星廚 (已結業)

自己雖然收入不高，但自少都有儲蓄習慣，加上本身愛吃卻不愛shopping，所以慳慳埋埋都用來吃，用在吃的花費上有時比收入高過我的人可能還要多。不過總有些朋友是長期糧尾，她們不一定是收入低，也可能是搵得黎洗得去，錢都花在換手機買化妝和衣服首飾上，很多時她們寧願食平D都要把錢省下來購物。當然錢用在何處最值得每人看法不同，亦沒有是非對錯，只要不是欠錢就可以了。但要約這些朋友食飯而又能滿足我的脾胃，我就會想到星廚。＊＊＊＊＊＊＊＊＊＊＊＊＊＊星廚已經是我第二次光顧，它是一間港式西餐，格局有點似X鳳，裝潢都是以簡單整潔為主，但食物卻不只局限於鋸扒，而質素不單比後者好得多，亦比不少人均消費較高的西餐廳還要好。星廚有前菜、飯、麵、主菜、甜品和飲品提供，大部份主菜和飯麵都有跟湯和熱飲，主菜更加跟飯/麵，價錢由$65至$168不等。烤焗咸豬手配酸椰菜($118)素聞星廚出名咸豬手，上次食午餐沒有試到，今次就跟朋友試試。豬手本身不包餐湯、飯/麵和熱飲，但可另加$15加配。因為知道豬手份量非常多，而單點一杯飲料也要十多元，所以我們二人就點一份豬手另加$15轉餐，再多點一杯飲料share。是日餐湯是南瓜湯，南

平時我淨係係instagram 寫食評 但今次真係食到一肚火頂唔順 先上黎寫朋友話食飯 旺角有d食到厭 去下太子先咁就見咁多笑笑既星廚 心諗實無死啦點知惡夢開始。。。當晚menu得4頁 （小食 精選 主菜 甜品）其實得豬手吸引我 好難揀之下揀左以下香草蒜茸包$25原來跟餐會有一塊蒜茸包 所以我禮貌地問侍應我可唔可以取消我額外叫果碟佢話唔得喎 整左啦喎 咁都無咩所謂 咪照黎由於跟餐果兩塊(細碟)黎先 之後額外叫既蒜茸包(大碟)黎到個侍應無問過我 就拎起我隻匙好似掃垃圾咁將細果碟蒜茸包掃落大果碟蒜茸包當堂打左個突 茶餐廳d呀叔都唔會咁啦下話？之後其他食物黎 個侍應勁惡話 你地食左個包先 即刻嚇左跳 d包黎左都無五分鐘 我未食完好似係我錯咁大佬我都知張枱大細有限 但你都可以好聲好氣d既個餐湯(無影)係黃色一pat野 成pat蓉咁 食唔出係咩味 飲左一啖無飲紫菜芝麻雞中翼＄28得面頭d 紫菜同芝麻係有味之外隻雞翼係無味既係無醃過既 配埋個酸辣醬仲怪豬助骨$30第一次食炸既豬助骨都係無咩味既 點解都係無醃既？好似食緊堆炸粉咁烤焗咸豬手配酸椰菜$118 +$15 配餐湯 意粉 熱飲無其他人講到咁神

聞說太子間「星廚」有超大脆卜卜咸豬手，食完果然覺得好抵食飽肚，仲要好好食。Lunch黎食都幾正，同友人share平價中午餐，再叫豬手set，因為一隻堅大隻，所以一定夠飽。先飲南瓜湯，幾杰身都夠味同滑，但有點粉粉地，味道尚可。大蝦黑松露醬意粉 $48，有餐湯、熱飲及雪糕。份量剛好，不算好大碟，但就有成5隻大蝦，好豪爽丫。好香黑松露味飄出黎，用的松露醬份量幾多。大蝦除了好似手指甘粗甘大隻之外，仲超爽彈。意粉也煮得有咬口帶彈性，值得一讚廚師即叫即做保持意粉質感。不算太油膩食完剛剛好。烤焗咸豬手配酸椰菜 $118，套餐加$15，有餐湯、意粉或飯、熱飲。都好抵好豐富，但由於製作需時，要等多陣，但係食完就知係值得等架。原隻豬手上枱好有氣勢，一路切開一路出煙，夠哂熱辣辣，兩個人食超飽肚，份量頗大。有甜甜酸酸的醋、芥末及燒汁，還有蘋果絲的醃酸椰菜。豬皮烤焗得脆卜卜，一切已經聽到聲，好誘人丫，而且豬皮連肉食，好味過中式燒味既燒豬好多，皮夠薄又脆，好味又易食。豬手醃得好入味，夠咸香又有黑椒微辣辛香。好易切開，肉質一絲絲，札實得來有彈性的肉感，帶著軟滑濃味的軟筋，豬脂不膩又彈牙，入口溶化好正，好有骨膠原感，

是晚朋友相約在太子晚飯+甜品！無來一段時間荔枝角道已轉變不少之餘還增添很多新餐廳。朋友帶我來此晚飯，細問之下原來她想一嚐店內的豬手！看看門外的黑板，選擇也不少！有大路的牛扒豬扒及油鴨脾比目魚，價錢亦經濟實惠。先來一客四隻雞翼！無法子，我實在太喜歡吃雞翼！雞翼炸得香脆，肉質嫩滑不黏～烤焗咸豬手配酸椰菜 - 豬手大得誇張！外皮烤得香脆無比，食落不太韌而且充滿微微咸香。肉質嫩滑，噴出陣陣熱煙，熱辣辣食十分美味！旁邊的酸椰菜爽口，可以減輕食豬手的油滯感！再點上芥末醬等等的三款醬汁，提昇滋味無難度。咸豬手十分容易切，三兩下手勢已經切得乾淨俐落！焦糖燉蛋 - 蛋味尚算濃，充滿微微蛋香！不過面層燒得不太理想。意大利奶凍 - 味道反而有驚喜！食落濃郁而QQ滑溜，細問下原來100%用忌廉，完全毫無奶的成份！嫌味道寡的話可以點上旁邊的莓醬提升口感。

從長沙灣搬到太子，星廚換上新的裝潢，少了舊式茶餐廳的風味，卻整齊，企理，乾淨得多。牆上多了簡單的佈置，樓底很高，座位數目增加了，同時又坐得寬闊。看著午市的手寫餐牌，同樣是那一手好字。菜式大致相同。午餐造訪，當然是吃超抵食的大碟午餐。揭了散叫餐牌後的表妹，卻要吃它招牌的豬手。一年沒見後的第一頓飯，當是洗塵，就由她好了。豬手加＄１５跟餐，有餐湯和餐飲。是日餐湯是蘑菇湯。還好吧，清清的菌味，沒有味精，也不會太濃太稠，內有蘑菇碎增加口感。烤焗咸豬手配酸椰菜巨型豬手，以木盤子上捧上枱。焗成啡色的皮，看上去既乾又脆。看著表妹把它切開，一邊聽著傳來清脆的咔嚓聲，可以想像到皮的脆。脆而不硬，熱呼呼的，切開冒煙，散發陣陣肉香。皮香脆可口，肉則軟嫩，連著見到白色一層的皮下脂肪，入口黏黏的，特別香口。把油脂完完全全焗出來，心裡覺得邪惡，但吃在口裡確實毫不油膩，一滴油都沒有。肉味鮮而不羶，加上醬汁怪怪的，不加調味更美味。 當然大大隻豬手並不是完全嫩滑，加上慢慢放涼，有少少位有點兒乾，在所難免，但全部肉都不嚡不韌。酸椰菜不是常見的sauerkraut，而是自家醃製的椰菜。不會太酸，還加了蘋果片一起醃，幾爽口。跟

星廚是我Bookmark良久的小餐廳，本來位於長沙灣，某天打算去試試那放在wishlist一段日子的豬手，怎知餐廳卻突然在開飯apps內消失了。今個月在找太子晚餐的地方，卻看到它重投新餐廳之列，既驚喜又振奮，於是晚上上課前與媽來這裡早點吃晚飯。舊店還沒有去過，這裡的格局其實像港式茶記差不多，裝潢還很新，應該是剛開不久。看到餐牌上精選的咸豬手，已經不作他選，一心打算試的就落單吧。店員說小食份量不太大，難得跟媽吃飯，吃豐富一點吧。蘑菇湯，不是茶記那個例牌又水又淡的忌廉湯，這個是用鮮菇打爛成蓉再煮，吃得出細細的菇蓉，不會咸。薯蓉焗田螺，田螺都去殻放在面頭很有趣，薯蓉挺滑溜，歡士味奶味都出，不過略微有點乾身。一口牛脷，本以為只是過口癮的小吃，誰不知店員的口應該比我大得多吧，這一口對我來說足以填滿我整個口！牛脷很軟腍，可以媲美牛腩，而且牛味重，很好吃。主菜賣相一點也不兒戲，豬手有木盤奉桌。用木盤奉桌的大大份咸豬手，用烤焗的手法保持到未食過咁幼嫰的肉質，豬手皮脆卡卡，但中間油脂層卻軟綿綿，不乾身的肉質很容易把豬手拆肉起骨。自家製酸椰菜有點中式路線，但酸得來醒神開胃，配上燒汁芥末和甜黑醋，其實兩個人