鳳雛燉雞

营业中

休息中

韓式炸雞就食得多，這家鳳雛燉雞，見其名就知主打是燉雞啊！未吃過燉雞的我，不知道是否跟韓國食的一樣正宗～～～先送上前菜，有泡菜、青瓜及大豆芽，泡菜及青瓜的酸辣度恰好，大豆芽的麻油味好香，食完可以再添！牛肉紫菜包飯，賣相吸引，用料十足，蔬菜與牛肉的餡料搭配，口感豐富之餘，好食又不會膩。還灑上白芝麻，增添香氣。芝士燉雞 (無骨)，好大碟燉雞面層鋪有一大片的半溶芝士，可以將雞件與芝士捲在一起吃！除了無骨燉雞之外，還有青瓜、紅蘿蔔和薯仔等蔬菜配料，煙煙韌韌的冬粉，足以飽肚！醬汁味道香濃不鹹，雞件與其他配料都盡吸醬汁，加上選了小辣，夠惹味～～～人參雞湯，滾熱焫的送上桌，雞肉煮至軟綿，仍保持軟嫩口感，毫不粗糙！人參雞湯味甜又暖胃，正！海鮮煎餅，包含魷魚、蜆肉、蝦仁及雜菜等配料，煎餅香脆可口不油膩，富蛋香，蘸魚露來吃，鹹鮮味更為提升！炒年糕，年糕煙韌度十足，不會太軟稔。除了年糕外，還加入冬菇，增加口感。甜辣醬的辣度十足，比起燉雞的辣更為顯著！梳打 ($32/杯)，飲品的味道整體不錯，不會出現藥水味飲品丫～～～單點菜式的價錢好像不便宜，但大堆頭的份量及食物味道都算對得住價錢啊！

韓國除左出名炸雞, 安東燉雞都出名好味🐔醬汁以豉油為主, 再配上秘製醬汁同蔬菜熬製而成甜甜地, 唔會好似炸雞咁油膩🤪🤪🔸鳳雛燉雞 (無骨) ($248)醬汁好清甜美味😋 薯仔, 蘿蔔, 青瓜, 洋蔥等蔬菜好淋, 仲索曬d汁👍🏻底部仲有冬粉, 同樣索曬d 汁, 但仲keep到煙韌口感🍜而且份量勁多, 兩個人食會有d 太多😂略嫌雞肉煮得太耐, 有dd 鞋🥺🥺🔸牛肉紫菜包飯 ($78)擺盤係個笑樣😊 睇得又食得~ 🔸水果米酒套餐 ($128)有三款米酒, 包括士多啤梨, 青提同青檸🍹三款都甜甜地好易入口, 仲好fresh😋不過士多啤梨米酒有dd藥水味🙈燉雞都唔錯, 不過我叫左唔辣, 可能辣辣地會好食d🤪份量好多, 小胃王要叫多d朋友同你share啦😂評分: ⭐️⭐️⭐️

🍗🍲鳳雛燉雞(無骨) + 🍄菇 ($248 + $28)小編實在係唔食得辣, 係果種去譚仔要食清湯既人黎, 好彩有得選擇辣度 - 唔辣、小辣同勁辣。揀左唔辣, 味道有少少似韓式炸醬果種味道, 鹹鹹地幾好食。雞件數量好多, 無骨勁方便食, 本身燉雞已經包左一人份既冬粉, 兩個人食真係唔洗再特登加冬粉。冬粉同薯仔好入味, 索晒精華, 好好食。🍣牛肉紫菜包飯 ($78)牛肉紫菜包飯一睇就係足料, 一上檯有啲嚇親, 無諗過咁多件仲要件件都厚切。做法好韓式, 紫菜包飯最後有加到一層麻油同芝麻, 幾香口。總括而言, 用餐體驗十分好, 食物質素高, 服務態度好, 預先book左位基本上一上到去唔洗等就可以入座, 會再番去幫襯, 試下其他食物。🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾🐾🍗🍲Bongchu Original Braised Chicken (Boneless) + 🍄Mushroom Topping ($248 + $28)I'm the kind of people who cannot handle spicy food. Luckily, there were options for

唔講唔知原來喺旺角呢頭 有呢一間樓上嘅韓國料理😏 雖然佢係主打食燉雞 但咁啱我又比佢嘅炸雞吸引到😙 結果就上咗嚟試吓!!✨ 牛肉紫菜包飯 $85飯卷冇得輸啦🤩 配料同埋味道都算正宗 冇咩特別地方可以挑剔🙌🏻🔸 芝士醬汁無骨炸雞 $140炸雞方面其實佢嘅汁係唔錯 而且極多芝士🤤 不過食到中後段可能有少少漏 而且查粉同雞肉嘅比例大概係4:6 雖然整體都還好但絕對有進步嘅空間🙈🔸 芝士炒年糕 $108呢個就相對比較失望🤯 賣相唔太討好 食落去個芝士感覺同年糕少有地唔夾🥲 唔太建議大家叫呢個💰Total: $333💡溫馨提示💡其實都幾多人嚟等位 但係我想講佢嘅冷氣壞晒🥵 可以話係越食越熱 我就真係搞唔掂😢 可能大家可以喺等位嘅時候留意一下🙈😂

聽說此店本身在韓國有店，喜愛韓國的朋友都說在當地食過，好像都幾受歡迎。沒有在韓國食過燉雞的經驗，今次就來試試韓式燉雞究竟是甚麼一回事。在彌敦道726號這棟大廈基本上全部都是食肆，經常在旺角找吃的我卻是第一次來。𨋢細細，但上樓後別有洞天。每一層的舖頭面積不大，一眼都差不多可以望完，但直至我上到十樓，都見到中間停頓的樓層的食肆坐滿了人，在餐廳有限的空間裡談天更顯得熱鬧，所以大家記得訂檯喔。牛肉紫菜包飯($78)，賣相不錯，但質地較散夾起很容易跌。味道方面有突出的麻油味，但不講都不覺得裡面有牛肉，少又碎得可憐，只食到清新的蔬菜，不值。一場來到當然要試試她們的主打燉雞。鳳雛燉雞(無骨)($248)，裡面有些蔬菜，底部還有一人份量的冬粉。雞的份量都有不少，不過雞肉的肉質普通，某些部位較嚡，雞味也比較淡。蔬菜有洋蔥、紅蘿蔔、薯仔、青瓜，不至於太單調。我認為整碟燉雞最吸引的是底下的冬粉，吸收了本身十分濃味的醬汁，黑椒味重，口感煙韌，我們額外點了一個飯焦($38)，是要跟燉雞一齊食的。我們的食法就是直接把飯焦放進燉雞裡，然後弄到一塊塊的。由於燉雞都有幾多汁，所以把飯焦向下壓就能夠吸收到醬汁，味道甚至比

一直bookmark左呢間過江龍鳳雛燉雞好耐，終於有機會去試一試佢🤣1️⃣鳳雛燉雞(無骨小辣) $248 🤍2.5/5🌩份量好大，3個女仔share再配個小食食到好飽🌩醬料係甜辣甜辣同咸咸地嘅醬油，叫小辣對我嚟講啱啱好，越食越過癮😋🌩可能期望越大失望越大💦雞嘅份量好多，每塊都大大舊🤣但係口感冇想像中嫩滑，甚至有啲嚡，而且可能燉得耐出曬味去其他食物到😞🌩有紅蘿蔔、薯仔、青瓜等唔少配料，全部都煮得好腍好入味，紅蘿蔔有驚喜😋😋🌩冬粉最出色⭐️😍口感煙煙韌韌，而且吸收曬成隻雞同醬料嘅精華，好正⭐️⭐️🌩以呢個價錢嚟講覺得唔太抵，但係試一次都唔錯🤘🏻2️⃣牛肉紫菜包飯 $78 🤍3/5🌩賣相唔錯，舊舊都好大舊😁不過牛肉份量唔多😅🌩有青瓜、生菜、紅蘿蔔等配料，食落幾清新，亦落左芝麻麻油，幾香口😁🌩整體嚟講不過不失3️⃣ 水果米酒套餐 (藍>士>青) $58 🤍1/5🌩自選六選三，原本想試芒果但係店員話無曬，最尾擇左藍檸、士多啤梨、青提🌩每杯酒味都唔重，似飲緊果汁多啲💦🌩驚喜位: 佢每款都有放相應嘅生果👍🏼🌩藍檸: 味道最好味，有啲似市面上某款忌廉汽水嘅味，配上新鮮檸檬令佢感覺更清新😁🌩士多啤梨: 好

上個月食咗佢哋嘅晚市 感覺十分良好 今次見到佢嘅午市套餐平咁多 就即刻入去食啦 不過真係一分錢一分貨 💜年糕餃子拉麵配紫菜包飯本身以為係辛辣麵 黎到見到個顏色就覺得麻麻地 不過餃子都算好食 可惜得兩粒 紫菜包飯正常 比較意外係加咗好多菇 令到成件事冇咁dry 💙韓式拌飯配料都好足夠 但係略嫌切得太粗 搞到好難拌😂菜單上沒有寫明係咩肉 所以黎到先知係牛肉 另外上菜嘅時候仲會附上一大碟嘅辣醬 比我地自由加上 💚牛肉紫菜包飯表現正正常常 麻油味剛剛好 但牛肉很少 🤎終於到主角 - 鳳鄒燉雞分量非常多 四個人食都綽綽有餘 除咗雞之外仲有好多配料 好鍾意佢哋嘅冬粉吸晒啲汁 我哋另外加咗年糕 非常有口感 但整個菜式味道略嫌有點淡 唔稱得上正宗嘅嫩雞 雞肉也不夠嫩滑 不過勝在件件都大大嚿 🧡炒年糕年糕處理得非常QQ 仲有好多魚糕同菇 偏辣 💚牛肋骨湯飯清清地又好有牛味嘅湯 令人不禁一口接一口 牛肋肉嘅份量都OK 湯入邊仲有菇、蘿蔔同粉絲 都係好吸湯 不錯 ❤️炒粉絲非常出色的炒粉絲 味道非常濃郁 粉絲都好滑 絕對可以encore 💔豬手令人失望的豬手 好韌好難咬 而且啲豬手仲有毛 味道方面 豬手醃

今次又去食韓國野，不過係食雞! 🤩 來到位於旺角既韓國人氣飯堂 - 鳳雛燉雞 @bongchu_hk，一入去已經覺得好韓feel! 好喜歡每張係大大的枱，坐得好舒服! 我地點左:..🧀芝士醬汁無骨炸雞Cheese Sweet and Spicy Boneless Chicken好邪惡的一道餸😈 滿滿的芝士醬，包圍著甜酸醬既炸雞! 一拉起，溶芝士既拉絲效果! 好正! 必影鏡頭之一!📸 食落去，不得了!! 炸雞好juicy，肉質嫩滑!! 最鍾意本身既甜酸醬汁，真係剛剛好!! 好惹味!! 再撈埋溶芝士醬，成件事好得!! ..🍙牛肉紫菜包飯Beef Kimbap擺碟賣相好不錯啊!! 總共有8大件!! 先來一口，裡面既牛肉唔多，但係側邊有好多配菜，加埋本身有既調味醬汁，食落好好味!! 好清新!! ..🍺蘋果特製調酒Somersby Rita小酒鬼表示食完炸雞點可以唔叫酒！呢杯飲品其實就係成支Somersby既Apple cider，倒插落杯特製冰上， 飲落好清爽好解渴!!..呢度真係食得好舒服，好適合朋友聚會談天呢!! 老闆同staff主要都係韓國人，感覺好地道!! 見到Menu仲有好多唔同既雞

放工直剷旺角，無非都係想叫雞，仲要唔係北菇雞同本地雞，要叫越洋而來嘅韓國雞，唔喺1樓，而喺10樓，可以喺半空之中親佢事前就唔係飲湯，而係食前菜先，佢地啲醃菜唔會勁鹹，剛剛好帶點麻香唔知飲咩米酒好，一炮過嗌晒三支，有士多啤梨、藍檸同青提，渣渣都好多果肉，果酒味平均想試韓國平實嘅味道，非紫菜包飯不可，同日本壽司唔同，佢係油香為主，多以醃菜同熟肉為餡，係阿豬媽嘅味道食完澱粉質就到蛋白質，醬汁鋪滿嘅雞蛋卷，連埋內裡嘅芝士，達到非常juicy嘅效果到花魁炸雞出場，眾多芝士擁護之下，更顯光芒連埋芝士一齊食，雞肉格外外脆內嫩仲可以食開胃蘿蔔乾，有助消滯可惜坐唔到窗邊位，如果唔係更加有mood

韓式燉雞係香港黎講都算比較少有嘅一款佢唔係位於韓食集中地尖沙咀而係係旺角嘅樓上舖 環境都好光猛闊落坐得好舒適嘅 黎到當然要叫佢地嘅招牌菜🐣🐣啦😍💕芝士燉雞 ($278)原本打算食原味 見到佢地有芝士味😃即刻轉態😂😂完全無後悔😋韓國嘅芝士真係好邪惡 一上到黎熱辣辣可以拉絲架😍😍搭配上少辣嘅燉雞 岩岩好中和翻少少辣味食到咁上下涷左凝固左 但係嗰陣奶香味依然 撈埋啲汁同配料食 都仲係好夾😍🤞🏻至於雞就係無骨嘅 啖啖肉超正 而且好滑身 唔會鞋💯另外配菜嘅薯仔片同薯粉都非常之入味🤤不過醬汁我就認為係偏鹹 一定要跟杯野飲下🍻同埋薯粉再煙韌啲就perfect啦🙌🏻🙌🏻💕牛肉紫菜包飯 ($78)🍙兩個人其實淨係飲個燉雞都夠食架啦不過我地都加左個紫菜包飯 清清地又有啲飯食好refreshing好滿足🥳🥳佢仲有好多其他野食 好岩大班人一齊去食野開心share 不過又唔知要等到幾時先可以聚會啦大家book mark住先啦!! 💕💕

早兩日同閨蜜食飯因為最近真係好想食韓國嘢所以決定嚟試吓呢間大約七點上到去walk in 坐低嘅時候都冇乜人但後來眼望吓餐牌諗吓食乜坐下坐下發現越來越多人下次要上嚟真係要book位講返點嘢食先餐牌上面啲嘢食影到好好食但係我哋得四個女仔真係食唔到好多嘢選擇困難症又發作嗌完嘢食啲嘢都好快上到嚟雖然呢個係招牌菜但係我哋嘅評價只係一般可能因為我哋揀咗唔辣所以味道唔太突出呢碟餸好大份碟真係要三至四個人先食得晒呢個炸雞真係要俾贊啲雞肉好鮮嫩唔會用好厚粉嚟炸好可惜只係嗌左半隻如果再嚟食一定要嗌原隻炸雞其實味道都唔錯我同其他食物比起來相對比較普通份量都幾大雖然個賣相一般但係其實好好食紫菜飯卷係食韓國嘢必嗌嘅除咗以上嘅嘢食我哋四個仲每人嗌左一杯梳打加埋價錢每人都係220左右不過值得留意嘅係相對來講呢間餐廳啲服務比較一般但以價錢來講整體性價比依然非常之高呢餐算係算係幾好

好似置身韓國！sky726呢棟野出名多野食，今日黎到10樓呢間韓國餐廳，夜晚人不多，六點半左右到，唔洗等位就入得。三個人叫左三樣野，包括招牌芝士燉雞，芝士雞蛋卷，牛肉紫菜包飯。燉雞真係無得輸，勁足料，有雞，冬粉，大量雜菜，例如紅蘿蔔，薯仔，青瓜等等。個人比較中意個冬粉，吸哂D汁超好味，面頭又有好多芝士，可以拉絲，淨係食呢碟已經飽到嘔。芝士雞蛋卷都好出色，賣相一百分，蛋卷同D醬好夾，不過稍嫌頭尾個兩舊有D鞋，中間個幾舊就比較滑。最後紫菜包飯都無令我失望，飯煲得岩岩好，唔會太淋或者太硬。個個都飽到郁唔到，食極仲有，所以性價比極高，食物相當有水準，老闆或者店員都係韓國人。如果大家想食韓國菜，唔洗去韓國了，黎呢到拉！

唔係想誇張, 但真係我最近一年食過最好味既韓國菜, 所以要開post 介紹吓! 和朋友點了三樣食物, 已捧著肚子滿足地走。除了因為好味道, 空間舒適也是重點。先介紹壽司先, 是牛肉紫菜包飯, 上菜最吸睛是它的紫菜, 充滿光澤的, 吃下脆皮感重, 飯嫩, 一口吃, 健怡又好食! 芝士醬汁無骨炸雞即頭係大滿足, 皮脆不油膩, 脆得來不熱氣, 皆因配上香濃醬汁, 好食到暈, 連埋芝士食, 每口雞都是甜甜香香實實在在的! 就是炒年糕我都要推介, 它絕不是但, 也不平凡。整碗吃符出心機, 濃汁香辣, 年糕煙。, 甜不辣同魚糕都好香, 要吃埋洋蔥, 停唔到口。我應該會短時間來食多次! 因為我想試它的人蔘雞。

一入到餐廳見到韓國藉老闆，個感覺係今次一定無黎錯餐廳啦！睇名其實都知燉雞最岀名，不過我地就簡左其他🐔雞肉🐔嘅菜式啦🙈人參雞湯🐔上左菜之後，👦🏻已經急不及待想開餐，因為實在太香啦！食材好足料，雞肉好易撕開又夠滑，而加左糯米煮，令到個湯底好綿，食唔停口星期一至五嘅lunch set 會有細份版嘅人參雞湯簡，而我地星期六去只有正常份量，但反而岩晒2個人share 牛肉紫菜包飯🐂基本上去過韓國都一定會食過紫菜包飯，肉類嘅餡料會有幾種選擇，但其他配菜都一樣嘅。我地簡左牛肉做餡料，本身調味足夠，加埋其他醃蘿蔔嘅配菜，味道同韓國本地食嘅好相似架辣味炸雞 半隻🐔餐廳除左無骨炸雞之後，亦會包括左雞翼，雞翼因爲有皮，炸落去更加香口，連埋啲香辣汁真係好邪惡🙈醬汁屬於少辣，韓國嘅酸辣醬更加突岀，所以就算唔係好食得辣嘅都可以一試呀！

星期六同老公出旺角lunch, search到li間分店可算遍佈韓國嘅鳳雛燉雞. 有韓國地道燉雞, 炸雞, 當然唔少得梗係店家秘製芝士醬yummy. 一出𨋢感覺地方大坐得舒服.>牛肉紫菜包飯 (HKD78)好多料嘅Kimbap好味😋, 有蛋, 醃黃瓜, 芝麻, 蘿蔔絲..... 牛肉份量唔係少, 口感味道好豐富好正宗❤️.>芝士醬汁無骨炸雞 (HKD128)真心正🤩, 原本只expect拉絲芝士炸雞. 黎到時鐵板碟仲絲絲聲, 啲芝士仲滾緊! 拉絲之餘味道亦有驚喜, 自家製醬汁甜甜地配搭芝士超好味, 件件無骨炸雞都大大舊完全蓋滿醬汁, 雞肉好juicy好嫩滑, 食材100分. 啲芝士點極都仲有呢, 兩個人share都覺得份量十足.>藍檸梳打 (HKD32)一人一杯梳打配炸雞係必須嘅.>百香果梳打 (HKD32)熱情果味道都OK突出而唔會太甜, 仲勁大杯der ! >兩個人嗌兩款野食加野飲連加一都係百五左右, 以食物質素, 地點, 用餐環境黎講絕對係回頭之選👍🏻.