祥興記上海生煎包 (已結業)

見到open rice 列出2016米芝蓮餐廳，我同hubby續一尋訪。今晚來到荃灣尋找這小店食生煎包。遠處已見人龍，確定無搵錯地方。這小店是先排隊付款再入座。店舖十分擁擠，是肩並肩，背貼背而坐 。套餐只需40元，包凍飲，粉絲湯和生煎包兩個，好抵食。咖哩粉𢇁湯：有兩片牛肉，牛肉軟林；有豆腐卜：索囇D湯汁，無油「益」味，很軟；粉絲：正常，無斷無碎；湯：像咖喱粉加在粉絲湯內，微辣，無乜咖哩香，有D嗆喉。 蘿蔔粉絲湯（18蚊）：有少量蘿蔔，同兩塊開邊豆卜，蘿蔔有點硬，唔甜，湯好清，好淡，有少少咸味，蘿蔔味唔突出。 生煎包：28元4個。有脆脆底皮，飽皮好薄，饀料是碎肉饀，一咬有肉汁溢出，是小籠包的進化版加脆皮底。雖然這生煎包和上海傳統帶甜皮較厚的生煎包有所不同。但此港版生煎包的改良也非常不錯，更多汁，皮更薄，相對饀料比飽皮多，更多肉味。

身為荃灣友，佢未攞米豬蓮之前已食過好幾次，而且我有理由相信個小食組評委內一定有荃灣街坊，因為荃灣總共有三間上榜，除咗呢間外仲有榮安同千色車仔麵，榮安都叫合理啲，千色真係長期拍烏蠅極唔起眼，咁都上榜真係非常有可疑。 講返祥興，區外朋友嚟荃灣必食，生煎包四隻$28，其實唔平，而且又唔夠一餐。佢有個$40餐兩隻生煎包+粉絲湯+飲品，夠一餐，但粉絲湯極一般，嚟幫襯都係為生煎包，得兩隻又到喉唔到肺。所以我個女仔朋友食完個餐再要追加四隻，成$68落樓，真係仲貴過去飲餐茶。攞咗米豬後，感覺多咗人慕名而來，包括鄰國遊客，唔知係咪因為突然響朵，啲服務反而比之前好咗，啲阿姐客氣咗。但生煎包無以前咁新鮮熱辣，不過仍然係我食過最好味嘅生煎包。啲位窄得無可再窄，感覺好唔舒服，食完即走。

按住朋友仔的推介，找到此店。在門外見款式不多，但知道這個生煎包好出名。回來看，盒面的圖案幾靚，打開後，個包還是好熱的。還有一杯仔醋附上。個包多汁，皮脆，食完一個想食多個。。令人回味。

生煎包，在上海已有上百年既歷史，亦係大眾市民喜愛既點心之一，相信愛吃生煎包既朋友對祥興記這個名字一點兒都不陌生。今天剛好來到荃灣上課，上課後當然要前往祥興記品嘗下那裡最出名既生煎包喇 ！可能因為下雨天既關係，外面等待既人們不算多，不用五分鐘便有位置坐了，然後就立即點了一個下午茶餐，包括四隻生煎包及一杯飲品，盛惠$32 。飲品方面，平時我會選擇豆漿，不過見有其他餐廳很少出現既粟米汁選擇，今次即管試一試，可惜就較為失望，因為以前飲過鮮搾粟米汁，所以一飲就飲得出分別。首先，感受不到粟米既香甜味，口感亦不足，飲了少少就再沒有飲了 。然後，主角生煎包就黎到喇 ！我立即迫不及待拿起筷子把它夾起來品嘗品嘗，生煎包煎得脆而不硬，皮亦很薄，可見師傅既功架。咬開了外皮一小口，已看見裡面滾燙的鮮湯，賣相非常吸引，然後慢慢吸出裡面既湯汁，非常鮮甜，餡份量十分足，充滿肉味，很有咬口。以這個價錢，食到如此質素既生煎包，確是高興，性價比咁高既生煎包，為了它，必定會再來 。

看到這間很多人排隊而我又喜歡吃生煎包，便買了一試。由於我一個人吃所以不想買太多，但原來最少要買四粒，也勉強接受，可惜味道令我失望，包皮尚算香脆，但覺得肉味怪怪的，所以未必會再試。

一早已經聽過朋友講起這間「祥興記上海生煎包」，今次搵晚餐食中途經過，終於有機會試試~祥興記堂食設最低消費每人$20，一份4個的生煎包$28，也有配湯粉絲和飲品的$40套餐。不過其實「外賣」到舖頭外面的bar檯位也沒什麼分別，我地因為是晚飯前的小食，吃不了那麼多，就「外賣」一份試試算了。坐在外面，看著玻璃窗內的店內環境，你眼望我眼，有點搞笑。生煎包雖不及上海小楊生煎那種一食難忘，但外皮很脆，一啖咬落去，肉汁多到隨時辣親個咀。之前有朋友因不知道肉汁如此多，曾經一咬就被噴得一身肉汁，所以這次我便小心地試，結果也只是把肉汁濺到碟子上。生煎包還有醋汁可沾，但個人認為不沾也已經夠味道。若大家經過荃灣，想搵掃街小食，這絕對是一個值得推介的選擇!!

行街行到攰攰, 大約下午04:30去試下呢間生煎包 (因為聽人講幾好味下)一入到去搵位坐低, 舉左下手叫唔該, 個女店員就立即以勁無禮貌嘅態度話''落單行過黎落'' 大佬! 就算我真係誤會左可以喺位落單都唔洗咁無禮貌呀? 個女店員仲要做做下嘢企埋一邊傾電話。 上碟又粗暴, 一嘢掟落黎咁！好! 講服務講到一肚氣。 講番啲相對開心嘅嘢---食物我叫左一個下午茶餐$32 有4個生煎包以及一杯飲品由於所有都係預先整好 所以好快上枱生煎包個底 煎到金黃而且脆口, 第一啖咬落去真係會噴汁,唔係講笑! 所以之後3個我都小心啲咬 但都係漏左唔少湯汁出黎

呢間野已經唔係第一次黎，店舖小小但客似雲來，可算是川龍街最旺的食店。外觀無咩好影正常餐廳一間，我地直接入正題啦！間野半自助式咁，門口落單之後自己搵位坐低就會有人拎野比你食。服務一般，唔叫差但就一定唔係好好，似老麥咁。今次我地只叫左生煎包同兩杯柑桔汁，因為上次已經食過佢個粉絲，完全無驚喜所以無再叫，想食飽ｄ其實可以叫埋，但我建議你食多４個生煎包會更好。姐姐好快手9秒99就比左兩杯柑桔汁我地台灣柑桔汁 - 品道就一般，好個人口味差異，但唔係難飲。不過唔知點解飲完仲渴。。。。。生煎包 - 上碟無賣相可言，可想而之佢係全打實力派。咬開幾多湯，底皮脆口、肉汁濃，佢仲加左黑白芝麻多左陣香味，仲可以點豉油加豆瓣醬會唔同效果。因工作關系成日去上海，而上海的生煎包其實比香港好食好多陪，我指求其入一間都好食過香港。但呢間野係香港可以算整得最好食的頭幾間。咁岩我地坐位睇住廚房，可以見到姐姐點整生煎包。動作超快唔洗１５分鐘就煎好一底要食新鮮就要睇彩數，但我可以肯定話你知，新鮮好食好多倍。甲為我有一半是新鮮整起的最後呢餐只係食左$76蚊，唔算貴。整體而言，呢間係我覺得值得回頭食的餐廳。

下雨的日子又冷又餓，剛好經過沒有人排隊，進進去坐下。位置很迫，但幸好人不多。下午茶時間，$32有四只包，一杯飲品。吃下熱熱生煎包，很溫暖！還有一杯不太甜的熱豆漿。是一個簡單幸福的下午。

紅極一時，人龍熱店，很多人慕名而來。心想冬天應該是旺季，應該會多人，這個下午店內卻未見滿座。退步了嗎？生煎包即買即食，卻只是暖暖的，不夠熱。求過於供，當然新鮮熱辣，供過於求，要吃到新鮮貨自然要碰碰運氣，今天算有點運滯。皮薄，湯汁夠，尚算保持到，可惜包底不夠鬆脆，少了一種層次感。若然連招牌貨都不保，只會留下失望二字。豆漿，普普通通。

家住荃灣，周不時都會經過此店，人流都唔算少，只係未有衝動想光顧此店，感覺總是興趣不大。直到見到團購網經常有此店既優惠，終於的起心肝，買左$18/4件生煎包x3張團購劵。今日見團購劵限期快到，決定同男友去試下佢既出品。落單時出示團購劵，店員提醒: 團購既食品係唔可以堂食！所以我倆只能響門外坐著高凳，望住開放式廚房，隔住玻璃同裡面既食客面對面咁食，真尷尬！講返“馳名生煎包”，小小一個既生煎包，面頭灑上蔥同芝麻，個底都算煎得香脆，配埋醋食都幾好味。不過，我倆食完生煎包後，都一致認為生煎包內既肉湯都令人好口渴，這足已證明 ”味精作怪”! 生煎包同小籠包一樣，都係靠內裡既肉汁湯底，如果肉汁只係以強勁既味精去加強食物味道，Sorry，如此 ”重口味”既食物真係唔岩我。只可一，不可再！

早餐都未食就拉了一家之煮出發當然要食一點點東西才出發啦！幾日前才食過祥興記上海生煎包，實在很回味~所以又拉了一家之煮去食呀！還好時間尚早，沒有人等位也沒有人買包子呀~生煎包是一定要點的~皮脆肉嫩又多汁，不過，唔知係咪太早無乜人買的關係，包子只是溫溫的，不是熱辣辣的...除了一人一份生煎包，我們還點了一份上海雙檔一起分享~上海雙檔其實是一條百葉卷及一個油豆腐包，併上粉絲百葉卷及油豆腐包都卷著豬肉餡，味道是一樣的~ 不過，油豆腐比較好食，因為它吸滿了湯汁，掛湯力十足~ 粉絲質數還可，略嫌份量太少~ 湯頭比較鹹及"師傅"味很重~不試也擺~下次再食，還是點生煎包就夠LU~

周末的早上當然是不願起床啦~加上今日約了朋友去高茶，更加不願起床，想skip breakfast 之餘skip 埋lunch~但米飯班主及一家之煮早早已出門，逛完街街再買了美味的去餵飽家中兩條大懶蟲呢~他們去了荃灣，買了新鮮出爐日日大排長龍的祥興記上海生煎包給我們食~回到家，依然是熱呼呼的~生煎包上沾滿香香的芝麻及香蔥，點小小香醋先咬一小口包子，皮薄薄的，湯汁立刻蜂擁而出，有滿滿一湯匙的湯汁呢~湯鹹香十足，但又不會很油膩再咬一口肉餡，鮮嫩不韌，連一口包包的底部同食，脆脆的，口感豐富非常~小小的一個包子，卻帶來驚喜十足呢~~食了一個包子，就立刻出門高茶去啦~~

行完山去食D野. 一開張時很多人,當時無試. 依家不用排隊. 這個生煎包皮薄底脆汁多.味道還可以,但有一點點腥味(失望),食完很口渴,兼因底脆有點熱氣.只可以一試.

每日返工都會經過這間小店 其實也不是什麼小店 皆知在荃灣也算出名的那天終於決心一試 進店第一時間就被人趕了出來 服務員以悔氣態度叫我出去先落單說真的 我自己是沒所謂的 但在店裡的十多分鐘 店員的態度全沒好過不求五星級服務態度 但以對待平常人的方式是基本吧耳聽不少顧客都因店員的無禮態度而感到不滿就算食物有多好也徒勞 大多的客人都不會那麼自虐 送上門吃黑面吧講到招牌生煎包 本人是欣賞的 包底香脆 內裡充滿肉汁好吃歸好吃 但只推薦外賣除非你有自虐傾向吧......