Season Oyster & Wine Bar (已結業)

生蠔是不少人的至愛，很多人對它趨之若鶩，亦有些人避之則吉，但其實很多時不愉快的食味和經驗都是因為生蠔不夠新鮮所導致，如果是即開生蠔的話大都是鮮美爽甜，並不如印像中般腥澀，當然口味和接受程度這回事不能一概而論。大家都知道要吃新鮮生蠔當然是去蠔吧最穩妥亦最多選擇，但奈何市面上一般的蠔吧價錢相對來說收費較貴，使到一種蠔粉唯有勒住肚皮，只可間中開懷嚐鮮。最近來到銅鑼灣邊緣鄰近維園一帶，造訪了一間隱藏於橫街內、主打即開生蠔的餐廳，門面以一大幅綠葉牆作招牌，十分搶眼，落地玻璃放滿了不同的紅白酒，感覺像一個酒窖多於餐廳。店內以木色系為主調，灰色的牆身加上紅酒木箱作裝飾，配上微黃昏暗的燈光，設計帶點Vintage風，環境氣氛舒適到位。門外宣傳板以$9一隻即開生蠔的優惠作招徠，原來惠顧原支餐酒亦可以特價換䐟指定生蠔，實在太吸引了，筆者二話不說先點來一支偏甜的Moscato白酒，並以換購價$50選購了12隻的精選生蠔。當晚的精選生蠔是來自美國和法國的蠔種，雖屬優惠和換購價錢，但店家一點也沒有馬虎，生蠔十分新鮮潔淨，端上來時裙邊還在動呢！蠔身雖屬小號Size但仍算肉厚爽脆，海水味不算太濃，入口鮮甜帶少許金屬

間餐廳係內街有啲難搵，搵左一輪先搵到。餐廳有兩層，我同朋友被安排坐上層。上層樓底矮，周圍既傾偈聲困住晒，好嘈。而且冷氣啲風好勁，吹到正，之後叫左侍應較一較個冷氣葉。張櫈係鐵櫈，坐得唔係太舒服。每張枱都有一個按鐘，方便顧客點餐，但㩒左等左陣係冇人黎既。所以咁啱有侍應上左黎，就要把握機會叫住佢啦！諗住叫燒海膽芝士多士，點知侍應話焗爐壞左，所有焗野都冇。最後點左白酒生蠔套餐、牛肝菌意大利飯、日式醬煮魷魚筒。等左半個鐘，咩都未黎。咁催一催叫佢上住杯酒先啦同順便加日本一口和牛粒。之後都等左十分鐘先上杯酒。牛肝菌意大利飯，味道係ok既，但唔夠熱日式醬煮魷魚筒，味道唔錯，可惜又係唔夠熱食完個兩味，生蠔都未到，又追一追。等左一陣就送黎啦，懷疑佢係漏左單。本應係第一度菜，變左最尾，無奈。生蠔其實幾肥美幾鮮既。其間隔離枱覺得凍又去較個冷氣葉，啲風又吹返落我地度，唉好凍。一口牛等左好耐都未黎，已經追左兩次。第三次同佢講如果未整就取消。過左一輪，侍應話已經幫我地取消左。哦，好，咁凍都唔想再等，唔食都罷。食物係可以，但環境同服務都唔掂，應該冇下次。

今日一行四人, 個個都係生蠔愛好者, 一齊嚟蠔一蠔餐廳提供5款生蠔, 我哋叫個尊貴白酒生蠔套餐, 再加2款生蠔, 幾乎試曬咁多款套餐配嘅法國香檳, 配生蠔或熱食一樣咁夾。廚房開緊蠔, 我哋先食個足料沙律。 主角出場啦!!愛爾蘭生蠔(左上)精選生蠔(右上)法國吉拉多生蠔(下), 呢盤生蠔上檯一刻夠曬震撼隻隻蠔身水分豐盈, 有光澤, 係看得見的新鮮成隻手掌咁大嘅法國吉拉多蠔, 蠔香濃厚, 肉質細緻, 口感極creamy, 帶海水鮮甜味, 成為必食之選。美國蠔, 蠔味無咁濃, 不過肉質反而係咁多種蠔之中最飽滿, 加點檸檬汁可帶出鮮味, 同時中和海水鹹味, 抵食!!香脆可口嘅多士配海膽, 我都係第一次食, 估唔到又幾夾, 重好有新鮮感牛排薄身, 肉質鮮嫩, medium就啱啱好啦。意大利飯口感creamy, 散發濃郁菌香。原條鰻魚配經典燒汁, 惹味非常。

今次嚟到Season搵食！ 餐廳由銅鑼灣出發要走一段路～座落於小路的一角～綠色的招牌令人有煥然一新的感覺！店內的草牆後原來藏著秘道上2樓！整個餐牌大部分都是海鮮～看得人心花怒放！還有特別推介～聖誕節特別menu～很多食物比主餐牌便宜一截～一打生蠔還送一支白酒！！難得整間店都坐滿人～精選生蠔12隻($148)因為我們不喝白酒～選了精選生蠔12隻～每隻才$10多點～十分抵食！生蠔體積比較小～不過很香店員一放下已有海水味飄出～第一隻先吃原味～蠔味濃郁～海水味亦重～鹹鮮味十足！之後再試試加上檸檬汁跟茄汁～酸酸甜甜跟的和海鮮互相輝映～海鮮拼盤(冷) $398掙扎著吃牛扒還是海鮮～最終還是選擇了海鮮～這個海鮮拼盤有龍蝦半隻、磯煮鮑魚、小龍蝦4隻、大蝦4隻、加拿大藍青口6隻、加拿大翡翠螺6隻～十分豐富！每一樣都十分新鮮～尤其是那半隻龍蝦還帶有一點點羔～鮮甜至極！！翡翠螺亦算大隻～爽口彈牙！牛肝菌意大利飯 （$128）香氣撲鼻的意大利飯！一邊拆海鮮～內心又被其香氣引誘～份量頗多～飯質的黏度不錯至怕那些水汪汪的自稱意大利飯這裡的完全合格！生蠔拼盤真的十分抵食～有機會再來的話我一定會加$48換更大隻的生蠔

世界真細小。港島區的朋友約食飯，説要飲酒談心，約了在中央圖書館、聖保綠醫院附近的這間餐廳食飯。來到發現這裡餐牌和價目都似曾相識，原來我上星期到過他們於觀塘的分店食過！因為朋友愛酒，計過點生蠔package 最抵，$198有一打生蠔連白酒一枝，雖然明知不會是高級的酒，但平時叫一杯house wine 都起碼要四、五十元，現在一枝酒連十二隻生蠔只是這個價錢真的物超所值！生蠔頗大隻，質素不錯。生蠔套餐送的意大利白酒一枝。這裡有多款小食併盤供選擇。愛吃「熱氣嘢」的我，點了炸物併盤，可自選四種食物，我選了薯條、魚手指、元貝粒和雞翼。炸元貝粒最好食，炸物冇得輸。其實一邊飲，一邊傾，吃得慢，淨吃頭盤已有八成飽，但朋友堅持要點一個主食，於是就點了比較容易share食的牛肝菌意大利飯。意大利飯煮得幾好，軟硬適中，芝士味和菇菌都很濃。

同朋友一同過去Season Oyster食海鮮，提早慶祝X'mas。餐廳已經有X'mas promotion，價錢不算太貴，主要是海鮮及餐前小食類。海鮮拼盤份量十足，足夠二人分享，海鮮款式很多，樣樣都可以試齊。龍蝦是波士頓龍蝦，蝦肉不多但有蝦膏，蝦肉爽口彈牙，蝦膏鮮甜。小龍蝦咸味比較重，不夠鮮甜，肉質不夠爽彈。大蝦雖然不算大隻，但肉質鮮甜爽彈，是幾款蝦中最好味。磯煮鮑魚味道有日式風味，有淡淡的木魚香，肉䇦爽口彈牙，而且煮得很腍很入味，是眾多海鮮的首選。青口味道比較一般且較淡。翡翠螺肉質爽彈有咬口，不過有點沙。Gillardeau是法國石蠔，海水味比較重，所以偏咸味，肉質結實爽脆，而且十分肥美，鮮味十足。牛肝菌意大利飯：意大利飯飯粒分明，煙煙韌韌，飯內有些雜菌，而牛肝菌味道濃郁，加上豐富的忌廉汁，整體非常creamy而且飽滯。總結：食物味道中上，海鮮新鮮鮮甜，趁Christmas可以訂定返屋企同屋企人一齊過一個豐富的X'mas。

之前喺Facebook見到推廣，＄148可以食到12隻生蠔，真係很吸引。我和家姐就是因為這個推廣，所以特地前來銅鑼灣season oyster and wine試吓。喺銅鑼灣F出口一出，走大約7至8分鐘就可到達。它就在銅鑼灣信德街，柏麗酒店的旁邊。有個酒店地標，所以都很容易找到。餐廳門面很有大自然風格，用了青綠色的草鋪成牌匾，感覺很文青。入到去，餐廳不算大，但很精緻。餐廳裏有一個酒櫃，上面擺放了不同的白酒和紅酒，可以同朋友暢飲一番。來到都已經八時半，食客都有好幾圍，有的是情侶，有的是朋友。他們都喝着白酒，枱上放滿不同的小食，放心暢談。見到每一位都點上他們推廣的＄148十二隻生蠔，我們也當然不放過啦！原來＄198就能夠連多一支白酒，難怪枱枱都飲緊啦。這裏有不少特價小食，芝士焗生蠔，海膽多士，白酒煮蜆，日本一口和牛粒等，價錢都便宜。我和家姐都難以選擇，所以最後前菜我們就點了12隻生蠔加一支白酒，蒜蓉牛油焗翡翠螺。主食都叫了兩份，一個是牛肝菌意大利飯，另一個就是意大利肉醬千層麵。生蠔拼盤連白酒一支＄198畢竟價錢便宜，生蠔不算大隻，但勝在很新鮮。生蠔很鮮甜，裏面盛載着不少海水鮮味。這裏足足有

等左好耐終於到happy friday!!!一早約好同朋友食飯，說好的生蠔已經等左好耐啦朋友揀左呢間蠔吧地方唔算好大，勝在夠清靜，同朋友傾偈啱哂一坐低就睇吓佢個生蠔menu, 最後決定要左呢set精選生蠔套餐，一打$148，好抵食生蠔屬於較淡味，非常新鮮而且啖啖肉好重海水味，$148真係好抵食一打輕易被解決有個特價menu, 全部都好想試，本來想試慢煮牛柳，可惜店員指製作需要一小時，為留返時間去sogo血拼，都係下次早啲先再黎試煙三文魚沙律，份量足抵食，非常足料沙律菜好新鮮，好健康白酒煮蜆極度推介！蜆夠新鮮而且係大大隻！啖啖肉口感十足，而且有少少白酒香加上特價中$99，值得一試燒海膽多士都有驚喜因爲好足料，咬落有濃厚芝士拉絲仲有大舊海膽，呢碟一定要襯熱食最後加個意大利飯作結，牛肝菌味十足，為呢餐劃上完美句號

約了朋友在此相聚，剛到門口，以為那是一間酒窖，因為廚窗放滿了各式各樣的酒。進到餐廳，發現地方不是太多，只有幾張枱，所以不會太多人，我最怕人多嘈吵的地方，這裡正合我約三五知己在這裡聚舊。我們點了每月精選，一隻珍寶蠔及一杯白酒，生蠔很大隻，而且十分新鮮，從未吃過如此肥美的生蠔！果然是此店的招牌菜接著送上香煎法國鵝肝，配上疏打餅可中和鵝肝的膩，而鵝肝煎得外脆內軟，十分香口，很美味！我們也點了牛油蒜蓉焗大蝦，大蝦很巨型，但因蒜蓉味太重，吃不出蝦的鮮味，幸好可同時僻去腥味。主菜點了牛肝菌意大利飯及慢煮美國厚切牛柳配海膽。先說意大利飯，很香牛肝菌味道，而且很creamy，味道帶點菌類的澀。慢煮牛柳比想像中大件，肉質嫩滑及充滿肉汁，配上士多啤梨醬及蘋果作配菜，令人感覺清新。海膽很鮮甜，有鼓芒果的香甜味道不得不提該店服務員的態度很好，十分有禮及充滿笑容，令我對這餐很滿意

呢晚同朋友去「Season」食蠔 小妹喺摩頓台落車 行入小路先來到 唔係朋友介紹真係唔識嚟一入門口 就見到右手邊嘅bar檯放咗個長長嘅冰盤 上面放住唔同種類等緊畀人食嘅生蠔另一邊有唔同種類嘅酒精飲品為咗唔令海鮮變質 店內嘅冷氣開得有啲凍... 嚟幫襯嘅朋友記住著多件衫小妹問店員要水 佢拎咗成支過來 太方便了朋友book檯時pre-order咗幾款生蠔 我哋一坐定 店員立刻送上！3款生蠔排得好整齊 用冰粒墊住... 好多人會用檸檬汁中和腥味 不過小妹最喜歡原汁原味！店員建議由左至右順序享用最左嘅係「南非Rollx生蠔No.1」 最肥大飽滿 肉特別厚中間係「法國Schaller生蠔No.1」 有明顯甜味 肉質特爽最右係「法國KRY生蠔No.1」 海水味偏重 size較細順帶一提 生蠔通常用重量分等級No.0最重 No.2最輕 呢度嘅No.1都唔細啊「煙三文魚沙律」不過不失 有四大片煙三文魚 店員話加咗黑椒更好味 但怕我哋唔食得辣 無幫我哋加（幾細心啊） 加咗確係唔錯！「牛肝菌意大利飯」係朋友點嘅 小妹第一次食牛肝菌 係一款薄身嘅菇 味道好似無蘑菇冬菇嗰啲咁濃烈 但咬落好爽口 個汁好「傑」

做野壓力大，OT無極限，難得早收工，梗係去食餐好，唔係對唔勤力的自己。之前有留意過觀塘season plus，可惜太遠未的起心肝去，見佢搬左黎銅鑼灣，即刻9秒9放工過去Season Oyster & Wine Bar。海鮮拼盤特價＄198，仲要原隻龍蝦上，又係唔叫對唔住自己。要吹水，點可以無薯條，要＋$28先有黑松露醬，做野咁辛苦，唔加又係對唔住自己。因為呢餐要對得住辛苦的自己，所以一口氣叫左risotto、黑毛豬、海鮮拼盤同薯條，見隔離飲紅酒飲到爽yy，但要渣車⋯⋯對得住自己系列之海鮮拼盤：最吸晴當然係原隻龍蝦同鮑魚，好少見海鮮拼盤有鮑魚上，可能見識少，但內心翻起千重浪。龍蝦如圖見附送大量膏，爽口彈牙；鮑魚出奇地咁好食⋯⋯有幸福的感覺。兩人黎講，份量係好足夠，因為特價對得住自己系列之黑松露薯條：10個有9個人都鍾意食薯條，一食就欲罷不能，仲要配埋矜貴嘅黑松露醬，成件事係滿分，5分鐘已經食哂全部薯條⋯⋯對得住自己系列之黑毛豬：朋友堅持食豬，所以揀左黑毛豬，以為細細件，點知係大大件，啱哂食肉獸，呢個要趁熱食，肉汁都保留到，食得出大廚嘅功力對得住自己系列之risotto：慣左一定要有飯到肚

新鮮海鮮生蠔同我say hello 個日禁禁下facebook，見到Season plus 由觀塘搬左去銅鑼灣，有好多新優惠，包括生蠔$9隻/買五送一（視乎國家），又有$198海鮮拼盤、$98龍蝦+黑松露薯條等等，咁就燒著左我我地一行四人帶埋爸爸媽媽去食，因為佢地都係生蠔既fans我地叫左海鮮拼盤、黑松露薯條、黑毛豬、燒鰻魚、牛肝菌意大利飯，仲要encore埋生蠔買五送一，但全部都食哂，無做大sai鬼海鮮拼盤：新搬黎優惠$198，出面一般都$300幾，有龍蝦、生蠔、青口、螺、鮑魚，尤其螺、鮑魚同生蠔，真心正，鮑魚都不可貌相，以為個色怪怪地，點知好鮮甜，大家都讚好。黑松露薯條：必食必食！平時一定會叫茄汁，呢個醬好食到唔洗叫茄汁，如果個醬多d就好啦黑毛豬：好厚身以為會好鞋，點知juicy啖啖肉，尤其鍾意個sauce。燒鰻魚：出面食一舊壽司都$40，宜家原條都係$138，d汁好日式好夠味，連紫菜都食埋因為seafood platter 個生蠔好食，所以再encore左買五送一美國蠔，當然無佢個d法國咁好食（$20-30@1），加埋檸檬汁都相當唔錯希望佢定期都會有優惠