鮨月 (已結業)

有好野食點可以唔預我呀，朋友介紹有間好味既日本野，當然要黎試試啦。鮨月位於港鐵金鐘站 F 出口，步行約7分鐘，非常方便。來到時已覺得很有日本特色，入內還有武士壁畫甚具霸氣。師傅細心地為食客制作美食。座位唔算多，所以有興趣記得要訂定位。來到鰭月，當然要食Omakase啦。海膽豆腐 + 真鯛魚真鯛魚真鯛魚味道清雅加添了黃柚子粉作調味，可蘸些酸汁吃更添美味。海膽豆腐色澤鮮明， 入口creamy且濃甜，豆腐也加入了海膽制成，相當有心思。蠔加上海葡萄蠔肉入口爽甜肥美，沒有一點的腥味，咸甜適中，加上海葡萄清甜爽脆的口感，徘徊在口腔中久久不散。粒貝肉質纖細幼嫩帶咬口，味道爽口清甜，還帶淡淡海水味。赤身配中吞拿魚腩赤身肉身較紅色，比較結實，咬口十足；中腩顏色偏粉紅，脂肪比例高，魚油脂恰到好處，非常甘香。魴鮄魚魴鮄魚口感豐富，肉質充實，爽口有彈性，魚味清新而帶鮮甜。浜鯛肉質堅韌富彈性，優雅的甜味，令人難以割捨，無比美味。秋刀魚配上明荷秋刀魚肥美又彈牙，魚味濃郁。筋子赤蝦壽司筋子鮮甜，粒粒口感得意；赤蝦爽口鮮甜而且肥美，夾在一起吃，味道層次更豐富。大拖羅魚腩脂肪好像雪花般，入口即溶，甘香且肥美。燒白鱔燒得

日／月／星街，灣仔一個幾有意思嘅地方。細細地一個內街有唔同店鋪同餐廳，街名又幾順口。今日放工跟朋友經過諗住飲返杯，但見鮨月間日本料理店幾吸引就入左去晚餐一番。簡簡單單食個廚師發辦，唔使煩。福岡蕃茄伴青森沢蟹。蕃茄切片後伴上酒醋幾開胃。而沢蟹炸到脆卜卜再灑上椒鹽，一啖擺入口連殼都食埋。田螺配鰝參魚刺身。鰝參魚切得好薄晶瑩剔透，沾上柚子醬油更能提升鮮味。食落爽口有魚味。田螺煮得都好入味，輕輕一擰就取出螺肉。對比魚肉佢更結實，但醬香味豐厚，都唔錯。日本厚岸蠔。成隻手掌咁大，蠔身飽滿有彈性。入口先有少少海水咸味但好快就俾蠔肉嘅奶甜味蓋過。整體金屬味不重，蠔膽奶滑甘甜，裙邊都爽脆，好好食。粒貝。肉質爽實咀嚼時會有點點橘子味道，加點山葵及用紫蘇包着更能帶出貝肉嘅鮮甜，可以不用沾醬油而食。秋刀魚刺身。師傅以格切形式處理，更能帶出魚嘅香味及清走細微魚骨。因為屬於秋季當造魚，所以油香味好豐富一點都唔腥。最鐘意係配上紫蘇一齊食。赤身及中拖羅。兩款都好厚切，赤身魚味好重又腍。一啖入口好滋味。而中拖羅油脂都好豐富，除咗魚味夠，油香亦好突出。笛鯛／金時鯛。兩者肉質都偏腍滑彈牙，分別配以橘柚醬及梅子醬配搭，將魚鮮

勇於嘗試係我的座右銘，因此講到食一定要去新餐廳，貪佢新鮮。今日又俾我發現隐藏於月街的日本料理-鮨月，要知師傅功力就要食Omakase。前菜玉子豆腐就食過，但橙色的我都係第一次見，原來除了面上的紫海膽，整個豆腐都加入了海膽製成，淡淡的海膽味加上鰹魚汁後多了一份鮮甜，有驚喜！刺身羽太薄切要做到每片一樣晶瑩剔透，非常考師博刀功，魚的肉質爽嫩，味道清新優雅，師傅在面上灑上一些柚子皮，倍添香氣。水八爪魚肉質比一般八爪魚柔軟，口感煙韌，但味道更濃郁鮮甜，重點是要配上新鮮即磨的日本芥末，特別甘甜，又刺激又能帶出刺身鮮味。粒貝盛產自北海道，肉質纖細光滑，非常爽口甘甜，略帶海水味但沒有腥味。北海道紫海膽睇個樣已經流晒口水，師傅細心地拆開海膽，完美無缺，內裡每一片都很豐滿，色澤和大小都一樣，完全按捺不住全部放入口，海膽獨特的甘甜味在口中盤旋，回味無窮。留意餐廳不時有期間限定優惠，有機會以非常吸引的價錢享受原隻海膽。最後一道刺身菜色是赤身和中拖羅赤身肉厚味道濃郁，拖羅嫩滑肥美入口即化，但亦不失鮪魚的鮮味和咬口。之後就到壽司菜色赤鯛、又名真鯛，肉質細嫩色澤較紅潤，魚味比較濃，口感彈牙，非常新鮮，餐廳果然入貨靚