616牛肉火鍋專門店 (西菁街)

营业中

休息中

朋友每次打邊爐都無牛不歡, 平時食開嘅本地肥牛、雪花肥牛、牛頸脊...已經滿足唔到佢, 今日就帶佢到616, 食盡各款牛肉。開動前要先上一課, 了解各款牛肉嘅分佈同建議淥煮時間, 除咗胸口膀之外, 其他部位只要淥6-8秒就食得。咁多款牛之中, 最吸引我哋嘅係油花密佈嘅牛朴肉, 入口柔嫩滑溜而且牛味特濃, 一碟絕對唔夠喉！脖仁嘅質感同牛朴肉大不相同, 肉質爽口有嚼勁。牛心, 口感爽脆富有彈性。初生雞蛋非常迷你, 不過可能烚得太耐, 食落同一般雞蛋無異。雖然616主打牛肉, 但蔬菜野菌都非常新鮮, 值得一讚！最後落埋熟板筋, 滑捋捋嘅牛筋, 吸收湯底精華後分外美味。

收工返家想近近地搵間食牛肉補一補, 想起士林麵隔離有間616，坐低發現店內好多有香港嘅玩具，好有兒時回憶。點左一個鴛鴦鍋底, 牛骨湯加酸菜湯, 一邊清湯最能夠釋出牛原汁原味, 酸菜湯就最適合重口味嘅朋友麻辣牛肉簿切，麻油加麻辣醬，香味好夠，又夠入味脖仁，好有牛味而且肉質嫩滑！牛舌- 肉質爽滑，牛味濃郁，可惜切得太薄，略欠口感牛駝峰 - 小小脂肪，肉質口感肉味各樣好平均，點牛肉汁加雞蛋最夾封門柳，牛朴肉，我較喜歡牛朴肉，似新鮮肥牛，但不愛脂肪的朋友，封門柳就比較瘦

前排，同朋友去完揼骨有啲餓，係千色附近周旋咗一陣子，最終近近地係呢間616牛肉火鍋專門店食個晚飯。事關決定得有啲倉促，所以未做任何Research，對於牛肉唔同部位嘅了解甚淺。但原來都唔緊要，點單用嘅PAD係菜單上係可以禁入去睇解說，除咗清晰說明咗牛肉嘅部位，連口感嘅形容都有，真係非常Friendly啊！於是係侍應嘅推薦加朋友嘅提議下，我地柯打咗一個鴛鴦酸菜牛骨湯，另外追加一啲牛肉同火鍋料。酸菜駕到時真係好大陣味，可見十分足料；而牛骨湯都唔簡單，份量足，味道濃郁。係等待煮湯嘅期間，行咗去混醬，醬料擺放咗係店後方，可見款式都幾多，岩哂重口味人士！順帶一題，不論你混唔混醬，每位人頭收HKD10咖。另外都有樣有趣嘅Point，餐廳話佢地有個特別承諾就係「20分鐘內，食物必到，否則此餐免費」，於是侍應就放低咗個沙漏係到。係講緊笑要唔要出貓嘅時候，食物真係BaBa聲咁好快到，果然唔係講玩。滿枱都係牛，考慮緊點分別邊款打邊款，餐廳真係好了解食客嘅麻煩之處，所以每碟都印有一張出菜單，咁就對自己食咗啲乜都一目了然啦！講番先，牛肉方面我地柯打咗共五款：匙柄、牛柳、牛駝峰、牛朴肉、脖仁。個人係咁多款之中，

行過616牛肉火鍋專門店好多次，每次都只係經過，今晚終於可以品嚐到。因為已經訂咗枱嘅關係，所以唔需要等可直接入座，坐底店員已遞上西瓜作飯前果。店內環境都幾寛倘，中間放咗一個調味料自助吧。就坐後先望望Menu，佢哋哋個Menu好方便，完全用哂Ipad，簡單而清晰，㨂完㩒一㩒Send Order就可以。但係第一件事先選擇湯底，因為佢哋牛肉種類繁多要啲時間消化一下，所以先叫湯底後叫食物，湯底有6種，我哋叫兩個湯分別叫咗”鴛鴦沙牛湯底”同”牛雜湯底”。跟住開始揀牛肉，就咁望望牆上塊版，我諗都有成30款以上不同牛嘅部位選擇。咁我哋就叫咗以下嘅牛，封門柳、金花趾、脖仁、吊龍伴、雙層肉、牛舌、牛柳、尾龍、題柄、牛駝峰、胸口膀、牛心、牛朴肉、黑栢葉，涼菜方面都叫咗一個冰麻牛試試。另外再叫啲金菇、響鈴、油麥菜、唐山菜、稻庭烏冬等等。一落完Order後店員會放底一個沙漏（漏20分鐘），話食物會喺20分鐘內送到，遲咗到的話嗰樣食物免費，個人覺得呢樣幾有Gimmick。叫完就出去攞醬料，呢個自助吧最特別係有個秘製牛肉汁。整完後話口未完湯底及食物亦陸續送上，由Order到送到嚟都唔洗8分鐘。當牛肉放到滿哂張枱時