築地日本料理 (金百利廣場)

营业中

休息中

叫得隱世係因為是上樓餐廳。叫Openrice好評如潮，所以想試吓。揭開餐牌感覺很開心，食物類型多元化— 壽司、拉麵、串燒等，應有盡有。而且價錢相宜。基本上不用睇價錢叫菜呢。🍣火炙芝士三文魚腩（$14）火炙三文魚腩 （$12）價錢好抵，三文魚腩都幾肥美，都幾美味。🧀芝士玉子燒（$58）上菜時嚇－跳。估唔到咁大碟。表面舖滿木耳絲及大板燒汁。芝士用上mozzarella cheese， 可以拉芝。蛋味季濃嫩滑。必叫之選。🥗牛油軟殼蟹沙律（$58）牛油果🥑生熟程度剛剛好。軟殼蟹酥脆得來有肉汁。醬汁酸酸甜甜，幾開胃。蟹子份量都好足夠，每一啖都食到。係－個食材豐富的沙律。🐂三品牛肉卷（$42）軟淋淋的牛肉包住香蕉加芝士。估唔到牛肉配香蕉🍌都幾夾。鹹甜鹹甜咁，滋味十足。🍚石燒鰻魚炒飯（$95）熱辣辣香噴噴的鰻魚炒飯。我哋專登鋪平D飯係石鍋到整飯焦。惹味可口。🐓鹽燒鵝肝雞翼（$52）我都係第一次食釀左鵝肝的雞翼。外脆內軟，鵝肝味濃郁，油脂感十足。今餐食得很開心。食物配搭有新鮮感，好似香蕉牛肉卷。值得回頭👍🏻

今日同朋友去咗間大件夾抵食的日本餐廳。我地兩個都一路食一路話要再嚟食，因為性價比超高，上菜好快，啱晒我地放工之後又要食飯又要去shopping ❤️ 全部大大碟，以個價錢睇，味道非常OK 。一人百幾蚊，叫咗6樣，食到飽飽。最鐘意芝士玉子燒❤️ 一上菜我同個朋友一齊wow 咗聲，個玉子燒大過個手掌，要用刀叉切開，中間仲有芝士拉絲，份量十足，都只係$58。三品牛肉卷 ($42) - 值得一試，因為個餡係金菇、芝士和香蕉。見到有香蕉，係好奇之下就r叫咗嚟食。個香蕉牛肉卷個口感軟淋淋，非常得意。壽司 (火炙芝士三文魚腩（$14件）& 火炙三文魚腩 ($12件））- 叫咗兩件。估唔到塊魚都有d厚度同新鮮。鹽燒鵝肝雞翼 ($52) - 雞翼入面唔係肝醬，而係充滿粒粒鵝肝。石燒鰻魚炒飯 ($95) - 好多鰻魚粒，如果多d鰻魚汁就仲好味牛油果軟殼蟹沙律 ($58)

好耐好耐無黎呢間位於銅鑼灣既地點超方便既築地日本料理！銅鑼灣港鐵站出口一出，行幾步路就到啦。呢間築地日本料理主餐牌選擇好多，有刺身，壽司，卷物，沙律，前菜，創作壽司，燒物，炸物，鍋物，嚴選料理，魚生丼，拉麵，飯類，甜品，而重點係價錢都唔算貴，又無加一服務費。之前試過呢度嘅石鍋飯，好正。今次一於試吓未食過嘅石燒鰻魚炒飯。另外再叫左兩款未食過嘅卷物。叫少少野食黎個二人早晚飯。石燒鰻魚炒飯 $95石燒鰻魚炒飯用熱石鍋上，熱辣辣。除左彈牙肥美鰻魚塊，仲有粟米粒，滑蛋同蔥花，個汁甜甜地，炒飯好濕潤，連埋咁多配料口感都唔錯，好好味。海膽帶子卷 $68 + 加州卷 $32海膽帶子卷一客四件，餐牌寫明有青瓜，牛油果，蟹柳，帶子，海膽。飯卷包住青瓜，蟹柳同少量牛油果，上面有一塊火炙左嘅薄切帶子同少少creamy海膽，海膽食落都唔算腥。加州卷一客四件，飯卷包住蟹柳，青瓜同滑溜嘅牛油果，外面加左唔少蟹籽。跟石燒鰻魚炒飯仲有個味增湯，個湯好熱，有豆腐粒，海帶同葱花，正常。座位正常，坐得都ok。

去過銅鑼灣嘅人都知道，銅鑼灣係好多好野食，不過要又好味又抵食就真係比較難搵。金百利係一個比較多抵食食店既地方，不過因為一上去就係餐廳，好多時都好難行過門口望下打探下先入去，而新店就更加難搵客喇。最近聽講上面開左間日本野都幾抵食， 約個朋友上去食好西先入面環境唔算大，不過都好骨子，整齊企理。叫左啲刺身、壽司、串燒、炸物，整體感覺幾好，性價比高，質素有番咁上下之餘唔算貴，抵食！壽司揀左劍魚腩壽司、蝦蝦三笑、芥辣八爪魚。劍魚腩夠鮮味，有魚香，而且一啲都無揸流灘，夠厚身，好味道蝦蝦三笑就如其名，有三種蝦既食法，愛蝦之人平平地可以食呢個。當然佢仲有啲靚啲嘅蝦，不過一分錢一分貨，大家自行選擇啦。刺身方面，雖然只係叫左活赤貝同鱆紅魚，不過上菜一啲都唔馬虎，有裝飾加乾冰上，效果好靚鱆紅魚好鮮甜，夠厚身，呢個好好味另外，活赤貝都即叫即開，唔係團購貨式一大包個啲，一般出面店舖會再貴十至廿蚊不等，其實真係幾抵食。到炸物！吉列炸生蠔又係喜出望外！我相信佢真係搵生蠔炸，而唔係買現成上晒炸粉個啲團購貨。因為隻隻size唔同，而且咬落去仲有好多汁，有蠔既甜味。炸軟殻蟹天婦羅都好大隻，夠厚身，香口。串燒方面，我只係叫

其實早幾年在港島區上班之時，也常惠顧築地。由於以前較夜下班，每次來到築地，都能享9點後優惠，非常吸引，若想不到吃什麼的話，隔1~2個星期便會到訪，加上特別愛上這裡的「鵝肝壽司」，可說是小妹吃過之中，整得最好吃的餐廳，外脆內軟之外，能感受到滿腔油潤的感覺，故常拉著那時的男友慕名而來。直到轉工離開港島區後，也很少再來，是夜相約友人到銅鑼灣，再度泛起「鵝肝」心癮，再續前緣拉友人來到此。不過大概太耐已沒來，雖然門外的佈局也依舊，但營運模式好像改變了。現在是以餐牌點餐的，而壽司則新增特別的款色，更提供素食料理，相對上較多元化。除了主餐牌外，亦有套餐選擇。不過最後還是單點選自己喜歡吃的比較好。先來壽司，點了北寄貝、赤海蝦、鮮帶子、龍蝦沙律、火炙芝士熟蝦、火炙三文魚腩。其中鮮帶子肉質厚身，入口鮮甜，是當中最不俗。赤海蝦色澤也晶瑩剔透，咬落爽口鮮甜。也要讚火炙芝士熟蝦，鋪上厚厚的芝士，來到時還稍熱，芝士味濃郁。而龍蝦沙律肉質爽口彈牙，包著的紫菜仍脆口呢。吃壽司的途中奉上鵝肝壽司，立即放下一切，當然要襯熱吃。鵝肝依然保持水準，擁有外脆內軟，不過油潤度好像不及以前，吃不出以前的味道，不過整體上雖沒有太大意

朋友響銅鑼灣放工，黎個二人聚會，找來金佰利的日本餐廳附近也有很多不同國家餐廳選擇，今次係日菜推薦門面裝潢挺不錯，日本風情，入口仲有個海鮮缸，有不同生猛海鮮，侍應好好，為我們安排了卡位，坐得舒服之餘，環境亦可以坐得耐d，傾下偈是次點了 三文魚腩刺身 & 油甘魚刺身，脆心四色 ，活赤貝壽司，石燒鰻魚炒飯三文魚腩刺身 （$55）& 油甘魚刺身（$60）刺身好靚，好厚切，呢個價錢抵返哂～ 三文魚刺身不但厚切，餐廳更是切花令刺身入口口感更強，魚脂分佈均勻，入口魚香味濃油甘魚刺身色澤光鮮，新鮮度十足，入口爽口，味道鮮甜，平日少吃油甘魚刺身嘅我也吃多了兩塊，回味度十足脆心四色 （$40）創作壽司都好有特色，賣相經已吸引，色彩繽紛，四色係取自刺身天然色彩—劍魚，吞拿魚，三文魚同鱆紅魚，刺身並不細塊，鮮甜度十足，中間夾了青瓜同炸三文魚皮，讓人入口口感清脆，炸三文魚皮脆口不油膩，配上青瓜清新口味，更會去除炸物油膩感面上刺身鮮甜配上脆心嘅壽司令人有多重口感👍👍👍活赤貝壽司（$42）活赤貝壽司係推介！原隻活赤貝上，分開兩部分上，活赤貝採用新鮮大隻，肉質爽脆鮮甜，令人大飽口福之餘，意想不到原隻上，這是日式餐廳少