辛安東元祖奶奶雞 (已結業)

說起韓國料理，近年大熱當然是又香又脆的韓式炸雞。不過炮製雞肉的方法有千百種，煎、炒、煮、炸、炆、燉、焗……作為無雞不歡的雞肉愛好者，又怎可以錯過每一款口味！今次來到荃灣辛安東元祖奶奶雞，和家人一起嚐新。其實這間韓式料理店算不上新店，只是自己一直沒有吃過，所以才覺得比較新奇，住在該區的朋友對這間韓國過江龍應該早就見怪不怪吧？平日七時到達，不用等位就能直接入座。線條簡單而色彩繽紛的裝潢，原以為韓國料理只吸引年輕人，沒想到當天也有很多中年人來吃，甚至外國人都有。餐廳有自己的專屬logo。看起來有點像地鐵路線圖的餐牌。選擇不算很多，但勝在每款也吸引度高。先來米酒，記得要搖均才飲用，味道頗易入口。Cider Rita，原本點梨味，不過來錯柚子味，幸好味道非常清新，中和飽膩感。冷海哲，辣辣的感覺十分開胃，加上海哲爽口彈牙，當前菜很適合。牛肋骨鍋，牛肉細嫩而肉味濃郁，個人最愛其超級濃厚的湯汁，整成個鍋味道提升，就連配菜也變得相當好吃。主角是辛安東元祖奶奶雞（半隻），上桌的份量大到讓我以為是一整隻雞。雞肉不論任何部位都很嫩滑，而且在燉的過程中吸收大量醬汁，非常入味。蔬菜類的配菜固然是精華，但也不要忘記

呢晚好大雨！！衝入最闊落既餐廳算了XD又真係幾好坐，唔會好逼，肢體語言超誇張的我都唔會整到人，因為真係隔好遠~^^韓國人到底有幾多種整雞的方法，呢個奶奶雞好營養啊~有瓜有薯有薯粉~我下次要食芝士奶奶雞！！！！！！ 牛肋骨鍋湯也清了~呢個方法係咪有助keep住汽水d汽？好好飲~飲幾多先放幾多出黎XD

上星期來這裡吃過，本想再來，可惜工作太繁重，於是襯自己還記得少少，在這裡記下，好讓下次再嚐。當天一進店內，就被掛滿小雞卡紙的意見牆吸引，環境有特色。看見每一台都有一大盤雞肉，心想這應該是招牌菜吧。於是點了個元祖奶奶雞，還有在這裡薄有名氣的牛肋骨鍋。奶奶雞較辣較香口，雞件粉量不少，但反而被濃湯的牛肋骨鍋搶了點風頭，口感好之餘，肉質亦相當鮮嫩！如果奶奶雞值得吃，牛肋骨鍋就是非吃不可。後來點了食較有特色的，例如真露煮蜆，真露也就是韓國的清酒，酒味很濃，愛酒之人不妨一試。膠原蛋白沙律比想像中大得多，可以當作一碗大盛白飯，反正菜多吃有益。牛肉生菜包配上醬汁，很好吃，牛肉很厚，很有嚼勁。最後是吃韓國菜的指定動作: 韓式特飲Dry B Rita，來個完滿結束，飽到上心口。臨走時，聞到隔離的芝士奶奶雞，香得好緊要………喂老闆！唔OT得唔得呀！我要食呀……！！

朕對雞煲可為情有獨鍾，今日本來想食雞煲的，但朕既貼身隨從今日整天嚷着要食高麗食品，在朕既苦苦思索下，終於想到一個兩全其美既方法，就食高麗雞煲。呢間奶奶雞朕都唔係第一次食，佢幾間分店朕都去過，但呢間既輪候時間係最短既，一入到去梗係叫杯野飲濕濕個口先啦！Cider Rita 梨味，成枝野反轉倒插落杯，梨味汽水非常冰凍，清涼解渴。冷海哲，海哲爽口彈牙，加埋芝蔴就哂香口，仲有少少酸醋，夠哂開胃既餐前小食。魷魚泡菜，高麗泡菜辣辣地，夾埋魷魚絲，一爽一滑，有豐富既口感，佐口小食！紫菜飯卷，有青瓜，玉子，紅黃蘿蔔，蟹柳仲有火腿，紫菜夠脆口，用料充足。梨蜜雞翼，雞翼煮到香脆可口，再燴入梨子汁，酸酸辣辣，可口又開胃。牛肋骨鍋，鍋內有紅白蘿蔔，煮到非常之𣺉身，吸收哂啲牛肋骨味，而牛肋骨亦煮到香稔鬆軟，一口食落滲出濃濃既牛味！讚！！！終於到主角出場，奶奶雞全隻，朕叫左小辣，雞肉炒至嫩滑香口，另外配料亦煮至冧身，個底亦加左個薯粉底（好Q）加埋本身既汁料略帶微辣，香味濃郁，令人一試難忘。－－－－－完－－－－－

應該都有開左兩個月吧!剛開張時，Yahoo團購了半價芝士奶奶雞，也來嘗過它一次！當時排隊排到死，不過也比旺角主店排得快。現在平日來吃，已經不用排隊啦！今次週日來，專登六點鐘來，即時有得入座！一到七點人龍又開始出現架啦！這樣的格局，是傳統韓燒的裝橫嗎？記得第一次在韓國食白丁就已經入左腦，韓燒就是要這樣子才對！但這裡都沒有韓燒，為何也照著這個韓Style走呢？不過，鐵罐真的一絕！要來放袋子確實是一流的設計。近門口位置，也有些高櫈位置，適合一個人或二人入座。每次來奶奶雞，總會飲這個Cider Rita，今次飲梨子味。每次也要跟我的朋友Share飲，太大杯嘛！今次一起四人，可以試多Ｄ菜式嘍！少有地Order了兩個前菜，估唔到咁多份量！兩者都加上芝麻，食落勁香口。我最愛吃紫菜卷，唔係度度都整得好食。這裡算是整得有心機，包得實正，望落好整齊。黃瓜，青瓜，午餐肉，泡菜羅白，雞蛋.....用上韓國的食才，跟日本的壽司卷確實有分別架！大家一向食開都是白酒煮蜆吧!韓式是用上真露大哥啊!食落其實無咩酒味啦! 煮完都渾發哂啦!不過，蜆肉大隻啖啖肉啊！小食叫了勁鐘意食的雞翼，這裡的梨蜜雞翼亦值得推介。蜜糖之餘，

黎得辛安東就梗係要食奶奶雞啦，仲要食芝士果隻添呀！芝士安東奶奶雞($188半隻)有無辛、小辛、中辛同激辛揀，由於1號唔係真係話好食得辣，但又想試，所以嗌左小辛！上碟第一眼望到既就係好多蔥！多到好似座山咁，聞落芝士既味已經夠哂香，試左啖汁，唔係好辣，可以接受，下次可以挑戰中辛！奶奶雞既雞相當滑，但就唔係好厚肉，聽聞係用走地雞整，所以先咁惹味，點埋d芝士醬，正啦。配菜有紅白蘿蔔、冬菇、仲有大大件既韓國青瓜，青瓜煮到好稔好入味，呢碟既重點除左雞仲有係底既水晶粉，食個水晶粉真正感受到辣味，但都仲係1號接受到既範圍，水晶粉吸收哂成碟既精華，所以超級正。好味指數：7.5/10牛肋骨鍋($88)，呢個鍋對比之下就比較清淡，個湯係可以直接飲但對佢既第一個感覺都係：好多蔥！飲左個湯飲到牛肋骨肉既甜味，清淡得黎好飲，試下個牛肋骨，同想像中有出入，唔係想像中既稔，有d似豬肉唔知點解，但食第二舊又幾稔，唔係幾平均。好味指數：6.5/10芝士咖哩年糕($58)呢個年糕好濃味，雖然佢叫做小食，但覺得佢要配番個白飯先岩，夾起會有拉絲，但年糕既份量真係好少，而且煮得過稔，唔好食，如果有咬口d應該會好d。好味指數：5/

今天和朋友到辛安東元祖奶奶雞的荃灣店吃個晚餐，真的完全超期待的，以前就常光顧旺角的那間，但自從沒在旺角出沒後就很少會去了，現在奶奶雞開到來荃灣，這麼近，當然近水樓台要去一下正值晚飯時份，場內一片滿座。環境和空間都較旺角分店的大，很好！裝潢也很骨緻！桌上早已預備好剪刀和食具，還有濕紙巾，非常細心。餐牌和點餐紙是一體的，簡明方便。先來了兩罐的飲品，是《Olatte韓國觧奶果汁》（$22），有蜜桃和蘋果味，兩個都很好喝，但是味道中喝不出有奶味呢。然後是一道韓食必點的《紫菜飯卷》（$48），飯卷大大舊非常抵食，最喜歡它的材料很多又足料，單吃這個已經飽了5成呢，建議多人分享會更好！味道不過不失，麻油味頗香。接著是《牛肋骨鍋》（$88），湯底非常濃郁，不論是白蘿蔔還是紅蘿蔔都熬得軟軟的，非常吸味。牛肋骨上的肉也是稔身的，整體很甜很好喝最後就是重點咧～來辛安東奶奶雞當然要吃雞啊，我們點了個《芝士安東元祖奶奶雞 (小辛)》（$188），由於我們都很鍾愛芝士所以才誓要點這個，辣度方面我們覺得不辣應該不會太好吃吧，所以點了小辣，沒想到小辣已經很辣，吃得我們瘋狂喝水呢，大家真的要慎點啊！撇除很辣這因素，我們

友人有好介紹帶我去食奶奶雞, 吓? 咩嘢係奶奶雞真係一頭霧水!! 原來係燉煮雞….. 明白了, 啊啊!!!指定動作先叫了杯飲品消暑Grapefruit Cider Rita, 又搞gimmick嘢, 一支梳打水插入載滿冰的杯內, 底層有一絲絲柚子, 咁得意造型當然相機食先啦! 飲落優香柚子味, 清涼感覺店員介紹了膠原蛋白沙律, 適合女仕們的. 有數片水晶豬耳, 勁爽脆的口感, 但講真成碟只得數小片, 點食到皮膚靚靚呀! 其餘的蔬菜鮮甜多汁, 只可惜沙律醬過多鹹了點冷海哲, 爽口的海哲帶有麻油香味, 佐酒的良伴主角辛安東元祖奶奶雞出埸了, 相當有份量, 黑墨墨的顏色, 驟看味道似鹹, 誰不知食落又冇想像咁…哈哈想多了. 雞肉嫩滑燉煮時間夠, 有大量蔬菜如青瓜, 紅蘿蔔…非常入味; 水晶薯粉條條晶瑩, 有彈力有嚼口, 每條浸入了醬汁精華, 越食越滋味另一款主食野人韓牛, 值得一試. 牛肉半生狀態, 外層炙過, 肉汁軟腍, 牛味豐富, 生洋葱絲伴吃, 同樣美味牛肋骨鍋, 四五件牛肋骨大大件, 肉質相當佳, 好入味, 最初微辣感覺, 慢慢嚟了…. 那辣度另我鼻水都流了, 食過番噚味整体ok喇!

午膳時間吃了一頓韓國菜，主打特色奶奶雞。老實說，什麼是奶奶雞筆者也不知道，及後多口問問經理才得知是很久以前一個婆婆（奶奶）煮雞給一眾小朋友的故事。當然，除奶奶雞外，午市亦有其他飯餐供應。主菜芝士安東奶奶雞，半只雞的份量，伴菜還有水晶粉、紅蘿蔔、洋蔥和其他雜蔬等等。雞件嫩滑度OK喇，調味似我們的醬油，但質感稠身一點。因面上加入很多芝士，連帶水晶粉吃確有點吃芝士公仔麵的風味。 牛肋骨鍋是午市飯餐之一，內含五六件大大的牛肉，以午餐價來說頗為實惠。牛肋骨雖肉厚，但口感仍算腍身，炆煮時間足夠。伴上的蘿蔔及紅蘿蔔同樣切得大大件，腍度中上，味道清甜上味。 當然，炎炎夏日吃牛肋骨鍋或多或少會有付擔，所以另一飯餐以冷食明洞冷麵平衡一下。冷麵配料有洋蔥青瓜、雞蛋及雪梨片，湯頭食味既凍且酸，無一不是清新醒神配搭。於湯中加入少許白醋，效果更見明顯。至於麵食，製作比較平實，建議引入透明中空的水冷麵相信更為合拍美味。 飲品另點上豐梨及柚子 Cider Rita 。以近似雪碧的汽水加入豐梨或柚子蜜製作，賣相冰涼吸引，味道普通喇，其實無乜特別，兩者比較以柚子味道較為特出。 二人同行，點了兩份餐，一客奶奶雞，確是進取了