尚鮮海鮮料理 (已結業)

逛完時代廣塲，心血來潮麻辣癮起！朋友帶路去附近呢間火鍋店，有鮮活刺身和麻辣火鍋，滿足晒兩個願望！這裡是樓上鋪9樓，原來是人氣火鍋店， 獲獎無數，門外掛滿美食獎項。裝修型格 以黑色木系主調，行日本居酒屋風格，多卡座位！日本深海島 馳刺身賣相擺設精緻，非常吸精！深海島馳魚 要看季節性，不是每天都有。由日本空運 新鮮到港全條活魚，起肉切片做刺身，入口嫩滑鮮甜。上等貨色，無與倫比！雙拼湯底 (三高野菌茶鍋 + 血池麻鍋)野菌茶湯底 清甜滋潤，美顏養生。 血池鍋麻辣香濃嗆口，不算油膩，內有黑木耳腍身索味！大花甲店員講解是韓國的大刀貝。 體積較平時食開的花甲大。新鮮嫩滑，肉質爽甜，有淡淡的鹹水味! 泡淥的時間要注意，避免過火變韌！手切牛邊肉師傅刀工細緻，每一塊都厚薄適中。肉質相對比較細嫩，油花和紋理分佈均勻！口感嫩滑，牛脂甘香！四圍餃 尚盛有尚鮮蟹皇餃、松葉蟹皇餃、木耳鮮蝦雲吞 西洋菜香菇餃 各2隻。 將蟹膏蟹籽蟹肉混合包裹在餃子裡， 蟹味濃郁，甘香美味！鮮蝦雲吞，用原隻鮮蝦製作，鮮甜爽口彈牙，令人一試難忘！田園盛 蔬菜籃份量十足，蔬菜種類款式頗多，新鮮清爽，放上麻辣鍋，索滿香麻辣湯汁，刺激過癮

之前朋友推介呢間打邊爐，因為今日係假期既關係，8點打後已經full booking,所以就早d去食個早晚飯。呢間邊爐係走精緻路線，所以除左邊爐之外，都有好多由日本空運過來既刺身同埋唔同既紅酒白酒，甚至清酒比人配搭！我地一開始就叫左個刺身拼盤做頭盤，個拼盤入面有鱆紅魚、帶子、泰式生蝦同汁煮鮑魚，帶子同鱆紅魚相當新鮮，味道鮮甜，而鮑魚既口感都好爽脆，生蝦都好細心地配有泰式生蝦醬，整體質素相當不錯！之後到主菜打邊爐，我地叫左個姬松茸冬瓜湯拼麻辣湯底，冬瓜湯鮮甜，麻辣唔會太辣，適合唔太食得辣既朋友。D調味料都好不錯，有芝麻同埋薑揀，其他地方好小有。我地叫左幾樣野 - 呢個手切安格斯牛肉味夠濃，脂肪比例岩岩好四寶丸有蝦丸、墨魚丸、豬肉丸同牛丸。蝦丸同墨魚丸都好彈牙，牛肉入面仲有d咸蛋黃，味道都幾夾，好有驚喜！響鈴仲係熱既，岩岩炸起所以好好食！蝦滑釀冬菇好足料!菜既份量好都多,而且仲有好幾款既蔬菜比你揀，唔洗淨係食一款咁悶。總括泥講食材好新鮮，自製丸類都好有心機，整體質素好不錯，下次會叫多d朋友一齊泥試埋d酒

打風前夕去完銅鑼灣剪頭髮，朋友話想打邊爐，即刻上網搵吓有邊間好，見到呢間餐廳推介新鮮嘅海鮮，而且又有刺身，可以又打邊爐又食刺身，就一於呢間啦見到餐牌有是日推介，有鮑魚、龍蝦、象拔蚌等等，店員就推介我哋試一款甘膳鯛，原來除咗刺身食法之外，仲可以加少少錢叫餐廳加工變另一食法我哋今次就試刺身食法，甘膳鯛刺身好新鮮，而且師傅將刺身擺放得似一件藝術品，賣相好靚影相一流，魚嘅質地食落好有口感，而且幾鮮甜，我地可以試到平時少食嘅魚生，好有新鮮感而打邊爐我哋就揀咗海底椰鱷魚雞湯底，店員首先推薦我哋飲一碗湯先，飲得出好滋補好清甜，湯底嘅材料好足夠，有鱷魚肉、雞腳、海底椰，杞子、圓肉等等，飲完覺得好暖胃喜歡食牛嘅我哋就揀咗一碟手切牛邊位，牛肉嘅脂肪分佈好平均，肉身比較實，好有咬口，朋友都覺得好有牛味，打邊爐必點另外叫咗兩款餃子🥟，一款係蟹皇餃，另一款係松葉蟹餃子，餃子裏面嘅餡料好足夠除咗肉之外仲叫左蔬菜，我哋叫咗個田園盛，有齊粟米、金菇、白蘿蔔、生菜、菜心等等，令打邊爐感覺健康啲，而白蘿蔔吸晒湯底，好鮮甜好入味，而且粟米都好鮮甜餐廳仲有其他小食可以選擇，我哋試咗一款椒鹽牛蒡，脆卜卜好似食緊薯片咁，配上椒鹽

一行四人到銅鑼灣食火鍋，竟然有舒適卡位還有獨立的電視！我第一個到，侍應很快就提供暖水，服務不俗。點了兩個二人套餐，台式黑椒腸比一般的芝士腸有風味，肉餡豐富。日本蟹柳頗高質，不會輕易就散開。圓鼓鼓的是木耳鮮蝦雲吞，造型特別，啖啖肉的。雲呑和餃子都是皮薄餡靚，不錯！手打丸每顆碩大，吃起來口感很爽。海鮮類的脆鯇片拼廣島蠔水準甚佳，脆鯇片非常爽脆，廣島蠔飽滿肥美，兩者都好鮮味！田園盛的菜蔬鮮甜，栗米尤其清甜！最後可以選上海年糕或者公仔麵，我們選了較少有的上海年糕，煙煙韌韌的，頗有趣。套餐有罐裝汽水或者 house wine。追加了午餐肉，食到有肉絲，用料好好！

雖然天氣好熱，但香港人真係好鍾意打邊爐，我都唔例外。怕人多，所以決定六點就食晚飯，好彩未到晚飯時間，唔使等位，仲有卡位坐餐牌有好多款食物，選擇困難既我，最後揀左二人餐，唔使點諗之餘又可以樣樣試下一如一般火鍋店，可以自己調配醬料，呢度既員工仲幫客人倒埋豉油湯底點左牛肝菌昆布，先試一啖湯底，係清甜既味道，昆布和牛肝菌份量都唔少特尚手切牛：脂肪比例很平均，是較淋身同有牛肉味，好好味，對於兩個人黎講，份量都不少！鮮打牛丸：有咬口，但不靭。鮮打豬肉丸：較牛丸淋身，比較喜歡豬肉丸。木耳鮮蝦雲吞：一咬落去，就知佢地真係用鮮蝦，好彈牙，應該唔係一早包定既，成粒雲吞感覺好新鮮！西洋菜香菇餃：好少食西洋菜餡，估唔到咁好食，入面唔知係唔係加左馬蹄，仲脆脆地咁，好得意十分推介大家試下呢間火鍋店既餃類，好好味脆鯇片：與其他火鍋店差不多廣島蠔：應該是急凍的，但也沒有雪藏味，每人兩隻剛剛好。田園盛：入面有菇、菜、粟米、蘿蔔，其中粟米係好鮮甜忍唔住叫左兩杯特飲洛神花茶蜜：濃濃的洛神花味，而且洛神花可以清熱降火，好適合打邊爐飲。青檸梳打蜜：呢杯估唔到咁好飲，青檸味同蜜糖好夾，而且落既蜜糖份量應該都唔少，推介飲品我覺得呢

在香港人心目中，打邊爐的飲食節目已經不分季節時令，不論人數多寡，有冷氣的地方都能齊齊恰下恰下。這天便和姐妹到過銅鑼灣的尚鮮打邊爐。餐廳以黑色為主調，夠搭實又夠型格，座位多以四至六人的卡位為主，有小型電視機伴著打邊爐。周邊佈置有掛簾和小燈籠都充滿著日式風格，感覺典雅親切。另有獨立廂房供一大班人自成一角，私隱度什高。另一處牆身掛上特色推介的海鮮或火鍋配料，再放有一系列新鮮的海鮮的display，證明店舖用料新鮮，可供客人即席揀選，非常吸引。細看餐牌，餐牌除了精選鍋底、海鮮盛、海鮮刺身、牛肉、自家手工精品、火鍋料、田園蔬菜，特色燒烤/特式小廚等過百款食品選擇，真係要花一段時間先可以睇得完整份menu。好彩餐廳仲有供應套餐，分有二人、四至六人、六至八人，最適合一班有選擇困難症的朋友。不過宵夜時段原來更多優惠，除了有刺身宵夜套餐$388外，更有活象拔蚌五折$388、手切安格斯六折$98、沖繩啤酒買一送一和火鍋埋單七折優惠，真適合一班娃鬼朋友來這裡夜消磨吧。為免選擇困難症發作，一早鎖定了精選二人套餐$688，湯底由牛肝菌昆布、冬蔭功、土鄉清湯三選一，另外食材還包有特尚手切牛、鮮打牛肉丸拼豬肉丸、木

銅鑼灣耀華街百樂中心近年成為了美食熱點，不少食肆也進駐其中， 近日去了一間大廈入面的火鍋店，主打自家熬製靚湯鍋底，讓客人打邊爐之餘還可享用足料靚湯，上網搜尋一下，原來這店大有來頭，餐廳曾是得獎熱店，難怪食物用料有著一定的水準。電梯門甫打開，已感到非一般傳統火鍋店的裝潢，裝修設計以木系為主調，座位分成鋪上軟墊的布幔箱座，和一些四人或大圓枱，周邊佈置如掛簾和燈籠都充滿著點點日式風格，感覺典雅舒服。細看餐牌，這店的精選鍋底多逹十多款，除了限售的蟲草花花膠燉雞湯和鮮人參黑白蒜螺片燉烏雞湯外，還有藥膳花雕醉雞鍋、椰子清雞窩、鮮牛肝菌昆布湯和招牌龍皇海鮮鍋，款款精心配搭，選擇頗多；而火鍋配料亦不是交行貨，除了生猛海鮮外，還有各種特別配搭的手打丸子和餃子，更有一些盞鬼小食提供，讓人期待。就如店主大廚的心思，食火鍋重點當然是湯底行先，朋友選了椰子清 雞鍋，湯底端上來已傳出陣陣的椰子清香，用料十足，店員將鮮雞件 放入湯裡煮了一會後，便著大家先試一下椰子清雞湯，湯汁入口清甜滋潤，椰香滿滿，湯色清澈，入邊還有雪白椰子肉，就像是在飲椰青 水一般；而雞件肉質嫩滑，皮薄膏少，雞味濃郁，帶著淡淡椰香，口感不俗。食火

近日泛起了點秋意，又是時候相約朋友們打邊爐啦！奈何吃火鍋一般都比較＂熱氣＂，加上天氣乾燥，很容易會喉嚨痛，如果換成滋補的湯底呢？會否不夠惹味？今次就找來了在耀華街的尚鮮，貪他有坐得舒適的４人卡位和寧靜的環境，每個卡位還有獨立電視可看呢～先點個湯底吧，選了川貝海底椰燉嚮螺湯底，潤一潤喉嚨～侍應會讓我們先喝湯，看這個湯底多足料，好美味啊～～像在家喝媽媽煲的湯似的喝完後侍應會盛起湯料再加雞湯用來打邊爐，先調個混醬和點個鬼佬涼茶吧！蟹皇餃：先來的蟹皇餃，餃子皮薄，內裡包的是全是蟹粉，十分足料，正！百花釀油條：必叫的油條，用來打邊爐真是一流，像嚮鈴一樣煮１，２秒就能吃，千萬不要煮太久啊！四色丸尚盛：最驚喜的一款，初初以為只是４種味道的手打丸而已，但原來是內有乾坤的！分別有墨魚、蝦、豬同牛，特別有於每款都有包心的！墨魚包的是紫薯，白色配紫色好Sharp啊！蝦丸的是芥茉籽，豬肉丸配黑松露，牛肉丸配蛋黃其中豬肉丸和牛肉丸的內涵味道比較突出墨魚滑釀冬菇：冬菇每隻都蠻大隻的，釀了墨魚滑在中間，這個配搭也是挺特別的，墨魚滑很爽口彈牙，配上冬菇一起不錯吃牛三併：少不了當然是要吃牛吧，牛三併包括牛邊位，牛柳粒和