沙田強記雞粥 (已結業)

每次去完威爾斯醫院探病或去完寶福山都會到沙田強記雞粥走一轉。今年第一次去，發覺餸菜都加了價。紅燒乳鴿皮炸得很脆，味道也不錯，但始終BB鴿比乳鴿的肉嫩滑。沙田雞粥今次很幸運有我喜歡的雞轉彎和雞翼尖，雞很滑又很入味，粥煲得很綿，不愧是招牌菜。椒鹽九肚魚價錢貴了一點，但份量反而少了，不過很香脆很好味，所以很快便被我們消滅了。兩個人吃完也不太飽，再到附近吃糖水，吃完就覺得滿足了。

本土人撐本土野, 但呢間遠近馳名嘅酒家應該好多人都識。叫左雞粥,粥底質地好綿,水同米既比例剛剛好, 火喉夠, 而且食完一入都唔口喝。碗粥唔使加任何調味料,因為已經吸收哂雞肉既精華,好鮮好甜。d雞亦係新鮮雞,咬落唔鞋口, 反而超滑。 另一個推介係紅燒乳鴿。經過鹵水再炸既乳鴿香到骨子裡。香噴噴的乳鴿色香味俱全 : 紅油油的色澤、酥脆的皮又香味四射、味道甘香齒頰留香。最正就係熱辣辣新鮮出爐。我會再返黎😎！

成日聽人講去大圍食雞粥，自己真係1次都未去過。咁啱揸車經過就入去試試佢。叫咗3樣食物，招牌嘅一定要叫啦，一碗雞粥($30)，夠2個人share，因為仲要試其他美食。粥好綿，有4-5塊雞，抵食又好味。炒麵($40)，嚇咗一跳，個份量好多，根本就係4人份量。結果食唔曬要打包返屋企，炒得好好，好乾身，唔錯。一定唔少得食家們喺Openrice推介嘅紅燒乳鴿($65/隻)，啲皮好脆又多肉，好好味。下次一定再嚟

人生中總要參加一些喜慶或哀傷的場合，今晚與內子及其同事出席完一個『哲人其萎』的場合，順道在大圍吃個晚餐，慰籍一下大家鬱結的心靈和饑餓的身軀。憑著同事的指引，找到食肆之所在，我們一行九人上了閣樓，地方雖然簡陋，原來也不乏捧場客。紅燒乳鴿 $65(隻)，是沙田有名的美食，預每人半隻，不用斬開，乳鴿炸得皮脆肉香，很熨手，醃得入味，個人認為不錯，但有些朋友則覺得太鹹。豉油皇炒麵，看見差不多每檯都點，我們人多，要點兩碟才夠，簡單的材料，麵條，銀芽，葱段，豉油，炒得好也很好吃，但賣相看來顏色較淺，果然味道平淡、死咸，色香味，三者皆缺，怪不得合九人之力也吃不了。香酥軟殻蟹，只是一小隻蟹，斬件後上了脆漿炸，再加些炸蒜、炸辣椒碎，入口惹味、辛辣，但蟹味一般，也炸得不夠脆，份量少，收＄75，性價比低。沙田雞粥一窩$120，煮得夠滾夠熱，有好幾件雞件，粥很綿，惟雞粥無雞味、無肉味，雞肉也乏味，薑絲也沒有，這裏的沙田雞粥一般而已。蜜椒雞煲，帶骨斬件的雞塊，與洋葱，甜椒，黑椒同炒，夠鑊氣，但糖下得重手，太甜。蒜蓉炒菜心，加了炸過的蒜蓉炒，簡單好味，主要是菜夠新鮮。來試過一次就夠，乳鴿不錯，雞粥不是強項！

好耐好耐無黎過強記, 今日特別同老爺奶奶同兩個小朋友黎試下..因為時間尚早, 所以唔駛等位, 門口仲有吉車位添..好彩唔駛行咁遠家鄉秘製田螺: 呢個千祈唔好叫..個汁OK, 但係D田螺真係唔掂紅燒乳鴿:我地四大兩小本來叫左兩隻, 但係小朋友好LIKE, 咁就後補多一隻, 熱辣辣好味!椒鹽九肚魚:都唔錯, 不過好似乾身左少少..果皮蒸泥鯭: 老爺話唔夠果皮香同埋D豉油甜左D喎...但整都算滿意..豉油皇炒面:好多芽菜, 但係我嫌佢炒得濕左少少..招牌雞粥:粥都算綿, 不過可以杰番D..D雞都算滑..可能睇過食評好多人彈, 所以預左唔係咁好食, 食落又唔覺太差..清炒菜心菜好甜下..有鑊氣..好味上菜速度算OK, 但係伙計好似COOL左D囉..

9月30日, 喺沙田行咗一輪, 夜晚再選擇食馳名雞粥~ 講起沙田, 最出名嘅雞粥真係無人不識, 但係點解咁出名, 就未必人人都知~ 就好似我地咁, 都係第一次慕名而來, 喺搜尋之下, 都有幾多間食店以沙田雞粥為招來, 咁我地就揀咗嚟大圍嘅強記~::: 鮑魚雞粥 ::: $30招牌雞粥配上鮑片, 看上去平平無奇, 白晒晒嘅粥, 雞肉同埋鮑片都好似好清好淡… 不過, 食一口粥就發覺金玉其中! 綿綿粥底嘅鮮甜味好天然, 完全唔似有落味精, 再加上少少鮑魚片吊下味, 令味道更加突出! 雖然鮑魚係罐頭鮑, 但係食落好似有醃過, 有d味~ 反而雞有味但係肉地比較嚡口, 舊舊都係雞胸肉, 俾雞背肉就會好d~ ::: 紅燒乳鴿 ::: $45除咗雞粥外, 我地都好想食乳鴿, 紅燒比滷水好係因為食得到佢燒出嚟嘅香脆, 更加香口~ 呢度嘅乳鴿比較大隻, 以致肉質比較實, 亦比較韌… 燒出嚟亦唔算好香, 可能一早燒咗叫先番一番熱… 我地都係鍾意食bb鴿多d, 不過$45有咁大隻都ok嘅, 總括只係麻麻地…::: 啫啫田雞煲 ::: $65另外叫咗個煲仔菜, 驚喜地呢個啫啫田雞煲好好味! 啫啫煲一上枱仲有’啫

這天本來想入沙田，但最後沒有去到，只是去了大圍，順道來到這間「強記」一試它的招牌雞粥。原來這裡的位置都和大和圍火車站有一段距離，不像「楓林小館」那麼容易找，不過在附近的報紙攤和水果店問過街坊之後，都不難找到它的所在。也許因為是週末吧，去到之時差一點要等位，幸好終於不用，不過就要搭檯坐囉！雖然這裡的環境只是一般的街坊小店格局，華麗陳設、典雅裝修欠奉，可生意就真的不錯呢！叫了一碗「鮑魚雞粥」、一隻「紅燒乳鴿」、一碟「椒絲腐乳炒通菜」和一碟「太和骨」作為這晚的晚餐。1）「鮑魚雞粥」：粥底較稀，但頗為綿滑，味道亦足，雞件大概有五、六件，鮑片就有三塊，吃落感覺都不錯。2）「紅燒乳鴿」：乳鴿肉地不錯，肉質頗嫩，雖然味道稍稍鹹了點，但不算太過份，收貨了。3）「椒絲腐乳炒通菜」：這道菜其實炒得幾夠鑊氣和惹味，可惜師傅太重手，下得腐乳太多，味道過鹹，我還勉強算是接受到，但老婆大人卻不大滿意，最後終於要叫番罐冰凍可樂解渴才再吃下去。4）「太和骨」：其實我不知道這道菜「太和」的意思是什麼，不過見個名幾得意，又未食過，所以叫來試試，問伙計時他說是酸酸甜甜的，相信都應該不會難吃吧！到上菜後吃在口中，覺得這「太和

今晚有波睇, 所以約埋三五知己係朋友家中打牌, 打到咁上下, 去左大圍強記食:1) 沙田田雞粥 $110 - 本人對田雞唔太好, 但煲起上黎既田雞雞粥, 好似較普通雞甜d, d肉又嫩滑d, 個粥底好棉, 個人好鐘意食; 2) 紅燒乳鴿 $45 - 好好食, 呢個真係無得頂, 最緊要係趁熱食, 淡淡肉, 好味3) 椒鹽白飯魚 $65 - 呢個同之前兩味餸相比就較為遜色, 普通一味; 4) 鼓椒炒花甲 - 花甲雖然夠大隻, 但勁多沙, 而且炒得勁咸, 之後飲左勁多水都頂唔順, 可以唔叫, 無謂令味蕾受罪;5) 椒絲付乳通菜 - 又係咸, 估唔到普通既一味菜都no good;總括黎講去呢到, 食雞粥同乳鴿得架喇, 呢個簡直係絕配, 其他既不食也罷 ............