名館 (已結業)

盼了很久終於來試名館，中午來完全不用等位。這次最喜歡的菜式是蜂蜜柚子蝦球（$88），酸酸甜甜和蝦味很夾，很開胃！蝦炸得脆，大隻和新鮮，唯獨炸粉偶爾太厚。.風味口水雞（$68）香辣惹味，不過雞件較小，肉感不佳。.蝦餃（$58）足料皮薄。鮮蝦野菜春卷（$48）味道令人失望，鮮蝦比例少，野菜配搭和春卷皮格格不入，不過春卷份量充足。.鮮肉一口小籠包（$68），皮厚度一般，肉汁不算太多，不過水準穩定。總結而言，對小菜十分滿意，下次會再試其他小菜。

名館所有野食都中上水平野食又靚又吸晴 岩哂我呢啲港女打卡🤣🥢黑金流沙包$48好有流沙效果🤤 食時小心熱 好似我咁一開2食無咁易辣親個咀🦐蜂蜜柚子蝦球$88份量雖然比較少 但炸得好脆唔會過硬 儈埋個柚子汁真係好開胃🥟小籠包$58 皮薄餡靚 不多講了🤣🍚黃金球泡飯$88一個炸過嘅飯波 超香脆放入有肉碎菇蕃茄粟米嘅湯入面好似有好多煲仔飯飯焦嘅口感 好特別好好味 仲有火熱住唔怕啲湯凍🥠鮮蝦薯仔煎餅口感好似以前細個食嘅薄撐🤤🐙XO醬涼瓜炒八爪魚$78🍴原籠焦糖馬拉糕$48🥬秋葵本人唔食比唔到意見🤣大良鮮奶脆網卷但見到奶製品就絕無say no😂表面炸到好脆 入面微甜好似奶凍嘅質感襯熱食 欲罷不能💯陳醋珊瑚紅海蜇頭呢個錢財不得了上菜時時應會淋水落啲乾冰到超誇張嘅效果雖然成餐飯都好好味但係呢間名館嘅服務態度真係麻麻地啲侍應行嚟行去好似唔想理你咁叫佢加茶又唔醒目 好似遊緊魂咁叫咗埋單好耐都未比張單我哋到我朋友俾咗張信用卡之後又遲遲都未有人收返張單成件事好莫名其妙間餐廳嘢食幾好都冇用個人比較重視服務質素希望佢哋可以改進下佢哋員工嘅態度啦

今天和朋友在希慎廣場14樓名館食飯。我覺得名館有別於一般中餐，我覺得他們路線比較年輕，新潮。餐具很有特色，是一些文化大革命做主題的宣傳物。特選三精品 $98，這是個三色前菜，有叉燒，青瓜，海蜇。燒魂妙齡鴿 $58, 乳鴿甘香，酥脆，味道可口。鮮肉一口小籠包 $58， 小籠包裡面湯汁豐富。蜜椒土豆安格斯牛柳粒 $98，D薯吸曬D牛肉味，好正。蜂蜜柚子蝦球 $88，蝦的鮮味同柚子味好夾。名館蝦餃皇 $42，能比美酒樓品質，贊一個。大良鮮奶脆網卷 $48，真正能做到外脆內軟，雙重口感。欖角肉鬆蒸秋葵 $58， 秋葵是我最愛的蔬菜，加上欖角的味道，我認為當晚最好的菜色。金黃球泡飯 $68，好得意，唔督開都唔知係咩，而且好好食。

今日同男朋友去左銅鑼灣希慎行街，男朋友話想食下中菜，咁我就帶左佢去呢間名館啦之前都食過其他分店，鍾意呢間餐廳既中菜有點新潮又好味今次都冇令我失望銅鑼灣分店都做得好好入面分了幾區，每區既位置都不少裝修得好新同環境乾淨呢度既餐具都好講究，個碗上面仲有條魚仔好得意筷子都有寫上餐廳名字，水杯呈鑽石外紋，閃閃發光的今日叫了呢道鮮淮山，我都係第一次食。同煲湯既淮山口感完全不同，呢款鮮淮山口感會腍身點，鮮甜一點，而且淋上了胡麻醬，味道好香好滋味完全比了我一種好清新好唔同既感覺呢款都可算是招牌菜之一，見差不多每檯食客都有點呢飯搓成一個球形，再經過煎得外皮香脆，之後放到湯上泡飯仲以特別器皿放著，下面會有蠟來加熱，所以隨時都會飲到暖暖的湯跟熱熱的泡飯把黃金球打碎再慢慢拌勻，之後會見到好多又綿身既飯粒出現，呢個泡飯又可以食到綿身飯粒又可以食到外皮焦香既飯焦湯料中材料都不少，有菇類、菜類等，每啖泡飯都好惹味好足料呢款蝦球都係我既至愛把蝦球炸得香脆再淋上了蜂蜜柚子汁，味道酸酸甜甜，超醒胃中間蝦球又大大粒同彈牙，味道跟口感都絕對一流食左咁多野就返道菜類清一清呢款翠肉瓜好爽脆，好好味而且仲配上好多件既素遼蔘味道彈牙

朋友一直都好想食呢間中菜館，終於夾到日子黎食！京川汁秋葵其實我唔喜歡食秋瓜，但友人好鐘意，所以決定一試，呢道凍食的秋瓜帶辣、好惹味，一反我對秋葵的不喜歡！和風櫻花蝦炒飯，蝦仔調味令整個飯非常香，而且又唔會很油！讚👍🏻蜂蜜柚子蝦球，係我全晚最鐘意的菜式，酸酸甜甜，非常開胃，而且蝦肉係爽口、唔係平價梅蝦！！翡翠淮山炒素遼參，食遼參即刻覺得好高級，所以我們一試，清清地，有口感！ 銀湖天鵝酥賣相100分！！超靚😍😍入面係紫薯蓉，好鐘意佢的甜度好適中，唔會令人覺得太「流」！ 名館的甜品其實好吸引，仲有款棋子、麻將甜品etc，但因為我地太飽，無再叫到較大份的特式甜品！ 下次大班朋友食的時候，一定要試！每道中菜都好有特色，唔係集團式中菜館的款式，而且價錢非常合理

今晚同媽媽黎到食這間名館，環境好好！好舒服！好光亮！好乾淨！餐牌好靚好有型！好有feel京川汁秋葵：好爽口好清新又涼爽！黏液好多好補胃！微微辣好香好野味，夏天食健康美味之選銀湖天鵝酥：好靚呀！好生動的天鵝！鵝頸是餅干！酥皮一層層，熱騰騰又香脆脆；下面是芝麻底，香味濃郁！原來紫薯好香好軟滑！最愛的！超超超好味！黑金流沙包：好有型的黑色麵包配上金色橫文，好特別的設計！奶黃好香好滑好重蛋味、咬落去要小心流沙流出來（熱辣辣）！麵包結實飽滿！好有水準蜂蜜柚子蝦球：柚子配上青檸，酸酸甜甜好開胃！是我最愛的味道，好適合熱熱無胃口的天氣啊！食完好開胃蝦球好爽口好新鮮！用料十足、炸皮唔會過厚！金黃球泡飯：這個賣相好得意又特別！中間圓圓的是外脆飯焦、內面軟軟白飯；湯中有唔同的材料，豬肉、紅蘿蔔、粟米、香蔥粒，美味清甜又健康的湯飯，配上飯焦，口感好豐富多元化

這𥚃的點心和小菜都很有特色，無論在擺盤和造型都很有心思。令到客人在享受美食之餘，亦可以欣賞廚師的創意。這裏的座位設計，除了適合小家庭、一大顆朋友外，還有特設二人的望窗位，最適合兩口子甜蜜用餐，一面望著窗外風景、一面享用美食。茶位（@$8）👍👍👍👍高原野生蕎麥茶，有一陣陣清香的蕎麥味道。其好處可降血脂、降血糖和降尿糖。胡麻醬鮮准山（$52）👍👍👍👍這個前菜是胡麻醬鮮准山，准山切成棋子狀，並層層堆疊，淋上日式胡麻醤，令清淡的鮮淮山成為一個醒胃的前菜。厚切义燒皇（$78）👍👍👍👍👍厚切的义燒，肥瘦相間，面層還有少少焦香，肉質鮮嫩，加上甜甜的蜜汁，味道惹味。鮮肉一口小籠包（$58）👍👍👍👍小籠包的皮剛剛好，不太薄也不太厚，饀料的豬肉碎幼滑多汁，配合黑醋令味道更突出。㰖角肉鬆蒸秋葵 （$58）👍👍👍👍秋葵，一種不是人人都喜歡的蔬菜，但把秋葵開邊並以欖角肉碎來蒸，鹹味的欖角把秋葵的味道加添鹹香，亦令到這款健康的蔬菜更美味。自製菌皇醬蒸鮮腐竹（$58）👍👍👍👍把鮮腐竹切成條狀，加入自家製的菌皇醬一起蒸，就成為一個清淡的素菜。金黃球泡飯（$68）👍👍👍👍👍金黃的波波，其實是一個白飯波波。把白飯的外層炸

莫非香港人好鍾意飲夜茶?  呢間食店除左提供廣東/上海菜外, 仲有點心, 位置坐落於商場頂層, 可給納埋遊客呢度係窗口位置設置高卡位, 適合兩口子一邊欣賞街外景, 一邊食嘢, 特別得黎又好似有D"私隱"咁喎餐具顯心思, 碗中有條金魚裝飾, 中國風味濃!參考完餐牌, 可用落單紙落單今晚一於又小菜, 又點心先...........厚切叉燒皇 ($78) - 半肥瘦厚切, 食落肉質鬆化又夠口感, 熱度十足仲零舍好味,  若然加少少燶邊就真係無得輸 㰖角肉崧蒸秋葵 ($58) - 惹味嘅㰖角肉崧醬為無味嘅秋葵賦於味道, 而採用蒸呢個方法方便得黎又食得健康, 但建議要趁熱食, 唔係D"潺"會走出黎, 影響口感!蜂蜜柚子蝦球 ($88) - 清新柚子味代替傳統嘅香檸味, 味道更為吸引!  炸漿薄身令到蝦球食起黎更脆口, 而蝦肉本身口感幾爽口, 夏天日子食呢D酸甜炸物都幾唔錯!金黃球泡飯 ($68) - 原火爐上保持熱度, 賣相討好以蕃茄, 菇及蔥粒再加上肉碎煮成嘅湯底, 味道幾好, 湯中間有個炸左嘅飯球, 整開後連湯一齊食飯球外脆內藏飯粒, 食起黎兩種口感, 有D似食緊飯焦般煙韌!另外唔好忘記呢度

小米十分抗拒到中菜館／酒樓，終於得知原因：熱茶。所以這一年來，有小米同行外出時，也没有去中菜／籠籠點心。今天就在小米極餓之時，成功品嚐中菜。首先：小米午餐食量很少，加上剛踢完波，在極餓之時，小米不會抗拒任何食物。第二：餐廳門面中西合壁，內裡没有龍鳳大禮堂，没有傳統酒樓的金碧輝煌，所以小米不知是什麼菜系的餐廳。第三：小米踢波後，十分疲累，只想盡快坐下休息。店內有大量座位，可馬上就座，所以今天成功進入中菜館，食中餐！我倆在內堂接近廚房的位置就座，特地為小米安排淸水一杯，自己則享用熱茶。這杯茶，似玄米茶。小米因為十分肚餓，只專注地看著不同的食物來來回回，已經不管點選了什麼菜餚了。私房黃金球泡飯　　泡飯整鍋呈上，以燭台加熱。彩色的湯底，有蕃茄，唐芹，蔥，菇，肉末，火腿，毛豆，粟米，只是這几款簡單的配料，造就了清甜的味道。圓形的黃金烤飯糰，浸在湯內，没有散開。要多用力，把烘烤過的飯糰壓碎。這鍋波波浸飯就變為粒粒分明的七彩湯飯了！小米一碗接一碗，最後這個七彩湯飯，一滴不留。大良鮮奶脆網卷        大良炸鮮奶的網形脆皮版本。又脆又甜的，小米很喜歡。不過中間白色軟棉棉的東西，味道似椰汁。　銀湖天

銅鑼灣希慎廣場向來都予人高檔次的感覺，而內裡餐廳的價格也通常較一般的為高，但驚喜地當中的一間新派中菜館，環境舒適之餘，定價也相對親民，而且質素還算不俗，筆者之前就跟家人來到品嚐了一頓豐富的晚飯。餐廳的裝潢設計採用了年青中帶懷舊的風格，門面以霓虹招牌襯上灰綠色的主調，落地大玻璃滲入天然光，營造出室內和室外用餐區的錯覺。店內佔地頗廣，時尚簡潔，天花掛滿了帶點殖民味道的大型吊燈，燈火通明，份外搶眼。入座後店員先端上兩杯味道獨特甘香的茶品，據說是高原野生蕎麥茶，具降脂降糖的功效。蕎麥茶茶色清澈，滲著淡淡的麥香，回甘突出，清甜解渴，讓客人先清一清味蕾，為往後的佳餚作好準備。這裡的菜色覆蓋範圍甚廣，由老火燉湯、京滬前菜小吃和主食包點，到粵菜小炒、點心麵飯都一應俱全，部分更是大廚的創意菜式，風格遊走於傳統與創新之間，務求為客人的味覺帶來新刺激。筆者率先點來了兩款燉湯，大廚以中式茶壺盛載著燉湯上枱，賣相精緻，飲用時將湯汁倒進小杯之中慢慢享用，有助保溫之餘亦方便品嚐清湯的原味，跟日式的土瓶蒸有異曲同工之妙。溏心黑蒜燉響螺，湯汁亮麗金黃，清香濃郁，入口鮮甜富膠質，帶著淡淡的黑蒜獨有香氣，打開茶壺發覺原來十

是日約咗家人去銅鑼灣行街，阿妹話食過呢間唔錯，於是我哋齊齊拉大隊去呢度試吓。入到去坐低，店員就送上蕎麥茶，有濃濃蕎麥香味，亦可中和油膩感，大愛~~ 陳醋珊瑚紅海蜇頭，海蜇頭爽爽脆脆，酸酸哋，底下墊有青瓜好清爽。厚切叉燒皇真係厚切，一啲都唔肥，肉質鬆化，好 juicy! 鑊仔生煎蓮藕餅食到粒粒蓮藕，仲食到芫荽香味，正好平衡肉膩感。胡麻醬鮮淮山好特別，喺芝麻醬中加入芥辣調味，淮山係淋滑，夏天食呢個好開胃。大良鲜奶脆網卷有別於傳統做法，係用一塊厚厚嘅網紙包住啲鮮奶炸好，鮮奶唔會過甜，但又有好濃鮮奶味，食完2件都唔覺膩，好好味! 名館蝦餃皇好足料，好大粒，勁多蝦肉，蝦肉又爽又彈，好滿足! 欖角肉鬆蒸秋葵啲秋葵吸晒啲欖角啲咸香味，蒸得又淋又入味，平時最怕食到佢陣青澀味，呢個完全無嗰陣味，好正! 和風樱花蝦炒飯有激多櫻花蝦鋪面，撈完之後都仲見到粒粒蝦乾，入口勁香蝦味，飯底本身都炒得夠乾身，而且好夠穫氣，好食! 蜂蜜柚子蝦球嘅蝦肉好彈牙，炸皮薄薄一層，夠脆夠香口，撈埋甜甜哋嘅柚子醬，好惹味! 蜜椒土豆安格斯牛柳粒嘅土豆食落似焗薯口感，食完一粒又一粒，牛柳粒以黑椒爆炒，都好香口。總括而言，呢餐唔貴，食