炊豕店 (加路連山道) (已結業)

今日同朋友嚟到呢間炊豕店食晚餐，黎到6:30左右，已經開始要排隊，排隊期間已經同朋友諗定要食啲咩，原本打算食人氣推介嘅蔥油豬扒飯，但等到我哋入去嘅時候已經冇晒蔥油😭😭。唯有退而求其次，叫左秘製豬扒飯（咖喱汁）（$60）同厚餐肉煎蛋飯（$52）加肉燥汁（+$8），再加多個炸芝麻雞翼（$28）。秘製豬扒飯嘅豬扒選用炸嘅形式烹調，本身已經有香料作為調味，就算唔落醬汁，味道都唔會單調，外皮炸到酥脆，好食！厚餐肉煎蛋飯，午餐肉非常厚身，外層煎到脆香，裡面肉質仲好軟身，而煎蛋半煎半炸嘅形式烹調成荷包蛋，蛋白脆身，蛋黃流心～🤤哩度所有醬汁都同飯分開另上，可以比食客自己調節醬汁份量。咖喱汁食落去唔辣，正常發揮，而肉燥汁以肥豬肉作為主要材料，醬汁味道偏甜，兩個醬汁來講，個人比較鍾意肉燥汁。（不過我最想試吓就係佢嘅蔥油😭😭）兩個人食到好飽，最後埋單平均每人唔過百，喺銅鑼灣呢個地段來講，真係平民之選～

一早有聽過依間餐廳知道佢出名炸豬扒 聽講好脆好juicy終於試到啦~餐廳座位不多, 都幾迫下…我地6點鐘到達所以唔洗等位坐低無耐出面就開始長龍 運氣真好👏🏻✨秘製豬扒飯(肉燥汁)$54+炒滑蛋$10真係好大塊炸豬扒！而且同預想既一樣鮮嫩又juicy滑蛋係半熟狀態 好滑仲有蛋汁！✨沖繩豬軟骨飯(走葱)$56 少飯-$1豬軟骨好大舊炆到又淋又入味🥺佢吸收晒d醬汁 甜甜地用黎送飯一流呀！少左飯都份量十足 一個女仔食完全夠飽依間一定要有下次🥺🥺

可能下大雨，比較少人排隊，大約十分鐘就有位✌店舖比較細，所以大家都要坐得逼一點！但就好有小店人情味的感覺💛 非常大膽地點了兩款馳名豬扒飯🍛 我的胖肉肉就是這樣練成的😩😩🔹黃金鹹蛋燕麥豬扒撈粗麵 $65 +煎蛋 $7 豬扒鋪上鹹蛋黃再加大量燕麥片，我覺得比較沒那麼油膩，可能加了燕麥片，但我覺得比起原味失色，可能個鹹蛋黃太滯🔥撈粗麵就略為普通，撈飯比較好吃。🔹秘製豬扒飯肉燥汁 $54 + 煎蛋 $7 真的好吃啊！👍👍👍超大的豬扒，外皮非常鬆脆，肉質very juice😋，停不了口😂 肉燥再加煎蛋伴飯很棒棒啊！

舖面唔大，只有20幾個座位，好在都唔會坐得唔舒服😊店舖主打食豬🐷，食豬都可以好多款式，唔同部位點煮先最好食呢？----------沖繩豬軟骨撈幼麵 $56 + 滷水雞蛋 $7湯汁用左白蘿蔔、洋蔥熬製，豬軟骨吸收左湯汁既精華，味道甜甜地😊肉質算淋，骨都咬得倒，雖然未軟淋到好似啫喱咁，不過已經好過出面唔少餐廳😂幼麵係有啲咬口既，味道有啲鮑魚麵既感覺😅滷水雞蛋唔差，但係可以更加入味😁秘製豬扒飯 ( 肉燥汁 ) $54呢個係店舖既主打，豬扒夠大塊又夠厚😍炸得好香脆，肉質超淋而且多汁😍💕肉燥汁鹹香得黎又帶啲甜，飯粒吸晒啲汁，特別香口美味😝後加配料 咖喱汁 $10綿羊好奇咖喱汁味道係點，因為兩款汁都有各自既粉絲😂加配既咖喱汁係會用個碗裝住另上，裏面會有一舊薯仔🙂汁係有啲辣，幾香濃，係港式咖喱既味道😉薯仔係淋既，不過可以再入味啲😂

上網見到依間餐廳好受歡迎，唔係好貴，又幾近公司，就決定試下。佢開十二點，十一點十左右去到，已經有幾個人等緊位😋😋因為店內位置唔係好多，不過番枱都幾快，即使等位，應該唔使等好耐☺️☺️餐牌好似唔係好多選擇但樣樣都好吸引🤩🤩最後叫咗一個特製豬扒飯配咖哩汁同一個豬軟骨飯同一個魷魚鬚🦑餐廳好貼心，有得加錢要多飯或者減錢少飯👍👍唔會浪費。等咗五分鐘左右就有嘢食😋個豬扒好厚肉，完全唔會梅或者散，個咖哩係港式咖哩，好香，唔會太辣👍不過見到格離枱個肉燥汁都好像好好食，下次要點黎試下😂個沖繩豬軟骨飯好好吃，啲豬好香好淋，同個甜甜地嘅汁好夾，仲要好好送飯。仲要讚嘅係食落覺得佢兩個飯都用日本米，啲飯粒粒分明得黎，又唔會太濕或者太乾👍魷魚鬚炸得好香，加埋蒽同喼汁，唔錯👍跟餐加$5有可樂

今日走左黎呢間炊豕店試下佢既出品，佢都開盅名義話到明比大家聽係食豬既，食炸豬扒。佢開係利苑隔離既加路連山路，其實唔難搵，呢頭附近都開左好多間定食類既小店，算係一個小型既搵食天堂！黎到係要排隊既！無得訂枱！好彩我地早到，排兩三個就入得，舖頭廚房係半開放式既設計，不過唔算嘈亦無乜油煙，反而有少少情調！今次我叫左個秘製豬扒飯，加厚餐肉同煎蛋，剩係賣相都已經嚇死me，因為我鐘意食餐肉，舊厚切餐肉絕對係呢碗野既精華，熱到辣咀，一啖咬落去，個種半稔又香既感覺真係好爽皮，窿邊既煎蛋亦相當不錯至於個主角，舊豬扒好大塊，平時食炸豬扒最驚就成口粉，好在佢炸粉既份量掌握得不錯，唔多唔少岩岩好，另外食得出塊扒都唔係一般既急凍豬，唔係太多醃料，肥瘦適中，成碗飯唯一美中不中既係飯量，咁多肉，加埋成篤肉燥，偏偏就係唔夠飯，有少少漏。但如果係女仔食我諗應該有剩，haha

一直很想試這間餐廳的豬扒飯，但因為餐廳經常大排長龍而沒有機會。這次路過，餐廳 12:00 開始營業，雖然只是 12:30，門口已有六、七個人在排隊，因為天氣還好，於是便把心一橫排一次。因為餐廳面積不大，心想可能要等上半個小時，誰不知等了大約五分鐘便有位。店內的枱櫈像是小學裡的坐位，牆上亦有不少以小學為主題的裝飾。店面不大，坐位頗頰窄，所以很多人吃完就走，等候的時間不會太長。既然來到，當然要試秘製豬扒飯，除此之外，還點了一客沖繩豬軟骨飯。等了大約五分鐘，店員便送上了熱辣辣的豬扒飯。豬扒非常厚身，炸得金黃鬆脆，上桌時非常新鮮熱辣，外面並沒有厚厚的粉漿，咬落肉身仍然嫩滑多汁，很好吃。飯面加有少許肉燥，真的只有少許，不太吃到肉燥的材料。豬軟骨煮得很淋很入味，但可能煮得過久，用筷子夾起來肉就散開，味道還不錯，不過還是炸豬扒好吃。以價錢來説，這裡不失為一個快吃一餐的好地方。

之前食過一次 對呢到嘅大大塊炸豬扒 念念不忘呀🙈再去銅鑼灣 必定要再次到訪😝今次係食晚飯 所以人很多 要排隊排隊同時可以諗定食咩 到自己個時 就可以馬上落order 朋友order嘅沖繩豬軟骨飯 $60份量不少喎 仲有白蘿蔔添我食左一舊 味道夠嘅 不過略嫌肉韌左少少秘製豬扒飯 配肉燥汁 $58諗左好耐 究竟食期間限定嘅避風塘豬扒飯 定呢個好見隔離枱食緊避風塘 也太熱氣吧🙈所以食返秘製🙈豬扒好大塊 熱辣辣 香脆👍🏻 水準keep得到喎最後order 左椒鹽炸魷魚食炸粉好薄的 魷魚爽口👍🏻 如果有酒飲 就頂呱呱了