茶茶台式料理 (已結業)

約姊妹收工黎十下十下，呢到裝修以白磚為主，有文青小清新嘅感覺。服務都唔錯，會主動加湯熄火執野，仲會比你慢慢坐。湯底濃郁，食材新鮮。今次兩人各自叫左一個鍋加麵配飲品同一個小食，加一服務費後，每人平均$175。沙茶牛肉鍋 $108個鍋都有幾多料下，有娃娃菜，有幾磈牛肉，兩粒牛丸，粟米，金茹 ...... ，而個湯做得幾好，沙茶味好濃好出。藥膳豚肉鍋 $108一樣料多款多，但呢個就轉左豬肉，個湯藥膳味好重，好明顯有陣陳嘅枸杞味道，飲落好舒服，清清地唔會覺得好熱氣。芝士金鳳茶王 $32呢個芝士做得幾好，唔會好咸，好香茶味，飲落唔苦澀。芝士茶茶八號 $34同上面差唔多，茶味再濃啲。酥炸花枝墨魚丸 $36有六粒，唔油膩，仲好彈口，配埋泰式辣醬好好味。

終於終於放假喇！！！！！！超級感動！！！！即刻約好友食餐好既！！！我地約咗喺大家既中間點，即係旺角食野。今個冬天一d都唔凍，冇出去十下十下，所以想打邊爐。本身打算一人一鍋，後來見小食幾吸引，所以2人share一鍋，然後叫小食。近排腸胃唔太聽話，所以揀咗藥膳豚肉鍋（$108），除咗有一般既食材如豚肉、豆腐、粟米外，仲有雲耳、枸杞、紅棗等。我地追加咗公仔麵（$8）。個鍋好唔錯，湯底既藥膳味感覺養生，亦唔會搶去食材味道。相比起鍋物，我地更鍾意d小食，好有台式味道👍金菇煙肉卷（$28）、香烤雞肉串（$17）同香烤豬腩片（$18）都落咗孜然粉，而雞肉串既雞肉好嫩滑，烤得啱啱好！甜燒菠蘿（$22）菠蘿好甜好juicy🤤台式小食拼盤（小香腸、雞翼、花枝丸 各2件）（$43）小香腸好有台灣夜市風味，花枝丸同雞翼都好好味！朋友飲珍珠奶茶，我就飲忌廉。

約咗friend出旺角買嘢， 行到去豉油街嗰邊都差不多晚飯時間。 條街好多唔同特色美食，餐廳。。 咁嘅情況又發生選擇困難症。最後揀咗依间食台式火鍋， 簡簡單單又唔會隆重複雜， 啱曬我哋一路食一路傾。藥膳豚肉鍋$108本身已經有好多材料， 豚肉片記得唔好錄咁耐。 大量蔬菜 金菇， 豆腐，腐竹，雲耳， 豆角，魚皮等等。 湯底濃郁滲出藥材味道， 味道香濃獨特又有啲似肉骨茶， 仲加咗鵪鶉蛋同公仔麵， 夠曬豐富～蒜蓉烤冬菇蒜蓉部分唔夠香， 冬菇仲係好juicy, 可能蒸完之後燒烤嘅時間唔夠~ 感覺冇咁熱氣😁台式小食拼盤有兩隻燒雞翼，燒墨魚丸和燒台灣腸。 台灣腸最出息， 甜甜地外皮又夠脆。 墨魚丸超彈牙，仲有粒粒墨魚。 燒雞翼則比較乾。麻辣臭豆腐臭豆腐的臭非常惹味， 酸臭嘅味道並不強烈， 表面嘅麻辣平衡左個臭味， 做得唔錯，果然係推介項目！試左一杯走芝士奶蓋嘅『芝士莓莓』。 沙冰嘅狀態， 加入士多啤梨打成，夠棉唔會太甜～ 飲落夠凍夠解渴。串燒孜然羊肉孜然粉和羊肉當然夾， 羊肉唔會太羶，有咬囗，惹味！

在旺角行完街，在附近睇了很久，因為花多眼亂，久久未能下決定，最終在街尾找到這間台式料理，因為今天正好想食台灣野，而且睇落幾好坐所以就入了去。跟女朋友兩個人食，每人叫左一個鍋，見好多鍋的材料都分別不大，所以專登叫左兩個分別比較大的，諗住大家一齊試多d不同野，分別是藥膳豚肉鍋和臭臭鍋，價錢分別大概一百，都幾公道。臭臭鍋食落幾有台灣的風味，辣辣地，用料都很台灣，有米血糕等香港沒有的食材，成個臭臭鍋我覺得牛肉尤其好食，有很重的牛肉鮮味。但係我地更加鐘意的是藥膳鍋，藥膳鍋一食落去就知同出面唔同，唔同在於佢落重左料，有別於出面食到的藥膳鍋，它不是走清淡的路線，以我自己一個比較食得重口味的人來講就非常喜歡，有蜆、有豚肉等，材料種類豐富。另外前後叫左三杯野飲，芝士茶茶八號、芝士莓莓和荔枝紅玉。芝士茶茶八號茶味好重，真材實料，夾埋芝士幾特別。芝士莓莓果味好濃郁，食到有果肉，偏酸。荔枝紅玉跟我想像中有出入，茶味較重，荔枝味不突出。另加了一個魯肉飯和叫了小食炸花枝丸。魯肉飯都幾似台灣食到個啲，不過當然份量就不大，因為是跟餐加的。炸花枝丸幾脆口，上菜個時熱辣辣，跟泰式辣醬都夾的，唔錯。服務態度幾好，姐姐們很主

半年前食過一次，之後都一直心思思想再食，但係search極都搵唔到，原來餐廳改左名，咁就約朋友食多次。餐廳改名後多左串燒系列，我地就每款都試下。羊肉串較普通，最好食莫過於牛舌，好厚好大塊，而且唔難咬。每人揀左一個鍋，分別有藥膳豚/牛鍋，巴蜀烤魚鍋同咖哩奶蓋鍋。友人嘅bb辣烤魚鍋好辣！至於每鍋嘅配料都好豐富，慢慢食唔經唔覺就食哂，超級飽。打邊爐仲有得配芝士茶實在太好，我地叫左芝芝莓莓同芝士綠妍/紅玉，質素真係唔錯，有粒粒草莓肉，真材實料！

好多時出黎飯聚，都會選擇喺旺角，地點夠晒方便。但旺角食飯最大問題就係餐廳通常都好逼，又好嘈，想傾下計都好似嗌交咁（又係土地問題？）。上星期幾個舊同事飯聚，有個人就話揾到間好舒適，睇落又幾好食既餐廳，咁我地就一行三人去食。呢間餐廳喺新寶戲院附近，叫做「茶茶。台式料理」。一入到去餐廳就覺得舊同事無講錯，間餐廳──好光猛＋樓底夠高＋落地玻璃＋座位唔逼（我咁似介紹緊樓盤），好適合聚會傾計。呢間野主要係食台式火鍋，仲有一ｄ台式小食選擇。我地叫左２＊藥膳豚肉鍋，巴蜀烤魚鍋（ｂｂ辣），台灣小香腸，麻辣臭豆腐同埋鐵板炒韭菜。野飲都有好多款！佢呢度都有做外帶茶既生意（好有近年好ｈｉｔ既喜Ｘ影子）。我選擇左「芝士茶茶八號（少甜，７５％糖）」，而佢地兩個都係揀左「芝士莓莓」。除左芝士茶其實仲有珍珠奶茶，純茗茶，水果茶果Ｄ。聽住餐廳播羅志祥既歌（係我學生年代聽果ｄ「愛*轉角」）傾左一陣計，野飲好快就陸續送上，都幾大杯！三十幾蚊黎講真係好抵飲。我果杯「芝士茶茶八號」芝士好滑！茶就有少少回甘又唔會太甜！一攞起左杯野飲真係唔係好捨得放番低！！試左兩啖佢地既「芝士莓莓」，一樣好得！係用新鮮莓，唔係求奇用莓醬或者用人工

今晚同朋友聚餐，各住東南西北，所以又係去香港的中間—旺角覓食🤣！今次冇book餐廳，決定隨心睇下揀下食咩，行到去豉油街⋯朋友就比餐廳門口既特色飲品吸引左入去👈🏻 餐廳主要係做台式料理，睇餐牌係主打火鍋，另外仲有台式飲品，好多款都好吸引咁（選擇困難症Again.........今次就係比佢既特色飲品吸左入黎！芝士桃桃太好賣，今日既限量完左😭😭😭點左芝士莓莓！驚—喜！首先眼前一亮，個杯好令🙊，而且勁大杯！比普遍的台式飲品店大杯。飲落有驚喜！好好味，莓莓粒粒的清甜，然後厚厚既奶蓋，愈後愈濃厚的芝士味！一向食飯係落單前都會參考下openrice 既分享同推薦，發現原來餐廳都幾新，而佢依杯特飲就好高評價，仲有人指同喜茶95%似，所以我都跟住點⋯飲完真係都幾同意🤔⋯⋯但唔洗排大隊（新開，趁住未咁多人知，👉🏻目前👈🏻仲係唔洗排長龍👈🏻😎）本人點左烤魚鍋！店員都好親切咁關心食到既辣度，雖然我好辣，但唔係食到好辣🤣，所以就推薦我點bb辣♥️一鍋上來就已經好香，見到湯底個時，都擔心太辣，但好彩係店員推薦個陣揀左岩自己既辣度，所以岩岩好！香辣入口，又不會太刺激，對我依種鍾意辣但又唔食得好辣既人而言，店員姨姨既