燒味滷師 (安發大廈)

营业中

休息中

這一家「燒味滷師」大概一年多前已光顧過，都是居於附近的親友推介，而近來因為禁了晚市堂食，所以，都多了買外賣，正因今天路過此處，就索性不如「斬料」，煮點飯，灼點菜，又可以當一餐，叉燒就留來明天做炒飯。正值下班時間，鋪外已有不少街坊客光顧。燒味掛滿在櫥窗之上，琳瑯滿目，非常吸引，款式又多，定價亦相宜。店後是工場，食物都是現場即製，夠新鮮吧！上次試了客家鹽焗雞，今次改試「麻辣手撕雞」（$60 /半隻份量），不吃得辣的可以選原味，半隻份量其實也頗多，肉質嫩滑而不膩，曬上了大量芝麻，加上麻辣的味道不霸道，有辣勁，卻不嗆喉，最好的是已拆肉，吃得方便，一次過吃不完，也可以留起來用作配粉麵。雖然叉燒打算用作炒飯，但也先偷偷吃了幾片，要了半斤的「燒味佬叉燒」（$40），燒得賣相不錯，有少少燶邊，叉燒屬半肥瘦的，切得厚身，入口軟腍不死實，又有點油脂香，並帶微微蜜糖的甜蜜香味。至於燒鵝是家人至愛，怎可以錯過，半隻「至尊燒鵝」（$180）絕對滿足了大家，一打開盒蓋，那份鵝香立時湧出，更附了一大包鵝汁，翻熱加入燒鵝中，更芳香；鵝皮色澤亮麗，薄身脆口，肉質嫩滑細緻，又充滿肉汁，並富油香卻不油膩，可以說水準依舊。做

每逢放工想買燒味，我都會揀燒味滷師。每次嚟到呢度都係人頭湧湧，因為實在太抵食。呢度嘅燒味比起其他燒臘店真係平好多，而最抵食嘅就係佢嘅燒味飯只係$22。除咗燒臘，仲有其他冷盤。今次仲特別睇中咗呢件乳豬，放工時間，最後一件，唔買就走寶！乳豬返到屋企稍稍翻熱，個皮即刻脆返晒。仲買咗半隻燒鵝，皮脆肉嫩，鵝肉又夠甘香。斬料又點可以冇叉燒，燒味滷師嘅叉燒味道調得啱啱好，我就鍾意食瘦叉燒，佢嘅瘦叉瘦得嚟又唔嚡口，真係幾正。阿姐推介我買埋麻辣手撕雞，麻辣味道唔會太嗆，返到屋企煮個米粉配呢個麻辣手撕雞真係夾到不得了。

食得住家飯多有時都會想加餸食下燒味～朋友介紹燒味滷師乾淨企理質素有保證，開咗唔夠一年已經越開越多分店，今日嚟開長沙灣就幫襯下試試佢。燒味滷水種類五花八門，經過嘅伯伯都話啲掛爐燒鵝幾正。做緊新張優惠益街坊，燒味飯都只係22蚊盒，而家真係唔知喺邊度搵。跟下伯伯眼光嗌咗半隻至尊燒鵝，滷水汁另外袋上好貼心，可以返屋企先淋上，保持番燒鵝嘅脆皮。半隻燒鵝份量都唔可以睇少，燒鵝幾厚肉唔會太乾，鍾意食皮食肉嘅都可以滿足到。要咗50蚊燒味佬叉燒，叉燒肥瘦均勻，我自己偏好燒到帶啲燶邊嘅叉燒，搽麥芽糖燒過特別香，撈飯一流。天氣熱辣辣食手撕雞就啱晒，依度分別有原味、麻辣、胡麻海蜇手撕雞，今次就揀咗原味－手撕雞雞皮脆口，雞肉亦幾嫩唔怕嚡，屋企人話食到有少少沙薑味，唔會太濃味，如果麻油香重啲更正～

疫情之下，雖有「疫苗氣泡」放寬部份社交距離措施，但要三代同堂坐埋一齊做節外出食飯，簡直是奢望，唯有上長輩家煮食。不擅於烹飪的我，一定只能負責斬料加餸。燒味滷師在長沙灣一向有口碑，成日都有街坊排隊，皆因佢啲燒鵝是現場烤製，隻隻新鮮熱辣，所以吸引不少街坊支持。今日見佢啲燒鵝隻隻脹卜卜肥嘟嘟，鵝身豐滿油光十足，要咗半隻。燒鵝外皮甘脆，鵝肉甘香多汁，正呀！另外，我個人喜歡瘦叉燒，尤其是這裏的叉燒瘦得來鬆軟，很合我個人胃口。麻辣手撕雞，麻辣味剛好不會太辣，而且雞肉亦撕得很仔細，最喜歡就是面層灑上很多很多芝麻，令到整個手撕雞非常香口。

依家無得一大班出去食🍴最中意就係買熟食燒味翻去、再煮⼀兩個菜吾洗煩💯.今次見到人排我又排下！點知呢間燒味「滷師」選擇多，有驚喜😋見到佢新開優惠！買咗半隻燒鵝嘆下！外皮燒得香口、油香十足！大大盒肉質吾老～偏甜口味啱我心意💯仲要酸梅醬絕對吾吝嗇，勁多包！👍🏻👍🏻見到佢有燶邊叉燒😋要咗偏瘦既，但入口都幾鬆化又無渣！醃得都幾入味！下次試下半肥瘦先😋😋要多個冷盤麻辣手撕雞🐔估佢吾到咁高水準！大大盒不在話下💯雞肉嫩口，調味啱好、勁開胃、吾會太麻太辣👍🏻灑上芝麻好香😋下次買多盒海蜇撈埋不得了！買咁多300都吾洗！食到大家勁滿足💯

位於長沙灣的燒味店燒味滷師開業大約半年，至今已經擴展至屯門及黃大仙皆有分店，除了網上好評如潮之外，當日到訪亦可見其人氣旺盛，雖然是平日但客人仍絡繹不絕。透過玻璃可見掛滿琳琅滿目的燒味，色澤油亮，下單後便可按號碼等待取餐。燒鵝、燒鴨、乳豬、叉燒、燒排骨、雞翼等應有盡有，燒味飯優惠價更只需$22，但看過評論似乎單點燒味質素較好，所以就選擇了叉燒及燒鵝這兩款正進行推廣的燒味。燒味佬叉燒 ($118/斤) 看似較瘦但入口肉質爽嫩毫不乾韌，而且色澤自然不如坊間大部分叉燒一樣用上太多化學添加色素。至尊燒鵝 ($210/隻) 可選一隻$420、半隻$210、上莊$110或下莊$120，燒鵝雖稍欠炭燒香氣但外皮香脆，鵝肉厚實而油脂豐腴，特價只需$180半隻實在比坊間大部分燒味店便宜，以此價錢而言已是無可挑剔。麻辣手撕雞 ($120/隻) 拌入大量辣油及芝麻相當惹味，半隻已經滿滿一大盒份量相當充裕，而且並沒有以大量雞骨濫竽充數，另外更有原味及胡麻海蜇手撕雞選擇。

今日同屋企人家庭日出嚟行下經過長沙灣呢間燒味店决定斬料返屋企當加餸😋未到6點已經有條小長龍排隊買燒味可見都幾受街坊歡迎～見店面有唔少新開將優惠 都幾平幾戈算50幾蚊就有一隻鹽焗雞 豉油雞 或者貴妃雞係今次就買咗半隻燒鵝 半隻麻辣手撕雞 同 半斤叉燒😋-至尊燒鵝 (半隻)燒鵝賣相相當吸引未打開外賣盒陣燒鵝嘅香味已經撲鼻而來😻最特別嘅係 佢嘅燒鵝汁會另上所以就算外賣 燒鵝嘅皮都可以keep住咁脆卜卜燒鵝需要唔係太肥 但勝在多汁同埋燒鵝味濃郁完全就係皮脆肉嫩！！-麻辣手撕雞 (半隻)手撕雞份量十足 面頭有好多芝麻粒芝麻味好香～佢嘅辣度大概係小辣 唔會太辣微微嘅香辣味 令味道變得更惹味！雞肉肉質方面好嫩滑 唔會鞋颯颯！下次想試吓佢嘅海蜇手撕雞 相信送飯一流！😋-燒味佬叉燒 (半斤)講到斬料點會唔食叉燒🥰今次嘅叉燒偏瘦～不過好在唔會太硬身 食落幾嫩滑叉燒滷得幾入味 甜甜鹹鹹的$290買到三樣都真係好抵好平😻😻

時隔一年多都沒有跟親友飯聚，是日就趁着還是新正頭，與親友家庭聚一聚，帶來燒味作「賀禮」，哈哈！這當然是說笑，只是「斬料」就可以不用勞師動眾弄太多餸菜。在親友家附近看到這家「燒味滷師」，有不少街坊光顧，應該差不了哪裡，就買數款店家推介的燒味上去吧！驟眼看看，燒味掛滿在櫥窗之上，琳瑯滿目，非常吸引，感覺款式甚多，定價看來亦相宜，有些更有優惠價。心思思很多燒味也想試，結果，買了一款又一款，有些是想吃的，有些是衝着優惠價而來！打開這一盒「至尊燒鵝」（$110/上莊），那份鵝香立時湧出。燒鵝真的燒得很不錯，外皮色澤亮麗，咬下去非常甘脆，充滿油香，而肉質嫩滑細緻。沾一些冰梅醬，可說是油膩感大減，吃來更清爽。經典的燒味怎可以沒有叉燒，「燒味佬叉燒」（$98/斤）究竟質素又如何呢！有少少燶邊，故份外好看。叉燒屬半肥瘦的，入口軟腍，燒得不會太乾身，又有點油脂香，並帶微微蜜糖的甜蜜味。吃剩的，還可以明天弄個叉燒炒蛋。現在好像很少客家菜館，所以，見到店家供應「客家鹽焗雞」（$59/隻），加上定價超便宜，又怎可以錯過，又來一隻試試。雞肉吃下時肉質鮮嫰，因為鹽焗，有陣陣鹹香味滲出，雖然有配上蔥油及特製醬油，但不

晚市禁堂食已接近一個月，每晚在家吃飯已成為新常態，但每當想到「今晚食乜餸」的時候，就真的十分頭痛。每次想到要加餸時，「斬料」就是最好的幫手，既方便又快捷。長沙灣這家新開的「燒味滷師」燒味專門店，舖面乾淨企理，店內掛滿燒鵝、燒肉、叉燒 、油雞 ⋯，心裡不期然想起一首經典金曲，「斬料、斬料、斬大嚿叉燒」。說到價錢方面亦十大大眾化，所以吸引到不少區內街坊光顧。至尊燒鵝上庄（HK$110)👍👍👍👍👍這裡的燒鵝採用清遠黑棕鵝母，掛在燒爐用明火燒制，做出來的至尊燒鵝，皮脆、肉嫩又多汁，選擇了燒鵝的上庄部份，鵝胸部位肉厚鮮嫩，鵝皮油香四溢。新張期間優惠每隻$360，半隻$180，上庄$110，下庄$120。客家鹽焗雞（HK$59/隻）👍👍👍👍另一新張優惠價，一隻客家鹽焗雞只是$59/隻，真是超抵吃。鹽焗雞鹹香嫩滑，雞肉鮮香可口，雞皮香而不膩，餸飯就最適合。燒味佬叉燒（HK$50)👍👍👍👍叉燒每斤$118，這盒買了$50。叉燒切成薄片，肉質軟硬適中，用叉燒醬汁醃製，經燒烤後的叉燒帶有濃濃的燒烤香氣，刷上甜蜜的蜜汁，蜜味和肉香相得益彰。脆皮燒肉（HK$50）👍👍👍👍脆皮燒肉每斤$98，這一滿盒才不過是$

疫情關係最好都是留家晚餐，又不想煮，經過這間燒味店人來人往，決定買回去加餸試一試燒味店有多種優惠，真的非常划算客家鹽焗雞 - 份量很多，$59 一隻雞這個價錢無得輸雞肉非常入味，愈吃愈惹味，最驚喜是沙茶醬至尊燒鵝 - 選了下庄，有很大隻鵝髀真是啖啖肉，外皮十分香脆，也有很多肉汁叉燒 - 賣相較偏橙色，帶有微甜，令人吃不停口燒腩仔 - 肥瘦均勻，買回家還是熱騰騰的，肉質鮮嫩這間燒味店性價比很高，真是加餸之選，怪不得人來人往

聽同事介紹係公司附近有間燒味店唔錯，聽聞係由酒店燒味主廚主理，有信心保証，打算放工行過去望下，點知都幾多人買，忍唔住都買左d 返去試下。客家鹽焗雞雞肉好滑，整得非常入味，唔洗蘸醬亦好夠味，不過都有跟埋薑蓉同沙薑，可以一雞三吃。至尊燒鵝燒鵝燒得好香，外皮燒到脆皮，肉質有彈性，咬落有口感。老師傅燒腩仔買到返屋企食個皮仲係脆卜卜，係真正既皮脆肉嫩。燒味佬叉燒叉燒偏甜味比較多，肉質好軟熟，食落仲好juicy。

我時不時都會行過去長沙灣元州邨嗰邊食晏，有日中午見到有間燒味舖「燒味滷師」好多人排隊，原來係有$22特價飯盒賣。我又八卦攞張傳單返屋企望下，阿媽見到$48隻雞話超抵，仲話搵晚唔煮餸等我斬料返去🙈。呢晚放工我就即刻變身做乖囡去斬料加餸，我已經專登準時走行過去。大約晚上六點半嘅時候，我未行到去舖位已經見到大排長龍👏；好彩我快一步同冇俾個師奶打尖，如果唔係我都買唔到特價雞。我好耐冇見過咁多人排隊嘅場景，皆因燒味舖新開張，做緊好多特價優惠益街坊👍。當我俾錢買完飛之後無耐，已經陸續聽到雞同鴨都賣晒。雖然人多，但小店運作好有系統，客人輪轉得好快，店員同師傅們都好有禮貌，唔會粗聲粗氣😊。舖面亦光光猛猛，令人放心。我哋今晚食燒味大餐🥢，無煮其他餸，我一次過買咗四種返屋企。未食之前第一樣抵讚嘅地方就係包裝得好好，我拎到返屋企一滴汁都冇跌過出嚟，唔會搞到油笠笠。由於做緊特價，四款燒味夾埋都只係$267😍。玫瑰豉油雞($48/一隻)，買完之後我終於明點解🐓雞會最快賣晒，$48大大隻，唔係畀啲營養不良嘅雞仔你，真係唔知喺邊度搵？！雞有三款，包括客家鹽焗雞、瑤柱貴妃雞、同埋我買嘅玫瑰豉油雞。豉油雞入味，唔駛點醬

阿媽話要拜神，叫我幫佢買燒肉返嚟，同事話近元州邨嗰頭最近開咗一間燒味店，主廚仲曾經喺酒店度做過大廚，新開張有好多優惠，所以我放工就長征咗1.2公里，去到位於長發街嘅呢間燒味滷師。話晒都係新開咗冇幾耐，所以都人頭湧湧，好彩佢都有足夠人手，所以唔需要等好耐就攞到手。新張期間真係有好多優惠，單拼/雙拼燒味飯盒只需要$22，貴妃雞/豉油雞/鹽焗雞仲只需要$48添，真係唔買都對唔住自己呀！除咗燒味，亦有售其他冷盤。叉燒$98/斤，我就買咗半斤，叉燒顏色已經好靚，而且我就好鍾意佢瘦得來一啲都冇柴皮嘅感覺，真係又瘦又淋。燒鵝上庄$110，上庄最正就係啖啖肉，燒鵝皮燒得香脆，正！鹽焗雞$48/隻，真係仲平過去買隻冰鮮雞自己煮，肉質鮮嫩，分量十足，阿媽拜神啱晒！燒肉$98/斤，攞到返屋企燒肉嘅皮仍然係咁香脆，肥瘦適中，真係好抵食！阿媽品完神之後，就輪到我哋開餐啦，呢個燒味之夜真係冇得輸呀！