OPPA韓國燒肉店

营业中

休息中

成班同事一齊趕project，做到八點幾先收工，大家就決定一齊去食埋個晚飯，落咗旺角食就揀咗呢間韓燒，我地四個人啱啱好見到有個宵夜四人餐只需六百幾蚊，咁就決定要呢個。職員好快手就俾晒前菜我地，又有麥茶提供，好啱韓燒肉飲，因為麥茶有去油之用。前菜有海帶、芽菜同埋泡菜，本身我因為怕辣都無點食啲前菜，但因為同事一直話好好食就決定試下，泡菜真係好好食，我地添咗三次添，個泡菜小小辣，但慢慢嚟都可以食到。而韓燒有既芝士蛋佢地都有，入面有小小泡菜，加埋芝士好好食。每人有一枝飲品，可以揀韓國啤酒或啫一啲罐裝果汁，我就揀咗韓國啤酒，酒味都幾重。餐既嘢食包咗南瓜拼翠玉瓜~大虎蝦、帶子、多春魚安格斯肉眼扒牛柳粒和牛脷職員好好咁主動幫我地燒埋啲嘢食，牛脷超級好食，燒得啱啱好，好爽口。帶子燒完之後都好好味，而咁多肉入面我最鍾意呢個安格斯肉眼扒，職員好好咁幫我地分開晒一條條，而且一邊邊慢慢燒，燒完一啲都唔「銀」，加埋菜包住食啱啱好，罪惡感無咁重，不過就咁食都好好，唔算太肥。呢個都係職員幫我地燒埋蝦，仲幫我地開埋蝦殼，因為本身都好怕麻煩開蝦殼。本身叫呢個餐既時候都有啲怕好似唔係話太多嘢食會唔夠飽，但食完之後就覺得啱

今天來到OPPA韓國燒肉店，又一次尋找OPPA的經歷，不過這裏沒有真正的OPPA，只有出色的美食。我們因為七點前已到達，所以可以點選餐廳提供的早割四人餐$398，雖然我們只有三人，由原價700元，減了300元，怎可錯過。先來是煎蛋，當中配有蘑菇和泡菜，待燒烤爐慢慢加熱，香滑的蛋漿便會凝固，成為美味的煎蛋，每次再點煎蛋漿要加$18，也不算貴，其他韓式小碟如泡菜和生菜便不用加錢。先來的不是主角，是五花腩肉，豬肉和肥膏層次分明，店員還很細心的為我們燒好及剪細，方便我們進食，豬腩肉有𡁻口，又有香濃的油香，非常惹味。跟著便是主角：四式韓牛。當中包括牛頸脊，好有牛味，又嫩滑。下牛肋肉，有𡁻口，味香濃。封門柳非常嫩滑，除有濃濃的牛香，口感柔軟香甜，令人等不及燒好便想再吃。雪花腩肉層次分明，肥瘦比例恰到好處，有入口即溶的感覺。其實韓牛也不比和牛邈色，以中上的性價比最高，就像這個四式韓牛餐，每款牛也有四五片，而且質素高，真是十分抵吃。另外還有韓牛柳粒，共有八粒，正方體的牛柳粒最好兩面燒好，中間留待餘溫慢熟，牛柳便有𡁻口，但仍感嫩滑無比。雞肉也不錯，盛大的雞肉絕不吝嗇，愛吃鷄的我，怎會錯過？不過份量超多，

A姐：我好想去東大門！M佬：又去買衫，買化妝品？A姐：唔係呀！M佬：咁去做咩？A姐：去食韓國燒烤囉！M佬：咁唔洗飛去東大門啦！要食韓國燒烤姐，唔洗特登飛去東大門啦，香港大把啦！今日就去旺角OPPA韓國燒肉店啦！呢到嘅燒板微微傾斜向一邊，可以等多餘嘅油份晌末端嘅坑位流走，好細心。我哋叫咗$398精選早鳥四人套餐，包括：牛排骨湯或泡菜年糕湯、韓式冰鎮蚌片或醬雞片、牛胸白肉片、醬腌豬肋肉或五花腩、、四式韓牛拼盤（包括封門柳、韓牛頸脊、下腹牛肋肉、雪花腩片）同鐵板芝士墨汁炒飯。韓國泡菜+泡菜蛋一開始就梗係食韓國前菜3小碟先啦！另外，呢度嘅爐邊泡菜蛋都幾足料，除咗泡菜，仲有魷魚粒，好有口感。牛排骨湯 或 泡菜年糕湯我哋揀咗牛排骨湯，嚟到熱辣辣，出晒煙，未飲就已經聞到好香牛味。嗰湯非常足料，煲到奶白色，牛味香濃，正！韓式冰鎮蚌片 或 醬雞片我哋太鍾意食燒肉啦，揀咗醬雞片，雞片好滑，一啲都唔鞋，不過以為醬雞片係醃過，點知係無㗎！牛胸白肉片 （無貨，所以轉咗牛柳粒）牛柳粒大大粒，牛味濃郁，好有口感，加埋啲脂肪油香，真係無得彈。醬腌豬肋肉 或 五花腩醬腌豬肋肉脂肪分布平均，燒嗰陣「炸炸」聲，好香口。四式

去咗旺角嘅OPPA韓國燒肉店，佢係晌花園街附近，行完街嚟就啱啱好。之前行過成日都見出面有條人龍，呢日早咗少少嚟就無乜人。入面同大部份韓式燒肉店大同小異，反而牆上用牛同豬做主題嘅彩繪就幾得意。早嚟嘅好處除咗唔洗等，仲可以試佢哋個早割四人餐，包括四式韓牛拼盤、牛胸白肉片、豬五花腩、韓式冰鎮蚌片、牛排骨湯、鐵板芝士墨汁炒飯，就咁睇餐牌已經覺得豐富。牆上面仲掛咗啲圍裙，係俾啲食客用嘅，咁就唔怕燒肉時俾油彈到件衫喇。佢哋仲有提供麥茶，都幾解膩。我哋見有幾款特色飲品，就叫埋嚟試。蜜瓜冰蜜蜜係用藍色沙冰為主，杯入面仲有一支韓國蜜瓜雪條，等佢慢慢溶咗之後就會有漸變效果，味道微甜都唔錯。菠蘿冰嘅沙冰都打得幾幼細，甜甜哋咁。店員仲拎咗幾碟泡菜、大豆芽、昆布、生菜，可以用嚟做前菜又可以用嚟夾燒肉食，另外仲有燒汁、甜辣醬、鹽油、蒜片辣椒等等用嚟點燒肉食。韓式冰鎮蚌片，下面仲有大量大豆芽同蟲草花，口感清新爽脆。牛排骨湯，牛排骨肉煮得非常軟身，蘿蔔甜同埋無渣，仲加咗啲紅棗，湯味香濃。然後就係燒肉時間，先燒油份比較多嘅豬五花腩。同大部份韓式燒肉店嘅龜背鐵板唔同，呢度用嘅係平底式設計鐵板，中間燒肉、側邊分別用嚟烤泡菜