富士山55 (拉麵沾麵專門店)

营业中

休息中

見有唔少好評 所以試下 果然好好味 八點去到 等左五分鐘左右就有位 唔算好多人 叫左兩沾麵同拉麵 濃香櫻蝦沾麵 (加麵200g) HKD93+28揀左較硬嘅麵 硬度適中 湯底都有蝦味 但唔太濃 白湯豚骨拉麵 HKD83揀左日本濃厚湯底 湯底好有驚喜 真係比一般'傑' 又唔會太鹹 拉麵係比沾麵幼 但都好好味 係豚肉份量比較少沾麵加飯HKD20最後如果仲唔夠飽可以加20蚊 係沾麵湯底加飯 會有啲似risotto 但唔太夠味總結黎講 好滿意 係香港好食嘅拉麵店之一 見到仲有限量特色拉麵 下次可以再試

7:15pm來到門口已有十幾個人在排隊不過排左15分鐘左右就入得，都幾快排隊時，店員已派點餐紙雖然知呢度吃沾麵出名但我個人鍾意拉麵放湯先好食點了白湯豚骨拉麵麵夠爽嘅~~開頭時，食食吓好易浸淋湯呢~就略嫌傑左少少啦明明我叫的是清淡湯(佢個湯可選澴味或淡味)但係吃到一半，啲湯可能凍左啦變得好傑傑到=____=就係掛湯咁款我個人唔like掛湯撇除傑噠噠的質感外口味是不錯的啦

食晏食唔飽，百日宴又未到入席時間，只好在宴會場地附近搵食。見到有間日式拉麵店門口有條小人龍；既然這麼多人排隊，質素應該有保證，唔理咁多，排隊至算。上網翻查一下，原來《富士山55》源自日本名古屋市，並分別在泰國曼谷、台灣及香港設立海外分店；反而在日本當地名古屋市以外地方，卻沒有太多分店，甚至沒有插旗在大阪、東京等大城市，真的有點奇怪。一如其他在香港開設的日本過江龍拉麵專門店，在門口排隊期間，店員已經要求客人預先點選食物，主要目的當然是方便廚師控制時間，確保客人入座後在最短時間即刻可以有嘢食。除了減少客人的等候時間之外，也提升效率，增加拉麵店的翻枱次數，做多幾輪生意。標準日式拉麵小店格局，舖位面積細小，只有幾張二人及四人枱、及一個開放式拉麵廚房，廚房前面就是窄窄的拉麵吧枱。吧枱上放置了一些調味品及日式漬物。一如既往，老婆只喜歡淡口湯底的日本拉麵，又不嗜辛辣口味，在沒有太多選擇下，點了最正常的白湯豚骨拉麵（$83）。麵條比較硬身，估計與沾麵採用同一款麵團，所以缺少了正常的日本湯拉麵的彈性。湯底選了清淡口味，顏色比較淡色、而且也較稀；味道以日式拉麵的標準來說，已屬於清淡，但依然能夠品嘗到相當濃

今天星期四，由於20:30左右才到，門口只得兩人排隊(備有少量椅子)，一會兒便已經入坐bar枱。內子點了偏好的豚骨沾麵(特濃)，筆者則點了豚骨拉麵(濃厚湯底)。不需10分鐘，沾麵已到，麵身較粗，湯分裝在不鏽鋼碗裡，以便稍後(有須要時)加熱用。豚骨拉麵隨後亦到，湯底極之濃稠，喝湯時接近糊狀，十分濃郁。我們另外點了煎餃子，皮略薄，多肉，少汁，香口。內子吃畢沾麵後，本想加「芝士飯」，但怕太飽，改要了一碗鰹魚清湯加進沾麵的特濃湯底裡(免費索取)。筆者小嚐一口，味道比拉麵湯底咸一點，吃不慣太咸的可考慮不選特濃湯底。店內備有紙巾盒，方便食客，讚！整題感覺良好，值得再試！

放假玩完好肚餓，肥髀想食拉麵，呢間地點近，口碑又唔錯！去到好日本拉麵店格局！要坐吧枱，每個位都有個電磁爐，一張點餐紙，選擇唔多！特濃豚骨沾麵：真係好濃，要跟指示加魚湯，沾汁初時好熱，好快就唔夠熱，要自己加熱，上菜已經係不銹鋼碗，加熱好方便！粗麵好彈牙！有咬口！白湯豚骨拉麵：湯好濃，幼麵索晒湯，紫菜沾湯好味！餃子：餃子皮煙韌，有肉汁！唔黏皮，好好！樽裝茶：夠凍，解膩一流！店員好勤快，又細心，留意住我哋嘅需要！又教我加熱！好nice

去紅館看演唱會前到尖東搵食是指定動作。這天決定試試富士山55的拉麵。店內座位不多，幸好時間尚早可立即入座。雖然這裡出名吃沾麵，但我和男友也不太感興趣，最終還是點了2個湯麵。白湯豚骨拉麵 - 配清淡湯底，其實湯底相當濃，麵質有彈性也能掛湯，叉燒和半熟蛋也做得不錯。濃香櫻花蝦拉麵 - 濃厚湯底加上大量櫻花蝦，雖然很香但吃起來實在過咸了><煎餃子 - 外皮薄薄的有點脆，入口沒有油膩感，不錯拉麵的水準整體是不錯的，也許因為麵店是來自名古屋，口味比較重一些 (在名古屋吃拉麵時也有這感覺)。只是個人不太喜歡湯底入口很"杰" (就像忌廉湯……)，感覺怪怪的。

今天是我的last day，同事帶來到這裡食，這裡不設訂位，不過1:10來到都有位！這裡好像是日本人開，而且都有日本人幫襯。這裡的沾麵好似幾出名，我比較懶，所以叫了白湯豚骨拉麵，同出面的拉麵有d唔同，湯亦比教杰、比較濃，日式叉燒就中上，隻蛋就真係好好食，整體食物水準唔錯，$78碗麵(無加一)都值的，係環境差了點！

在尖東探完可愛既忌廉哥後，也就順道到在附近的富士山55品嚐一下拉麵！來自名古屋連鎖經營的富士山55其實來頭也不少，在日本有數十間分店。店鋪的名稱富士山55具有玩味，用日文唸是Fujiyama GoGo的意思！這次專乘來，是為了一試非常特別的櫻花蝦油拉麵。生長於熱帶地區海域的櫻花蝦外殻軟薄，營養成分豐富；尤其是肉質鮮美！這次櫻花蝦油拉麵果然沒令人失望，在香濃的豬骨湯上，撤滿了美味的櫻花蝦，喝一口湯時豬骨湯帶櫻花蝦的鮮甜味道，輕咬櫻花蝦更是海鮮味道四溢，實為豬骨湯生色不少！這裡的拉麵麵身較幼，也是爽口彈牙；叉燒肥瘦適中，做得既腍且滑。另外也點了經典的白湯豚骨拉麵，這款是沒有加入櫻花蝦的拉麵，能一試這裡濃厚的原味豬骨湯呢。雖然名氣不及一蘭及豚王等拉麵店，但富士山55的實力實不遜色！喜歡拉麵的Couple們十分值得一試喔！

之前已食過, 但因為肚太餓沒有拍照, 只記得很特別的口味 + 好食, 所以這次再來一定要記住味道分享下~ 趁不用等位或搭檯, 立即入店~ 店內座位不多, 2張各可坐6人的大檯, 然後就是bar 檯了~餐牌選擇不多 -- 選擇困難症患者福音(誤) 連帶一張點餐紙, 可以自選食品之餘, 還可選擇濃/淡湯底, 蔥筍可以"走", 麵身硬軟或者標準~ 而且店內不時會有期間限定的食品, 喜歡嘗鮮的話可以留意下哦~ 白湯豚骨拉麵 ($78) - 我選了「較柔麵」+ 「清淡湯底」, 味道適中, 帶有日本拉麵湯底的濃厚, 但未至於過咸, 日式叉燒脂肪挺多的, 是會入口即溶的感覺. 特濃豚骨沾麵 ($78) - 果然"特濃"!!! 很厚重的味道, 麵條較粗身, 選了 「標準麵」質, 還是覺得有點硬的. 吃這種沾麵, 店內會有特別介紹食用的方法; 湯容易變涼, 覺得不夠熱時可以拿到旁邊的電磁爐加溫; 覺得湯太濃, 可以加專屬的湯~ 吃完沾麵, 就嘗試上次沒叫的追加芝士飯 ($20) - 使用前要把腦內對一般"芝士味道"的記憶洗走! 它口感像意大利飯, 糊糊的, 而味道吃不出芝士味, 是味噌口味的意大利飯!

今天2點45分去到, 睇怕已經忙完LUNCH HOUR, 店內沒有客人, 只有1個侍應在進餐... 商場內的入口, 有几張等位櫈, 大大個招牌, 遠處望過去, 吸晴能力頗高牆上的餐牌, 很可愛!餐牌簡簡單單, 沒有太多選擇我點了白湯豚骨拉麵, 老公點了櫻蝦油拉麵, 2款既湯底都係特濃, 湯底好杰, 直情有D似糊仔, 麵質較幼, 沒有特別.... 我很喜歡白湯豚骨拉麵的湯底, 是淺啡色的, 很濃厚的豬骨味, 第一口確是令人驚喜, 沒有喝過如此濃的豬骨湯... 讚! 溫泉蛋是普通貨色, 但也好味.. 而2 片薄薄的豚肉也不遜色, 沒有比濃濃的豬骨湯搶去味道, 還可以明顯地食到有肉的香味, GOOD! 櫻蝦油拉麵的湯底, 相信是豬骨湯上加了櫻花蝦, 第一口喝下去時, 感覺非常鮮, 但就搶去了豬骨湯的香味了, 要多吃几口的話, 我還是會選擇白湯豚骨拉麵.... 煎餃子, 太乾, 不會再食喇, 因為我地發現原來係用光波爐整既, 令我地覺得好冇誠意, 點解煎2下都懶呢....敗北之處是光波爐放在太揚眼的位置了, 唉!  呢度係有沾麵叫既, 由於趕時間關係, 今次沒點上, 始終要點黎點去咁食, 都要