紅花會 (已搬遷) 新店位置

朋友鐘意食辣野，於是book左呢間餐廳同幾個朋友慶祝生日。一入去餐廳感覺環境好舒適闊落，可以靜靜地傾計 😬首先上菜嘅係清炒萵筍絲，本身對前菜無期望，但個萵筍絲出奇好食，萵筍絲切得好幼，食落香脆爽口。之後期待已久既酸菜魚終於黎到😋果然無令人失望，魚好滑無骨新鮮同埋個辣味真係整得好好！我地仲叫左水煮魚、蔥油麵，最出色都係酸菜魚，朋友個個讚不絕口👍🏻總括嚟講呢個價錢同環境食物對比好合理，下次一定會再去！

之前見朋友嚟食過賣相唔錯，openRice又有百幾個笑哈哈，早兩個禮拜已經book定枱，但係食完都幾失望！首先係成餐飯我哋覺得都算係OK嘅菜式：老壇酸菜魚（$468）差唔多見到枱都有叫。魚係新鮮嘅，有魚片，另外魚骨就拎咗去炸，食落都幾香口。其他配菜有酸菜、大豆芽、蓮藕、小木耳、寬粉等等。花椒有紅花椒同青花椒，份量都算多但係味道唔夠突出，好似花椒嘅存在只係一個襯托，並唔係同成個酸菜魚融為一體。酸菜魚整體來講味道OK，唔算太油膩，屬於中上水平，但未係最好。除咗酸菜魚之外，以下菜式全部都唔得🙅🏼椒麻鮮雞（$148）、清炒萵筍絲（$138）椒麻鮮雞：一食落去就知係雪雞，又霉又冇雞味，味道好一般，又係花椒好多，但係一啲味都冇。另外份量亦屬於少。清炒萵筍絲：從未食過可以切到咁幼嘅萵筍絲，幼嘅程度講緊係每一條唔超過2mm，近排啲萵筍好貴咩？夫妻肺片（$108）圖片一眼望晒，有八成以上都係唐芹仔，肺片應該唔超過十塊，每一塊肺片又係唔超過2mm….. 分量亦唔需要多講，一隻手掌咁多麻辣豬耳 （$88）呢碟應該係全晚最過分嘅一碟菜，隻碟已經唔係大，每塊豬耳簡直薄到係透光，不得不讚師傅嘅刀工，點解可以切到每

迷上了酸菜魚，今日我地兩個女仔，好想食酸菜魚，就叫了一份老壇酸菜魚，酸菜魚可選辣度，今日叫了小辣，魚也可選沙巴或者桂花，因為友人好想食沙巴，就選了。在上菜之前，飲住茶等，座位相當闊落，環境靜得黎也坐得舒服，環境十分好。終於到了上菜時候，估吾到係咁咁咁大份！比一個iPhone 大好多我地兩人都十分驚喜。酸菜魚十分十分正宗同足料。首先個湯好濃好香，好惹味。魚呢好鮮味，而且火喉岩岩好，魚煮得好滑，每一件魚都好香好滑。魚係整條的，表面的就切片，餘下近骨的地方，就去炸，然後可以食到魚片，又可食到魚尾炸件等等。喜歡食骨，喜歡食魚片都一樣可以。另外，湯底好正，睇到足料 有八角，辣椒等等。仲有配料都好多，連藕片，雲耳等等好食好食。仲有寬條薯粉係底。吸曬湯既味道。食魚，配飯一流呀，酸菜魚，再整兩個白飯

疫情關係少咗好多出外食飯，好耐都冇食過酸菜魚，所以今日決定同朋友去試試灣仔一間食酸菜魚的餐廳一解酸菜魚的癮一上到餐廳感覺好寬敞，梳化以綠色為主調，有別於一般食川菜的餐廳嘅設計，感覺高檔。我哋被安排到坐梳化位，點左個前菜、酸菜魚、麻辣雞煲、乾扁四季豆、蜂巢黑糖糕同紅棗糕😋涼拌土豆絲前菜叫左涼拌土豆絲，試過自己整，要整得好食都有難度，土豆絲切得幼細得黎食落要有咬口、爽口，睇落咁淺色以為無咩味，食落原來調味都剛剛好，不太酸又不太辣，仲有啲芝麻香，非常開胃。乾扁四季豆呢個小菜送飯一流，呢度仲加咗蝦米同辣肉碎，份外野味，即刻好想叫碗白飯送👍🏻老壇酸菜魚（選了桂魚）嚟到最期待的酸菜魚，一上枱朋友都非常嘩然，超大碗，先試試個湯底不會太過酸，原來有加入甜酸菜，作為酸菜愛好者食哂魚肉後都不停咁繼續夾d酸菜食，魚肉都非常嫩滑無骨同大片，啖啖肉好正，仲有一啲炸過嘅魚骨肉，兩種口感都有齊，係香港好難得食到個酸菜魚係咁分量十足，4個女生食都岩岩好，大讚👍🏻麻辣雞煲麻辣雞煲都非常野味，麻辣汁不會太辣，雞件都大舊多肉，夠穫氣，同出面的雞煲不相伯仲。蜂巢黑糖糕&紅棗糕本人至愛食中式糕點，兩款糕都煙韌微甜，紅棗糕結實，

四川菜以辣聞名，無論是麻辣或酸辣同樣出色。川菜調味多變，口味獨特，菜式從「酸、香、麻、辣」的獨有味道變化出風味濃郁、層次分明的菜餚。位於銅鑼灣的「紅花會」是一間川菜舘，餐廳以紅綠色為主調，偌大的玻璃滲透著自然光線，座位的間距十分充足，整體感覺舒適整潔。我們中午來到，午市提供多款商務套餐，其二人套餐只需$248，包括三款前菜、明火例湯、三款主菜、一個主食和一個甜品。商務二人午市套餐（HK$248)椒汁鮑魚👍👍👍👍👍鮮鮑魚起肉切成薄片，以小炒的方式加入香芹、辣椒、新鮮胡椒等香料同爆炒，令鮑魚片口感鮮嫩並帶有椒香。香油萵筍絲👍👍👍👍爽脆青綠的萵筍絲，簡簡單單配以麻油，已是一個討人喜愛的前菜。麻辣豬耳絲👍👍👍👍👍最後一款前菜是麻辣豬耳絲，豬耳切成幼絲，柔靱又帶爽脆，麻辣的醬料十分醒胃。明火例湯👍👍👍👍👍這款中式老火湯是五指毛桃煲老雞，味道濃郁並帶有絲絲藥材的味道，感覺滋潤又滋補。老壇酸菜魚👍👍👍👍👍酸菜魚可以選擇海沙巴或桂花魚，我們選擇了桂花魚，魚片的肉質結實細膩，滑嫩的口感搭酸酸菜湯底，令人欲罷不能。鍋內還有大量配菜，有酸菜、大豆芽、蓮藕、萵筍、雲耳和水晶粉，十分豐富。麻婆豆腐👍👍👍👍👍鮮香