喜來稀肉 (金巴利道)

营业中

休息中

今日趁着放假，經過尖沙咀韓國街，突然間心癢癢，就決定去食韓燒韓國街有幾間韓燒店，一直都好想試，但係每次行過都會唔記得。今次為咗避開平時食飯人群要等嘅時間， 5:30我地就入座食一開始，店員先幫我哋倒咗蛋漿，之後就話俾我哋聽出邊有個前菜嘅自助區可以自己拎黎食我地今次就哪左幾樣野試下「牛肋骨肉：$150」牛肋骨分肉d五花味幾濃幾香 但相對於豬肉下，係有啲對比下去🫠「豬頸肉：$150」豬頸肉好好食，本身唔會太肥，肉質好爽口，一d蘇味都無！「喜來韓豚五花：$180」五花肉係我今餐既推介！本身五花肉已經用醬汁醃好咗 包埋d菜真係好好食 唔會覺得肥膩！「石鍋牛肉拌飯：$85」個飯就覺得不過不失 相對於燒肉之下，冇太大驚喜設有10%服務費

🙋🏻‍♂️餓底探員今晚去咗尖沙咀調查呢間韓式烤肉店，餐廳喺韓國過江龍，喺香港開業已經有10年以上，餓底我已經食過呢間韓燒好多次，之前喺度用餐時撞到朋友，所以今次特別相約朋友一齊嚟食燒肉🥩真雪花牛肉 $228📸表示個雪花牛肉油花分怖平均，肉嘅顏色鮮紅，睇見好吸引🙋🏻‍♂️表示個牛肉口感鬆軟，薄薄一片燒到焦香，食落惹味🥩牛肋骨肉 $150📸表示個牛肋骨肉脂肪同肉比例各佔一半，每嚿都厚切🙋🏻‍♂️表示個牛肋骨肉食落好有咬口，肉汁豐富，牛味香濃🐖韓豚五花肉 $180📸表示個五花肉厚切一塊塊排列好，豐富嘅脂肪層連住粉嫩嘅肉🙋🏻‍♂️表示將五花肉燒到焦脆，口感爽彈香脆，食落充滿脂香🐖韓式豬皮 $150📸表示個豬皮會預先𠝹成網紋，配上黃豆粉🙋🏻‍♂️表示將豬皮燒到兩邊都軟化，食落充滿豐富膠質，口感煙韌，味道香口，點上黃豆粉調味同時有減膩作用⚠️泡菜，生菜，蒜頭同醬料等配料可到自助吧自取，無限添加，將啲肉用生菜包好，加入泡菜同醬料一齊食，味道清爽又可減低膩感，另外店員會幫忙倒入蛋液同加入芝士同泡菜做爐邊蛋，食落香滑又夠焦香，而且仲免費追加📈吃貨指數😋好味度 9/10🔙返啅度 9/10

同閨蜜去食韓國烤肉提早慶中秋🥳呢間韓式烤肉每次去都覺得好好食好滿足😚之前去過旺角店，今次我哋去尖沙咀店，係佐敦地鐵站D出口行過去近D。呢度裝修真係好韓式，枱與枱之間好多空間👍🏻出面有個自助區，可以自己拎D韓式嘅前菜：泡菜、蘿蔔、青瓜。仲有提供生菜🥬可以夾埋燒肉食。💛真雪花牛肉💛💛牛肋骨肉💛雪花牛肉真係必叫，個牛油花分布平均，燒一燒就食得，牛肋骨肉脂肪就比較少，肉質比較結實，牛肉味重。烤肉點佢哋嘅醬油再用生菜夾住一齊食，我哋兩個好鍾意加埋泡菜夾住一齊食，超正🤭佢哋嘅🌟爐邊蛋🌟 可以refill ，等佢個程度熟到少少脆邊中間仲有啲蛋汁食起來好滑😚海鮮拉麵仲用咗韓國傳統嗰啲鍋盛載好有feel ，拉麵質地好有彈性，湯底充滿海鮮嘅味道仲有唔少海鮮嘅配料。

很喜歡喜來稀肉😊，今晚又與朋友到 尖沙咀分店，位於尖沙咀金巴利道79-81號金栢閣1樓連地下。 喜來稀肉是一間來自韓國的過江龍烤肉店， 店內環境舒適， 前菜、燒肉和熟食都做得好正宗🫰🏻。晚餐 ～ 牛五花$158、 牛肋骨肉$150、 石鍋牛肉拌飯$85、 海鮮拉麵$65。 📌韓式前菜🥗 ～ 店內有自助區， 擺放不同的韓式前菜和醬料， 無限供應。 📌牛五花🥩 ～ 油脂飽滿，燒起來香味四散， 配上生菜韓式醬料和泡菜一起吃， 牛肉很鮮嫩， 推介必定要點牛五花。 📌牛肋骨肉🥩 ～ 牛味夠濃，口感結實， 脂肪較少。 📌石鍋牛肉拌飯🍲 ～  濃郁醬香的炒牛肉，輕爽涼拌的波菜， 喜歡配上韓式辣醬拌飯吃， 很惹味的。📌海鮮拉麵🍜 ～ 拉麵口感Q彈有嚼勁， 湯頭帶有點微辣，非常開胃美味。 仲有我最喜愛的爐邊蛋🍳， 又滑又香， 是一間正宗而我喜愛的烤肉店。 🏷️溫馨提示～ 整個用餐體驗均屬個人分享意見， 只作參考😊。

「喜來稀肉」來港多年著名韓國老牌燒肉店，尖沙咀分店入口設於金巴利道地下，餐廳設於一樓，地方十分寬大，每張枱都設有燒烤爐，整體設計風格，十足十韓國一樣。餐廳設有自助區，無限量供應生蒜片、生菜籃、泡菜、醃蘿蔔和醃青瓜等。入座後店員會開爐並於燒烤板上加入蛋醬，然後就可以自助落單超方便。《韓豚五花肉》（$180/150g)必食之選，五花肉燒至金香焦脆，加入蒜片、辣醬及泡菜，再用生菜包著，一口放入口，十分滋味。《牛肋骨肉》（$150/150g)個人至愛牛肋骨肉，有咬口有牛味，食極唔會厭。《牛舌》（$158）餐廳的牛舌是薄切的，個人喜好厚切會更正。薄切就少了點靱口，不過相對就口感較軟易咬。啤酒做緊 Summer promotion ，有買一送一，當然要啤一啤。《Orion Draft Beer》（$80）/《Sapporo Draft Beer 》（$80），可以逐杯叫起，可以保持溫度。餐廳尚有各款韓國傳統經典料理，例如大醬湯、水冷麵、人參雞、石鍋拌飯及海鮮蔥餅等等。吾燒肉都仲有好多好選擇。

呢間韓國燒肉店相信大家一定唔會陌生，佢嘅裝修佈置、枱櫈烤爐同埋餐飲食品都真系非常傳統，令食客猶如置身韓國🇰🇷🥰一坐低店員就會幫忙添加爐邊蛋，有兩種風味👉🏻芝士&泡菜，爐邊蛋系無限制refill，食完可以再加，想要原味唔加芝士同泡菜同店員講聲就得👍🏻 最貼心嘅系呢度有自助配料吧，生菜、泡菜、醃菜、沙律菜、蒜片等等都系自己出去夾，食幾多夾幾多無限制😍 可以瘋狂吃泡菜同醃蘿蔔！（*記得食幾多夾幾多，唔好浪費啊😘）而且佢哋嘅泡菜係超好味啊！🤤============ヽ(○´∀`)ﾉ♪韓豚五花肉 $180 ⭐️推薦🫶🏻超級推薦🤤 一層層嘅五花腩系韓國烤肉必食菜式，呢度嘅韓豚五花肉真系高質，燒脆曬四邊之後油香四溢，肉質軟嫩唔鞋口，好啱包生菜食🥬😋😋辣魷魚 $150 ⭐️推薦🫶🏻以為系細細隻魷魚仔，原來係原條大魷魚😳 抵食👍🏻 已經剪開咗一件件，醃得好惹味，魷魚肉質彈牙爽口，新鮮👍🏻 大量洋蔥一齊醃，燒埋啲洋蔥夾埋一齊食仲正😆生牛肉拌飯 $110 ⭐️推薦🫶🏻睇韓劇成日見倒主角食拌飯😂 見倒呢度有生牛肉拌飯😳 終於都試倒喇！ 係生牛肉、生雞蛋黃、高麗菜、生菜、芽菜、蘿蔔絲、海帶絲、黑木耳等等，再拌入韓式辣

呢晚同咗個好鍾意韓國嘅友人嚟到呢間佢好推介嘅韓式烤肉餐廳🤣 佢話因為呢間餐廳嘅韓式前菜係喺自助吧任夾 啱晒鍾意食泡菜 醃蘿蔔 生菜嘅朋友😮牛五花一碟排列整齊 牛五花肥瘦分別 用上秘製醬汁 甜甜地 更加帶出牛嘅鮮味🥰 每塊都係薄薄地 輕輕燒一燒就食得 肉質夠晒嫩滑 用生菜包埋就仲正🥬牛肋骨肉呢個仲有雪花添㗎 牛肋骨肉形狀不一 但都好易燒熟 燒完仲好juicy🐮 相比之下呢碟牛味重啲 我就鍾意呢碟多啲喇😋海鮮泡菜餅呢個泡菜餅煎得好金黃色 食落偏脆 唔會好軟🍳 海鮮配菜有好多種 有八爪魚 魷魚 蜆肉 蝦仁 真係好足料 味道上有少少泡菜幾惹味😉蟹籽紫菜飯團呢碟非常特別 飯團係一碗咁上 然後再附上手套 等你自己撈勻🫢 再捏成適當嘅大小 飯團好有麻油香 蟹籽同紫菜令飯團食落口有不同嘅口感🍙呢間餐廳嘅用餐時間限制90分鐘 不過都好夠時間食㗎啦 食完身上都唔會好大陣油煙味 值得一讚👍🏻

📍喜來稀肉📮尖沙咀金巴利道79-81號金栢閣1樓連地下.暫時仲未計劃好去就韓國既旅程🇰🇷唯有搵間正宗既韓國菜食著韓燒止著癮先.入口係地面, 餐廳係2樓, 閒日7點幾去到餐廳已經8-9成入座率, 仲要好有韓國燒肉店既氛圍😌.用tablet點完菜就可以出去拎啲韓式小菜同醬汁, 當日有泡菜, 醃蘿蔔同辣青瓜, 款式唔算好多, 勝在味道唔錯, 亦有提供包肉既生菜🥬.喜來稀肉 HKD158用得餐廳黎命名一定係招牌菜, 包無甩拖😏簿身既牛肉先用秘製醬汁醃過, 快燒1分鐘就食得, 油脂分布平均, 肉味香濃, 絕對係一個唔錯既選擇牛肋骨肉 HKD150（圖1）比起喜來稀肉肉質較厚身, 肉味更濃郁, 美中不足入口比較靭, 而且件肉唔夠油份容易痴底/ 燒燶, 要小心啲處理牛護心肉 HKD160唔知點解大部份餐廳係serve豬護心肉, 見到呢度有牛護心肉即管試一試啦😛牛肉係條狀, 唔算好厚身, 好易handle, 肉味係之前2款肉既中間, 都幾滿意.估唔到呢間連鎖燒肉店既水準唔錯, 餐廳大部份店員都係韓國人, 加上不斷播唔同既韓文歌, 令食客有置身於韓國既感覺🤭.整體環境：👍🏻👍🏻👍🏻食物味道：🤤🤤🤤🤤服務

喜來稀肉在香港開店多年，平日晚市依然人山人海，可見其受歡迎程度。第一次吃喜來稀肉就讓我有飛了一轉韓國的感覺！.🥗開胃-沙律每人$28就能享用沙律吧的食材泡菜、醃蘿白、生菜等等都是無限量供應醃蘿白很清爽鮮脆如果吃肉吃到覺得有些膩口，可以搭配著食用非常解膩韓式泡菜辣度中等很開胃.🥩肉品-喜來五花肉/牛肋骨肉每一種肉品都好嫩口 建議大約烤至5-7分熟就可以吃了，熟度適中又不油膩。其中比較推薦牛肋骨肉 厚實又有嚼感推薦可以加韓式泡菜用生菜包著吃 又是另一種吃法👍🏻⁣.🍳爐邊烤蛋每個烤爐有三個烤蛋格分別用來烤芝士雞蛋、泡菜加蛋槳、蒜頭我自己就比較愛泡菜加蛋槳，當蛋面變成微微的金黃，就是最好吃的時候.🍚主食- 韓式牛肉拌飯料很足的拌飯牛肉、 甘筍、冬菇、豆芽及涼拌菠菜鋪上飯面加入一隻太陽蛋一起拌炒後嚐起來很好吃同行友人強烈建議與韓式辣醬一起拌入更有風味.整體而言不錯店內瀰漫濃厚的地道韓烤風味座位滿多的 確實非常適合三五好友吃飯聚餐、慶祝推薦給大家💁🏻‍♀️

約咗舊朋友想食韓國嘢暫時韓國街果啲都食過曬靈機一觸不如去好耐冇去嘅喜來稀肉！我哋兩個嗌左一個牛肉set $520（份量勁多！完全夠2個人食！爭啲食唔曬）啲蛋一邊係芝士 一邊泡菜 配牛肉食好正！其中我哋最鐘意牛肋骨肉！牛味好重好香，油脂分布岩岩好！調味牛肉都唔錯 口感偏淋 醬料加咗芝麻好香我哋仲叫咗一個泡菜湯勁多料！有幾隻蜆、大量豆腐冬天食烤肉配熱湯好正！值得再讚係staff好helpful不斷幫我哋換烤盤臨走前仲提我地有雪糕送可以keep住多人食除咗好味嘅食物仲有好嘅staff！推介推介！

同朋友慶祝生日，大家選擇食韓燒，喜來稀肉唔係以任食形式，每碟都係散叫嘅。可免費refill 爐邊蛋，各款配菜及包生菜。坐嘅櫈可以打開放包包，避免吸味。牛肋骨肉 $138 有牛肉味，但好易燒過火，時間要控制得好好。個人喜好原件牛肋骨會比較juicy。護心肉 $158 比起牛肋骨肉，豬護心肉比較有口感，肉質先嫩，幾腍。韓式烤豬皮 $118 豬皮燒到卷起就食得，入口煙韌。牛舌 $148 牛舌切得薄，不過如果厚切會更佳，比較富口感。韓國啤酒 $30 典型韓國啤酒，食韓燒點可以無。

好野當然食過翻尋味，點都要黎執多劑 ﹗長期排隊等位，晚上六半未到再次呆坐。拿住張號碼籌十足等睇醫生一樣，前面仲有12 個呢！人氣高企，慕名而來！感覺良好，非常韓風！眼見眾多韓妹食家，還有韓國少男少女侍應，個個青春活潑有衝勁，食都食得特別有精神。正門雖小，話晒有間房仔讓食客坐下等位，而且上到大廳非常寬敝，真的意想不到。空間感極大，檯椅密度不高，走廊開揚，坐得舒服空氣流通。終於都食到喜來稀肉，堅係非一般韓牛，韓風凜凜好味道，百吃不厭。真露原味，閒時飲真怒，溝女唔會燥！泰菜飲泰啤，中菜飲茅台，日菜飲殺茄，西菜飲紅酒，韓菜當然飲真露啦。大豆芽清湯，我經常懷疑是否用來洗手，不是飲用的。味道淡如清水，微弱咸味，基本上沒有味道。難得跟肥美拉娜小姐共餐，大家食多兩舊不要客氣。泡菜，飛機貨韓國直送？似乎真的特別鮮甜爽嫩多汁喎，醃味別具一格。大豆芽，跟沙律機乎一樣，撈個汁不用煮即食得，竟然爽甜多汁沒半點腥味，連食唔到芽菜的我都食唔停口，開胃小菜。生洋蔥圈，調過味的，淨食麻麻地，等一下炒炒去連烤肉夾生菜包食就會無得頂喇。濕潤的洋蔥圈耐心地炒到焦香軟綿，搭上烤肉生菜包絕配對無敵，食到一絲不漏。泡菜湯，厚厚香辣

早就料到情人節當晚所有稍為像樣的食肆都會爆滿，所以在太座表示情人節想食韓式燒烤後，两星期前在打電話無人接聽的情況下，已親身前來訂位，這晚原訂了七時正的檯，當天經電話確認後提早到六時半準時到達，來到時舖外已人頭湧湧，入去報到後，韓籍老闆說第一張清空的檯會給我們，也要在樓梯等了十分鐘，雖然店方已設定用餐時間為一個半小時，但稍後再有來拿籌等位的人要等到九時半才有機會入座，而在我們差不多食完時，來拿籌等位的人都被店方禮貌地告訴他們，這晚已無法接待了，真是誇張。店內裝修乃跟足韓國地道的燒烤店一樣，坐櫈是圓桶型，可供將坐墊拿起放入外衣，抽氣喉由天花垂下，佈緻簡潔，而坐位相間亦十分寬闊，不會擠逼到與鄰檯食客碰碰撞撞，在香港這寸金尺土的地方，老闆這份堅持也是難能可貴。然而燒烤用的窩也是非常獨特，除了中間平面供烤烘食物用之外，旁邊還有三條槽位，用以烤烘此店特傋的蛋漿和蒜子，一條烤蒜子、一條烤淨蛋漿、還有一條烤泡菜混合的蛋漿，其後試了用烤熟了的蛋漿送飯和烤肉一齊吃，果然效果一流，蛋漿在口中爆發出的香味，確是令人有一種新鮮的口感，而上述的蛋漿和蒜子是免費和可添加的，算是這店的特色之一。另一特色是這店免費提供