616牛肉火鍋專門店

营业中

休息中

今日收得早，見開始秋涼，就想打邊爐。牛肉係主角，唔想淨係食肥牛咁悶，去到依間專食唔同牛部位嘅餐廳，店中間就有牛牛分解圖牛舌薄切，烚兩下就食得安格斯，橫隔肌牛味最濃匙柄係牛頸下面前腳上面嘅肉，好柔軟牛肉餃子好好食，有肉汁牛扑肉即係牛頸肉，肥DD，香DD滑尾龍係牛後腿肉，配雞蛋及醃料，幾香滑點完菜會有個沙漏，如果漏完仲有食品未到就會免費未到嘅食品。一次可以食到唔同部位，每碟分量，價錢成正比，適合我依D鐘意多樣化嘅人

老闆們個個放晒假; 我地D薯仔頭就做到屎屎下... 同事們話要食番餐好既, 大圍食飯最好就係打邊爐! 門口有隻大紅牛, 一睇就知主打係食牛啦, 餐廳叫616, 即係打邊爐灼一灼就食得!環保係一個大趨勢, 616用上Ipad餐牌落單, 可以慳番唔少紙張!細睇每一款湯底, 99%都係用牛肴出黎既湯底; 而我就揀選左鴛鴦麻辣牛骨湯, 超特濃牛骨湯, 未飲已經聞得到!點左個湯之後就開始點野食lu~~勁勁勁多款牛可以揀選, 多到都唔知揀咩好... 同事點咩我食咩, 嘿~牛朴肉係我心水推介! 好有肉地, 切得唔會太厚或過薄, 而且仲好有牛味!牛駝峰亦係一個唔錯選擇! 加上薄切, 真正616就食得!打邊爐除左牛牛不可少之外, 烏冬都係不可缺!! 稻庭烏冬屬於煙靭烏冬, 錄耐少少都唔會發漲或淋晒, 就算食到爆爆都食得落! 烏冬配上麻辣湯底, 又辣又想食!不得不題呢度既手工啤, 我點呢杯名為 這些機會不是屬於我的, 清清甜甜好易入口! 呢度有好多款手工啤選擇, 下次要 灑你冷 , 可以一次過試暈6款手工啤!正如之前所提及, 616所提供既野食 99%都係牛產品, 無其他肉類選擇 (無豬無雞, 只有牛),

之前食過係黃埔既616之後對佢既靚牛念念不忘，今次再去尖咀分店食過先得！尖咀分店近尖東，位置好易搵丫！唔係地鋪，要上一層呢...店鋪座位寬闊，地方乾淨企理。有部大電視播戲潻...19:15前離座同21:30後入座有88折丫餐牌價錢經濟抵食呢間有澳洲和牛呀！！係和牛丫，一定要叫！！先黎個牛骨清湯，個湯好足料，有唔少牛骨同牛肉係裏面。仲有3件大粟米，超甜！！重點出場！！！牛朴肉質素同黃埔分店一樣咁好！肉質鮮嫩，又淋，入口好甘香！澳洲和牛牛味濃郁，油脂比例好均勻，有入口即溶既感覺！忍唔住encore多碟羽衣甘藍難得有特別d既菜嘛，就食佢啦。一籃都幾多下手打牛滑呢個好驚喜，必食呀要！！冇諗過牛滑可以咁好食架！肉質結實，而且牛味濃！比起出面好多成pat一恰就散冇牛味既差好遠！超正響鈴好鬆脆，唔多油打邊爐梗係要飲返清熱野啦...菊花桂圓露入口清涼，感覺滋潤。洛神玫瑰茶酸酸甜甜，好開胃。最後食返個甜品先...菊花冰粉真材實料，入面真係有菊花呢，感覺食緊菊花啫喱，幾特別鍾意食牛既可以黎食丫，牛肉質素堅高，食完令人難以忘懷喔

之前有朋友係story過呢間餐廳，朋友仲話好正，因為佢係打邊爐加有自家製手工啤酒，知道之後勁想去，今次終於拉到幾個朋友陪我嚟食喇。放咗好多手工啤酒係門面醬料自己拎～有個特別啲既就係牛肉汁叫咗個鴛鴦麻辣牛滑湯底($78)，個麻辣湯底都幾辣，不過好惹味，而牛滑湯底好濃味。嚟到麥子梗係要叫啤酒喇，啲名全部都好得意，禁落去佢都有介紹返每種啤酒既口味，我自己想揀咗甜啲同果味重啲既，就叫咗杯「我最期待的畫面出現」($78)佢地既牛係有好多唔同部位選擇，我地叫咗四種唔同既試下。四隻嚟講匙柄同金花趾係最鍾意既兩隻，食落口都唔「銀」。牛腩心($68)匙柄($48)金花趾($68)牛朴肉($48)素食就再叫咗響鈴($28)豆腐($28)呢度菜既種類都幾特別，有水蓮菜($28)同羽衣甘藍($28)，水蓮菜食完覺得好正，仲叫多個添呀!

外國朋友來港旅遊，就帶他們見識一下香港的火鍋。一進去就被牌子閃到，「醉生夢醒」。我們一行四人被安排坐在露台，點了清湯及麻辣湯。每人點了一杯手工啤酒，我點的是「有汗出無糧出」，用桂圓杞子蜜棗釀製，帶有烘烤麥芽味。杯身亦有「醉生夢醒」四字，外國友人很喜歡，覺得很地道。店員推介我們吃黑栢葉，說是很罕見的。另外我們點了一些常見火鍋配料，分別是響鈴、豆腐及唐生菜。說到整個火鍋的重點是牛無誤，每個部位都很特別，我們就點了牛腩心、匙柄、牛朴肉及金趾花。而我們最愛的是金趾花，非常有咬口，煙韌且牛味濃，外國友人吃到停不下來。另外，我們都是第一次吃羽衣甘藍及水蓮菜，挺特別的且營養價值高，前後點了兩碟水蓮菜，實在太爽脆了！總括而言，價錢不高，又吃到罕有的火鍋料，物超所值！

夏日將至，有時候天氣真的熱帶不想吃飯，偏偏飯局卻有增無減。今天友人相約到此吃火鍋，本來心想酷熱如此真的不想應約，可是他卻大拍心口說這家有消暑之寶。616麥子裡面的裝潢頗有特色，點餐則均用平板電腦進行，每一頁分類清晰易明，再加以解釋，不必勞煩店員也可清楚知道每項食物的資料，實在是方便。原來友人提及的消暑之寶是616麥子的手工啤酒。雖然平時甚少喝啤酒，但吃火鍋又豈能不配上啤酒呢？手工啤酒更是不容錯過。點好餐之後，可以到外面拿醬料。醬料包括指天椒、炸蒜、香菜、蔥花、沙茶醬、蒜蓉、辣椒油、秘制牛肉汁、陳醋、醬油及甘桔。桌上的餐紙寫有幾個推介食法。個人覺得秘制牛肉汁頗有特色。青花椒湯底 $78無辣不歡的我們，鮮牛油麻辣鍋卻早已吃膩。青辣椒和花椒相對較為清新，辣味不太突出，嗜辣之人可能要失望了。吃到一半辣味稍微變重，不過我們也自己在醬料那邊拿了一點辣椒，刺激一下我們的味蕾。牛心椗 $48牛心椗其實是連接牛心臟的動脈血管，我是第一次吃。感覺一定都不像內臟的口感，非常爽口好吃。黑百葉 $48黑百葉另附上涼拌醬汁，是用以芝麻醬、辣椒油、芫荽等弄成。黑百葉切成幼絲，只須下鍋幾秒，便可食用。醬汁清新開胃，非

616除了是數字外，若變成動詞便是煮食時的動作，尤其是吃火鍋的時候。而能夠短時間內便可吃的食物，就一定非牛莫屬了。這裡除了六，更有麥子。由麥子製成的，當然就是啤酒了。一句「醉生夢醒」就代表了這地方對啤酒的喜愛了。不過這是牛才是主角。不同的部位有不同的時間需要，餐廳也細心地展示出來，小心地跟着就可以了。另一個要介紹的好事就是平板電腦下落了，自然也更方便。既然是全牛宴，湯底也來一個牛骨清湯。淡淡的牛味，自然與將要吃的牛不同部份有更好的配合。第一款要介紹的是第一次吃的胸口膀，雪白色的，放到鍋後很快就會曲起來，吃在口中有點爽口，也帶一點油脂味，肉味卻較少。很新奇的感覺。另一款也是較爽口的是金花趾，相信是因為筋的部份較多，所以口感也較為爽，不過肉味多了一點。脖仁是頸上的肉，與牛朴肉相近。不過牛朴肉的脂肪較為多一點，個人較為喜歡脖仁，因為肉味多一點。但要說到牛味最濃的是牛駝峰，在牛隻背上的一小部份，較為罕有，牛味也較濃，是這晚的最愛。最後不能缺少的當然是欴品，特別介紹這個酸梅湯。除了烏梅味外，多了一份桂花味。酸中帶甜，更多了一份清幽的花香。於吃了濃濃的火鍋後喝一口，絻對可以消暑解渴。

打邊爐冇分四季，一年到晚相約幾個老友出嚟吹水實係有人會提議打邊爐，貪佢坐得耐，淥淥下啲嘢唔會凍，今晚約咗幾個老友出嚟聚一聚，約響呢間尖沙咀616食肥牛火鍋。以我奄Jim大少黎講，打邊爐梗係要食肥牛啦，但潮流你下野已經食到好刁鑽，唔係淨係叫碟肥牛甘簡單，而家點菜係要以牛嘅部位你點，今晚響呢間火鍋店真係令我大開眼界，食盡唔通牛嘅部位。位於赫德道the Hart 1樓好易搵，一入去感覺好舒服以木色為橫裝，感覺己有格調，一開門就見到幾筒釀製啤酒嘅大統，原來呢度已自製手工啤為名，啱晒我哋呢啲老友鬼鬼嘆下啤酒吹下水。呢度嘅服務員招呼幾周度，先主動介紹唔同牛嘅部位同埋口感味道，食嘢其間又會主動埋嚟加湯收碟，服務真係唔錯。服務員介紹咗比我地知道唔同區嘅部位後，我哋就用部iPad自助下單，616主打食樓，有重點推介、特色推介、同埋罕有推介，有機種類都有廿幾30款，完全滿足晒愛牛者，其他配菜選擇不多，但都OK嘅打邊爐主要都係食肥牛嘅！店長推介青花椒湯底配牛骨湯，青花椒香味撲鼻，少少辣，湯底唔會油浸咁，值得一試，牛骨湯已香濃牛骨做湯底，夠牛骨仲黐住啲牛肉，非常之香淋！必食推介係牛朴肉，即係牛頸脊，雪花分明，

麻甩佬打邊爐基本上可以分兩種，一、一個價錢吃到飽，目的為果腹；二、唔介意俾多少少錢，但真係想搵D有質素嘅打邊爐食材，616食材有質素之餘，要果腹又唔會太貴，重點係我重新認識打邊爐嘅牛肉唔係淨係分美國肥牛同本地肥牛，可以幼細到一個點。點菜係用平板電腦落單，好方便，由於人少都係點咗幾款牛，分別係牛朴肉，匙柄，尾龍同滑尾龍。睇過其他食評話薯條好食，雖則打邊爐食薯條好似好九唔搭八，但真係好食，佐酒一流。牛朴肉，即平時叫嘅牛頸脊，我認為最好食，必點item。匙柄：入口柔軟滑尾龍：有雞蛋撈埋淥尾龍：肉味較濃牛肉餃：又係必點item，極好味。豆漿：獨立包裝，甜度適中響鈴總結：由於仲有好多部位未試，一定會再嚟，牛肉好鮮味，牛肉餃必試，薯條有驚喜，佢仲有好多手工啤選擇。交通方便，環境舒適，有outdoor位(有瓦遮頭），性價比亦高，如果任食都要舊幾水，不如俾多少少嚟呢度食D高質D嘅食材。埋單兩條殺四舊三，抵食！

又來616，今次來到尖沙咀赫德道的616麥子。此店的特色是吃火鍋同時又有很多手工啤酒。環境較其他616好，空間感較多。麥子的啤酒不算陌生，是次616跟麥子合作，都算是創新。啤酒的名字對年輕人來說很有共鳴。不過價錢就偏高，最便宜的一款也要$78。卡米拉還是點可口可樂 ($9)算了。首先送上免費的水果，質素不太好，味道淡如水。牛骨清湯 ($38)一如上一次，湯底都選了最便宜的牛骨清湯 ($38)，當中材料有牛骨及三件粟米。這裡湯底的牛骨之中真的全部都是骨，不像上次般連著少量牛肉。牛朴肉 ($48)牛朴肉油脂均勻，賣相合符預期。三花腱 ($48)三花腱咬下去的質感比較爽口。牛駝峰 ($48)牛駝峰帶幼筋，油香和肉味比較平衡。皇帝菜 （$28）及粟米（$28）今次的蔬菜也棋頗新鮮，而處理方面也比黃埔店好。響鈴 （$28）吃了一會才發覺沒有拍照，圖中是半碟的份量。響鈴都是脆身，豆香味濃。總括而言，616麥子是一個飲酒及火鍋的好地方。