FLIPPER'S (已結業)

之前喺希慎行街，見到Flipper’s冇咩人排隊，就行咗入去食返餐，印象中以前大排長龍。嗰日點咗當時嘅春夏季節限定檸檬芝士脆糖班戟，梳乎厘班戟蛋味嫌腥，檸檬吉士和檸檬雪芭確實有驚喜，不過糖漬檸檬沒有甜味，反而跟真嘅檸檬一樣酸。我仲點咗杯芒果珍珠奶，個化學甜好勁，而且珍珠偏硬。檸檬芝士脆糖班戟 $139芒果珍珠奶 $36 #銅鑼灣 #CausewayBay #咖啡經濟圈 #cafehopping #hkcafe #cafehk #hkcoffee

好多年前食過一次Flipper's嘅班戟，居然係凍嘅，令我大失所望。隔左咁多年，見佢仲係咁長人龍，於是即管俾多次機會佢。周日3點後見到得3組人排隊，於是我又排，足足得左5個字先有位。呢度嘅班戟係日式梳乎厘班戟，用來自日本嘅雞蛋及牛奶，再低溫烘焙而成。有位之後就先去收銀俾錢，拎左個數字牌之後，服務員會將食物送上。班戟好少選擇，居然得四甜兩鹹。飲品有沙冰，珍珠奶茶，冷壓果汁，汽水，咖啡同其他飲品。士多啤梨藍莓香蕉班戟 $119班戟一客三件大大件。首先班戟空氣感真係好高，所以一陣風咁，食完唔會太飽，但係口感好特別，好似入口即融。班戟蛋味好香，而且個皮有少少厚身有啲似法式薄餅，外少厚而內空氣度高，帶黎唔同口感。班戟上面灑上少少糖霜，不過唔會太甜，配滑溜北海道奶油好食，可惜太少奶油。不過温度真係只得微微暖，唔通熱d真係做唔到呢個效果？水果配料有三片香蕉，幾粒藍莓同幾片士多啤梨，個人覺得麻麻，士多啤梨好酸。綠茶紅豆班戟 $119綠茶紅豆班戟既班戟同士多啤梨藍莓香蕉班戟一樣，配料就變左紅豆蓉，綠茶忌廉同綠茶漿，仲灑上綠茶味嘅碎碎，北海道奶油都仲有。個人覺得呢款好味啲。綠茶嘅少少苦配甜甜嘅紅豆蓉永遠都

一年半之前，我拿着之前還未報銷的手提電話，跟上手「開飯喇」戶口，在宵夜時間光顧位於銅鑼灣「希慎廣場」六樓位置，某大型時裝店裡面的日本班㦸甜品店「FLIPPER'S」，當時有很多食客慕名排隊等候入座。當時的「FLIPPER'S」甚至需要在食店後門，近着升降機門口的位置，設置讓食客排隊等候座位的「排隊區」，食客需要站在「排隊區」裡面苦苦等候，直至食店有人結賬離開，有座位留給排隊頭的食客為止。一年半之後，我拿着在手上的新手提電話，還有新的「開飯喇」戶口，再次光顧「FLIPPER'S」，「FLIPPER'S」的排隊人龍已經不再出現，食店裡面的實際入座情況，也只有七成滿而已。所以我不再需要站在「FLIPPER'S」店外苦苦排隊等候，就已經可以直接入座。但是「FLIPPER'S」現在有一件事情，跟一半年半之前還是沒有任何改變的地方，就是食客需要先到食店收銀櫃檯位置付款購票。至於「FLIPPER'S」現在的收費模式，還是一年半前的「FLIPPER'S」一模一樣，我都需要先在「FLIPPER'S」收銀櫃檯位置付款購票，成功購票後「FLIPPER'S」依舊送上號碼牌給我。跟著我把「FLIPPER'S」號

食飽飯散散步先回家，臨離開途中，傳來一陣濃烈嘅蛋香，原來有家日式班㦸店！我本身唔特別好，見香成咁條龍又唔算太長，咪挑下隊囉！本身8:30排到9:00就入得，都ok ar~自己去counter比錢，店員會送餐比你，呢個運作模式頗有效率，主角班㦸5分鐘多就送到你面前～吃下一口，不得了，班㦸微暖，cream冰凍，外皮微焦香，裡面濕潤得黎軟綿綿又充滿蛋香，冰火口感，蛋味嘅餘韻令人念念不忙！我食過K11果間，油麻地街頭小吃果間，呢間味道贏九條街都唔止，值得排隊！我仲覺得抵食，$99有3件，先$33 1件，又好味，推介吖！另外叫左杯野飲，都唔錯，不過始終喜歡喝水的我，想讚呢度會自動比埋杯水你～

自從有濃厚日本風的「梳乎厘班㦸」傳入香港後，香港坊間以「梳乎厘班㦸」作為招牌甜品的日本菜餐廳，已經開始有泛濫的趨勢，甚至造成賣「梳乎厘班㦸」的餐廳一新開張，就立刻引來「狂風浪蝶」來光顧，演變成漫長的排隊人龍。無論是限量發售的貴價「梳乎厘班㦸」，抑或是以平民價發售，「梳乎厘班㦸」提供份量無限額的廉價「梳乎厘班㦸」，兩者都是開始在市面泛濫成災，甚至有食客開始對「梳乎厘班㦸」有批評聲音。至於我自己，有看過我食評的朋友們都應該了解一清二楚，我曾經在尖沙咀其中甜品餐廳「GXXms Pancake & Cafe」就遭遇過一些很掃興的事，最後連「梳乎厘班㦸」也嚐試不到。結果我今次來到香港島那邊的「銅鑼灣」，來到購物廣場「希慎廣場」的時候，我差點又重蹈覆轍，望過日本招牌甜品「梳乎厘班㦸」卻吃不到的苦況。因為這間位於銅鑼灣「希慎廣場」六樓日本甜品餐廳「FLIPPER'S」的時候，排隊輪候甜品「梳乎厘班㦸」的人龍，已經快要伸延至到升降機的門口位置。但是坐在「FLIPPER'S」餐廳樓面內，正享用「梳乎厘班㦸」的食客，依然幾乎擠滿在整間「FLIPPER'S」餐廳的所有位置。所以我硬着頭皮，冒着又可能會因為「

繼之前試過榛子朱古力香蕉味和抹茶紅豆味今次就試試人氣No. 1的雜莓香蕉味！俾個提示大家： 大約11點半去係唔使排隊直接可以行入去🤪🤪一上碟。。。已經好明顯見到。。。水果不夠新鮮士多啤梨稍酸、微發黃藍莓香甜香蕉灰灰啡啡已開始氧化但味道係OK嘅原味忌廉 比朱古力忌廉或抹茶忌廉 更好味🧐🍦入囗細而不膩 冷涼 香甜輕盈配搭 鬆軟綿密的班戟 倍添濕潤度和幼滑感開閃光燈影好吸睛色澤好美！班戟入口即化 非常香濃的雞蛋香不會過甜 煎成金黃色的軟薄皮 灑上一層糖粉中間的氣泡密麻 厚而挺身 不會乾得像烘烤蛋白那種有點膠質？海綿質感？的奇怪口感它是偏向半creamy半蛋糕質感的疏乎里香甜的芒果牛奶+煙韌珍珠 不俗沒有芒果肉咬口 就是芒果奶而已但喝不停口它另外還有茉莉花珍珠奶茶/原味珍珠奶茶但我覺得這個比較特別值得試

女仔總係鐘意甜品當正餐，但作為男仔硬係覺得正餐要食鹹食。今次又要陪人食班戟，本來諗住陪佢食完之後自己去食個雲吞麵，點知有驚喜。FLIPPER'S係班戟專門店，即叫即整，所以都要等一陣。就係呢個餐牌，當D女仔望住上面個栗子班戟既時候，我見到竟然有煙肉煎蛋班戟，絕對係我救星。充滿牛油味的既熱香餅上面有隻太陽蛋，仲有塊唔太油膩既煙肉。刺穿蛋汁再加埋蜜糖，味道層次幾豐富。食食下覺得膩可以食下旁邊既紫椰菜同新鮮沙律菜，酸酸甜甜，好開胃。飲品有三種口味，我一定係叫芒果珍珠奶，煙韌既珍珠加埋濃濃既芒果味，好似飲緊奶昔咁。今晚終於唔使食個雲吞麵先返屋企啦。