讚好台灣

营业中

休息中

時常經過這間台灣餐廳，早兩日終於有機會入去坐低食返碗麵。兩個人各叫一份麵食：1）紅燒牛肉麵，跟一杯蜂蜜苿香綠茶肉汁香濃，肉質爽嫩冇渣，的確抵讚2）肉燥排骨乾拌麵 跟一杯茉香綠茶排骨香脆得來又不太乾兩份都是台灣特色麵食，味道的確有台灣地道嘅風味。一餐飯連續兩次上錯食物，第一次質疑我們下錯單，第二次被發現錯誤，便一聲不響走到廚房破口大罵，奈何服務質素有待改善。

有朋自遠方來，港島嘅朋友黎搵我食飯，即刻帶佢回憶下家鄉嘅味道啦，咁耐冇番過寶島，今次就帶佢嚟依間讚好台灣。午飯時間成日都見到唔少打工仔同學生排隊，舖頭分兩邊舖位，都係等一陣就有位坐啦。必點紅燒牛肉麵，個藥材湯真係好好飲，一啖面一啖湯咁，好過癮！牛腩同牛筋亦非常之入味，仲有啲酸菜解膩添。再加埋杯珍珠奶茶，珍珠煙煙韌韌，奶茶可以揀少甜都唔會太澀。今次仲叫多咗個小食—木魚豆腐，炸過既豆腐配上木魚同酸酸甜甜嘅醬汁，十分之開胃。

有位朋友住紅磡，近近哋去咗黃埔食嘢，好耐冇食台灣菜，佢介紹我食一間喺當區人氣頗高嘅台灣菜。有湯麵、拌麵，仲有各款特色小食，台式飲品想必都系吾少人最愛。甘梅脆薯吾多台灣餐廳有，表面灑滿梅子粉，脆薯每一件都好軟綿綿，味道香甜🍠加上梅子粉酸酸甜甜好開胃👍🏼木魚豆腐真系好少食！其實似日本菜嘅前菜，同樣又木魚喺豆腐上面，只系日本菜系好清嘅豆腐，呢度就將兩者二合為一，食戈陣兩樣都食到，醬汁都好入味。路邊攤拼盤即小食拼盤，有鹽酥雞、花枝丸、台灣小香腸，鹽酥雞香脆度還好，花枝丸食到一粒粒墨魚🦑小香腸好味😋台式小食拼盤向來吾會太差。朋友叫紅燒牛筋腩麵，湯麵可以揀大骨湯/ 蕃茄湯/ 牛肉湯/ 麻辣湯，朋友揀蕃茄湯，蕃茄味一般，牛筋腩有嚼勁，有啲肉都夠淋。另一碗紅燒牛肉麵，配番牛肉湯，牛肉湯有藥材味夠正宗，牛肉吸咗牛肉湯更能突顯本身口感，肉味香濃，口感軟稔。珍奶🧋一定系台灣菜必飲🧡落單戈陣話少甜少冰，少甜戈part就明顯，好彩都不至於淡，茶味香醇，似港式奶茶🤣珍珠煙韌。朋友叫阿華田胚芽波波，阿華田表面有胚芽又幾得意，一粒粒加阿華田好味道🤎

明明之前都食過正正常常，今次覺得比之前差左啲既感覺🙈（5分為滿分：🌕）味道：🌕🌕🌗🌑🌑香酥排骨飯($48)呢個今次食好失望😞😞望落啲相好似都唔錯咁，但其實啲排骨肥到每塊有2/3既部分都係肥膏🥺🥺係完全食唔入口，我食左1-2舊就完全放棄左🥵🥵 不過如果有細心留意，佢個飯係整左個台灣地圖形狀，算係佢既特色之一喇🫣紅燒牛肉麵($58)$58黎講有4舊牛肉黎講算係幾抵食，不過啲牛就唔係話好有牛味，始終一分錢一分貨🙈🙈但係佢既麵既質地我就好鍾意，有咬口得來又掛湯😋😋珍珠奶茶(+$8)跟餐$8一杯來講都算正常價錢，不過茶底方便麻麻地，比較苦澀，係惟一可以講份量黎講都唔細杯既🙈🙈🙈酥炸花枝丸($28)我地最鍾意食嘅就係花枝丸，所以去到邊度嘅台灣餐廳都一定會嗌，呢度嘅花枝丸出乎意料地好食，入面有花枝既粒粒，係咁多樣叫左既野食入面最好食🥰🥰價錢：🌕🌕🌕🌕🌑$50-$60左右既午餐都尚算唔錯，經濟實惠🤣🤣而且份量都唔少，因為位於紅磡，所以都吸引到好多應該係Poly讀/住hall既學生去食😋交通：🌕🌕🌖🌑🌑位置紅磡同黃埔站中間，係紅磡火車站出去行天橋去到盡頭，行入一條街行到行尾就係😁分別係紅磡同黃埔行過去應

首先鋪面方面，由於佢係新店嘅關係門面都非常靚仔👍🏻光猛得來位置亦都非常寬闊！ 食物方面嗰日就叫咗一個滷水蛋滷肉飯同埋一個紅燒牛肉麵，在外加咗皮蛋豆腐同埋一個台灣小食拼盤。滷肉飯來講可以話係非常普通🥱但勝在一個餐有埋嘢飲都尚算抵食。反而紅燒牛肉麵有驚喜！本身佢湯底已經有三款湯底揀，最後叫咗蕃茄湯底。湯底濃郁得來都非常入味好唔錯，可以一試👍🏻台灣拼盤入邊有台灣腸同埋炸雞等等，都算大份兼好食！整體來講都中上水平，價錢亦都合理

星期五約了友人睇Spider-Man，又係到老地方寶石戲院睇戲，散場後約9點多，時間尚早，順便食埋晚飯，呢頭都幾多食肆，唔怕冇野食，經過見到呢間台式店子，主打紅燒牛肉麵、滷肉飯及鹽酥雞等，都幾吸引，即想試下，9點多仍是好多人幫襯，幸好剛有2人位。 裝潢是簡約設計，白色牆身及木系枱椅，感覺柔和，店子面積中等，善用空間擺滿座位，密度較高，坐得有點擠迫。 餐牌，牛肉麵及滷肉飯之間掙扎左好耐，都係要牛肉麵。 自己劃。 珍珠奶茶(凍)，跟餐+$10，奶茶唔算好甜，茶味同奶味平衡，珍珠煙韌，味道不俗。 紅燒牛肉麵，$59。 牛肉份量適中，麵就比較偏少，不過呢個份量好啱女仔食，湯底味道濃郁甘甜，麵條彈牙，紅燒牛肉，有部份牛肉帶有筋位，口感鬆化柔嫩，幾好味呀。食物味道幾好，價格合理，有下次呀。

行完街之後已經6點，於是趁人潮前去左食今次同朋友食左3樣野，紅燒牛肉麵，蕃茄酥雞麵，同三味拼盤紅燒牛肉麵牛肉有4-5舊，全部大大件，而且多瘦少肥肉質軟熟，好容易就咬得開，基本上唔會痴牙而麵都係份量好足，睇得出同食得出有手工感麵條偏幼，條條分明，我幾鍾意個口感湯對我個人而言就甜左少少，不過幾岩鍾意甜既女仔三味拼盤有腸仔、豆腐、腌青瓜我最鍾意台灣既小食，尤其係豆腐咬落去入面仲係林林地 外皮有醬汁，但入面係豆腐原味，令味道有層次感而腌青瓜同腸仔都有芝麻係面，當小食或者配菜都得，好好食呢3款小食分別有鹹香清新三種味，可以做到互補蕃茄酥雞麵蕃茄湯同果肉酸中帶甜，配上偏鹹既鹽酥雞，中和番酸鹹度同樣地呢個麵都係手工製作，粗幼恰當，口感都唔錯整體黎講唔錯，如果廚房可以離客人遠啲就更好喇

聽就聽得多，呢一間出名地道特色的台灣菜，地點位於紅磡，讚好台灣餐館。不過今次係我第一次走去試。一入去，店舖人流非常多，出面又多人排隊，而且地方細小，等左十分鐘左右先有位坐。首先我叫左一碟，滷肉飯，滷肉好多汁，又夠軟，入口吾會太肥膩，再配埋飯，味道更加非常美味，濃郁可口。另一方面，牛肉麵，大大塊牛肉，好有鮮味，而且好多汁。麵條更加煙韌，彈牙，好正啊。最後，小食拼盆，有小紅腸同炸雞。兩者入口香脆可口，好有台灣特色，呢一餐非常滿足，沒有令我失望。