Flaneur (已結業)

難得帶屋企人食西餐，因為佢地偏好食海鮮既關係，所以我都搵幾間食海鮮既比佢地選擇。最後黎到呢間出名海鮮拼盤既Flâneur共聚晚餐。呢間餐廳門面已經別具一格，出面睇入去，營造到好似開緊PARTY 既感覺，而且係呢區真係好難搵到咁開揚既餐廳，企係呢個角度睇係另一番風味。餐廳環境充滿異國風情，擺設特別又可以營造氣氛，客人亦可因應自己選擇室外或室內。以文字為主既中英餐牌，食物款式唔算多，不過亦有唔少招牌菜，呢間餐廳吸引到唔少外國客幫襯，所以酒精飲品選擇相對上多。蟹肉薯丸，一客有6粒，薯波外層炸至金黃色，食落去外脆內軟，裡面食到溶合左既薯仔同蟹肉，點上配置既蛋黃醬更加美味。烤海鮮拼盤，成個拼盤包括有帆立貝、生蠔、大頭蝦、炸軟殼蟹、烤鮮魚、海葡萄，拼盤黎到已經充滿香烤氣味，賣相豐富又吸睛，帆立貝同生蠔各有兩件，唔怕平唔勻。燒北海道帆立貝，帆立貝夠新鮮，食落香口又鮮甜泰國珍寶大頭蝦，餐廳已經將隻大頭蝦開邊，蝦膏鮮味濃郁。Mini burger，以長形木板墊住上菜，另外仲會配一份薯條，可以因應個人喜好加上車厘茄等等配料一齊食。一口食落去，充滿陣陣牛肉香味衝緊出黎，經過微烤既包皮令口感會有少少乾，咀嚼同

因為有一次喺官涌街搵位泊車，俾我發現有一間法國餐廳，有室外座位，環境唔錯Flaneur 位於官涌街，門囗可以泊車餐廳雖然細細間，而bar 枱座位設有室外及室內，感覺寬敞紐西蘭鑽石蜆（8 oz)有8 oz 及16 oz, 叫左個細，可以試多尐其他食物鑽石蜆大隻，肉質幼嫰，蜆味濃郁，用左啤酒煮，味道更加豐富，配菜洋蔥吸哂海洋及啤酒味道，好好食烤海鮮拼盤作為海鮮粉絲既我，不會錯過上枱時已經好香拼盤有原條燒魚、蒜泥蠔、香草帆立貝、炸軟穀蟹及燒虎蝦，十分豐富蒜泥燒蠔，蠔鮮甜美味，加左蒜泥，相當惹味軟穀蟹一尐都唔細隻，炸到卜卜脆，蟹膏鮮味虎蝦肉質雪白彈牙，有口感食完呢個海鮮拼盤，十分滿足

到了官涌，望落去似間Bistro Bar ,有半露天bar位，感覺好chill，啱晒同朋有飲杯酒傾吓計，食煙人士更賞心樂事。環境高級得來又冇拘束，好open 。先叫前菜，有Avacado chicken $28, 牛油果鋪面食非常滑，清香，再配烤雞肉串吉住； 另一道係Foie gras Platter$108, 賣相好靚，青蘋果切到薄片，襯托煎香鵝肝，好出色，令到味道冇咁溜，旁邊一樽係鵝肝醬搽在蒜蓉包食，香味無窮,個包夠軟熟。到重頭戲，烤海鮮拼盤 $248，一個大盤裝住,好震撼，menu 已寫上包含什麼材料，樣樣都愛吃，包括全條烤魚、焗蠔、帶子、珍寶蝦及軟殼蟹，左旁邊還有珍貴的沖繩特產海葡萄，咸咸地夠爽脆。烤蠔，蒜香味濃，蠔身肥美；烤帶子，肉質彈牙。燒珍寶大蝦係來自泰國大蝦，超多膏，實肉的，彈牙，又鮮甜，可配上旁邊的蒜蓉汁。另外成隻佛手既酥炸軟殼蟹，鬆脆夠腍，連彀食，蘸汁食。烤全條花魚來自日本的花魚，用一大支义燒，用了鹽燒烹調。魚肉味鮮，肉質唔會太散。 再叫個Half Ribs 烤美國豬背骨 $88 半份已好多，多juicy ，豬背骨厚肉，個燒汁好夾入味，煮得好淋，伴菜係超甜栗米到壓軸

最近朋友睇雜誌發現Flaneur依間餐廳，再上上網睇風評幾好，而且，二百零蚊就有一道有5款海產嘅海鮮拼盤，睇雜誌介紹仲唔喺用普通貨色，性價比非常高，所以，走訪一試。餐廳位處幽靜嘅官涌街，外貌有啲法式小館嘅影子，故此，都唔難搵。室內以黑白為主調，最特別喺窗口採全開放式，再加置少少盆栽，加添清新氣息。配合柔和嘅燈光，以及輕漫嘅音樂，使氣氛輕鬆。不過，溫馨提示，因為窗口外設吧位，又俾人食煙，故遇上有人食煙，坐晌較近門口位置嘅地方，會聞到輕徹煙味，亦因此，我哋都要求調到最入嘅餐枱避一避。餐廳好簡單，一面喺食物：前菜、意大利麵、主菜、燒烤、甜點，選項唔算多，屬貴精不貴多嘅格局。另一面就喺飲品：紅白餐酒、香檳、啤酒、烈酒、雞尾酒、汽水、果汁……等等，選擇算多。就算唔嚟食嘢，都好啱飲吓酒嘅朋友。此外，每日3:00pm-8:00pm更設有歡樂時光，啤酒配串燒，都只喺賣$48，定價吸引。就算以上優惠唔啱，有唔少飲品晌歡樂時光時段都有優惠價，所以，我哋都揀咗啲非酒精雞尾酒嚟飲。Green Summer Cooler $45（正價$55）外面天氣鬼咁熱，故揀杯涼透心嘅Green Summer Cooler降

要咗兩個頭盤慢煮辣酒海螺 $68好味！ 濃郁辣湯，少少辣但好濃海螺味，甜～ 忍唔住飲多幾啖湯/汁螺肉彈牙，夠入味！ 脆蟹肉薯丸 $68外面包住麵包糠炸到脆口，裡面係蟹肉+薯蓉點千島醬食，外脆內軟新奧爾良烤牛小排 $198必食！！ 近期食過頭幾位好味o既牛！ 外面烤到好香， 裡面牛肉好嫩。我地要咗 4 成熟，真係做到半熟效果！ 一咬落去勁多肉汁，牛味濃，上面有d香草牛油，食到停唔到口！ 一定要食呢個！烤海鮮拼盤 $248好大一盤 ，有蠔、帶子、蝦、魚、軟殼蟹。 蠔同帶子烤到半熟，好多汁，鮮甜。 軟殼蟹上面鋪咗d粉，乾身少少，要點醬食蝦大隻多膏條魚好好味，外面d皮烤到香脆，但裡面d肉好嫩好滑Ginger Ale $38食完香口嘢，飲杯 Ginger Ale， 舒服～

佐敦有型格調小店！這間佐敦型格小店有道蟹肉牛油果意大利飯是配上有滿滿的一樽蟹膏來食，每食一啖都能品嚐到蟹嘅肉和膏，完全能夠收服鍾意滿口蟹膏蟹肉嘅朋友。如果仲未滿足的話，仲有燒海鮮拼盤，有特別多膏的泰國珍寶大頭蝦、燒北海道室津蠔、燒北海道帆立貝，而當中嘅原條沖繩烤喜知次更不是到處有得吃！脆蟹肉薯丸($68)：薯波炸到金黃色，咬下外脆內軟，裡面食到軟棉棉的薯仔和蟹肉，配上蛋黃醬，味道更岀色牛油果睡蟹意大利飯($198)，牛油果意大利飯放於蟹殻內，飯已用蟹膏烹調，故已味道香濃，店主更特意在旁配上一樽滿滿的蟹膏，把蟹膏伴飯吃超讚！烤海鮮拼盤($248)：有五種海鮮燒北海道室津蠔(2隻)：蠔燒至半熟，咬下仍感到嫩滑燒北海道帆立貝(2隻)：帆立貝新鮮而且鮮甜泰國珍寶大頭蝦，拼盤內有一隻大頭蝦開邊，大頭蝦新鮮而且有大量蝦膏烤原條沖繩烤喜知次軟殼蟹：炸得好香脆啤酒烤雞伴燒粟米($128)：烤雞用上法國小春雞，再用啤酒煮，入口有滿滿的啤酒味燒慢煮特級牛肉眼($298/12Oz)：因為用慢煮烹調，牛扒特別鮮嫩多汁烤焦糖菠蘿($48)：菠蘿外層包住一層脆皮焦糖衣，食下去甜甜酸酸好開胃烤焗棉花糖香蕉朱古力批(

前幾日跑步消耗既卡路里，今日又番晒黎喇～脆蟹肉薯丸$68 一共有6粒蟹肉薯丸，粒粒飽滿，炸得香脆，口感豐富 我個人最中意食呢d脆口小食，餡料好足，點上中間既蛋黃醬就特別滋味法國鴨肝拼盤$108有鴨肝醬，煎鴨肝，同蒜蓉包。 自製鴨肝醬呈現米黃色，味道頗香的，加分加分～ 鴨肝油脂不是太濃，份量不是太大，不過都幾可口，配著底下的黑醋青蘋果片可以解下膩。 蒜蓉包有4片，軟身得黎好軟熟，而且幾香蒜蓉香烤海鮮拼盤$248 我本身對呢個海鮮拼盤冇咩興趣，但朋友話想食，就陪下佢啦～海鮮拼盤有燒帶子x2、燒生蠔x2、燒大頭蝦、炸軟殼蟹、烤鮮魚、海葡萄 好耐冇食過海葡萄，對上一次好似係沖繩食。海葡萄既質感好特別，而且幾重海水味 燒帶子大大隻，肉質彈牙，不錯呢 大頭蝦都算爽口，而軟殼蟹幾特別，炸粉唔係平時日式食開個隻蒜香鯷魚烤原條茄子$68呢個好惹味，色彩繽紛，茄子整得岩岩好，唔會太軟身，值得叫呀！Honey Moon ($45) 、 Relax($45) Honey Moon用左橙汁、蘋果汁同青檸汁，所以比較清新。Relax就係芒果加椰奶，味道同芒果奶昔差唔多。 裝修幾特別，有個開窗既小設計

今晚約左老公係柯士甸站等, 跟住一齊行去佐敦搵野食我地行到官涌街街市附近, 留意到間餐廳裝修得幾靚, 仲有d人坐係bar 枱到飲酒, 張bar枱設計得好好, 利用牆邊當作bar枱我起初仲以為呢到係飲酒only, 見到menu就八掛下, 原來有得食西式野, 款式都幾多, 而且價錢又唔貴喎老公話反正去佐敦寶靈街食黎食去都係個d, 就不如入去試下環境好舒服, 裝修亦好fancy, 就算開打大隻窗, 都仲覺得好涼爽老公已經睇啱左食咩，話要食BBQ baby pork ribs 半份要多個小食紐西蘭鑽石蜆，同埋烤海鮮拼盤我揀左杯mocktail strawberry paradise解渴杯mocktail好快黎左, 由幾種果汁混合出來, 賣相好靚, 有d 士多啤梨肉好似花瓣咁飄浮, 味道清爽, 又唔會好甜紐西蘭鑽石蜆,可以揀煮法, 我地揀左cajun butter, 因為未試過呢隻味先揀鑽石蜆黎到之後, 每隻都有隻匙咁大, 蜆肉都幾鮮甜, 食落都無沙個汁Cajun butter 幾濃味, 不過食哂D 蜆後, 覺得浪費左個汁, 如果配埋麵包點黎食都唔錯老公至愛既Ribs, 賣相好好, 輕輕一切已

中意搵好野食既我邊度有新野開就中意去食下，咁先跟得上飲食潮流既尖端 約左7:30 dinner 準時黎到唔洗等：）間餐廳環境好靚呀，室外既自然風吹入黎幾舒服，坐喺果度飲野一流呀！menu 上都有好多選擇，我地2個人叫左一個salad 同2個main course。點左杯rose lady mocktail，紅色同玫瑰花晒女仔呀，紅莓汁同菠蘿汁加入荔玫瑰同荔枝syrup 酸酸甜甜好醒胃。哩個salad 有西瓜 青蕃茄 煙三文魚好清新，混入胡麻醬食既沙律係我既favourite!哇！哩碟海鮮併盤好大碟呀。烤蠔、扇貝、海蝦同軟殼蟹都係好鮮甜，中意食海鮮既我大讚呀！近鏡睇下個烤蠔，生蠔肥美都大隻，連埋海水一齊食正呀。哩碟烤美國豬背骨好好味呀！個醬汁微辣香濃，豬背骨既肉好嫩，哩份係full size 二個人食就岩喇！第一次黎覺得哩間新開餐廳裝修靚，食物質素都高，下次會再黎食！