岩盤牛扒 ミディアムレア ステーキ (博文街) (已結業)

一踏入去，你就感受到去咗歐美vintage geh扒房一樣。不過，就有家鄉親切的日文和漢字😜餐牌選擇都有吾少，我哋點咗一塊肉眼，一塊牛柳。因為肉眼嘅脂肪比例就高啲，牛柳嘅肉質夠林啲。揀完肉之後仲要揀用咩油去煎、幾講究下咁🧐 最重要都係 餐廳幫你煎埋就慳水慳力，可以專心享受食～又唔洗一身油煙。之後如果跟set嘅話就配味增湯、🍚白飯，沙律🥗，餐飲之中四選三咁。如果佢俾咗300克以上的肉嘅話，我諗齋食protein都夠飽😂 所以，可以留返啲錢食肉😋🍖 沙律係椰菜絲配胡麻醬～ 😌餐飲有清晰無糖的烏龍茶🙂🙂👍🏻 配合成個set就一濃一淡就好夾啦。我揀左洋蒽油，出嚟嘅洋蒽味道香噴噴，有埋洋蒽粒，加埋本身有嘅粟米粒，撈白飯食幾好食。餐廳另外有粉紅色岩鹽和黑椒可以任用，而且跟餐都有甜甜地嘅燒汁，足夠滿足唔同Style。只要將個味增湯嘅蓋調轉嚟用就可以當調未碟啦 XD!

前兩日突然想食扒，好似食肉獸上身咁，所以近近地就去咗大角咀一間食鐵板燒嘅小店開餐啦！呢度有三款唔同嘅牛扒比你選擇，分別有肉眼扒，牛柳及西冷扒！收費就以gram 數重量嚟定的！我哋揀左牛柳同西冷扒，牛柳約300g 約$110蚊，而西冷扒約360g 約$200蚊，另可以加$25配套餐，有飯，沙律，湯及飲品比你四選三，如果想飲梅酒等含酒精成份飲品，就要選加$40蚊套餐！點完餐之後，店員會俾個嘟嘟牌俾你，當佢響嘅時候你就可以去取餐啦！都幾方便呀！牛柳扒啱啱上枱切開肉汁非常之多，肉質亦非常之鮮嫩，而西冷相對油脂比較多，肉質比較結實，兩者都好大份，食落啖啖肉，枱面更有黑胡椒及粗鹽俾你調味！建議唔好食得太慢，因為鐵板傳熱比較快，食得太耐肉質就會變得比較鞋身！整體性價比好高！值得一試！食完記得自己清理返張枱呀！有個位置係比客人放食完嘅盤的！

石燒牛熱潮未有減退，更發現一間日本風味濃濃的燒牛店。落單非常簡單，只有三款牛可供選擇:肉眼、牛柳和西冷。選好肉再選蔥油、洋蔥油或蒜油。還可選配飯汽水、沙律、湯、啤酒等等。職員會即場將肉切割後放上電子磅先付錢然後店員會給你一個震動器我們乖乖的找個位置坐下，等震動時可以去櫃檯取我點了肉眼，配蒜蓉，白飯、湯及罐裝飲品原來我點的200g也不少，但已經是份量最小的肉眼了。吃著口感也很好，有生蒜也有炸蒜，充滿蒜果的牛最好吃了😋跟其他不同的是，不是生上，而是預設了三成熟，再給客人自行決定熟的程度。友人點的牛柳也很大塊，沒有鐵板那麼大，但相對上厚身，肉質較有咬口，但過熟的話也不好吃，所以也要快手切割~

死黨夏總晌大角咀返工，佢又喺咀尖嘅人，嗰區有咩好食問佢就最啱喇。約咗佢出嚟傾啲私人嘢，順便兩支公「撐枱腳」，食肉啱晒我哋，就建議去賣日本牛扒嘅「牛扒ミディアムレアステーキ」，佢話啲扒唔錯，但定價卻非常親民。無嚟博文街一段時間，已經變為成條酒吧街，撞正今日喺星期五晚，人氣更旺。扒爐、廚房就設晌近門口位，香氣漂出室外，行過都聞到嗰陣陣肉香。室內唔算大，亦唔算細，一室紅磚牆，配木枱，暖黃嘅燈光，又幾有種扒房情懷。而外面仲有個立食區，可能最原先喺立食，不過，見依家都有擺放啲櫈俾客人坐。餐廳採自助形式，到門外嘅點餐區落單，揀扒類、要求嘅重量、選配料（蔥油、洋蔥油、蒜油，要齊3樣都得，唔知喺咪日文寫法，其實唔喺油嚟，喺實實際際嘅蔥粒、洋蔥粒、炸蒜片）、轉唔轉為套餐（+$25 / $45），無加一服務費，俾個傳呼器你，等叫就有得攞。都介紹吓扒類嘅選擇，餐廳只賣3個部位：肉眼、牛柳、西冷，就晌收銀處旁嘅凍櫃展示晒出嚟。溫提，起錶價喺300g，即大概10.5安士，一般人而言喺好夠食。而我哋就同樣揀+$25嘅套餐，可以晌沙律、麵豉湯、汽水、白飯中4揀3。師傅都好熟手，切出嚟嘅重量跟我哋嘅要求都差唔多，誤差

近來在大角咀博文街新開的 Medium Rare Steak，經常有一條小龍，原來真是名不虛傳，這裏的牛扒真是很有質素。原來未俾錢買牛扒不能內進，於是先在點餐區選擇，就試試肉眼啦。 最低消費 300g，$87左右。但是切出來永遠多過300g，我這一份最終是$109。相信有$10左右是根部。不過真的很大大大塊，剛剛三成熟放在鐵板上，煙還不斷冒出。真心說，吃入口的時候，肉質是非常鮮美，香而鬆軟的牛肉味，而且非常 juicy。剛剛吃是三成熟，隨着鐵板的熱力，一邊吃肉眼一邊已經變成半成熟，吃到最後的時候，差不多是全熟。吃來有點趕，這樣高質的肉眼不能慢慢享受，要趕在全熟之前來品嚐真正的牛肉味，哈哈。最令人以外的地方，牛柳雖然比肉眼貴，但最終這一份牛柳比我這一份肉眼還便宜幾元。而且非常厚身，多肉多汁！真是神經刀！這樣的快餐式經營，的確有點新意，完全將重點放在牛扒上，大大塊牛扒已經很飽，不用升級加飯。到黃昏的時候我還是覺得很飽。價錢方面，還算是合理的，但不是非常便宜，因為永遠都比預期重磅。不過質素的確有保證，高質的牛肉，物有所值。

愈黎愈多鐵板牛扒既餐廳，尼間分店開業冇耐，lunch time好多人黎食。主打肉眼、牛柳，及西冷，仲可以加$25有set，4選3個配搭。先落order俾錢，拎‘嘟嘟機’，後入座。叫左牛柳300g配洋蔥油(價錢$0.33/g)，重量會有少少出入，睇師傅手勢切多/少左俾你。亦會放個磅出黎，俾你睇到幾重。師傅將牛柳煎成3成熟就上鐵板。一大件肉送上，外層帶d焦脆，內層仲係紅色，冇過熟呀good。肉汁勁多，一切流哂出黎。而且非常厚身，如果唔鍾意太生，可以趁鐵板仲熱，就切開煎下。另外，有柚子醬可以醮，令肉更清新。肉唔‘鞋’，而且因爲係牛柳部位，所以瘦肉比例佔多，一d都唔膩。但如果鍾意半肥瘦，揀西冷就岩。重點係，冇用好多油去煎，所以鐵板見唔到出油情況，good。跟set配左沙律，麵豉湯，汽水。沙律配有芝麻醬，開胃。而麵豉湯用昆布煮，有幾塊係湯入面，食完咁大塊牛，飲啖中和一下。整體，牛柳生熟程度拿捏得好好，肉汁多而且味濃，大食既人又可以叫大份d。最重要冇加一，食到好牛肉，抵食。不過，係自助形式，食完記住自己放番好個托盤。

昨晚吃飽才經過這間餐廳，當時已立心第二晚要回來据扒🤣🤣🤣這間餐廳的賣點是平價牛、而且你不用揀牛扒的成熟度，統一medium rare🤗🤗🤗🤗客人先排隊於門外點餐（你要多少牛都會於你面前即磅）、入座、自行取餐，離開時清理盤子。餐廳內部設計跟上手西班牙餐廳基本是一樣的，老實說，枱與枱之間的安排比較親密，窗活動範圍不算寬敞😅我們2人點了個450g的西冷和300g的牛柳🥩🥩🥩加2個飲品，價錢尚算相宜🤑其實每1g的西冷比牛柳只貴了💲0.16，但真是很...值...得...的！西冷相比牛柳更有牛味、而且口感💯。而牛柳的肉質則較散。汁醬也沒有平時的黑椒汁、蒜蓉汁之類，但你可選蔥油、洋蔥油或蒜油，另配柚子汁，甜甜的。其實不太喜歡甜汁，最後還是原汁原味的比較好😂😂😂男生吃一份400g多的牛扒也不夠飽的話可加💲25要個set！白飯/味噌湯/沙律/汽水或烏龍茶4選3，包你撐著肚子離開🤣😂🤣