合和荳品

营业中

休息中

以前成日喺呢頭返學📚上堂之前都會食少少嘢喺銅鑼灣想食啲平平哋又快嘅嘢食呢間豆品店係我其中一間飯堂感覺健康啲，冇食快餐店咁熱氣今日有嘢做再嚟翻銅鑼灣食個簡單晏晝，就嚟返呢個飯堂啦嗌咗必叫嘅煎釀豆腐望吓Menu見到有香港比較少見嘅鹹豆花就決定試試，睇吓味道如何⬇️煎釀豆腐豆腐即叫即煎，上碟嘅時候熱辣辣印象中以前嘅釀魚肉冇乜蔥過咗幾年再嚟食啲魚肉多咗層次豆腐都算豆味幾濃四舊豆腐都好厚身，CP值幾高👍🏻⬇️鹹豆花其實第一次食鹹豆花係喺台灣以前一路覺得豆花係甜嘅，鹹嘅好奇怪但喺台灣試過之後就改變左我嘅諗法原來鹹豆花都幾好味通常鹹豆花入邊會加咗油炸鬼，榨菜同蝦皮我呢度嘅鹹豆花冇油炸鬼，變咗豆卜所以有少少失望嘅不過你都可以見到佢啲料好多榨菜同蝦皮嘅份量都好足面頭仲有好多塊腐皮添可能食慣有油炸鬼嘅我就覺得佢呢個配搭失色咗少少其實小店仲有整好多款豆花豆漿以前有食過佢哋嘅豆花，飲過佢哋嘅豆漿質素都唔錯㗎而且佢哋仲整咗好多唔同嘅小食有抄手餃子腸粉燒賣粉果等等最近鋪頭仲賣埋糭，春卷全部啲手作嘢都係老闆自己包嘅佢哋真係好用心製作難怪佢哋可以捱得過個疫情仍然喺銅鑼灣呢個高租金嘅地帶屹立希望佢哋繼續長做長有等我呢啲平民

喺銅鑼灣鬧市既然有咁抵食嘅輕食，十分難得，不過今日又唔係好肚餓，只係點咗煎釀豆腐，$18有4件，真係幾抵，雖然嗰片鯪魚肉真係幾薄，不過豆腐好有豆味，所以都ok啦。鋪面好乾淨，服務員態度仲好好，下次好想再去試佢哋嘅招牌豆花豆漿。

今晚做完facial想食少少野當晚餐，揾到呢間小店試下。 呢度主打豆花豆漿，即係豆漿上面有一層既豆腐花，一次過滿足晒我2個願望，必試☺️ 食物方面都係香港小食為主，仲有幾款麵🍜飯🍚首先叫左<煎釀豆腐>個豆腐好似家常煎豆腐既味道，落左少少鹽去煎已經好食，一d都唔會燶。個面係鯪魚肉，不過係一片超薄既😯$18 ok啦跟住叫左<麻辣抄手>抄手既肉係mini size(喺成都食過好似係大粒d?🤔)，所以有10幾粒，個皮好滑好滑👍🏻個湯都幾辣🌶🌶🌶，但再麻d就會更好。跟餐緊係要<豆花豆漿>😆 可以簡一樣配料，例如紅豆、綠豆、紫米、珍珠等等我簡左珍珠🍚個豆花好滑，亦都有豆味，唔會太甜👍🏻👍🏻👍🏻個珍珠就正常，同平時珍珠奶茶果d差唔多我覺得豆花豆漿係必試，夜晚唔想食太飽呢間小店都係唔錯既選擇😁 話晒荳品都係健康既食物

星期六放假唔似平日返工咁趕住食晏，所以今日揀咗間住銅鑼灣嘅朋友推介的小店 “合和荳品”。中午時分都有唔少人客幫襯，差不多坐滿晒。牆上介紹已經好多，樣樣都想試下。仲有特惠套餐，仲有6款配搭咁多睇埋個餐牌，真係不得了估唔到豆製品都可以咁多元化，製作出咁多特色飲品同食品由於第一次黎到，就叫住三樣食物。1. 宏哥牛筋腩腸粉($68)連細豆漿，腸粉夠滑，牛腩亦入味。2. 煎釀豆腐($18) 4件，豆腐煎得香脆好味，而魚肉份量亦多，抵食推介3. 秶飯連豆漿($30)，材料豐富，而內裡油炸鬼亦脆，值得一讚

之前逛銅鑼灣時經過這家店，對它的豆花豆漿很有興趣所以有時間便找了一天過來吃吃看 不過可能位置有點偏？就是在比較窄的橫街內～雖然有客人，但不算太多而且大部份的客人不是堂食，而是買豆花豆漿的外賣！沒想到除了有飲得的豆花豆漿和一些小食外，還有一碗碗的特色豆花亦有飯麵之類～全日供應的特惠套餐看起來也很吸引！不過既然來到荳品店，首選要點的當然是 - 煎釀豆腐 ($18)上桌時仍然透著熱氣，最好吃的就是配甜醬一起吃但如果不沾醬來吃亦不錯，有很濃郁的豆味！特惠套餐 - 麻辣炒手 + 紫米豆花豆漿 ($58)好紅的一碗！第一口的感覺是很辣，之後慢慢便有刺刺的麻感～吃完很醒胃喔我們這杯紫米豆花豆漿因為店員上錯了～所以不止有紫米，還加了椰汁這樣的話反而好像有點甜。紫米再加上豆花、豆漿的口感很豐富瑞士雞翼蛋麵 ($40) - 很久沒吃過瑞士雞翼了~所以見到就點這個囉！雞翼很入味，而且汁還頗多的～足夠將整個公仔麵撈勻

香港地寸金尺土， 遊客區銅鑼灣、尖沙咀等地鋪租高得趕盡小店， 不過，最近小編去跑馬地馬場跑步之前， 發現左呢間隱世嘅豆品店—「合和荳品 」， 主打自家製豆漿、豆腐花、豆品小食， 店家小本經營，食物有質素， 價錢好貼地，性價比非常高！ 豆腐花（原味）（$12） 天氣熱清清地食碗豆腐花就最適合不過！😏 自家製手磨豆腐花， 豆味香濃，口感滑溜， 加上店員「片」豆花的手勢好， 每片夠薄，放入口一下剛好就滑進喉嚨， 而且最平$12就有交易， 在銅鑼灣區來說超抵食！👏🏻 魚蛋燒賣（小）（$20） 魚肉燒賣和魚蛋口感和味道不錯。 煎釀豆腐（$16） 自家製的軟豆腐， 釀入了手打鯪魚肉， 輕輕煎至外層金黃微脆， 豆腐豆香十足， 唯鯪魚肉略嫌太少，如果可以多d魚肉，口感就更好！☺️ 豆品店除了豆腐花外，當然少不了豆漿啦！ 除了原味凍熱豆漿（$8）外， 還有不少配搭如芝麻、紅豆、紫米豆漿等。 薑汁豆漿（$13） 本來小編對薑味沒有太大好感， 不過最近有d感冒，所以想飲薑汁豆漿以驅寒保暖， 薑味十足，又不會太辣，好味道！😋 可能係最足料最好味嘅薑汁豆漿！☺️

星期二下午時段，我和朋友兩人行完利舞台後，原本想行去鵝頸橋附近食豆腐花，點知原來沿途霎東街都有間荳品店，舖名就同我哋食開嘅兩間唔同，不過收費就差唔多，於是我哋就決定入去試下好唔好食，反正店舖內裝修仍算新淨，又唔需要等位，食客又唔算多，睇完餐牌就叫咗一碗熱原味豆腐花$12、一碗凍嘅紅豆豆花$20、一碟豉油皇炒麵$18及一碟煎釀豆腐$16，其中3樣都係平時我哋去開另外兩間荳品店時必定會叫嘅3味。結果係豆腐花夠大碗，不過唔算好滑，但都好食，而豉油皇炒麵嘅份量就略為少咗啲，無芽菜及豆卜，食落只有好重嘅豉油皇味，麵嘅質感都算可以，至於煎豆腐，煎得唔錯，相信只係兩邊煎咗一陣，口感唔會覺得油膩，啱哂怕熱氣嘅我。總結：都算唔錯，價錢合理，不過暫無特別嘅驚喜，唔會好想食完再想去食嘅感覺，不過如果經過都可以再食。

最近食得比較油膩，想食得清淡少少。我同朋友係銅鑼灣行完街去左合和荳品度食以豆品為主既食物。店舖裝修簡約，但坐無虛席，一入到去就見到廚師製作食品。我地睇完menu之後就叫左煎釀豆腐 (HKD 16)，腸粉魚蛋燒賣拼盤 (HKD 33)，豉油皇炒麵 (HKD 18)。而飲品就叫左薑汁豆花豆漿 (HKD 23)同埋桂圓紅棗豆花豆漿 (HKD 23)。先黎既係煎豆腐，有4件，賣相唔錯，煎得好香口，食落去外脆內軟，而魚肉味道唔錯。跟住黎既就係個拼盤，分量都幾大，燒賣同魚蛋各3粒，口感幾彈牙爽口，而腸粉就非常嫩滑。至於個炒麵，分量都算大，炒得爽身，味道唔錯。至於個豆花豆漿就係呢間食店既特色食品，內有嫩滑既豆腐花配有豆味飄香既豆漿。薑汁豆花豆漿真係非常夠薑，夠哂'辣'。而桂圓紅棗個杯就非常足料。

鄰近利舞台同時代廣場，但因為轉咗角，並唔多人行入晏東街呢條小食街。而我哋都係喺搵梗糖水舖做下場嗰陣誤打誤撞途經呢間「新派」荳品店。據老闆娘所講，由浸黃豆到做起豆腐都係喺呢間細細嘅鋪頭自家完成。有別於老字號，呢度menu以豆花、豆漿款式最多，同台式飲品店比亦唔輸蝕。成餐入面最滿意就係呢碗薑汁紫米豆花，mix咗兩款配料都只係$25，喺銅鑼灣恐怕只此一家。食豆腐花一定要食熱嘅！凍豆腐花雖然可以解暑，但豆腐一定會因為被雪櫃抽走水份同遇冷收縮而變鞋。薑汁豆花可不可求，呢度嘅薑汁唔係現成糖水，而且夠晒辣啱晒我胃口，薑汁配滑溜豆腐花🤤正！估唔到糖水唔係呢度嘅專業都可以做得咁好。紫米露煲得軟糯且唔稀，落足料炮製。撈勻食每啖豆花更有咬口。幾大碗，食完都飽飽地。煎釀自家出品豆腐煎得金黃香口。豆腐比較彈牙實淨，豆味冇豆花咁香，魚肉比較薄。不過因為不經調味，淡口咗啲，落啲甜醬就更好。最後嚟杯解渴豆漿。杏仁味嚟自杏霜，但凍飲杏霜溶得比較慢，飲到底先發現好足杏霜。珍珠黏韌甜糯，唔錯。總括嚟講豆腐花最抵食，係銅鑼灣下場一個唔錯嘅選擇。

估唔到朱古力同豆漿嘅味道咁夾唔係好甜但係有種淡淡嘅朱古力味 飲完好想再飲 佢本身係完全勘到滿 去到杯緣邊 但係太好味我忍唔住飲咗好多先影相😂😂超級推薦！煎釀豆腐豆味濃 微脆 微煎香 可以挑剔嘅係魚肉好扁好少但係整體好好味 佢有四隻醬比你自己落我記得有豆瓣醬 我就就咁落咗豉油算好香好好味 啲嘢都幾抵食 全部大約10靚蚊有環境都算幾乾淨同埋裝修幾好有兩個員工 一男一女 兩個服務態度都超好食得舒服 會再去幫襯時候我買咗個熱芝麻豆腐花比阿媽做外賣佢個豆花唔係嗰種好實滴滴嘅 都幾好味

早前係銅鑼灣上完堂後, 便到附近覓食, 見到一間新開食店, 叫合和荳品便試下. 飲品點了熱的豆花豆漿. 客人可以因應自己的喜愛加入配料, 我選了珍珠和胚牙. 店員先奉上飲品. 這款豆花豆漿口感幾特別, 因為除了豆漿外, 當中仲混入了豆腐花, 所以多了一份口感. 而珍珠幾煙韌, 帶少少甜味. 另外, 我點了兩款小食, 分別係煎釀豆腐和滷水豆卜. 煎釀豆腐. 豆腐夠滑身, 味道偏向淡味. 唯獨魚肉太少. 滷水豆卜. 這個味道完全相反, 由於係滷水, 所以入晒味, 豆卜吸收晒味道. 我最鍾意還是那杯豆花豆漿, 一次過可以滿足晒兩個願望.

新年吃得太多，餐餐大魚大肉，每日都飽到上心口，開始有點吃不消。最後選了這間新開的荳品店，想吃得清一點，少一點。一入店內，店員便極力推介豆花，多番強調豆花是自家製，絕對不能錯過。豆花有各種不同配料，紅豆綠豆、芝麻、涼粉、椰汁等等，拼出十幾二十款選擇。薑汁紫米豆花看見黃色，以為是黃糖，心想怎麼黃糖不是自己下，這麼多糖一定很甜。怎料，那是薑汁。店員說薑汁是用挑選過的靚薑做的，果然夠辣，卻辣得柔和，很順喉，又有暖胃之效，甜度適中。豆花也沒有介紹錯，滑得從匙羹跣入口，很軟身，完全不用咀嚼，黃豆味香，十分好吃。紫米為整碗豆花添上煙韌的口感，也讓我慢下來，慢慢享受，不然滑溜溜的豆花會極速吃光。杏仁豆花還以為是杏仁茶般，然後裡面有豆花。原來，始終豆花是主角，杏仁被打成蓉放在上面。明顯是自家製的杏仁蓉，口感濃稠，有少少粉，杏仁味清香，只帶少甜。芝麻豆漿底部有厚厚的芝麻蓉，要先拌勻。因為攪拌完芝麻很快就沉底，頭半杯覺得芝麻味不夠出，只有豆漿味，少少甜，黃豆味不及豆花濃。後半杯開始飲到幾濃的芝麻味，濃得似高質素的芝麻糊。豆花豆漿 加胚芽配料每款加＄5，其實就是餐牌上配豆花的配料。跟普通飲品一樣啜，滑嘟嘟的豆

相信好多喺香港長大嘅人，從少就會接觸到荳品。冬天時，細細個就已經喺7-11叫爸爸媽媽買熱維他奶飲；夏天時，又會叫家人同自己去食凍冰冰嘅豆腐花。家常小菜總離唔開荳品。每次去唔同嘅荳品店，都有唔同嘅感受。有啲老店，會令我有種懷舊感，不時會去懷緬一下以前同婆婆一齊買完餸，好開心咁食豆花嘅開心時光。今次，去嘅係一間新店。但，原來新店亦別有一番風味。小店位於銅鑼灣嘅鬧市，正正就係Times Square嘅斜對面。行完街想去搵車搭返屋企嘅時候就經過見到佢，即刻同大少入去嘆下豆花先。今時今日，想喺鬧市站得住腳一啲都唔易，要保持品質之餘都要創新，呢度就令我覺得兩者兼備喇！平時食豆花都係加糖水或者黃糖，我叫嘅呢個薑汁紅豆豆花就係加咗平時食蕃薯糖水果啲薑汁，甜度剛好，薑味非常濃郁但又唔會辣到蓋過豆香，配上滑滑嘅豆花，真係好夾。紅豆大大粒，唔會煮到過腍，依然有少少咬口。創新當然唔止一樣啦！呢杯係胚芽豆花豆漿，聽個名可能會好疑惑究竟係豆花定係豆漿啊？佢就係二合一喇！以前係台灣都有飲過類似嘅飲品，係杯豆漿入邊加入豆花，有得食有得飲。但係呢度仲可以配搭唔同嘅配料，好似胚芽啊涼粉啊等等⋯⋯以前細細個淨係鍾意食豆腐花