Siam 28

营业中

休息中

🎈餐牌 餐牌製作精美，好多頁的靚相，好吸引，價錢亦合理，好易會有選擇困難症。餐牌全本書，未能一一盡錄。.🎈食物 .👇炒鮮蝦金邊粉 Pad thai $122 ⭐️⭐️⭐️⭐️⭐️用心排得高高的賣相，單是鋪在上面的一格格蛋絲造成的網已值得讚。味道好，金邊粉亦炒得彈牙，水準難得👍.👇炸軟殼蟹配紅咖喱蟹肉汁配薄餅 $188 ⭐️⭐️⭐️⭐️⭐️這個咖哩汁好正，唔太辣，同時又能帶出紅咖哩的香味。軟殼蟹炸得香脆，我個人喜歡軟炸便可，這個有少少多了一點，同時我還是給5分，太好味了。薄餅又好味，亦好多塊，與咖哩汁絕配。.👇芒果煎糯米飯 $89 ⭐️⭐️⭐️⭐️⭐️糯米飯整成一片片，已經特別，而且好有心地煎香了，十分香口，加上用蛋包住來煎，陣陣蛋香，更有小時候食煎年糕那種感覺，好有童年回憶，為這個芒果煎糯米飯加了立體感，多了層次。.🎈總結 ✅食物好好味✅賣相超靚，一定要打卡，IG-able✅價錢合理✅地點方便✅服務態度好推介，會再來。💖🥳

銅鑼灣價格晚市泰菜，環境比較細但因為本身澳門逸園嘅建築面積唔係大，但仍然都坐得舒服，枱之間有隔板保持食客嘅衛生同安全。三個人分別叫咗3前菜2主菜1甜品，HKD900賣單。八隻生蝦，海鮮我無食，同枱友人形容蝦肉比較無味，要靠一同上嘅5種唔同醬汁輔助一下 ，呢個可以選擇唔叫 。豬肉沙爹串，豬肉非常之"林"，唔會柴亦都保持到豬肉裏面嘅肉汁，豬肉外邊有做到焦脆，加埋沙嗲汁 perfect。同埋每一串肉唔會細細粒，件頭都幾大，呢個性價比幾高。炸通菜， 個感覺就是你去食日式蔬菜天婦羅，我食唔到本身通菜原有嘅味道同埋質感，食到一口脆漿嘅感覺，比較似下酒菜或炸洋蔥。咖哩雞配薄餅2份，正常冇乜非常之特別亦都唔差，反而係個薄餅煎得較為油咗少少。雞肉炒河粉，呢個做得幾好，如果唔係食得辣嘅人可能要睇吓師傅做唔做到少辣，因為一放入口之後個辣勁都幾犀利，但係非常之惹味 。最驚喜就係佢嘅泰式芒果煎糯米飯，係冇錯，係煎。所以佢比起傳統嘅糯米飯多咗個香脆嘅效果，就好似新年大家食煎年糕嘅感覺，配上比較甜嘅椰漿同埋酸嘅芒果，呢個配搭我覺得非常之加分。整體嚟講價錢亦都符合返銅鑼灣嘅價格，或者我會比較偏向食佢嘅午市套餐，會比較

今晚同朋友出銅鑼灣，趁早食飯後才去行街。很久無食泰國餐，行下行下就見到一座有很多食肆的大廈，望一望見到有泰國餐廳，我倆就決定上去食時間尚早，餐廳很寧靜，職員安排了個近窗邊的座位，我們拿著餐牌看了一番，三心兩意，很多都想食，但兩個人不能吃太多。最後我們決定選一個粉、一個湯、一個菜、一份咖哩。逐一說說每樣食物的味道啦...青咖哩雞配薄餅餐牌上有一條辣椒，辣味真的很輕微，味道不錯，唯是咖哩汁有點稀，感覺似湯多於汁，不便點薄餅來食。雞肉都是嫩滑的，很夾青咖哩的味道👍🏻冬蔭公餐牌上有兩條辣椒，以為是很辣的，但實質又沒有想像中這麼辣，酸酸的，但又不會很酸，酸酸辣辣，容易入口。配料也很多，有幾隻蝦，很多的菇菌，非常入味，很喜歡這個湯的味道蝦膏炒什菜份量比想像中的多，有芽菜、芥蘭、草菇磨菇、粟米芯等，蝦膏味道不會很濃郁，但入口都是香口炒鮮蝦金邊粉外面是煎到黃金色的蛋餅，包住炒到甘香的金邊粉，上面有三隻大蝦碌，賣相很精緻。金新邊粉有很濃濃的蕃茄醬味，酸酸甜甜非常開胃，不錯店員都很友善，又會主動加水。我倆都食得很舒適滿意😊今晚我們都吃到很飽滿又滿足😌

本想一家人一齊去日本，但肥哥因工作關係而未能抽空。他無份旅行，我自然會邊玩邊買東西給他，故回港不久便約他吃飯俾手信。其實他對去日本的興趣一般，因為不好日本菜，他較喜歡惹味香濃的泰國菜，今晚一於找間泰菜餐店聚一聚，反正我也很久沒有喝冬蔭功，很掛住呀！每次跟肥哥吃飯，地點必要近他公司，因為他不到最後一刻也不離開，免得還要我久等。於位銅鑼灣的Siam 28裝潢時尚, 一出升降機門已看到色彩繽紛的瓦磚牆身, 鑲上一個燈光招牌, 好搶眼呀!餐店以綠白色為主調, 裝潢簡約優雅, 客人還可透過大型的落地玻璃窗看到銅鑼灣繁華的街景, 很美呀! 仔細觀察, 其設計很一致, 不論牆身、餐紙, 甚至餐碟均採用招牌同一的圖案。地方不少, 設有數張二至四人枱、兩排高背的長沙發座配二至四人枱, 還有一張留座的八人枱, 而枱與枱之間均有一定距離, 坐得挺舒適自在。又要等…肥哥果然又未能準時到達, 只好慢慢眼下本餐簿消磨時間。餐簿設計相當精美, 每頁均附有大大張的菜式相片, 亦分門別類, 很清晰吸引。菜式有泰小碟、湯、海鮮、咖喱、肉類、蔬菜、粉麵飯、火鍋、甜品和飲品, 選擇很多。等咗三十分鐘, 肥哥終於到達, 相約近

期待已久既美食聚會，今次地點由嘉雯姐提議試一試泰北風情，但何為泰北菜呢？我跟幾位朋友仔首批到達，探一探路、視察環境，飲返兩杯啤酒熱熱身先。早前已上網備足貨，對食物有一定既慨念，都略略知道餐廳有咩美食提供，今晚難得 9 位朋友抽到空出席，可以點更多菜，可以試多一點。到等左一段時間，但朋友們還未到齊，因為實在太肚餓，大家投票決定 order 小食頂住肚先，我當然讚成啦。Order 幾款前菜後，侍應隨即端上泰式醬料，器冊精緻，整齊地一字排開。5 款泰式調味料，魚露、酸辣汁、甜酸醬、薄荷醬、青瓜醬油，其具特色，因應個人喜好隨便享用。食越南菜飲越啤、食日本菜飲 saka、食韓國菜飲真露、食西班牙菜飲 sangria、食泰菜當然飲泰啤啦 ﹗泰國 Siha 啤酒，第一次試，好飲過泰象啤喎，冰凍清爽重啤酒味。泰式生蝦刺生，明顯不是生劏即做，欠缺鮮味、欠缺黏黏濕潤質感呢。只爽但不彈，大路穩陣派。傅統正宗配料，夾上辣椒苦瓜沾埋大量酸汁同吃，甘香微辣，醒神醒腦，味道還可以。炸蝦頭就麻麻地，完全無味既？感覺不到香脆又無蝦膏，麻麻地。炸女婿蛋，睇埋英文 Fried son in law eggs 都想像唔到係什