星薈

营业中

休息中

天氣開始轉涼,有一日搭地鐵,見到車廂賣鴻星大閘蟹廣告,諗起不時不食,就約左D同事去食大閘蟹🦀啦。睇返鴻星分店唔係好多間,我地就選擇左尖沙咀星薈。第一次黎,嘩...有室外,有夜景,裝修都好精緻,入到店鋪9成坐滿,成個場充斥住大閘蟹的味道,叫左個四人餐(每人2皇1后)再加多左2份多士。第一轉蟹到啦,開動拆蟹模式,蟹肉甜,爆膏,豎起正...食完蟹知後就開始出其它小菜,令我記得的有1) 蟹粉小籠包(鮮甜,爆汁)2) 蟹粉多士(啖啖蟹粉)3) 紅燒乳鴿(厚肉,脆皮,多汁)食完成個餐用左2.5-3小時。對比起其他大閘蟹餐,鴻星性價比較高 。

一年一度食大閘蟹嘅季節又嚟喇，10月中已經開始見唔少朋友喺IG曬命，呢晚終於輪到我😛。我預先打去「星薈」訂定位，星期五晚就可以同朋友食住蟹，享受Happy Friday🎉。我哋八點半鐘去到門口，勁多人等緊入座，皆因呢個時段可以以優惠價$368/位，享用「大閘蟹饗宴」，抵‼️，之但係原價都係$398/位啫，唔貴，另外要收加一服務費同茶芥。Walk-in客要等位，或者睇下有無人放飛機，甚至最終都未必有位，所以記得記得要訂座。第一樣要講嘅必定係大閘蟹，每人可以食到三隻，品嚐兩皇一后。餐廳逐輪咁拎出嚟，咁就可以慢慢品嚐😚。餐枱有齊新碟、工具、手套同濕紙巾，非常貼心。大閘蟹公約五両重，第一輪同第三輪都係食佢🦀🦀。將佢一分為二之後，就見到大量金黃蟹膏，啲膏超甜超正，口感好綿。雖然食蟹要拆好攰，但真係超值得🤤。大閘蟹乸就細隻少少，約重3両半，我哋都認為蟹公好食啲，可能因為蟹乸啲膏相對實少少，但其實都唔差。餐牌介紹餐廳所選嘅全部都係「黃毛金爪」高質靚蟹👍。除咗大閘蟹以外套餐仲有好多嘢食，我哋飽到一個點食唔哂🤰，打包咗半份飯。食大閘蟹之前先來前菜小食，包括金磚豆腐同肴肉。兩者味道都唔錯，一人一件，前者脆口

呢間婚宴酒家設270度落地玻璃窗，可以邊食飯邊欣賞維港夜景🏙最近推出季節限定嘅大閘蟹套餐，夜晚6點後供應，8點半後特設尊享優惠價$4️⃣0️⃣5️⃣/位(原價$438)，不過記住係✌🏼位起。💗精選大閘蟹(每位3隻· 2皇1后）嚴選「黃毛金爪」大閘蟹，蟹公約重5両，蟹乸就約重3両半🦀上菜次序係公➡️乸➡️公，每次兩隻兩隻咁上，確保温度微熱🔥蟹公帶細膩粘口嘅白膏，蟹肉較結實飽滿；蟹乸一掰開就爆哂橙黃色嘅蟹膏，食落較硬身甘香。整體蟹肉肥美鮮甜 ，蟹黃餘韻揮之不去，點埋酸甜嘅蟹醋更加提鮮🤤食完仲有杯薑茶驅寒☕️💗雪燕竹笙羹 湯羹質感濃稠，味道清淡樸素🍲飲落每一啖都有大量燕窩碎、竹笙絲、嫩豆腐粒、豬肉碎同蛋白，非常足料養顏😋💗原隻鮑魚蝦仁炒翠肉瓜爽口清新🥒配上兩隻細鮑魚，軟腍得嚟有嚼勁🦪仲有兩隻彈牙嘅蝦仁。可惜冇挑到蝦腸🦐💗上湯薑絲灼菜遠上湯清淡帶咸鮮，加入薑絲有助暖胃，菜遠保持翠綠軟嫩🥬💗蟹粉小籠包(每位1隻)外皮薄身軟滑，一咬開濃郁湯汁滿瀉，充滿蟹油嘅甘香，豬肉餡鮮美💗家嫂臘味飯糯米飯墊咗荷葉一齊蒸，飯粒軟硬適中，口感黏糯煙韌。配料完全唔吝嗇，有臘腸、潤腸、蝦米同冬菇，夠哂香口，淋埋甜豉油食更惹味。💗精美甜品

知道男朋友鍾意食大閘蟹，依家開始當造，即刻帶佢去食。呢間餐廳內設270度落地玻璃窗，亦有露台，可以出去同維港夜景打卡。我地叫左2皇1后大閘蟹饗宴，大閘蟹饗宴$398/位，夜晚8:30之後可以$368/位就食到，好抵。茶有鐵觀音或普洱，我地揀左鐵觀音。首先黎左前菜：金磚豆腐肴肉。金磚豆腐外皮夠脆，豆腐軟滑又熱辣辣，好食。肴肉味道唔錯。蟹粉小籠包每位1隻，皮薄餡靚，一穿啲濃湯就滿瀉出黎，一定要吮晒佢。精選大閘蟹每位有3隻(2皇1后)，餐廳嚴選「黃毛金爪」高質靚蟹，大閘蟹公約重5両，大閘蟹乸約重3両半。食蟹既次序係公母公，兩種都多蟹膏，蟹公多肉，蟹乸多蟹黃，食到舐舐脷。食完會有杯薑茶俾你暖胃。家嫂臘味飯夠香口，臘腸潤腸食落唔會有好油膩既感覺。紅糟菌皇金姿偏油，有菇類、翠玉瓜、魚片。粟米鮮蝦羹略鹹，但勝在足料，大大隻蝦。精美甜品係黄金撻，入面係奶皇餡，唔錯。每人可揀陳年彫皇或橙汁。依家可以任飲花彫，男朋友勁開心，佢話味道香醇，唔會好苦，反而飲到少少甜味，好好飲甘話。餐廳話啲花彫有廿年架啦，唔怪得好飲啦。橙汁亦都有好多果肉，真材實料。