心夜來潮 (已易手) 新餐厅

向來喜歡潮州小吃，今日終於有機會到心夜來潮一試。荃灣三坡坊大牌檔、火鍋店等食肆林立，假日晚飯時段更是人來人往，建議先訂座。潮州傳統小吃中我最愛菜茶，看似簡單，做法繁複，要做得好吃不容易。碗內有不同蔬菜、粉絲、蝦米、臘腸、冬菇、花生、脆米等，多種口感共冶一爐，非常豐富👍🏻小米餃口感有點像魚皮餃，餃皮由薯粉做成，晶瑩剔透有彈性，肉餡多數是豬肉和大地魚粉造成，一口一粒，配辣椒醬同吃更惹味。蠔餅酥脆大件，炸粉透薄不過厚，蠔肉飽滿，炸得出色不油膩。卜卜蜆煲有驚喜，蜆肉堆得滿瀉，鮮甜無沙，底下湯汁吸收了所有海水精華，鮮味十足😋害我連喝了幾碗湯呢。最底是粟米蘿蔔。韮菜豬紅有點失色，敗在汁太多太濃，還好豬紅夠滑。炒米粉是媽媽最愛，配料簡單，炒得乾爽惹味。黑椒豬仔脾連鐵盤奉上，熱度更能逼出黑椒香氣，豬仔脾肉嫩多汁，不錯。總括來說質素是合乎預期的，只是餐廳座位之間距離太狹窄，感覺較擠迫。

媽媽很想試小米餃 但香港有的確實不多,一直知這裏有得吃,於是我們三人星期六晚上試了,抵達餐廳約6:30,已坐滿人,看看餐牌,幾乎所有手打餅類(魚餅...）都貼上售罄,我們點了小米餃,菜茶和南瓜烙小米餃皮厚餡極少,老實說,魚皮餃比它更好吃這菜茶味道還好,配料是雜菜粒,有些膶腸,但湯底胡椒粉味過重南瓜烙是最出色的,除了南瓜,還有點糖東瓜,這個菜屬比甜的味道三個人吃三個菜,其實不飽,只是我們點了2-3個餐牌上沒有寫「售罄」的食物,其實也沒有,店員黑口黑面,禮貌一般這間餐廳,可一,不可再😐

想當初店舖在塘尾道舊址時，已數度想拜訪，可惜每次都緣慳一面！適逢生日，吃貨朋友特意帶我食，心裡確實有點暗喜！木系的裝潢，予人整潔舒適！每枱大夥人熱烘烘地談笑風生，確實有著一種地道的風味！醬鹵拼盤 - 打從上次食過一盒味美的潮式鹵味後，似乎我已不知覺地喜愛上了！這裡的拼盤有豬脷、紅腸、豬腩肉、豆腐及豬大腸配上醋。豬脷質感厚而柔軟，肉味都頗出眾！紅腸雖則不是厚身，不過配上滷水汁後使其變得入味有嚼勁～豬大腸質感煙韌肥美，明知邪惡都要食左先講！豆腐軟滑，滲透鹵水味，入口香濃無比！豬腩肉相對是肥肉較為多，不過質感滑潤，有咬口又充滿微微膏香！家常牙籤雞 - 的骰又分明，造型確實別有一番特色！牙籤雞用上椒籽，既可把雞的水份鎖上保濕之外，仲保留著脆卜卜的口感。食落肉質顯得香口唔乾身，點上泰式酸辣醬更添幾份惹味！菜茶 - 曾聽說潮州人在喜慶日子才會叫菜茶，不過隨著時代的進步，現在已經變得很平常。菜茶是以豬肉粒、蝦米、冬菇、荷蘭豆、粉絲、魷魚絲及浸不淋既米通等！ 材料何其豐富而飽滿！食落材料清甜有嚼勁。平時食慣媽媽自家製的蒸水蛋，早已俘虜了我的味蕾～吃貨朋友說這裡的蒸水蛋出色，所以便點了讓我一試！蒸水蛋因

夜晚落開荃灣，放左工落左三陂坊，成條街「三陂坊」都係潮州野大排檔打冷，但成日聽人提起呢間餐廳「心夜來潮」就入去試試先。裝潢以舊式中國客棧為主題，桌椅都以木製家具為主，簡簡單單頗舒適的。🍶餐牌都唔少選擇，睇到我都唔知點選擇好，最後點選了：「潮汕砂鍋粥$180」、「秘製墨魚脯豬手煲$98」、「饅頭都有得炒$68」、「菜茶$52」、「可樂$12」、「津露烏龍茶$18」。🐷🐙🍽🍜🍲🍹「潮汕砂鍋粥」叫左個細份量試試，原來叫法係要按材料收順既，我地叫左1份細膏蟹$120/隻、1份蟶子$60/3隻。等左一陣，見到好大煲，原來細煲既份量係足夠4人進食啦，啲粥食落好棉身，口感唔錯，仲好有蟹膏既味道。🦀🍲「秘製墨魚脯豬手煲」賣相好鮮豔，有紅椒、青椒、黃椒等，再以墨魚豬手炆煮成，份量好充足，每件既豬手及墨魚件都炆至很軟身，南乳醬令到豬手很入味，墨魚既配搭好新鮮，整煲都唔會覺得太鹹，味道岩岩好。🐷🐾🐙🍲「饅頭都有得炒」第一次食炒既饅頭，感覺好特別，食落好似烘乾左既多士，香脆可口。其實係將原隻小饅頭切半，再加入魚乾仔(有微辣)炒至乾身脆口，金黃色既賣相，唔錯的小食。🍞「菜茶$52」呢道好潮洲既菜式，用左米通、臘

見咁多個like 電視又介紹過兩次 咪黎試下囉點知.... 哼 我唔會再信大台既介紹啦今日天氣都唔係好熱 但間舖頭可以搞到我成家食野食到流汗 成身濕哂叫左店員開大啲冷氣 叫左3次又唔係滿座 要人坐埋哂一個角落 熱到死自己成班員工 係另一個角落涼冷氣 禁電話一啲服務態度都冇 叫多兩聲就比面色我睇碗捻面猴未熟 都夠膽拎上枱比人食雖然有幾個餸 味道都唔錯但冇服務 冇環境 真係食唔落環境唔係要啲咩氣氛 而係熱到死冇冷氣

突然想食潮州野，近近地帶屋企人黎三陂坊，因為個度出名多潮州野。行到最尾發現新店，所以就揀呢間食。由於時間尚早，不用等位直接入座，裝潢帶有中國風格, 有木製枱櫈, 還貼心地提供紙巾.而且樓底較高, 吊燈也帶有中式味道. 應該沒有揀錯店食店。餐具乾淨夠新, 也印上店名.我地研究左一陣餐牌，發現食物好多款，份量不算多，但價錢平，所以我地叫左9樣野，加個粥。先來大支裝啤酒 (藍妹) $30，夠哂凍，最特式用細碗仔黎飲，有氣勢又特別。醬醃螄蚶 $36醃得岩岩好，鹹淡適中，螄蚶鮮味嫩滑，不過係細細隻肉少的款。醬醃蠔仔 $28，呢個用中size蠔，蠔肉大細適中，不過醃得過鹹，入口不雖不算好鮮，但蠔味濃，肉質嫩滑爽口。家常牙籤雞 $26好的骰，雞肉用牙籤吉住，一口一件食得方便。炸皮好特別，有一粒粒似米通既野，令個皮更脆口。雞肉唔乾炸得香口，蘸上甜辣醬更惹味。小米餃 $22，好似粉果但其實係汕尾的小食之一。外皮有如粉果皮，有煙韌有咬口，包著肉餡有肉感又彈性，肉餡原來用新鮮豬肉加大地魚粉和醬油，難怪肉餡味鮮肉濃帶點汁，蘸蠔油同辣油更好，好好味既小食，最快被我地食哂。紅燒醬香骨 $36，醬油味好濃，煮得夠入

總算揾到一間未被本地荼化的潮汕菜，味道較濃、款式多樣化，份量比較少、都係汕頭菜的特色。經朋友推介去了心夜來潮一聚，三坡坊確實難揾一行8人等了10分鐘可以入座，眼見餐牌內大部分餸都係30-40蚊，的確低食，所以不由自主地點了十多個小菜，味道確實做到汕頭菜的風味，值得一再推介最後每人百一蚊找數，低食到暈

有朋友食過向旺角嘅店，話好好食。今日晚上去荃灣找朋友食晚飯，我就決定同朋友仔試下荃灣呢間店。差不多8點鐘到達，裡面其實都算幾大。但入面細枱已full,張大枱話有人訂左。得返門口外面的兩張小枱。我地決定等入面，因為熱呀麻等左大概15分有人走，我地可以入去👏🏻發現有我家鄉嘅菜茶同擂茶，當然要叫啦！我由幾歲開始就好中意食我呀嫲整嘅菜茶同擂茶！但除著嫲嫲年紀一年一年咁增加，我食到她整嘅菜茶，一年只會得幾次。因為實在太多功夫，又要洗，又要切。。。擂茶就更加之無再整。。。菜茶 - 只賣36元👍🏻，我覺得都算非常抵！個湯好夠味道，菜都算新鮮爽脆！不會煮到林晒。不過我略嫌唔夠香。。。可能食慣左嫲嫲煮的味道吧。。。只係加熱水落d菜度已經覺得好好味擂茶 - 我記憶中，小時候飲嘅擂茶係帶點苦甘味。但呢度飲嘅比較清。但咸味係好足夠的醬醃海膽 - 我不下懂欣賞。。。我只係覺得好咸。所以叫左碗白飯來送。但友人話好鮮。小米餃 - 真係好好食👍🏻。細細粒，皮又qq的。內裡嘅餡料又好香！牙籤雞 - 呢個都好好食！炸得好脆！小小辣很香口炸魚旦 - 呢個就麻麻地。。。沒什麼特別。如果加大地魚混入d魚肉再一起打，應該會香好多

荃灣三坡坊出名潮州菜，開到盛行盛市。最近從朋友口中了解到街尾新開咗一間低調小店 - 心夜來潮。後來才知道，呢間係繼旺角之後嘅第2間分店。今天同朋友喺荃灣辦好事，便過來拜訪一下。呢間小店不像其他潮州打冷飯店，開到坐滿整條街。佢嘅格調不需要這樣做，入面係舊式屋灰磚牆，加上木頭做枱及長板櫈，近收銀處有圓形個茶具櫃。燈花柔和，用中國式方形燈罩下照明，整個店低調又脫俗。餐具通通用上招牌圖案，桃花樹下有荷花，好美。筷子更顯心思，挑滿了象形文字嘅暗花。餐牌就好像一本中醫書充滿各式各樣嘅書法，用金屬皮質做表皮，裡面盡是彩色菜式圖及詳盡菜式解說及由來。令人更加投入潮汕飲食文化當中。餐牌中款款麵非常吸引，兩個人叫了9個菜，十分誇張⊙_⊙ ! 每樣都試一下，希望一下子感受廣東名菜之一 - 潮州菜嘅威力。先來打頭陣嘅係原隻醬醃膏蟹 $88 呢個膏蟹簡直令我感到驚喜！猶如韓國嘅醬蟹，用了醬油生醃製成，是一個刺身。啖啖的蟹膏蟹肉異常鮮味，偏咸的醃料令人有吃上癮之嫌！膏同蟹肉都香軟無比，仍然呈透明狀！師傳幫忙先卜碎蟹殼方便食用，可盡心思。 醬醃三寶飯 $58 呢個3寶飯是潮州菜的另一精寶。由於缺少了蠔仔，師傅今

今晚去咗荃灣三岥坊捃食，原來心夜來潮在荃灣開咗分店。店舖面積比旺角店大，牆身和旺角店一樣，但樓底高好多，闊很多。餐牌也轉了，食物款式比以前多咗，唔知係兩間店不同或是一樣呢?!菜茶 ~ 吃打冷吃得多, 好少會見到有菜茶。喜歡吃菜茶因為內裡有大量蔬菜，還有少量蝦米魷魚花生和脆米，有咁多菜在內感覺很健康!潮汕出名既手打牛肉丸，點都要嚐一嚐，比一般既彈牙 !白果胡椒豬肚湯~ 白果和豬肚量很足，味道不錯，我個人就喜歡多些黑胡椒，可以再辣些 !6點開始營業，未夠7點眼見已經座無虛席了小米餃 ~ 很喜歡，這個小米餃內裡雖然只是小點點肉，但重點在餃皮，帶點厚度吃落煙韌有點彈牙，推介 ! 豬油渣炒菜心- 豬油渣小時候嫲嫲和媽媽也好喜歡弄的，依在已好少地方可以吃到了.... 可以回味一下 !  起初以為豬油渣炒會好油膩，但出來的完全不油膩 捻麵猴 ~ 好多料，撈埋一齊食不錯 !醬鹵鴨 ~ 本來想吃醬鹵鵝，但是日沒有；最後試了鴨，比平時一般鹵水鵝濃味，喜歡重口味的不要錯過 !牛雜鍋內白蘿蔔勁多，相對牛雜量唔係咁多咋。牛腩/牛肚/牛筋也很入味，不過相比旺角店好像淡咗些少今次食咗咁多款野食 !

聽朋友說心夜來潮在荃灣開了新分店，由於印象上次出品不俗，今晚趁復活節假期便和家人一起來支持一下這間新派精品潮州菜。 新店面積比起旺角分店寬敞得多，除了保留特色傳統裝潢之外，還有增添不少精緻茶具擺設，傳統風味滿瀉。 今晚除了翻叫上次一試難忘的牙籤雞、巨型魚蛋之外，還趁機試試其他新菜色。整體而言新店均能保持旺角店的水準，一行五人共叫了12款菜，還一嚐此店免費提供的功夫茶，除了品嚐，還有體驗。綜合餐廳環境、服務態度、價錢和食物品質四大評分準則，推介指數有9分（ 10分為滿分）。

便宜又美味@心夜來潮便宜又美味去形容心夜來潮就是最合適的了,不用總是食茶餐廳,每人幾十蚊就可以食得飽飽,而且食物都很有特式旺角店如果你去過就知道人多得非常跨張,近來他們在荃灣開了新店,這邊可能仍新,未有好多客人,相對地也坐得好舒服MENU和裝修和旺角店大同小異,服務方面,可能人手比較少,服務員都比較冷淡~不過食物美味價錢便宜就已經很足夠 必點的菜茶 ,口味很複雜,入面有鮮味的魷魚乾,加了點香米通和花生。入面的菜心很甜,冬菇味很濃郁,沒有很多肉類已經很鮮味,實在非常神奇 牛雜鍋 ,入面非常足料,多種雜我尤其喜歡牛肚,超級腍而且很入味入面的白羅白千萬別錯過,好腍而且很甜呢!如果想食菜,不妨另點一碟菜浸來食,那汁真的很惹味我眼見人人都點上這個招牌菜 潮汕海鮮砂鍋粥$130 （小）人多點必然有其道理,砂鍋粥即叫叫製, 大約等三十分鐘。蟹有小、中、大選擇,而我們點上了細膏蟹來煮粥,雖然是細份,但真的很足料,一大鍋在幾度低溫下實在吸引!那膏蟹其實很大只,而粥底煮得很棉,帶點海水的咸味和蟹的鮮味~巨型脆香手打魚蛋 ,名符其實十分之大,炸得非常香口外脆內軟,本身其實已經很夠味,不妨不點醬先試試看,