張公館

营业中

休息中

今日老闆和我來銅鑼灣見客，時間尚早，老闆就帶我去他常去的中菜館吃一頓豪華午餐，這裏有維園海景， 裝修幾高級。而且還有很多明星，不過見他們主要在包廳內。小吃的【鹹魚花生】幾香口，脆卜卜食上癮。【金牌三小食】包括西班牙黑毛豬叉燒，肉汁留在口中甜甜蜜蜜，一舊真的不夠喉；麻醬海蜇彈牙爽口；陳醋木耳同樣是涼食。【張公館燉湯】非常足料，中間有魚肚、鴨腿肉、乾瑤柱和豬肉等，濃郁的味道，把所有精華集在一起，超好渴！【脆皮遼參鵝掌伴三色菜】第一次試吃海參，原來是沒有味道的，外皮脆脆地，中間的質感有點像啫喱，幸好茨汁濃郁；鵝掌就非常惹味。【瑤柱荷葉飯】是我最喜歡的糯米飯，荷葉味道和瑤柱味道同樣濃郁，索滿香氣，中間還有其他蝦米乾冬菇粒等。最後甜品亦很補，【生磨蛋白杏仁茶】杏香味道重，而中間有很多蛋白更加滑嫩，很滋潤對皮膚很好。這餐真的不便宜，多謝老闆帶我見識高級中菜。

公館菜指的就是有門戶的人家做的私房菜，得悉張公館平日有一個特價的脆皮遼參套餐，特意前來一試茶壺一直有火爐熱着， 十分貼心套餐原價$388 ，現在只需$198 ， 超值金牌三小食有陳醋黑木耳、麻醬海蜇及西班牙黑毛豬叉燒！厚切的叉燒油潤甘香張公館燉湯為蟲草花花膠燉水鴨能補中益氣、消食和胃脆皮遼參鵝掌伴三色菜用上日本的關東原條遼參，外皮煎得挺身，外脆內軟，耳目一新！鵝掌以鮑汁去炆，十分入味瑤柱荷葉飯，荷葉的清香滲入惹味的飯料中，令人欲罷不能飯後餐廳贈送每人一份糖水，生磨蛋白杏仁茶杏仁味香濃，口感細滑陳皮紅豆沙入口時卻有一股淡淡的陳皮香味，吃完之後唇齒留香餐廳座位環境舒適，全海景景觀，而且有很多包廂，很適合商務聚餐

環境5分：高級中餐廳格局，廿九樓有無敵景，樓面高，地方光猛闊落唔迫，可以畀五分。衛生5分：餐枱有曬白色枱布，人人都有對公筷同刀叉，熱茶一路有火暖住，一樣畀五分。服務 5分：樓面好鬼多經理，上菜自動介紹食品，又不斷加茶，都係五分。味道5分：1)      套餐入面嘅金牌三小食有陳醋黑木耳，麻醬海蜇，西班牙黑毛豬叉燒。黑木耳好爽口，好開胃。麻醬海蜇都好爽口，好嘢味。西班牙黑毛豬叉燒就超級鬆，又好爽口，非常好味。2)      張公館燉湯用左蟲草花，花膠，雞腳，瘦肉，乾瑤柱燉乳鴿。個湯好足料，有成兩三件好滑好厚嘅花膠，隻雞腳又淋，蟲草花個味又出，味道好香好濃好甜，滋陰又潤肺。3)      主菜係個脆皮遼參鵝掌伴三色菜。三色菜有唐生菜，菜心，西蘭花，全部都好新鮮。大大隻鵝掌好滑好濃味。最特別就係件炸過嘅脆皮遼參，個皮真脆唔油，又厚又爽。4)      瑤柱荷葉飯好香好乾身好夠料。5)      甜品送蛋白杏仁茶，好滑又唔甜，好健康。抵食5分：二百幾蚊個午餐可以食到足料燉湯，花膠，鵝掌，遼參，好難話唔抵，畀硬五分。

又到月尾家庭聚餐時間，當然要揀返間咁上下嘅餐廳盡顯一下「孝子」嘅表現啦。問過身邊朋友話呢度維港個景無得輸，所以早就約定媽子係今晚黎食。點知打錯算盤，估唔到七點咁早都咁多人無得安排坐落地玻璃窗嗰邊，唔可以一邊嘆靚景一邊食飯。可惜可惜。但呢度食物質素都好好，成功挽回孝子嘅分數。甫坐低無耐，六宮格即刻送上。六格分別係：冰菜温室蕃茄，蜜汁叉燒，麻醬無花果，酥炸白鴿蛋，香煎墨魚餅，同埋百花秋葵。蜜汁叉燒肥瘦適中，蜜汁味香濃又有少少燶邊加上蜜汁豆又腍又入味。秋葵入口滑溜溜，一下就吞左落肚了。炸鴿蛋個皮好薄，蛋味都香但略微唔夠味。而墨魚餅香口彈牙，配上泰式酸辣醬，零舍醒胃。而冰菜真係第一次食，覺得好爽脆不過無咩味但同酸甜蕃茄仔啱啱好夾。麻醬無花果軟腍清甜，帶上麻醬嘅酸香，覺得係六樣入面最出色的。之後係燉花膠響螺雞腳湯，材料非常豐而且香氣十足，入口每一啖都鮮甜回甘。加上佢燉嘅時間好足，花膠同雞腳嘅骨膠原出晒黎，所以飲落黏口。除左變鞋口嘅瘦肉之外，其他湯渣都一掃而空。飲完甘甜嘅湯後黎個酸酸甜甜嘅咕嚕肉刺激下味蕾，同埋荷葉飯醫肚。咕嚕肉酸甜度啱啱好，而且炸得皮脆肉嫩咬開仲見肉汁。用嘅菠蘿香甜得黎帶少少果酸

27號仲放緊假，帶爸爸媽媽去試新嘅中餐館，飲吓茶先！鐵板蜜汁叉燒 ($198)未試過鐵板上叉燒咁食，仲要係捧埋嚟嗰陣先落醬汁，做到渣渣聲嘅效果。啲叉燒勁鬆化，完全唔鞋唔韌，完全唔黐牙，肉質紋理清晰，整體偏甜但好好味！不過食到最尾，隻鐵板有啲燶，冇咁靚囉珍菌蘑菇包 ($48)唔再有新意嘅蘑菇包，但呢個又整得好靚，個包嘅面真係好似菇咁樣一岩一攙，第一口覺得點解有朱古力味嘅？！食真啲原來係菇味，仲好濃添，但入面嘅菇餡就好似少咗啲，不過食完之後個after taste好勁脆焗蝦多士 ($98)一碟6件，失望咗！好似係就咁簡單一件多士，上面放幾件蝦肉，再鋪一塊卡夫芝士，好求其啫！食落個多士雖然香脆、蝦肉都嫩滑(但冇味)、而芝士就溶溶哋咁囉，真係好簡單，而且用一塊咁嘅芝士實在downgrade咗整道菜瑤柱荷葉飯 ($198)原塊荷葉包住嘅飯份量好足，入面嘅料例如豬肉雖然瘦但一啲都唔鞋；蝦乾勁香，飯粒乾身，回味無窮養顏紅棗糕 ($48)雖然煙韌度足夠，但紅棗味唔夠濃，有啲失色呢度個景真係好靚，食物價錢當然係包咗嘅，但食物質素唔係超級amazing嗰種。如果真係想食景嘅，食樓下間韓國雞更化算。