喜記蟹將軍 (iSQUARE國際廣場) (已搬遷) 新店位置

媽咪好鍾意食呢間店嘅炒蟹架，侍應會幫手剥蟹蚶，換碟次數又多，趁住有特價我又黎食個4-6人龍蟹宴，全包盛惠一千蚊都唔洗，包羅萬有嘅菜式，超級抵食！先黎個鮮淮山酸薑，健康開胃～椒鹽波士頓龍蝦同避風塘炒辣蟹，勁香口！份量唔少，連龍蝦軟殼，經過椒鹽炸過之後，都變得好食好脆，殼肉之間嘅肉汁...媽呀！好食到暈呀！經過以往經驗，今次炒辣蟹揀嘅辣度係微辣，少辣多香脆嘅避風塘炸蒜，埋住嘅蟹肉，超級惹味！秘製豉椒炒蜆，甜甜辣辣，d肉仲好大粒，個個都食到Lam Lam 脷！掛住食蟹忙到差d唔記得食燒汁野菌牛柳粒，又腍又惹味！仲有香甜嘅金銀蛋莧菜、入味滷水鵝（例牌），蟹油炒麵。繼續keep住家庭聚餐list頭幾位。

今日同屋企人係尖沙咀shopping 完想食蟹，就搵到呢間係iSQUARE入面嘅喜記蟹將軍🦀環境格局類似茶樓，裝潢帶中國古色氣派4-6人套餐由$1699特價至$998，最重要係有我地今日想食嘅蟹😜✨鮮淮山酸薑✨開胃前菜，不會太過酸，而酸甜味正好開胃🌌秘製豆豉炒蜆🌌美國大蜆配豆瓣醬等調味，味道甜甜地，大蜆無沙，蜆質地嫩🌠椒鹽波士頓龍蝦🌠椒鹽鋪滿龍蝦，香噴噴，原隻龍蝦啖啖肉，帶鮮甜，少少辛辣✨避風塘炒辣蟹✨呢味蟹炒得非常惹味，避風塘炸蒜脆而香，加上椒鹽的咸香味與啖啖肉的巨蟹非常夾😋👍🏻🌠鹵水鵝(例牌)🌠鹵水鵝最重要係個汁，而個汁帶少少甜，鵝入味，幾好🌌蟹油炒麵🌌炒麵色澤漂亮，賣貌已經睇得出炒得好食，蟹油炒麵帶甜香，麵質幼而韌度適中🎇金銀蛋炒時蔬🎇蔬菜是必須的，菜吸收上湯精華，令其更加香甜，不錯✨燒汁野菌牛柳粒✨牛柳粒炒得比較重口味，青椒、洋蔥及雞脾菇等材料染上牛肉香最後仲送多碗番薯糖水作終結總括而言，呢個套餐都幾抵食，以咁嘅價錢食到3款海鮮以及5款其他餸菜，實屬抵食之選😁

港島區數間<喜記>都一直未逢機會幫襯過…今晚同朋友仔選址尖沙咀飯聚…見佢地嚮I-Square開左間<蟹將軍>, 就快快訂座去也!!星期五晚七點到來…只有數檯客…舖位於低層六樓, 窗外只見街景…裝潢似走古舊中式路線…深色牆身…深啡色檯布配深木色坐椅…整體感覺黑沉沉…或是相反的?係型格o既表現?!...吾太欣賞但亦不太在乎…年輕一輩o既服務生, 吾可以話服務差但只會一板一眼的有點呆亦笑容欠奉…坐下先例牌送來餐前小食兩份 – 糖醋雞翼尖!!...酸味味又無乜食用價值o既雞翼尖, 食吾食請隨便但係咪都要收費的, 每份$10!!...挑選主要菜式有以下：大漠風沙雞(半隻) $88…色澤靚…雞皮微脆…肉算嫩口入味…吾錯的!!薑蔥生蠔煲 (5件) $128…大大隻桶蠔肉質肥厚, 鮮味無渣…薑蔥多多爆到好香好惹味!!...值得推介!!黃金蟹(中) $380…即咸蛋黃炒蟹, 蟹肉沾上咸蛋黃夠香口提鮮味!!...至於只標準大小o既普通肉蟹一隻要收近$400大洋!?...雖然哩度以蟹為主打但定價著實過高了點!!椒鹽珍寶瀨尿蝦 (兩隻) $360…Jumbo?? 好奀o既一隻播