渝味曉宇重慶老火鍋 (QRE Plaza) (已結業)

見佢咁hit間間分店都咁多人like, 嗜辣嘅我一於試吓！兩個人去，呢到人少少去食都ok~勝在⭕️鴛鴦湯底$120內，算平，可以一辣一不辣⭕️大部分款式都有半份叫，有質量有份量，唔使焗住食一大碟，啱哂2人食⭕️有服務，夠細心——送餐前糖水，好飲嘅。加湯侍應會用塊小板檔住⭕️環境唔會好嘈，都幾啱傾計不過形容呢間連鎖式火鍋分店，感覺不太地道，個feel似你會去大快x食到大排檔嘢，但唔夠地道，嘅感覺一樣。其實樣樣野都好live up to standard，但就唔係好impressive。同埋有幾個位令我會考慮食其他餐廳先💁🏻‍♀️菜式比較少💁🏻‍♀️混醬料得蒜、蔥花、麻油、醋、同埋豉油（仲要勁死咸）連茶介仲要$40😥💁🏻‍♀️湯底辣嘅得麻辣。唔辣嘅得4款：香菜皮蛋、牛骨湯（味精味）、菌湯、蕃茄湯因為香港啲近年其實多咗好多食重慶麻辣火鍋，有啲更加地道，所以呢一間應該唔會再嚟食第二次住～

而家呢啲外省麻辣火鍋🍲，開到‘’梗🈶️1⃣️間喺左近‘’，冇理由唔試吓佢㗎！。一嚟到感覺舒服開揚，仲有至愛嘅梳化卡位𠻹！店員稍作介紹就奉上熱茶、紅棗雪耳糖水比你潤一潤先。仲有即棄圍巾，唔使驚啲醬汁整污糟，真係超窩心呀！我哋點咗大骨滋補鍋、山珍菌湯鍋。大骨鍋有舊超大豬骨、紅棗、粟米🌽、紅蘿蔔🥕，唔使講都知甜到漏啦！😍菌鍋有鮮冬菇、秀珍菇、茶樹菇等，菇味香濃撲鼻，一路㷛，啲香菇味係咁飄埋嚟⋯唔⋯索多兩啖先⋯最後呢2⃣️款湯比我哋KO曬🥺各款鍋料都非常新鮮，仲有出面火鍋店少有嘅鮮龍躉片$72，件件厚切，口感十足！我哋全部鍋料都叫半份，可以試多幾款，人多就要叫一份啦！特別介紹：紅糖糍粑$36 ～ 炸咗嘅條狀糯米滋，再淋上紅糖，煙煙韌韌，內脆內軟甜甜哋，好味！為咗呢個免費鍋底，下次要早啲食😁午市鍋底免費：星期一至日，12:00-17:00

第三次食「渝味曉宇」啦， 在香港來說，倒是挺正宗嘅重慶火鍋！ 所以唔返大陸，都可以食到麻辣火鍋啦！😏 甫入座， 店員便奉上免費嘅冰糖雪耳糖水， 先滋潤腸胃，再食麻辣火鍋， 可減低麻辣對腸胃嘅刺激，好貼心呀♥️☺️～ 湯底位位$38，好平呀， 一個人黎食都覺得抵！😂 湯底主要有兩款： 九宮格麻辣大紅鍋或鴛鴦鍋， 我地揀左鴛鴦鍋， 因為一次過可以試晒兩種口味～😜 麻辣湯可以揀普通辣湯或重慶辣湯， 另外有4款湯底可選擇：大骨滋補湯、蕃茄魚頭湯、山珍菌湯鍋、皮蛋香菜鍋， 第一次見有普通辣湯， 小妹唔太好辣，所以就試下啦！ 雖然浸滿紅通通嘅辣椒，但唔係好夠辣勁， 反而唔知點解好鹹？ 下次都係食返重慶辣湯～😆 大骨滋補湯味道香濃，不錯👍🏻！ 值得一讚嘅係火鍋配料可以揀半份或全份， 倆口子食得，大夥兒食都得，得左！☺️ 「渝味曉宇」有多款重慶地道火鍋配料， 如冰鎮稻田毛肚和鮮黃喉， 仲有鮮鵝腸、大刀牛肝、曉宇嫩牛肉、耗兒魚、曉宇苕粉、現炸豆皮、現炸酥肉和紅糖糍粑。 每次必點嘅⭐️推薦❗️冰鎮稻田毛肚（$59/半份） 薄而大嘅上好葉瓣，

舊同事聚會要吃麻辣火鍋，第一時間想起我最愛的渝味曉宇！最近更在做某信用卡八折優惠餐廳環境清雅舒適，服務殷勤，店家還細心準備圍裙以免湯汁濺到衣服上甫坐下便為們送上免費清甜的冰糖雪耳糖水滋潤腸胃及前菜泡椒木耳吃麻辣火鍋，總要來點冰凍清熱的飲品，自家製的洛神花茶酸甜解膩大骨滋補鴛鴦鍋照顧到不能吃太辣的朋友及在嚐辣的同時試到不同的鍋底現炸豆皮的質感就像即炸響鈴，爽脆好吃的，放在湯中吸盡精華功夫萵筍片切成薄片，較切條或厚片狀更俐落，不用煮太久，吃起來盡是夾脆的口感美國優質肥牛粒口感軟滑，肉味香濃肉汁豐富牛筋丸在牛肉裡加進嫩筋，味道更香，彈性更强，口感爽脆、柔嫩美國桶肥蠔十分厚肉，煮熟後也沒有縮小紅糖糍粑外脆內糯，趁熱吃十分過癮娃娃菜味道清甜，養胃生津甜玉米色澤發亮、粒粒分明、香甜可口

秋風起，又係打邊爐嘅日子。今日同朋友去到灣仔的渝味曉宇食麻辣火鍋🤤話說渝味曉宇已經進駐左香港一段日子，但今日我先有時間去食！就睇下呢個重慶火鍋五十強好唔好味啦我同朋友叫咗九宮格麻辣大紅鍋🔥見佢menu有一部分叫做孝禹十味🤔問左員工原來係重慶地道嘅火鍋配料，所以都點左幾味: 毛肚、鮮黃喉、嫩牛肉、苕粉和紅糖糍粑。另外再叫多味美國安格斯優質肥牛 (打邊爐一定要叫肥牛架)🔸九宮格麻辣大紅鍋湯底一嚟到，就見到辣椒浮晒面，聞到好香嘅辣味個鍋其實好大，我同朋友加埋先兩個人，其實有少少浪費。建議可以一大班人食🔸美國安格斯優質肥牛一睇個樣都已經覺得肥同埋肉分配得好平均，淥完之後果然唔會好韌，咬入口好有牛味。🔸稻田毛肚成日以為呢啲要淥到縮水先得，但係根據餐牌上嘅指示，原來淥15秒就OK👌🏻毛肚嘅凹凸表面，淥完之後會痴左唔少麻辣嘅湯，入口完全食到湯底嘅辣味，過癮！而呢一味毛肚淥完唔係韌，而係爽口！🔸鮮黃喉平時其實我好少食黃喉，但朋友想試，所以就叫咗一碟。食入口果然好爽口，佢唔會好厚好難𡁻咁，加埋麻辣湯都幾好味咼！🔸嫩牛肉呢個要大讚！好好好滑！用麻辣湯底淥完，令入口超滑嘅牛肉加辣味更惹味。而佢每一塊唔會切得

天氣轉涼，普通打邊爐已經滿足唔到我，難得召集到一班唔抗拒食辣既朋友，首選當然係麻辣火鍋啦。九宮格麻辣大紅鍋雖然賣相吸睛，但九格其實辣度一樣，為左唔太食得辣既朋友就決定揀鴛鴦鍋。 鴛鴦鍋首先由五選一款滋補湯底，再配選重慶辣湯或普通辣湯，前者辣度同九宮格麻辣大紅鍋一樣。蕃茄魚頭鍋配重慶辣湯 ($38/位)重慶辣湯滿佈乾辣椒、花椒同辣椒油，紅通通一片既湯底傳來陣陣麻辣同牛油香。 整體香氣對辦，但辣度就冇想像中咁強烈，一般人都頂得住。 反而蕃茄魚頭鍋幾有驚喜，湯底清甜，大大個魚頭即使滾得耐都好嫩滑，忍唔住狂飲湯同食魚頭。美國安格斯優質肥牛 ($198)大大塊肥牛厚度夠，完全食到牛肉鮮味同甘香，三個人分岩岩好。曉宇嫩牛肉 ($78)全晚最愛之選，全台人都大讚。 雖然外表平平無奇，但腍滑程度界乎牛肉球同鮮牛肉之間，輕輕醃過令肉鮮味更加突出，同麻辣湯底十分夾。重慶炸酥肉 ($58)熱辣辣夠脆又乾爽，混合左少少花椒係炸漿度，咬落滲出麻辣幾過癮。稻田毛肚 ($108)一大片牛栢葉幾爽脆，淥十幾秒就食得，略嫌定價偏高。現炸豆皮 ($58)幻想中係同響鈴差不多，可惜脆就夠哂脆，但始終冇響鈴個種層次感，小失望

自從小米接受咖哩後，就開始讓其嚐試其他辣的食物。自己嗜辣，也要小米嗜辣，這就是＜口味可以遺傳給下一代＞。今天就選擇重慶火鍋，作為小米的麻辣第一課。個人覺得：這種有層次的辣，跟印度咖哩不相伯仲。而這家重慶火鍋，可以得到＜舌尖上的中國＞青睞，應該大有來頭。　就座後，讓小米選擇其中一款鍋底，自己首選麻辣，再配不同火鍋料。然後就要調配醬料：麻油，醋，蔥和蒜。山珍菌湯鍋配普通辣湯　　　點鴛鴦鍋，可自由配搭辣和不辣。　小米選擇山珍菌湯鍋，自己卻喜歡麻辣湯底。網上的麻辣湯底圖片，大都是鮮紅一片。不過未知小米是否接受麻辣，所以點了普通辣。　雖然這個是普通辣，也能體會四川重慶火鍋的麻辣鮮香。內裡有青花椒，紅花椒，胡椒，辣椒，虎椒，薑蔥蒜，保證香、濃厚，就連鼻子也感到那風味。　　在湯底還未煮滾之前，先要戴上專用圍裙。各火鍋料呈上之時，剛好紅白火鍋就變得熱辣辣！美國安格斯優質肥牛紅多白少，以肉質纖維較多，肉味較濃，是火鍋店常見的美食。　　曉宇嫩牛肉　使用特別醃料，把牛肉原本肉質纖維軟化，令牛肉久煮而不老。滑牛肉的口感似曾相識，似香港點心蒸排骨質感，總之滑潺潺。大刀牛肝　　鵝肝鴨肝豬膶常見，牛肝則少見，所以點

近年有股麻辣火鍋風潮一家一家內地知名火鍋進駐香港今晚星期日再來吃香喝辣麻辣火鍋當然要重慶麻辣湯底為了兼顧不吃辣的朋友多加份芫茜湯底來保命湯底奉上滿佈辣椒和香料只看賣相就知道非池中物稻田毛肚呈黑色質感爽脆緊記烹煮時間不然會暴殄天物現炸豆皮吸收一下湯汁口感已經很好極品鵝腸清理得乾淨無肥膏入口爽脆愈咬愈有嚼頭曉宇苕粉也就是紅薯粉吸收湯汁後辣得好過癮美國安格斯優質肥牛超大碟肉味頗濃郁肥瘦適中紅糖糍粑是油炸過的糯米外層硬內裡口感QQ點一杯自製洛神花茶味道帶酸醒胃之餘也是解辣良品

又黎啦又黎啦！上次幫襯左銅鑼灣店(有興趣可以睇返之前既食評)，食過之後真係好難忘，要食麻辣火鍋就第一時間記起呢間，而今次就走左黎灣仔呢間分店，相比之下銅鑼灣果間既燈光好似柔和啲，呢到就光猛啲同比較多白領以及外國人。上一篇食評尾段中打左少少私人感情落去，講話我好想帶果時分開左既前度黎食，因為我地兩個都十分之嗜辣，今晚……我就係同佢黎食啦！佢同我預計一樣食得好開心，好岩佢口味，好開心一個小小既心願真係成真左不同分店價錢都有啲唔同一定會有圍裙供應同上次一樣，點完鍋底之後，店員就會送上雪耳紅棗糖水，比你滋潤個胃先再食辣！醬料及茶水$20/位自己溝油碟，跟住餐紙上教既就得九宮格麻辣大紅鍋　　$38/位(湯底以人頭收費)上次點左鴛鴦鍋底，今次就齋食辣！雖然上篇食評都介紹過，但都要講下，呢到既麻辣火鍋係選用重慶最辣既「朝天紅」、茂汶大紅袍同埋金陽青花椒，再加入石柱辣椒、郫縣豆瓣等等十幾種香料。而點解要係九宮格既設計？相傳佢既來源係因為最初係重慶碼頭一帶，挑擔子工人買左水牛既內臟專向碼頭工人兜售，咁一個鍋做得一個人生意，碼頭咁多工人來往，就諗到將個鍋加個十字形鐵架分成9小格，客人就認住自己食果格唔會撈

呢間重慶火鍋店大有來頭, 係央視"舌尖上的中國2"唯一推介中國老火鍋, 仲係重慶老火鍋五十強, 牌頭咁勁, 點可以唔試下呀?!裝飾得幾時尚, 餐具以藍白色格調, 坐底無耐就送上一碗冰凍紅棗雪耳糖水滋潤一番呢度嘅湯底膽拖一定係麻辣大紅鍋, 可以選擇辣度, 我地當然唔咁睇少佢, 一於要個普通辣就可以!   麻辣湯底夠香,  普通辣其實都唔嘢小; 而鴛鴦鍋可以有幾款唔辣湯底選擇, 我地要左呢個特色香果鍋, 即係有雪梨, 蕃茄同芫荽, 比較清熱滋潤, 中和一下咁刺激嘅大紅鍋!火鍋配料選擇相當多, 有全份/半份供應, 無論二人或一班朋友黎食都好彈性食得麻辣火鍋, 點可以唔叫凍飲, 比起汽水, 我更加鍾情呢杯自家製洛神花茶 ($18/杯), 味道酸中帶甜, 清熱解渴, 火鍋飲品之選! 枱上放置香油, 蔥粒及蒜蓉, 混埋一齊食好惹味稻田毛肚 ($112) - 即係黑栢葉, 比起漂白過嘅雖然樣唔靚, 但素顏示人從來都多一份"原味", 只需15秒, 比肥牛多幾秒, 口感爽口, 放落麻辣湯底, 入口連辣湯咇出黎, 相當頂癮!極品鵝腸 ($87) - 外內靚仔, 無咩肥膏, 每條都有一定程度嘅長度, 最怕有

從小到大都鍾意食辣野，一講到食辣野，對眼就會發光。而且今年四月為左能一試正宗麻辣火鍋，特意去了四川一趟品嘗。最近香港開左好多間麻辣火鍋店，但講到名字最響亮既就非渝味曉宇莫屬了。不僅係電視節目上見過推介的中國老火鍋，也是重慶市火鍋五十強之一。聽講香港開左，就咁係忍唔住要去試一試啦，事不宜遲，約左幾個同我一樣都好辣既好姐妹上去刺激刺激！😂😂😂我地一行人到灣仔利東街附近既QRE，由喜帖街嘅新地鐵站出口, 好快就去到。由於我地6:30已到，客人還不是很多，但7:00之後就基本坐滿人了。餐廳裝修以木製為主，枱與枱之間既距離適中，高高的樓底，坐得幾舒服。每張檯面上放置了紙製圍裙，以防紅湯會整污糟我地件衫，可以放心盡情享用，服務非常貼心！👍另外，上菜之前店職員為我地每人端上一碗雪耳紅棗糖水滋潤一下，味道清甜，冰冰涼，好好味😌大骨滋補鴛鴦鍋 $38位鴛鴦鍋分成兩部份, 內圈的白湯由新鮮大骨同多種藥材熬製, 鮮味濃郁, 外圍紅湯由牛油和多款辣椒，香料熬製，分普通和重慶辣兩種，因為大家食嘅辣度不同，最後我地都係揀左無咁辣既普通辣。😂😂原來只有用牛油熬製的才是正宗重慶火鍋 。從表面嘅紅油已經感覺到果種辣度，