牛県

营业中

休息中

餐廳四四方方，可以坐三十多人，七點去到已坐滿大半。餐廳好貼心，服務相當好，見到我一袋二袋就主動幫我收起又比籃仔放袋，見食完又會即刻比濕紙巾，仲有提供消毒酒精搓手液同熊寶寶噴衫去味。初次食石燒覺得好正，石燒可以自己慢慢去控制肉嘅熟度，覺得夠熟就拎起慢慢食。呢到食物質素好高，牛肉味道好濃，而套餐湯沙律飯都係足料，今次二人叫左兩份套餐，每人平均$170 。味噌蜆湯比一般飲開嘅濃好多，但味道唔咸，配上蜆關係仲多左鮮味。田園沙律配柚子汁酸酸甜甜好開胃，夠哂新鮮清新。薯條 & 飯薯條外脆內實，好有質素。飯仲會有飯素配上，增加咸香味。上腰西冷 (200g) $118比起一般餐廳食西冷扒更厚身，食落牛香味好重。牛側腹扒 (200g) $128 因為油脂較多，比起西冷，個香味更強，真係 齒頰留香。肉質口感兩者相差不大，都係有咬口唔韌。有兩款醬汁配上，兩者比自己較鍾意青醬，味道較清新特別，少左啲油膩感。

最近好多食鐵板牛扒，所以今日即興又想試下這種新興的餐廳；兩個女生，所以每人點了一份200g的牛扒。店員推薦了兩款，一款是牛橫隔膜腹肉，而另一款是牛側腹扒。牛的煎了約一成熟，再和熱石一起棒上。*牛橫隔膜腹肉 (200g) ($138)先上的是牛橫隔膜腹肉；這個肉質比較軟身；牛脂味較重，肉味沒有另一款那麼濃。建議不要在石板上放太耐，因為會過熟；所以最好多用一隻碟暫放。*牛側腹扒 (200g) ($128)牛側腹扒的肌肉多一點；脂肪少一點，而肉質相對有咬口，肉味亦較濃。淨食肉可能不太夠，所以可以加$30變套餐，每人五選三（飯／薯條／湯／沙律／飲品）*A5和牛 (100g) ($158)我們再點多了一份和牛；A5和牛真是入口即溶；配上少許wasabi就不會太膩。