彩興來來火鍋 (已結業)

又打邊爐今次想食得健康啲就你屋企附近搵咗一間冇乜味精嘅打邊爐去試吓佢哋主打湯底,本身想食下佢個黃金雞湯，但係見到隔離食緊個鯇魚湯有好大舊魚，好似好好味，所以就試吓呢度唔同其他打邊爐餐廳，佢個鍋係鐵鍋，本身諗住佢係就咁倒啲湯落嚟，但係師傅係就先係個鍋度熱阻啲蒜頭，再慢慢加湯，然後再落一啲好大嘅鯇魚，再焗一陣。師傅話個湯係冇落味精，唔想個客覺得係啲湯就咁溝出來，所以就係客人面前煮嗰個湯底。係打邊爐之前，我哋飲咗幾碗湯。果然真係好鮮甜。佢特別嘅係，唔似其他餐廳會用薑去pick鯇魚嘅腥味,佢哋用咗紫蘇葉。我個人鍾意紫蘇葉陣味，所以我真係覺得好好飲。飲咗幾碗湯之後，我哋都開始打邊爐啦。首先我哋帶咗一碟手切肥牛,一碟手工丸子,生菜，同白鱔片。就連個麻辣醬都係自家制。因為已經有好大碟魚就諗住淨係嗌啲特別啲嘅菜。果然所有食材都好新鮮。老闆經過仲話佢係要員工就係街市買餸，而唔係入貨. 所以啲嘢食係特別新鮮。其中嗰啲丸子亦都唔係用機打，係師傅用手做-有牛油果鮮蝦丸,竹笙蝦丸同紅米卷,全部都好特別，係出面食唔到。我地最後都冇叫水或者飲品，所以個湯真係冇乜味精，值得再泥

宜家去將軍澳方便好多，搭２個站就到，所以都多左去Popcorn果邊。今次就去左天晉探朋友睇BB，食完薑醋就上網睇下附近嘅食肆諗定晚餐，就搵到天晉旁邊嘅帝景灣！老實講，如果唔係Openrice真係唔識搵到呢度!不過見到呢度嘅雞窩食法幾特別又想嚟試下~　我哋六點鐘就嚟到啱啱晚市。湯底我地揀左黃金雞湯侍應打開檯既面蓋，原來下面藏咗一個生鐵鑊。生鐵鑊夠鑊氣, 要用得靚就每次要用食油保養，用既時候沖一沖就得~所以店員都準備左水幫我地沖沖鑊。先落薑蒜爆香，煎香雞件、花膠、蟲草花、鮮准山～最後加入雞湯，湯滾好先飲兩碗，真係鮮甜無比，湯料入哂味，雞件嫩滑，花膠夠厚身！飲夠湯就加清湯落火鍋配料～花雕肥牛真係要推介一吓！將肥牛浸入花雕入面，因為係落單即浸既，店員叫我地等一等先食，好讓花雕入味~ 最正係脂肪部份，入口散發出香濃既花雕味~呢個食法真係第一次，味道層次同平時食既花雕雞好唔同！叫左一渣桔仔水清涼一下~ 白鱔片　唔係平時雙飛既切法，切得厚身，更有口感呢度都有d 手工特色野，就好似呢個手工盤四寶:啤梨丸： 外層係蟹籽入面係鮮墨魚丸， 整成一個梨型，口感彈牙!牛油果鮮蝦丸: 鮮蝦丸入面有啲牛油果幾特別，

行完 pop corn 路經帝景灣， 比佢d落地玻璃吸引著就行左入了睇下豪宅。行過見到有間火鍋店，老闆話佢哋用生鐵鑊打邊爐嘅，我哋見咁特別就入咗嚟試試喇！果然！冇令我哋失望🤩我哋揀咗湯底黃金雞湯$188入面有花膠、蟲草花同半隻雞； 簡左湯底後，侍應提我地個湯滾咗之後可以飲碗先，再慢慢揀火鍋嘅配料。嘩！ 生鐵鑊打邊爐其實真係第一次。侍應一開始就攞啲水嚟幫我哋洗咗個鑊，隨即就喺我哋面前製作個湯底。先用薑蒜爆香個鑊，之後再落花膠同雞，仲有最重要嘅蟲草花。炒香曬啲配料就加水冚蓋，煮成個湯底。呢個湯淨係睇配料都覺得好足料好補啊！然後老闆就攞咗個九宮格過嚟，入邊放左唔同嘅醬料畀你簡。 入面有佢哋自家製嘅酸辣醬、沙茶醬、仲有火鍋必備嘅炸蒜、生蒜、芫茜、蔥。 另外好貼心咁樣準備咗一支麻油淨係睇以上種種已經覺得呢一間火鍋店十分之貼心。我哋就叫咗個醬爆手打丸$128，包括柚子墨魚丸、芥末芝心鮮蝦丸、黑松露蘑菇牛丸、花膠粒北菇肉丸；每樣都好有自己嘅特色 柚子墨魚丸；濃郁既柚子蜜係入面，特別清香。如果你冇食過甜嘅丸，提議你應該要食黎下啦！芥末芝心鮮蝦丸；真係十分有刺鼻既芥末，芝士充滿成個口，但仍然都保持著蝦既

這邊新起多個樓盤，還開了很多幼兒培訓PLAYGROUP系列。而母親大人跟小米在這邊探路時，發現這邊有食店，所以選定在這邊晚餐。而自己放工後，就沿著燈箱指引，來到這個火鍋店。　在卡位就座後，先看看餐牌，都是很正常十分大路的鍋底和火鍋料。選擇困難症發作之時，職員就來主動介紹各款鍋底。誰知小米想要養生鍋！即是菇菌粟米之類，總之肉都唔多條的鍋底。我和母親大人都有點驚訝！小米平常無肉不歡，何故會喜歡＜養生鍋＞。點選其他食材後，然後自己調校醬料。以大量芫茜蔥蒜再加麻油，夠健康吧！　這個漆黑的鍋，是生鐵鍋嗎？職員把鍋內清洗乾淨後，放入養生的食材：粟米，小蘑菇，花菇，秀珍菇，金針花，杞子紅棗。在鍋內炒熱後，再倒入高湯，慢慢煮，然後多款食材都呈上了。　　終於等到這個養生鍋滾起來了！可以開始這晚的養生宴。　頂級安格斯牛頸脊　　餐牌有極上肥牛，美國肥牛，花雕肥牛。但自己知道，肥牛就是紅白相間，牛肉和牛脂平均分佈的牛肉。　不過，看到隔離枱講日文的客人所享用的安格斯牛頸脊，紅多白少，即是肉的比例較高，少脂肪，所以點這個安格斯牛頸脊。這盤安格斯牛頸脊跟隔離枱一樣都是紅多白少，可以想像到那種以肉味為主的靚牛。有高質