貴緣小鍋米線 (崇潔街) (已結業)

米線關注組推介嘅米線，梗係要試下，呢間最近仲喺北角開埋分店，所以應該幾受歡迎今次試佢紅磡總店，星期六晚去到好多熱門配料都已經售罄，好彩都仲試到唔少推薦菜。我同朋友每人叫咗碗米線同小食，share試下多啲嘢🌟酸辣小鍋米線- 秘製腩肉- 雞翼- 爽口魚片頭- 蘿蔔酸辣米線有酸菜、韭菜、芽菜、炸醬、香葱，辣度我揀咗小小辣，好易入口，而酸味好濃，但帶有後勁嘅甜味，有啲似蘿蔔嘅清甜味，未食過咁嘅味道，幾特別。配料方面，我幾推薦蘿蔔同腩肉，因為蘿蔔冇渣兼炆得好淋好甜，而腩肉好入味而且唔肥🌟麻辣小鍋米線- 豬軟骨- 鮮製魚皮餃- 蘿蔔- 豬紅麻辣米線有韭菜、芽菜、炸醬、香蔥，而湯底除咗有蘿蔔果種清甜味，仲有好香嘅麻辣醬味，非常惹味！我個人覺得麻辣比酸辣更出色🌟雞絲山呢碟好多人叫黎打卡，因為碟仔裝住滿到瀉嘅雞絲，望落好澎湃，點少少醬油當做多個米線配料都唔錯🌟皮蛋豆腐呢個係預期嘅味道，但佢個汁做得幾好，唔太鹹，連埋汁一啖咁食係幾好味整體黎講，呢間米線嘅湯底同配料都幾出色，如果未食過呢間嘅就千祈唔好錯過

📍地址: 紅磡崇潔街20號地舖✿😋味道😋：4/5 ❀✿🏙️環境🏙️：4/5 ❀✿🤵🏻服務🤵🏻‍♂️：4/5 ❀✿👀衛生👀：4/5 ❀✿💰價位💰：4/5 ❀↠⏰時段： 下午 15:00 非繁忙時段↞ ✦✧ 位於紅磡小巷嘅「貴緣小鍋米線」， 小店開業8年，至今轉咗手一年；店舖標榜每日以大量新鮮豬骨熬製濃厚嘅湯底，唔會用濃縮湯精，每碗都即叫即煮，份量充足嘅雲南風味米線。✧✦ 店舖環境比較細，大概有九張枱，如果繁忙時間應該好多人，而落單就係用電話掃QR code。—————————————————————🥢🍜❝ 秘製麻辣湯米線🌶️（小辣） ❞ $62❀ 內含：炸醬、韭菜、芽菜、蔥🥬+ 豬軟骨$10、秘製腩肉$10、肥牛$10、多蔥$1☞ 麻辣湯底好濃味，不過揀咗小辣可以再辣啲，而且米線份量都好夠，豬軟骨炆得好淋，肉質唔韌，而且好入味；另外秘製腩肉有小小微辣，腩肉唔肥，都係好入味；肥牛嚟講都幾有牛味，米線質地嚟講唔算好淋亦都唔係好爽，啱啱好中間。—————————————————————🥢🍜❝ 招牌酸辣湯米線🌶️（小辣） ❞ $59❀ 內含：炸醬、酸菜、韭菜、芽菜、蔥🥬+ 滷水雞翼$10、冬菇皇$9、螺旋

🤍呢間米線店應該算係區內人氣比較高嘅餐廳!! 最近仲以雞絲山而越嚟越岀名🤣 佢嘅舖面唔算大 位置唔算多 但都唔會坐得好逼~ 另外用QR code落單 唔洗等店員黎先落到單, 又可以慢慢揀餸好方便~ 除咗米線之外佢哋仲有唔少小食嘅選擇~🤍我地嗌左兩碗米線 一碗係招牌酸辣湯 另一碗係秘製麻辣湯 兩碗湯底我地都係揀左小小辣 飲落都真係微辣程度 唔太食得辣既朋友都完全唔需要擔心🫶🏻米線質地爽滑 唔會煮到過稔👍🏻最怕就係米線質地太稔 一食落口就變左一pat咁🫢配料方面 招牌酸辣湯果碗 揀左滷水雞翼、豬紅、蘿蔔、生菜，滷水雞翼好入味 咬開入面既肉都滷到上晒色，豬紅質地實淨 唔會一夾就散開，蘿蔔冇渣 味道偏甜，生菜好新鮮好索湯😋秘製麻辣湯果碗 揀左秘製腩肉、滷水大腸、冬菇皇、墨魚丸配料，腩肉本身係微辣既 調味唔錯幾惹味，滷水大腸份量好大方 件件都好大舊，冬菇皇超厚身超入味 煮得好稔調味甜甜地 個人認為係試過幾款配料入面最正既😻🤍小食方面試左皮蛋豆腐&蒜香醬油雞翼皮蛋豆腐個汁係麻辣汁 不過都唔會太辣 豆腐好滑 配埋皮蛋呢個組合本身就係冇得輸蒜香醬油雞翼有大量特調蒜蓉醬喺面 調味啱啱好唔會太咸幾香 雞翼

招牌酸辣湯(小辣）加咗炸響鈴、冬菇同鹵水雞翼，總價59蚊碗🍜冬菇夠厚身，響鈴配酸辣湯同蕃茄湯又係絕配😋雞翼滷得入味，係一咬夠骨可以脫肉個款🍗米線好滑，唯一係小辣反而比想像中冇咁辣，下次會試下其他辣度🌶️特濃新鮮蕃茄湯(小小辣）加咗鹵水大腸、秘製腩肉，總價54蚊碗🫶🏻價錢唔算好平，但蕃茄湯底真係幾開胃🍅豬腸唔係肥有咬口個款，偏瘦軟腍個款，值得一讚份量唔少同埋冇怪味🤞🏻腩肉都唔算好肥，偏薄身同碎咗少少🫣蒜泥白肉($27)食落幾重口偏鹹但就唔會好辣，豬腩肉薄薄一片過下口癮，用黎做小食都唔錯🧄皮蛋豆腐($24)呢個combination幾唔錯，特別啲豆腐好滑嫩，食落唔會覺得好heavy🫶🏻蒜泥雞絲山($24)好多foodie 都介紹雞絲山， 佢本身仲有款貴緣雞絲火山係等於中辣🌋愛食辣嘅人可以一試，蒜泥雞絲山本身個醬都辣辣地，睇落份量唔算好多，但食落都好飽肚🤰🏻

幾年前喺紅磡崇潔街附近返工，已經成日食「貴緣小鍋米線」。我冇講大話㗎，2019年已經喺Openrice寫過呢間嘅食評。我一直認為佢係隱世小店，但近排竟然成為爆紅店🔥。夜晚一向靜局嘅崇潔街，唔少餐廳直頭收九點，不過貴緣就相反，平日夜晚八點幾都要等位先入得👏。店舖面積唔大，座位唔多，但至少都算乾淨同唔太逼夾。社交平台關注組有人講米線舖易咗手，啲店員好似係唔同咗，不過餐牌菜式就唔算變咗好多，而且好似仲多咗選擇添，同時亦採用手機QR Code落單📲。第一碗要咗秘製麻辣湯($31)，🌶呢度嘅麻辣係我心目中全港頭三位好食。我要咗小小辣，辣度幾過癮，但唔過火，而且麻味好突出。佢嘅麻係滲透其中，而唔係好多椒籽、黐喉嚨嗰種。麵底要咗紅薯粉，佢係扭紋狀嗰款，望落閃令令✨，質感好Q彈；而且仲夾雜住芽菜同炸醬肉碎，進一步提升滋味。餸料方面，🐔雞肉絲($10)係招牌菜，我每一次嚟幫襯都一定會食，餐廳而家仲將佢推出做小食。但由於太晏嚟已經售罄，好彩淨餸就仲有。雞絲堆到好高，肉質偏嚡，但就非常索湯。甜酸齋($9)又係必食嘅餸，我諗無幾多間車仔麵或米線店有得配。依款餸分開上，大約有七至八件，好抵食。麵筋富嚼勁，滷到酸

重女米線食店，真係大部份都斤量十足，饑荒都唔怕餓親。大叔您仲咩坐埋黎，唔係想掙食麻？美女如雲的米線舖，但安排坐係面壁位就什麼都看不到，真陰功﹗而且燈光暗淡，非常困難將食物拍得色香味俱全呢。午市黃金時段長期滿座爆場，門口仲要排晒隊，所以多數等到尾圍才到達，食客較少唔洗等太耐，花 15 分鐘足夠落單、等貨、消滅、埋單。每碗獨立烹調需時，請各食家耐心等候。嬸嬸及姐姐對我真好，每次見我搭檯坐到迫迫夾夾，有鬆動座位就即刻主動轉檯，感激流涕。先試中辣、再中大辣，最後挑戰大辣，遁序漸進是我的風格。食得咸魚抵得濕，食得大辣預爆菊。重女米線店，何解女仕特別鍾情米線呢？我由細到大對米粉、瀨粉、米線都不太喜歡，米線都係近十年先開始間中食下。因為香港越來越赤化，麻辣米線舖越來越多，我都放膽一試吧，漸漸開始接受下來。豆漿，飲杯豆漿希望令副作用減到最低，清新凍涼豆漿不甜順喉解辣幫到手。皮蛋豆腐，其貌不揚，平庸的外觀，竟然香滑嬌嫩，不是陀地百福豆腐。撈埋蒜蓉、豉油、陳醋極俱美味 ﹗配搭優質皮蛋，彈彈甘香，反差的效果別有番風味，食得過。麻辣豬肚絲，腍腍的沒有彈感，滷味特濃，麻辣薄弱，都幾咸喎 ﹗浸浸熱湯沖洗一下，食落