗半份三鮮餃放湯, 半份牛肉餃蕉. 半份好似係6隻, 17蚊, OK. 人手包喎, 灣仔水餃都要啦. 不過注意的係佢煎既水餃其實係炸, 不過唔油, 加D醋WOW 100分. 由於太急試味, 冇影到相.我地叫埋豆漿, 佢一放上枱勁開心, 因為用碗, 坊間已經好少咁做, 好正忠既北方做法. 可惜放水太多, 冇咩豆味.我地咁樣食法都只係93蚊, 不得了. 有圖有証据.

餃子對於北方人黎講，係一個非常重要既食物，一碗熱辣辣既餃子麵，足夠一日既能力所需。香港食餃子既地方多的是，可是講得出平靚正既，就非常之少。九龍區首推這間小店，由老舖到而家，都已經有25年歷史了，以前其實係開係馬頭圍道的，後來他們一家人分拆各自經營，現在安徽街這間都有好多年了。開初餃子只有韭菜餃一款，至現在有幾款餃子，味道依然非常出色。韭菜煎餃係我最喜歡既餃子，肉餡同韭菜既比例非常好，韭菜味又不掩蓋肉鮮味，而且每隻餃子既餡料非常飽滿。煎餃既皮用半煎炸方式，所以有香脆既質感，肉餡D汁從破口溢出，再沾上醋同吃，非常美味。另外，三鮮餃同樣美味，餡料有蝦、豬肉同韭黃，三者配合上黎十分合適，是近年來十分好賣的貨式。牛肉餃我覺相對黎講，不是太好，比較咸。白菜冬菇餃有少少肉餡，味道清淡得黎不失鮮甜。這裡的炸醬麵係我好鍾意食既，因為唔會同平時廣東既炸醬味道，呢到既麻醬味重，而且係啡色，完住同廣皮炸醬係兩回事，將青瓜絲輕拌入麵中，甜甜既炸醬加清爽既青瓜，倍感清新。其實呢到既牛展同排骨都好好食，不過每次都會係炸醬麵、北京粗炒同雞絲冷麵中選擇，因為我係唔鍾意食湯麵既，不過如果剩叫餸的話好貴，要幾十蚊一碟，但係

不知道多少年冇來過土瓜灣了，上一次來應該係中學時期來做義工。想拜訪的土瓜灣餐廳原來都有好幾間，今日就決定到訪其中兩間先，巧興係第一間。兩個人先叫了一個炸醬麵同半份三鮮餃。炸醬麵跟一般廣東改良版的不同，冇咁甜冇咁紅，但又冇正宗北京版本的深色，界乎兩者之間。炸醬其實只係一般，唔夠香濃，但用上肉碎的關係，質感不錯的。最好食的反而係個麵，小弟一向不太喜歡北方人的麵食，但依度的麵粗幼適中，食落很煙韌很有咬口。三鮮餃要了煎的，半份有五隻。話就話係煎，但其實應該係炸的。仲好，更加香脆之餘，夠乾身唔會油淋淋。個皮睇落去幾厚，咬落去...不得了，厚得來唔會成口粉，反而係好有咬口，如果只論個皮應該係我食過最好食的餃子。個餡都唔錯，有豬肉、蝦同韮王之餘仲有少少蛋係入面，好滑好多汁，但小弟覺得韮王雖然香，但有少少蓋過左D鮮味，係唯一的敗筆。太好食的關係...追加左多半份白菜冬菇餃，都係要煎。依個味道清好多，味道不是太突出，還是三鮮餃較香口。之後仲外賣左廿隻三鮮餃（$30）返屋企，但始終隔左一晚加上冇佢炸得咁的關係，都係堂食好。小店其實好有八十年代的情懷的...坐左係度包餃子的阿姐、古舊的枱凳同電風扇、食緊野的

想吃北京餃子,就想起土瓜灣的巧興.小弟最喜歡之北京餃子店.吃了多年,始終如一.也有一年沒有來到這間北方小店,這夜想起她們的三鮮餃,炸醬麵,又自然來到這裏.假期前夕的舊區,人流冷清清,而巧興也食客不多.在晚飯時段,只得一個客人.食物做得好,無須太多花款已經足夠,巧興的餃子種類一向不多,韭菜餃,三鮮餃,白菜冬菇餃,牛肉餃,同菜肉雲吞.想吃羊肉餃?對不起,沒有.單是餃子種類,只得五款.反而麵食這些"周邊利潤",選擇更多.來到北方小店,沒有理由還來吃碗粵式雲吞麵,牛腩麵.要吃的,當然是炸醬麵.其炸醬麵不及正宗的濃黑,但味道濃惹,炸醬質感豐厚.如果用上粗些少少的麵條就更好.巧興的麵條其實算做足本份,食落軟淋帶點煙齦,北方人吃麵條不同我們,要講求麵條彈牙的口感.麵食為副,餃子為主,好多時來吃餃,總愛要一碟煎三鮮餃.多心一點,來個雙拼.這夜是煎三鮮拼白菜餃.一向愛煎多過放湯,因為煎餃份外香口.而且北佬吃餃,係不放湯上的.三鮮餃吃了不下數十次,豬肉蝦肉等混合成餡料,味道鮮甜帶爽.而白菜餃就多一份香甜.如果想要霸道一點的香,不如來個韭菜餃.巧興的韭菜餃,又是做得很好.此店的另一樣秘密,就是要開到口才給你