施心畢老撾餐廳

营业中

休息中

如果喜歡越南菜, 又想要 d 新鮮感, 那你一定要來施心畢老撾餐廳。先要讚是它的親切感, 這是來自老闆娘的熱情招待。她會用心介紹食物, 傳遞對食物的珍惜, 老闊的用心製作, 也在食物裡顯示出來。我們先點了一個老撾青芒果沙律, 它的優勝處是汁不會過鹹, 爽口的不只青姜果, 還有青瓜, 青豆和首次見的生蘿蔔, 呈白與粉紅的片狀, 味道先是清澀, 繼而清甜, 特別! 接著是施心畢豐食拼盤, 當中包括魚餅, 蝦片, 蝦春卷, 豬春卷, 素春卷和米紙卷。魚餅彈牙, 蝦片重蝦味, 鬆脆。 每款春卷外皮不同, 皮脆, 餡鮮, 夾著生菜食, 好吃! 要提及是它自家製醬汁, 花生醬加入了香料, 很得意! 然後是老撾薄餅, 必食推介。薄餅有紅椒, 豬肉碎, 扎肉, 香葉, 蝦干碎, 青芒果絲, 花生碎, 芽菜 , 醬是自製麻醬。皮是超薄, 有蛋在面, 可口又充滿驚喜的外表與味道。最後是芒果黑白糯米飯, 暖暖的糯米飯, 清清的椰汁及花生碎, 配上鮮甜芒果, 很有越式風味。我們還點了杯老撾咖啡, 香濃的沖漏咖啡, 值得一試😋

我和朋友的媽媽都是印尼華僑，所以我們都超喜歡吃東南亞菜。印尼菜在香港已經少見，老撾菜比起印尼菜更罕有，我們蠻有興趣去嚐嚐，人生總要嘗試不同的美食才無憾，哈哈。老撾曾被泰國與越南入侵，故菜式方面揉合兩個的風格，味道卻溫和得多，不會過於酸辣，這是我和朋友吃畢的總結，若想吃溫和派的東南亞菜，老撾菜確是好選擇。老撾海鮮100%全米湯粉非常豐盛，整碗米粉都被海鮮覆蓋著，有魷魚，蝦隻，炸墨魚丸，魚餅，炸蝦片及豆卜，應有盡有。湯米粉湯頭非常鮮甜，海鮮的鮮美完全釋放湯中，米粉吃起來像麵線，綿中帶點咬口，頗有趣的嚼感。老撾青芒果沙律有別於越式和泰式的青芒果沙律，不重酸重辣，反而味帶鹹香，加入大量豆角，青瓜這些爽脆的蔬菜，可顯得蔬果鮮度，亦突出其口感，與青芒果交替著，非常開胃。白咖哩豬頸肉見求賣相經已滿分，色彩繽紛，飯方面選用糙米飯，飯粒質感豐富，飯旁更有一大堆香脆的炸薯仔。白咖哩聞起來不像一般咖哩香氣濃郁，但入口濃醇甘香，味道頗有深度，豬頸肉厚而嫩彈，將咖哩精華淋入飯和豬頸肉中，超級棒的滋味。我們甚麼小食也想吃一些，施心畢豐盛拼盤最適合我們吃不過。蝦餅炸得金黃，內餡十分厚實，入口滿是蝦肉的彈牙感，極為出

中環食野真係好貴，今日閒逛完就找左呢間價錢大眾化既餐廳試下，老撾菜都係第一次聽🙊。呢度裝修簡單，輕輕播住音樂，有種好寧靜既感覺。侍應同廚房夾埋得兩個人，但上菜速度都算正常，佩服。本身都好鍾意睇美女廚房，原來呢度係其中一個廚師開@@✨好彩都有好多唔辣既野食，飯類白咖哩都係唔辣的。✨先黎杯檸樂降下溫先～～～✨老撾雞肉100%全米粉（$68): 係我最愛既椰子湯底！！超興奮！！椰子味雖然唔係好濃果種，但係我好鍾意個湯底酸酸地，又有香茅，九層塔既香味，真係好特別好開胃😍😍😍😍。✨本身唔係話好偏好米粉呢樣野，但係佢呢個米粉ge 質感同平時食既有d 唔同。佢係帶d 煙韌同埋特別彈口，索埋個湯底勁正，唔通就係100%全米既分別？配埋爽口既芽菜食更正～✨我對個雞既評價都幾高，個雞係勁入味同惹味👍超好食✨老撾蠔油雞翼（$48): 呢個雞翼輕輕炸過，再沾滿蠔油，上面微微脆都幾香口，但又唔算好熱氣。 蠔油就唔係平時我地屋企食到果隻味，大概就係咸既醬汁，個人覺得咸味重左d~不過男友話唔覺～仲好鍾意。✨老撾網蝦米紙卷（$48）： 比平時食到既米紙卷大舊，個蝦包住網狀既脆脆，口感非常鬆化，呢個配搭幾香口幾得意。

去中環探朋友順便一齊搵食，搵到呢間施心畢豐拼盤越南餐廳。7點左右上去，食物上得勁快，正！我同朋友都無肉不歡，我哋都好鍾意老撾小食拼盤(HKD68)。蝦同雞米網卷尤其出色，無油益味又唔會「油淋淋」，點埋個酸甜汁就更加惹味。蝦片最好同菜一齊食，會冇咁膩。雖然係食肉獸，但都要食吓菜嘅。老撾青芒果沙律(HKD68)好fresh，亦唔會好酸，清清喉嚨都唔錯。老撾豬頸肉100%全米湯粉(HKD78)嘅豬頸肉滷得好入味，口感幾腍又juicy。海鮮湯底都好正，好鮮甜，平時食麵會飲晒湯嘅我都覺得好正，所以今次都飲晒。老撾芒果黑白糯米飯(HKD38)加咗紫糯米喺入面，仲專登用一種藍色嘅海藻令到棷汁變成藍色，不過味道同平時食嘅一樣，冇變味，芒果都幾甜。我都係咖啡愛好者，試埋老撾咖啡(HKD17)，味道同越南滴漏咖啡好似，杯落咗煉奶底，但呢個價好抵飲。朋友飲熱南薑香茅水(HKD17)，佢覺得幾清香又暖胃，鍾意養生嘅朋友可以試吓。美味指數：8/10抵食指責：7.5/10

老撾菜，你食過未？我哋兩個就真係未食過啦！老撾附近係泰國、柬埔寨、越南等國家，所以飲食文化跟泰國同越南菜好似，同樣用大量蔬菜、魚露同香料，不過辣度較低，比較重視食材嘅原本味道！今日嚟到中環施心畢老撾餐廳，主打老撾湯粉同見求。原來「施心畢」係老撾皇朝嘅姓氏，老闆都係老撾皇朝嘅後代，得我A姐去會下王子先！老撾青芒果沙律清甜青芒果絲配上爽口青瓜粒，底下仲有紅色蘿蔔，顏色鮮豔，賣相非常吸引，加埋甜酸醬汁、辣椒同花生碎，味道同泰式青木瓜沙律差唔多，好開胃。老撾網蝦米紙卷米紙卷晶瑩剔透，裏面仲有炸過嘅網蝦春卷，口感豐富。佢同越南米紙卷唔同，唔點魚露，係用秘製醬汁，點知又幾夾喎！老撾海鮮100%全米湯粉湯底用海鮮熬製，鮮味十足。有蝦、魷魚、魚餅、花枝丸同兩大塊蝦片，非常足料。特別一提嗰米粉係自家製，入口順滑，同平時嘅米粉好大分別，正！紅咖喱豬頸肉見求原來「見求」係飯，而且用上紅米飯，非常健康！紅咖喱比我想像中辣，十分惹味。豬頸肉燒得啱啱好，外皮略脆，裏面仲好Juicy，肉質鮮嫩！配菜嘅茄子、青瓜同薯角，都好好味！

早前，經過中環閣麟街，見到易拉架廣告才得知翡翠中心4樓新開了一間老撾菜餐廳 <Sisombath Restaurant 施心畢老撾餐廳>！ 老撾這個地方，我以為在越南，原來是鄰近泰國及越南的寮國！ 至於，店名的英文名Sisombath 是老撾皇朝的姓氏，也是店主祖母的姓氏，極具代表性！講真，食泰國菜及越南菜食得多！卻從未試過老撾菜！一於跟好幾位好姊妹去食老撾菜吧！餐廳裝潢簡潔光猛，地方四正；另外，設有露天茶座，以便吸煙的食客！這裡的杯子及碟子都印有漂亮的圖案，連筷子則刻有店名，簡單的餐具也一絲不苟！供應：地道老撾菜，包括：小食 $28~$40、沙律 $58、老撾粉 $48~$78、老撾見求 $58~$68，價錢親民，比預期平！熱奶茶適合入口的水溫，既香且滑！老撾青芒果沙律 $58青芒果多汁帶爽，配有蕃茄、蝦米、花生碎、香葉...等，口感豐富卻不失清新！ 綴以白蘿蔔心里美更出色！老撾網狀蝦春卷 $35網狀春卷香脆可口！ 滿載爽口彈牙的蝦肉，蘸上自家特製的醬汁，增添風味！是拉差牛油雞翼 $35是拉差是一種調味料的名稱，選用單骨雞翼，方便易食！ 烹調後，牛油滲入雞翼，輕帶牛油

去完AIA走到中環處覓食，早前無意看到這間新餐廳，主打老撾菜，即刻令我好想去試下！香港人鐘意去旅行，身邊去過老撾的人話我食完再去TRY 下。之前見有睇過報導講係老撾皇族後代型廚，大SELL 家鄉菜，試下佢買的輕食。位置：其實在扶手天橋下，威靈頓街交界的一座商業大廈，唔難搵。環境：裝修輕鬆型格路線，滿畫有一些老撾特色的插圖，感覺清新。食物：簡單輕食，粉麵，飯，小食及飲品為主。不過份量不是很多，所以男仔去食應該要叫多一些。。。2個人黎試黎SHARE，叫了以下的：老撾豬頸肉100％全米湯粉東南亞地區湯粉的湯底多為好濃郁，充滿香料味，老撾的也不例外，之前看過也們說湯底是以牛為主，有牛骨及牛筋煲8小時，當然東南亞香料唔少得，香葉香茅味好濃，湯式湯褐色的，味道偏咸，不過配上掛湯的米粉，煮得剛好。全米粉食落比其他普通米粉無咁硬，感覺好像米香重些。配料豬頸肉有些失望，因有些靱及簿，未有啖啖肉的感覺，配料有些南瓜，蘿蔔，青豆，香料等，配牛骨湯一齊吃都好味。是拉差牛油雞翼很多人也叫這個，也趁熱鬧，單骨雞翼食落更易食，見佢話辣食落又唔會，甜甜辣辣才是，因為有是拉差辣醬，炸得好香脆，味道偏甜，其實好啱配啤酒老