莎巴馬來西亞餐廳 (已搬遷) 新店位置

「曾聽說有許多戀愛，沒有結果卻令傷心者感概⋯」係我以前尋覓好食海南雞飯嘅寫照，直至喺莎巴遇上了。        莎巴喺灣仔非常有名，食LUNCH想搵個位難過喺灣仔搵泊車錶位。今晚嚟食EARLY DINNER,所以唔使等✌️海南雞飯$95可以話係我食過最出色嘅海南雞飯。雞肉已預先去骨，皮爽肉嫩雞味濃，油飯滲滿雞油香，配埋廣祥泰雞飯老抽、薑蓉同辣醬,食咁多次都保持水準👍肉骨茶$98藥材味適中，湯汁無肥油浮面，全部用豬肋骨，腍滑鬆化，用匙羹一整已經「骨肉分離」，唔知係咪心理作用，食完個身暖笠笠♨️油鬆餅$35又係宇宙最強，香脆鬆化熱辣辣，凍咗都唔會唔會油淋淋，死實實。點埋咖喱汁，香辛辣脆同時衝擊味蕾，複雜而令人回味無窮☺️拉茶$32呢個係我至愛。一上台見到拉茶打到起泡有如CAPPUCCINO,而且肉桂同茶調較到黃金比例,別具風味😋

朋友說這裡是很好食的,於是就帶我來馬來西亞野,其實應該要試肉骨茶,蝦麵,咖哩魚頭之類.但係3條友邊食到咁多,加上我又係霸王餐,就佢地簡啦叫左肉骨茶,咖哩等等比較熱門的老實講咖哩牛我不太欣賞,因為一來香料味不足,而且不太有層次,辛辣味也不夠,肉味入但唔夠稔.另外叫左青咖哩雞但我無試NANN也是一般貨仔,沒有出色的表現唯獨肉骨茶就真係幾好味,濃厚的藥材味,加上帶少少咸,少少胡椒,少少辛辣的味道!藥材味既濃絕對沒有令人距之門外,係令人愛上的味.加埋油炸鬼,索哂D湯,炸得脆脆,令到成碗野更多口感但係以OVERALL既質素,我認為在咖哩上要改善一下.當然以LUNCH來講,係可以接受的但有個問題係衛生一般,幾多蒼蠅

早就訂好位子，所以不需要等位。12：15pm到達的時候才幾張桌，就算walk－in可能也沒有問題，但15分鐘過後已經全滿了。3個人很苦惱要吃什麼，因為招牌菜太多，最後決定來個重量級餐單：兩個set lunch＋炒菜＋肉骨茶。酸辣鮮魚湯－是日餐湯是也。居然有驚喜，酸辣度剛好而且足料。馬沙拉咖喱牛配油鬆餅－牛肉非常稔，咖喱有椰香所以不會太辣，不吃辣的朋友應該不喝水也可以頂得住。裡面還有很多佐料像洋蔥，甜椒，蕃茄，非常豐富。油鬆餅果然是莎巴第一名物不但不油膩，很酥軟，撕開一片片來點咖哩牛簡直是絕配海南雞飯－莎巴另一名物是也。油飯極為香口，去了骨的海南鷄脂肪也算少，肉質非常鮮嫩，不知道是不是用新鮮鷄做的（冰鷄很難做到肉質這麼嫩），反而漿汁不懂為何少了黑醬油。不過反正我們已經有咖喱汁，混在一起吃也不會有問題。平時食量超小的J小姐差不多包辦了半碟飯。甜品－椰汁糕，太軟身，雖然味道可以接受但沒什麼可以稱讚。也許凝固粉再多一點，讓糕身實一點會比較好。肉骨茶－莎巴的一道招牌菜。可能我之前在上環曾經跟一個新加坡朋友吃過肉骨茶，大概知道什麼叫正宗，這裡的肉骨茶大概只有正宗的6成功力。莎巴的其實也好吃，或許更

黑食會前前後後都攪左六次, 而肥鄧, 串爆, 吹雞同大聲亦先後揸過莊, 一個循環之後理應再次輪到肥鄧, 點知串爆忽然爆一句想食肉骨茶, 喺咁嘅情況下肥鄧決定過莊比串爆, 所以是次揸弗人就係串爆! 而串爆心儀左呢間食店嘅肉骨茶好耐, 所以最後決定黎呢間食店, 亦為黑食會之第二循環揭開序幕!用串爆名義留定枱, 吹雞同肥鄧早少少到左門口, 已經見人山人海, 但店內真係有張四人枱預留了, 等埋串爆先至行入去, 坐底一陣大聲亦出現了; 既然人齊了當然要落單, 一口氣就柯打左巴東羊肉, 馬來沙爹雜錦, 福建炒麵, 油鬆餅, 薯仔薄餅, 當然唔少得肉骨茶啦, 四個人揀左個細! 落完單等左一陣, 首先登場就係串爆最心儀嘅肉骨茶, 雖然係揀左細的肉骨茶, 但經侍應細心分贓後, 份量就剛好足夠四個人, 店方好明顯係驚四大內訌, 所以擺定條友喺度啦! 先試肉骨茶, 講真肉骨茶點樣先叫好, 真係唔多識, 不過呢碗肉骨茶就確實討好, 皆因湯夠清味道甜, 而藥味都幾濃但又唔會好似碗藥咁, 有藥香而冇藥味 洽到好處來形容就最貼切不過; 配上豆卜夠腍, 肉亦鬆軟, 加少少油炸鬼脆脆地, 非常好味, 呢道肉骨茶絕對係必

今天要去會展睇演唱會, 所以來到灣仔搵有咩好野食~咁o岩又撞到朋友去睇, 於是就揀了這間開餐啦~我們係門口等了5分鐘位, 就入得去了~坐低後, 就即刻點野食(驚多人廚房出菜慢呀嘛)肉骨茶: 足料的肉骨茶, 現料有豆卜, 油炸鬼等~不過四個人只有一人一碗, 想飲多碗都唔得呢(75分)串燒: 見到這裡的串燒, 就想起了尖東的馬來西亞菜, 我覺得兩邊的串燒都好好味~可能是點串燒的沙嗲太惹味了呢(80分)咖哩雞: 咖哩好香, 點了少辣都咁辣, 真係好正(80分)油酥餅: 點咖哩真係絕配!!!(80分)星洲炒蘿蔔糕: 蘿蔔糕都有料, 唔同出面街的只有粉, 料就乜都無(70分)海南雞: 雞肉好嫩, 至於雞油飯好香, 禁不住想再食多碗(80分)這裡7:00匪已經有好多人等緊位, 如果幫襯的話, 不妨可以早少少來到等呢~因為實在太多人了~

街完書展, 筋疲力盡...點知仲要等咁耐, 企街等, 環境的確麻麻 (好多人都係行完書展過黎食!)入到去先知, 原來係老闆用心良苦。兩位的食客都係坐4人枱! 食物上得容易d, 人都坐得舒服d!!! (即刻記得頭先等得好苦)肉骨茶 ($68)以前未食過, 所以無得比較。 藥材味濃, 暖下個餓左好耐的胃, 呼~~好味~油酥餅 ($22)好味! 烘得岩岩好, 又唔油, 不過得一塊, 貴左d...老闆可能見我地無叫咖哩, 醒目咁送上咖哩汁, 真窩心 (誇張左...)亞參喇沙 ($68)因為之前皮膚敏感, 唔敢叫海鮮喇沙。 亞參喇沙响新加坡好似好出名, 咁就試下啦...點知....好酸好辣...同普通喇沙好唔同...(可能星馬人口味啦) .......好後悔...早知唔叫ar sam....同侍應姐姐傾計, 佢話: "係薑花, 香料黎ga, 唔會有事。"P.S. 侍應們都好有禮, 仲不停加水。炸香蕉 ($28)好抵食! 炸左香蕉, 再加D椰絲, 沙糖。整體係好食, 唔知係咪我地唔識食.... 見到好多人叫D野都同我地唔同

魚家姐, 魚細佬, + 相公都係3月+4月份生日的, 不過本魚同相公3月尾到4月頭去了台灣之旅, 返黎香港後又忙過不停, 終於要安排到接近4月尾先可以食呢餐飯呢 魚媽媽跟魚家姐唔想吃中菜, 又唔想食韓燒...生冷野...本魚搞盡魚腦汁, 終於比本魚醒起, 打令令之前去過呢間莎巴吃過, 仲話唔錯添, 於是本魚就決定訂呢間晚飯了.早3日前打了去訂7點7位, 是晚去到, 侍應姐姐話好彩本魚一早訂, 如果唔係就無法子比枱我地, 嘩~ 咁旺場喎~是晚食了:- 炒蘿白糕- 香口彈牙, 又唔係好咸, 味剛好, 有菜莆粒粒+ 芽菜, 食落無咁乾口~ 海鮮菠蘿炒飯- 炒到粒粒分明, 又有香口腰果, 味道帶甜(菠蘿粒粒) 好味 巴東雞- 魚家姐係開飯啦見食評話幾好, 想試, 食落汁帶甜+少少辣, 唔錯, 不過係雞肉乾了DD.... 叫了3種酵餅, 薯仔酵餅- 好味, 新鮮熱辣, 夾著一粒薯仔+紅蘿白粒粒, 淨食唔使點咖哩都好食. 印度酵餅 - 都新鮮, 但厚了點, 未夠鬆軟, 薄返少少就好了, 油酥餅- 又酥+唔太油, 比出面好好多 椰汁咖哩羊肉- 汁有濃郁既椰汁+咖哩味, 用黎點酵餅, 好食, 只係奇怪

嘩~~~~~~~~~~~~我終於試到啦！事緣太公真係超鐘意食星馬菜，尤其是係海南雞；之前睇食評得知莎巴的海南雞飯做得不錯，已經心思思，有件事咗好耐，勁耐，超耐同埋十分耐勒！今日趁去演藝睇《華麗上班族之生活與生存》之大名，就一於捉太公公一齊去；甫出地鐵站，就朝謝斐道衝呀...衝呀...衝呀...抵埗、坐下；發現其實都相當多馬來西亞人光顧，近視太公視線範圍內，已識別到兩枱，頓時人生充滿希望 海南雞飯果然沒教人失望，海南雞非常香滑，配上微甜的濃豉油，一絕；雞油飯雞香四溢，非常美味，要是飯再淋一點就更好；湯雖雞鮮味較薄，清清地卻也很怡人。肉骨茶也不錯，肉香滿盈，加上濃而不澀的藥材味，香而不膩；而裏面那四條排骨，旁邊的肉也很煮得很酥很腍，很好吃！與當年在吉隆玻吃到那含有大量豬腸的肉骨茶，太公更喜歡這個較清新但味道相若的改良版。的確，莎巴的味道作得相當正宗，無怪乎有這麼多馬來西亞人光顧吧！

周六晚上在灣仔「搵食」，高中低價的大小食肆均人山人海，完全看不出金融海嘯帶來的影響。既然要等，那就等間平時已座無虛席的莎巴馬來西亞餐廳吧。先說店內環境，四正小店沒有特別裝潢，牆上簡單掛上東南亞風味的海報及圖畫，燈光偏黃；而小小店面放滿方型桌椅，感覺略為擠迫。二人飯局，只能點上三兩款式，再加一個馳名的肉骨茶吧。 肉骨茶：味道正宗，陣陣藥材香味完全滲入排骨和豆腐卜內，香濃味美。我們叫了個小鍋，差不多可盛四小碗，店員還奉來油條，很有到東南亞旅遊時吃早餐的地道感覺。 烤薄餅：即是 naan，烤得香脆，卻不太焦。聽說坐在廚房附近可見師傅表演拋薄餅的絕技。 馬來巴東羊肉：羊味不太重，而且羊肉不韌；巴東醬汁香濃，用來點薄餅最好。 乾炒咖哩雞：雞肉嫩滑，洋蔥和其他配料炒得很香；雖說為咖哩雞，很卻不很辣，很好。 銀絲炒芥蘭：以鮮味銀魚仔及蒜蓉炒芥蘭，配搭很好。芥蘭也不老不苦，不錯。 估不到每碟均份量十足，兩個人差點吃不完，抵食兼好味哩！