福元湯圓

营业中

休息中

💛💚🧡💜🍡 芝麻湯丸小小的店面，只有十個坐位，三位嬸嬸努力地煮糖水中。一年都吃不到一次的「福元湯丸」。一碗有5粒，圓圓的，很飽滿。外皮薄及煙韌（Q彈），內裏是香甜的芝麻流心。薑湯有薑味，不太甜。用的糖應該是比較好，吃完咀巴沒有酸味。要給一個like! Sesame Rice DumplingVery famous rice dumpling in Hong Kong, you may choose “sesame” favour or “peanut” favour. 5 rice dumplings are served with ginger sweet soup. The thin and chewy thin is the signature of these rice dumpling. The sesame is fired and emits strong favour. The sweetness of ginger sweet soup is just right and fit Hong Kong People.

一家人提早喺屋企做中秋節，家人買咗生料芝麻湯丸做飯後甜品，一盒10粒配上兩小碗薑味糖水。開爐水滾後放生料芝麻湯丸，當湯丸浮起就撈起來備用。用煲加熱薑味糖水，因為我個人比較鍾意薑辣味，所以另加咗幾塊薄薄薑片，糖水滾起就落已煮起湯丸再稍微悶煮1、2分鐘之後就食得，非常方便。薑味糖水入口順喉，甜味啱啱好，而且薑味好出，薑嘅辣味微微刺激，但係一啲都唔會嗆喉，飲一啖就即刻感覺暖烘烘。湯圓咬開一半，湯圓皮口感煙韌軟糯，香滑流心芝麻餡即時湧出，黑芝麻味道香甜濃郁，口感粘稠順滑，會令你忍唔住一粒接一粒放入口。一整粒放入口時，流心芝麻餡一爆而出，芝麻香氣由口腔衝上鼻腔，稠滑黑芝麻餡充斥成個口腔，嗰刻真係唔捨得吞咗佢落肚，想再嗒耐啲。第一次食已經愛上，有機會一定會去舖頭幫襯。

在炮台山吃了晚餐，建議去食碗糖水，多次未能試，今晚再碰碰運氣，走去橋底，店內只有三四人店子細細，大約有十個位左右，看似好多人來買外賣。下單後不到兩分鐘⋯兩碗糖水已被送上檯前和我見面心想⋯⋯湯丸不是即叫即煮麼？？？木瓜雪耳加芝麻湯丸$35聽說好正，雪耳滿滿膠質桑寄生蓮子蛋茶加芝麻湯丸$33桑寄生味略偏淡，可以再濃番少少芝麻湯丸好大粒芝麻茸慢慢流出，糯米皮軟軟綿綿蛋外層好深色，應該浸在桑寄生茶中不短時間食食下覺得苦⋯原來蓮子無去芯㗎蓮子點解唔去芯㗎

炮台山同天后附近真係無乜糖水舖，福元湯圓雖然本身都有實力，但真係附近真係好似無乜對手啦。星期六夜晚同朋友打完邊爐，過黎食個糖水。十一點左右，都有大概6-8人等緊位，大約等左5分鐘就入得，岩timing 吧。我叫了個桑寄生蓮子蛋茶加湯丸，連埋隻蛋，碗野有四粒野，好澎湃！桑寄生蓮子蛋茶以前係俾人安胎飲，朋友笑我係咪要安胎，咁當然唔係只係呢個用途啦。「茶」的茶香味十足，唔會太甜。蓮子都起沙，完完整整有幾粒，交足貨。湯丸相當大粒，咬開之後，溫熱的d 麻蓉慢慢咁流出來，唔太稀唔太杰。芝麻味很濃郁，勝在個皮唔算太厚，食完火鍋飽左9成，食埋湯丸都仲得。

要在港島區找心怡的糖水店,選擇不及九龍區多.這店以招牌湯丸聞名,雖不愛吃湯丸,但近水樓台,不得不試.店子很少,少得只放得下3張小枱.另門外放了4-5張大枱,自行找位子,沒什麼特別的招呼. 由於剛吃過晚飯,我們只點一客桂花酒釀湯丸來分享. 桂花酒的味道較我所想的不同,而且跟我在上海吃我也不一樣.其酒味較重,比較苦,不夠甘香,而且有一朕酸酸的感覺,但同行者察覺不到異樣,可能是喜好不同.說回湯丸,已相隔了差不多廿個年頭沒吃過湯丸的我,覺得這裏的湯丸很不錯.一咬之下,內裡的芝麻餡如流沙般徐徐湧出,芝麻又香又滑,還偶已吃出啖啖芝麻粒,絕對吃得出是新鮮製造.我倆吃得讚不絕好,但都不約而同認為若是吃傳統的薑湯味會更好,有機會點再來一試.

是日夜宵, order 如下:芝麻湯丸薑湯底 ($14) - 如下面 gei 食評, d 芝麻餡係流沙, 好正呀~ 咬開之後睇佢慢慢湧出來. 唔會過甜, 係咪因為有薑湯底呢?花生湯丸薑湯底 ($14) - 甜 gei 程度比芝麻更輕, 個餡好香呀! 唔似有 d cheap 湯丸 用花生醬, 呢度真係睇到係磨花生 ga! 冇花假! 咬落有 d 粒粒, 過癮~用料正.舖位細, 坐得唔自在, 最好快趣食完走.碗內有頭髮呀!! 衛生有待改善!!!!

15/2/2009 (星期日)今日食完 Lunch 之後，坐小巴去炮台山，在附近逛了一陣，就去揾福元湯丸，早兩日係 Open Rice 網頁見過，就想去試下。福元湯丸位於福元街，係炮台山地鐵站出口的巴士站同小巴站旁邊的行人天橋過對面馬路就係。店內面積不大，只有四張枱，可容納的客人不多，大多數客人都係叫外賣，生意幾好。我叫咗一個最出名的芝麻湯丸($14)，一碗有5粒，size都幾大粒，湯丸配薑湯底，薑湯有薑味而且不太辣，辣度啱啱好，湯丸皮薄而且好煙韌，咬開之後見到流沙狀的黑芝麻湧出來，好美味，食得出係落足料同心機去做，值得再去試。