火鍋英雄 (已結業)

一直都好想試火鍋英雄，見啱啱出完糧就的起心肝同朋友去咗試。湯底嗌咗鴛鴦鍋 係芫荽皮蛋拼養生野山菌湯好正呀兩種湯青青地，感覺好似冇咁熱氣而且可以當家常湯去飲。至於火鍋配料就點左佢哋比較出名嘅食物，包括招牌四寶丸，每粒都的的式式，即使有12粒，兩個人食都唔覺得太濟。蝦丸同墨魚丸咁就最好食！仲有鮮黑毛土同鴨血，呢兩樣都係我第一次食，感覺好新鮮呀。個鴨血有12舊，非常抵食！$45咋！個萵筍片我覺得係最驚艷，每次打邊爐我都必定會嗌萵筍，不過最怕食到太厚太硬。但火鍋英雄嘅萵筍片係切到一條條長條型，放落湯底唔使淥好耐就已經變到好淋，放落口直頭入口即溶，係我食過咁多間萵筍片之中最好食！叫咗一碟細碟嘅牛頸脊，聽聞火鍋的話嗌牛頸脊係最好味，油脂分布平均一上碟已經覺得好味！另外值得一提嘅係，佢哋火鍋前嘅小食:英雄八盞都非常醒胃，酸酸辣辣好惹味！仲有四川紹粉同響鈴，雜菜都幾好味食到盡興而歸！

有咩爽得過夏天打邊爐！由於真係好耐無試過夏天打邊爐，我地就一放工去左最近既火鍋店- 火鍋英雄！一坐低就有個前菜比你開開胃先！仲有竹蔗水飲我地揀既係烏雞湯底，因為揀個藥膳湯好似平衡番呢排夜訓咁😂😂😂首先黎到既係呢個極品肥牛，有入口即溶既感覺，肥瘦度岩岩好，唔會得肥膏！之後就到頂級黑豚肉，一開始我真係分唔清牛肉定豬肉，可能太鮮味，總知好正墨魚滑好彈牙，值得一試！凍豆腐一定要吸哂湯先食，但要小心太燙口！鴨血有少少唔夠滑，下次可以再試第樣。牛柏葉新鮮又爽口，下次一定要再叫！響鈴新鮮炸起，一落湯就入哂味，超脆口！圖中仲有窩筍片，四川紹粉，唔夠食既都可以叫呢個

坐位超闊，而且貼心地提供圍裙，餐具齊全，裝飾有心思，無論掛畫和擺設品都是有用心選擺位。第一印象超級好！重慶麻辣拼養生野山菌湯，重慶麻辣真材實料，海量的花椒和辣椒🌶️，既麻又辣，經典湯鍋之選！養生野生菌湯相對味道較淡，不同的菇菌類應有盡有，好健康。英雄八盞涼拌小食，大豆芽和木耳入味好吃，開胃的小吃。美國極品肥牛（小），牛肉味道濃郁，肥瘦比例入口溶化了又不失口感，Good!鮮肉抄手配麻辣湯一流，不過份量大，很易飽肚。雜菜籃要放進養生野生菌湯淥，否則會太辣和很油。香菇貢丸新鮮彈牙，最喜歡有咬口的冬菇粒。酥炸響鈴比較硬，不是市面上的一般貨式。凍豆腐必點之菜，把湯的精華盡吸收了，一咬下去，爆湯的！四川紹粉很特別，透明的，煙韌十足，比其他麵食更掛湯。洛神花茶有點利賓納的香味，甜度適中，解渴得來又不膩。味道和價錢都比坊間好多了，環境更冇得彈！

很久沒有跟darling外出吃飯，行過見到餐廳名字很猛，叫「火鍋英雄」，即管上去試試！餐廳位處銅鑼灣一幢很多食肆的大廈裡，對面就是地鐵站C出口，超級方便！Lift很寬，不會等好久。甫進店，裝修簡單中，見心思佈置，竹製的卡位設計很有四川風味，也很寬敞，坐4-6位成人都ok。酸菜冷鍋魚是必叫的！跟別的酸菜魚不一樣，它是啖啖肉，是上盛的桂花魚片，份量十足。喜歡腩位或骨位的不要失望，鍋裡面通通都有！師傅刀功一流，大大塊魚片是不會散，沒有骨，吃得好開心！魚片又滑又鮮。火鍋配料首選本地手切肥牛頸脊，油份剛剛好、牛味一絕！丸類用料新鮮，值！四川紹粉是必叫之選！超煙韌！自己醬油自己調！很整齊，品種很多，榨菜粒切得幼細，正！英雄八盞前菜，一點都不馬夫！吃火鍋難免熱氣，喝竹蔗茅根最好！很濃！餐廳服務值得一讚，自動幫你更換小盤子、撈泡沫、調教火候、倒飲料、收盤子等等。連勺子都很貼心，手殘的也可以輕易地撈起魚片。細心位還有圍裙給每位，一定唔會弄髒衣服我跟darling兩人吃完都說下次要再來試其他鍋！

這夜來到銅鑼灣駱克道京都廣場三樓的「火鍋英雄」。起初聽到店名，還以為這裡是個只有火鍋吃的餐廳，但原來「火鍋英雄」除了火鍋，還有多款精品重慶冷盤、小菜與海鮮等，食物種類相當多樣化，而且水準亦令大家很有開心驚喜呢。吃火鍋前，我們先品嚐這裡的「英雄八盞」前菜小碟（連醬料每位$18）和點來數款涼菜小食，包括「酸辣蕨粉」、「夫妻肺片」($68)和「渝都口水雞」($68)。當中我的最愛是「酸辣蕨粉」，爽口的蕨粉掛滿酸辣度剛好的調味醬汁，相當清新開胃。真要多得朋友的預先安排，為大家預定好多款「火鍋英雄」的私房菜菜式。冷盤方面分別選來「二荊鮮辣南非鮑魚」、「成都紅油帆立貝」和「青花椒麻象拔蚌」，三款各有不同的辣及不同程度的辣度，相當精彩。我尤其喜歡「青花椒麻象拔蚌」，青花椒的麻辣中帶份獨特的清香，象拔蚌片爽嫩美味。醒胃香辣的「二荊鮮辣南非鮑魚」也不容錯過。鮑魚切得薄片，吃起來爽彈嫩滑，滋味無比。輪到熱辣辣上枱的有「水煮桂花魚片」和「沙撈越白胡椒海中蝦」。水煮魚的紅油麻香、辣勁富層次，魚片亦滑溜細嫩。以砂煲上的「沙撈越白胡椒海中蝦」，胡椒香撲鼻，與海蝦的鮮味加上入味的白胡椒，簡直合拍無比。接下來就是火鍋

做做下野，突然好想打邊爐，就上OpenRice搵下銅鑼灣有咩好介紹。見呢間既風格sell重慶，令我諗起之前去重慶食麻辣火鍋，真係好正，一於打電話去book定枱！位置係mtr出口對面，好易搵！坐電梯上到3樓，裝修帶點中國風，都幾精緻！坐底即睇下有咩野食！湯底有4款，本打算食麻辣，但見青椒魚頭鍋(椒麻味)，未食過，都係叫呢個！醬料係自助形式，多款又放得乾淨整齊，仲有啲我都未見過，例如味粉同榨菜末！呢度每個位都會有件圍裙，超級細心！打邊爐，真係好易彈到件衫，呢度打邊爐就唔怕。設計簡單，戴上身都唔肉酸！我太口渴，先叫杯洛神花茶，酸酸甜甜咁，好開胃又好飲喎！英雄八盞：8個前菜，我地2個人除左碟青瓜(因為我唔食青瓜)，每款既醬汁都係麻辣/花椒油，每碟都係唔同既辣度，可以放心，連我唔太食得辣既人，都食到！入面豬耳(左二)，蓮藕(右四)同木耳(右一)我最鍾意！青椒魚頭鍋(椒麻味):好大個鍋😮，成鍋滿滿既青花椒，仲有成個魚頭，好足料！！食落先有一陣花椒味，有少少辣，之後會食到咸鮮味，最後會麻，真係幾特別！凍豆腐: 呢樣簡直係天生打邊爐配料，吸滿哂湯汁，超好味！皇帝菜:打邊爐好食，但會卡住好多青花椒😅新鮮