興記菜館

营业中

休息中

一到冬天就要去廟街食煲仔飯，興記由細食到大，食足三十年從來未失望過!兩個人點一煲飯，一個湯加一個細蠔餅剛剛好。章魚雞粒煲仔飯超好味，鹹蛋芥菜肉片湯冇得輸，廟街蠔餅係世界級好吃

有時候好想食吓麻甩嘅海鮮難得有人肯同我一齊去廟街食海鮮 我哋就揀咗興記 當晚十分滿座 等左10分鐘不到就有得坐 但就要搭枱我哋兩個人就叫左一個煲仔飯再加三個小菜1. 豉汁炒蜆 ($65)份量都OK 豉汁好入味 好少話有殻冇肉都冇乜沙 對於好鍾意食炒蜆嘅我 味道OK2. 煎蠔餅 ($40)我哋叫咗細size嘅煎蠔餅 細份兩個人食都啱啱好 有好多蠔肉 熱辣辣 加上胡椒粉真係好好味3. 椒鹽白飯魚 ($65)我哋都好鍾意食椒鹽白飯魚 份量好大碟 炸粉唔會太厚 可惜店舖冇淮鹽供應4. 章魚肉粒煲仔飯 ($51)建議大家叫煲仔飯要盡早叫 可能因為當晚煲仔飯的order太多 等了差不多45分鐘才有得吃 但煲仔飯本身的味道幾好 很多章魚粒 食煲仔飯當然要食埋飯焦 但興記座位之間相隔太迫有很多親密的身體接觸 所以有人肯陪你食馬甩餐先好去除咗等候煲仔飯的時間太久之外 整體嘅感覺都算良好平均每人消費$100左右

琴晚帶左我廣州朋友去廟街食煲仔飯，因為佢想食香港特色既野食，天氣咁凍食煲仔飯就岩哂啦！可能天氣凍既關係，個個都走去食煲仔飯??去到時，大排長龍。不過好彩，等左大約10分鐘就有位。其實，我都成年無黎食煲仔飯啦！我地分別叫左2個煲仔飯，上湯浸娃娃菜，煎蠔飯，炸椒鹽鮮魷。牛肉排骨煲仔飯&章肉雞粒飯 : 香噴噴既煲仔飯，食完之後即刻暖胃，食到個底仲有飯焦添，小小咸，卜卜脆😂煎蠔餅 : 煎蠔餅無炸咁脆口，但都好有蛋香味!炸椒鹽鮮魷 : 香脆可口

熊妹呢排返工返得好密，又要返學，時間表好緊拙，無咩時間見熊大，所以熊大就提議今晚等埋熊妹放完學後去廟街食宵夜煲仔飯。呢排天氣凍到熊妹震哂，真係好適合食熱辣辣的煲仔飯。 今次廟街煲仔飯係熊大的主場，話說以前熊大成日同啲豬朋狗友們黎食喎，所以由熊大黎發板喇。 唸都唔唸，就叫左個腊腸滑雞飯，其實都岩熊妹口味，哈。真係即叫即煲，黎到熱辣辣，局左一陣，熊妹急住影相，熊大叮囑熊妹小心揭蓋，唔好燙傷。熊大好鐘意食腊腸，鐘意個啲肥豬油同腊腸的甜味混合，真係唔肥唔食，熊妹其實細細個時都鐘意的，但之後怕肥都唔敢食，所以益哂熊大喇。滑雞肉欣好嫩唔鞋，都有好幾舊，配煲仔飯係一流。熊妹鐘意勁多豉油，連埋啲飯焦真係脆卜卜好惹味架，一向好抗拒飯的熊飯都食完一羹又一羹，哈哈哈哈，飯桶就唔洗多講喇，清哂。然後，熊大都鐘情蠔餅，見佢大大個招牌poster寫住必食推介，應該都係呢度的招牌菜，所以叫左個細的，蠔仔兩人夠食喇。本身熊妹唔好蠔仔的，但熊大極力游說下試下喇，見係佢主場俾面下佢，蠔仔份量都幾多下，幾乎成個蠔餅每個位置都有分怖，一啲都唔腥，加埋啲煎蛋，唔錯，不過食蠔餅都預左係油啲喇。呢度其實唔至得煲仔飯，仲有好多精美小

好耐冇食過煲仔飯，近排凍番，就同屋企人去廟街食，取下暖。見四季排長龍，所以轉戰興記，貪佢舖位大，可以快d有位坐，果不其然，15分鐘左右就有得坐裏面有個姨姨好好人，好快就同我地落好單。蒜茸蒸聖子 ($75)朋友話呢個好食，所以一坐低就order左。好香既蒜茸味，見到上面既蒜份量都好多，但係作為一個粉絲FANS 就略厭唔夠喉。聖子量都多，但就細隻d，而且有d腥，可能我地唔好彩？脆皮炸大腸 （$75)口感同味道一般，唔係特別脆，但係個甜辣醬幾正，加分！椒鹽九肚魚 ($65)九肚魚不太新鮮，而且份量細，但脆漿不會太厚。有一個黑醋，幾開胃，本人就食唔到，但姐姐就話有少少苦味。金銀蛋莧菜 ($60)金銀蛋 ＝ 雞蛋 ＋ 咸蛋比例剛好，可以每匙都吃得到兩種蛋，莧菜很新鮮，很甜，湯汁也可以喝，不會很咸。蝦醬炒通菜 (忘記價錢了：( )如果是喜歡蝦醬的朋友，一定要點。蝦醬味很出很香，每吃一口，整個口腔都食蝦鮮味連我爸爸那皇帝口都大讚。煎蠔餅 (大：$80  細：$40 )我地叫左大份既。 蠔餅足份，岩岩好阿八個人食。而且入而既蠔粒都幾大下，唔會腥，幾鮮。記住 一定要加佢地既辣醬一齊食。椒鹽茄子 其實本身

天氣少少涼，又是食煲仔飯的時候😋走入去廟街，有好多店都有煲仔飯食，不知如何地選擇下，我們走入了擁有6間分店的興記。來得廟街食飯，就預了不會有高級的裝修，估不到的是菜式是包括三種語言，中文、英文、日文。👍滿為遊客著想相隔一段日子沒來，價格又上漲了。。。今晚點了鱲腸排骨煲仔飯（$44）、椒鹽鮮魷（$60）、椒絲腐乳通菜（$32），煎蠔餅（$40/細）先上菜的是煲仔飯，飯偏濕，排骨同臘腸（半條）都是一般水準。蠔餅熱騰騰脆身，蠔仔尚算飽滿，不是很細粒的那種，蠔的大小尚可接受。份量有兩小塊，剛好兩人的份量。腐乳通菜則保持水準，夠炒氣。反而椒鹽鮮魷只屬一般質素，有點失望。整體來說，味道尚可。

最近天氣比較冷, 所以和友人去了食煲仔飯和蠔餅到達的時候有點晚, 已經排隊排了長龍, 在等候期間, 可以看看餐牌單等了半小時左右就可以入座了我們在排隊期間已經下了單煎蠔餅: 蠔餅炸粉不多但也很脆, 蠔仔也很多, 每口都有蠔仔, 而且加了蔥所以很香, 吃的時候還很熱腐乳通菜: 菜尚算新鮮, 很爽, 但腐乳的味道很淡臘腸滑雞煲仔飯: 份量不算多, 而且只有一條臘腸. 煲仔飯配合埋適量的醬油變得很香，雞的肉質很滑, 整體來說是不過不失章魚肉粒煲仔飯: 打開蓋, 香氣很強, 立即很有食慾, 飯很香可能因為章魚的關係, 然後肉粒不會很實, 很喜歡這個煲仔飯

去完日營之後，有同學介紹呢度既煲仔飯幾好食。我當然唔會錯過啦，本來想去四季，不過等既人實在太多。所以就過左黎興記。其實，除左煲仔飯。仲有好多野食，都係排哂長龍。得閒可以過黎試下。煎蠔餅由於我地既胃納量都唔錯，所以就叫左個大蠔餅。其實，都幾好食既。我覺得蠔好食過蛋，蠔既份量都算幾多。而且都幾好味，唔錯既。不過個蛋就差啦，唔夠蛋香。但整體上都ok既。窩蛋牛肉飯生蛋仲要加兩蚊，就咁睇好似幾好食。但我覺得好食，牛肉真係幾好食，又唔會太韌。都算幾鬆化可口，而個飯就一般啦。雖然可以做到一粒粒晶瑩通透既效果，但呢度已經令我扣左唔少既分數。好彩，都仲有我期待左成日既飯焦。真係好正呀，食煲仔飯最滋味既始終都係飯焦。無飯焦就等於無食過煲仔飯一樣。見係有飯焦，先至俾OK。其實間野真係幾多人，等蠔餅預3個字到。煲仔飯就大約半個鐘，有時間既，真係好想見識四季既威力。

天氣凍o左, 自自然然就諗起煲仔飯~由旺角行過來只不過係10分鐘左右~點了個臘味煲仔飯+煎蠔餅+海鮮瓜粒湯~臘味煲仔飯: 煲仔比出面的煲仔飯細小, 臘味都麻麻地.......唔係好多飯焦....煎蠔餅: 煎得幾好, 不會太黑~蠔就少了一點吧海鮮瓜粒湯: 食完油膩+煎炸食物, 都係飲返碗清清地的瓜粒湯~正~

1. 臘腸滑雞煲仔飯 - 不算太熱，雞都算滑，一般2. 煎蠔餅 - 好大塊，不過都好油，普通3. 炒蜆 - 完全唔係熱，食落去無大排檔個種炒的風味...差4. 涼瓜炒牛肉 - 都係唔係熱...味其實都算可以，但唔熱就一定會覺得唔夠好食另外叫了一支啤酒