深宵食堂 (已結業)

今日去左銅鑼灣找朋友拎D野，佢心情好請左我去距離時代廣場兩三分鐘路程既深宵食堂食野，既然有佢請，價錢又實惠，一於樣樣都叫來試下，去大吃一餐。蟹肉沙律首先來個沙律清下個口先，蟹肉不少，味道清新，蔬菜爽口。太子魚餅係佢既是日推介，不油，魚餅有口感同埋魚味的。生燒牛脷芯牛脷剛剛夠熟，夠爽口同埋有牛味，不錯的。鹽燒雞翼不太咸，燒得夠香口，調味亦ok，下次一定會再試。汁燒金菇肥牛卷汁不多也不少，肥牛有肉味，連埋金菇配搭得很好的。鹽燒鯖魚份量不少，岩晒鍾意吃原條燒魚的友人了。汁燒牛肉飯又一推介之選，牛肉夠多，同埋牛肉汁配搭得很好。蒜片一口牛粒真的一口一啖一粒，有少少入口即溶既感覺，讚好！日式一口雞有日式居酒居既雞唐揚feel，熱辣辣，夠香口的。烏龍茶/菊花茶清爽，解喝relax之選。脆脆朱古力泡芙最後來個是日甜品，又飽又滿足！

百樂中心成日見到有人龍排隊搭lift, 8 卦之下, 原來呢座中心有好多野食。做過research, 對呢間深宵食堂有興趣, 今晚就黎試下。一出lift, 見到門口好神秘咁, 可能時間尚早, 我地成為左第1枱客。裝修簡簡單單, 座位唔算多, 所以最好book 定位啦!呢到主打食串燒, 款式好多, 有蔬菜, 海鮮, 肉類既燒物, 除左燒物, 仲有小食, 主食, 一品料理同甜品。好似平時食日本放題咁, 睇岩食咩, 係紙仔tick 就可以啦。先黎個蟹肉沙律, 一絲絲既蟹肉, 爽脆既新鮮沙律菜, 甜甜既車里茄, 配埋甜酸汁, 係一個好開胃既前菜。煙肉蠔卷($38串), 呢個配搭好新穎, 煙肉既香配上好juicy 既蠔, 原來係咁match,  欣賞D 蠔燒完都唔會變蠔屎。 鹽燒雞翼($32) , 食串燒必叫, 雞翼醃得好入味, 燒得個皮脆卜卜, 肉質仲好嫩。 香草New Zealand 羊架($82), 廚師好細心將羊架已切好一件件上, 方便大家share 食, 讚呀! 味道都一樣要讚呀, 好入味, 肉質好淋身, 燒得岩岩好。配埋芥末醬, 但我覺得唔洗點醬仲好味。吉烈廣島蠔4 隻($42), 

收工同友人A突然心思思想食日式串燒就嚟咗呢間試下新野奴豆腐豆腐口感好滑，唔會有黃豆腥味芝麻醬味香濃，而且凍凍地幾適合夏天冇乜胃口既時候食蟹肉沙律本嚟以為應該係蟹柳絲點知真係有蟹肉，而且意相不到地蟹肉味好鮮好突出加埋酸酸地既沙律醋，幾開胃幾好食BB蘆筍口感好嫩，而且燒過既關係蘆筍既菜腥味就無影無蹤怕菜腥味既人都可以食雞泡魚乾本人相當喜歡食雞泡魚乾味道甜甜地，點埋蛋黃醬食係下酒既佳品冰燒菠蘿燒完既菠蘿甜味更突出更重要既係，菠蘿經高溫燒過之後入面一種刺激我地舌同口腔既蛋白質「菠蘿酶」會受破壞所以食完條脷唔會麻唔會刺痛鍾意食菠蘿但又怕食完舌會唔舒服既朋友可以一試川式茄子茄子上有大量既蒜蓉，加上有一定辣度既調味粉味道都相當辣，但就唔會有好重好濃既麻椒味怕食川菜既本人都可以接受芝士蟹肉玉子燒玉子燒中間有大量既邪惡芝士中間既蛋好嫩好滑，芝味好濃加埋酸酸地既蕃茄醬可以解下芝士既膩感呢個配搭幾唔錯京蔥雞肉串&鹽燒雞軟骨串大蔥燒過之後冇咗蔥既辣味，剩返陣陣蔥香而且雞肉燒得剛剛好唔會老雞軟骨係食串燒既定番少少咸，多多脆，飲番杯一定要食佢~巨峰梳打唔會有藥水味，果汁味幾夠亦幾夠汽幾好飲總括嚟講，菜式表現唔錯，

放工後的深夜, 來了深宵食堂吃串燒 。這間店還挺有名氣的, 好像出名吃串燒和喝啤酒。我認為在夜晚, 尤其在星期五六晚深夜時分來這裏吃串燒, 也不錯, 應該會很有氣氛和relax。店內環境不大, 所以很快便坐滿了人, 店員的服務很好, 很熱情。我們兩個點了好幾款串燒和小食吃。我點了兩碗枝豆作小食, 一邊談天, 一邊吃枝豆, 很快便可以消滅兩大碗。汁燒帆立貝有兩串, 很惹味。八吋蒜蓉大虎蝦很大條, 上面佈滿蒜蓉, 吃落有蒜蓉香, 虎蝦有少少彈牙的質感。燒冬菇很juicy, 一點也不乾身, 上面有些海鹽以增添味道。我很喜歡吃燒秋葵, 但不是人人也接受到秋葵的質感, 因為它食落比較黏口。胡麻醬豆腐很嫩滑, 吃落很開胃, 我很喜歡芝麻醬汁, 所以這個豆腐很好吃。

老公睇過日本既《深夜食堂》一直印象深刻，無意中在Openrice 發現了這間 ”深宵食堂” 名字相近，於是同老公去探個究竟餐廳裝修以日本居酒屋為主題，店面雖小，但坐位尚算寬敞，店員感覺親切！食物方面以串燒及小食為主，迎合　深宵” 呢個主題！　頭盤蟹肉沙律 – 蟹肉很多，值回票價！配上爽脆既沙律菜及黑醋汁，非常之醒胃又惹味！煙肉荔枝卷 – 鹹鹹地既煙肉配上甜甜的荔枝，估唔到出黎既效果會咁好味！荔枝非常多汁，咬落去荔枝肉汁溶入左煙肉，好味到極，推介！推介！炸物一口雞 - 味道適中，雞件肉質夠鮮嫩，炸得剛好並唔會食到成舊粉，配埋蜜糖芥茉醬及沙律醬，用來做下酒物一流！燒娃娃菜 - 燒得夠脆，並鎖住菜汁唔會覺得乾，配上燒汁非常好味～冰燒菠蘿 – 第一次食到咁好味既燒菠蘿，菠蘿夠新鮮，燒完仲可以保全到菠蘿既肉汁，非常之juicy，酸酸地好好味，值得推介！雞泡魚乾 – 第一次食，魚乾上面灑滿七味粉，再點少少沙律醬，非常惹味，下酒物之選！奴豆腐 - 豆腐好滑，配上胡麻醬，清新可口芥辣八爪魚奶油飯 – 牛油撈飯確實未試過，估唔到咁香咁creamy，配埋鮮八爪魚，口感會更加之滑，非常有趣而特別的食法

同友人想搵個地方吹下水慢慢食, 黎呢間食堂就岩晒食物種類包括小食, 炸物, 燒物, 主食及甜品, 仲有飲品供應, 每客份量唔大, 價錢唔貴, 咁就可以叫多幾款!先黎蟹肉沙律 ($42) - 爽脆沙律菜上舖上滿滿蟹肉, 再淋以黑醋汁, 味道醒胃又無沙律醬咁"漏", 唯蟹肉味道偏咸!蒜片一口牛粒 ($68) - 一口牛粒進食方便, 咬落去有肉汁咇出黎, 帶少少嚼勁, 配合香濃惹味燒汁, 連帶蒜片既獨有香味, 仲有菇菌作配菜, 好味喎!既然有濃味食物, 叫返碗清清地既手打湯烏冬 ($26)就岩晒啦, 烏冬口感煙韌, 湯底清甜, 簡簡單單都好味道!鹽燒鷄腎 ($38/2串) - 腎片厚返DD會多D口感, 燒完再灑上少少鹽作調味, 咸味適中!牛肉薯餅 ($38) - 呢客炸物炸至金黃色, 外脆肉軟滑, 牛肉同薯蓉既餡料, 入口熱辣辣, 點少少沙律醬真係好好味!芝麻鷄翼 ($48/3隻) - 漲卜卜鷄翼炸至金黃色, 再灑上芝麻增加香口感, 鷄翼醃得入味, 皮香肉滑, 好快已被我吃掉2隻!芝士蟹肉玉子燒 ($78) - 呢客玉子燒差唔多每枱客都會點, 玉子燒上用茄汁寫上"深宵"2個字, 果然係呢度既

今日帶媽媽黎到深宵食堂，食佢最愛既串燒。店內環境唔算好大，好在我地早去，8點之後已經開始坐滿哂。我地先叫左一碟蟹肉沙律做前菜，估唔到咁既價錢可以有滿滿既蟹肉！配上酸酸的醋汁，非常開胃。之後串燒開始陸續送上，先黎兩串汁燒帆立貝。肉身爽口，裙邊燒到好香脆！再黎一口和牛串，好香牛肉味，油脂分佈平均，肉質好軟。我地係牛魔王，再叫多左碟炒既蒜片一口牛粒。配合甜甜地既洋蔥同燒汁，又係另一翻滋味。之後到我最愛既蠔，蠔用煙肉包住燒，2者配合得好好，隻隻蠔都脹卜卜，燒完都仲好飽滿多汁，好正呀！芝士年糕又係另一推介，外層少少焦，好脆，入面煙煙韌韌，估唔到咁好食。雖然已經好飽，但一場黎到點可以唔試吓出名既鵝肝什菌石窩飯。大大塊鵝肝，店員教我地要壓碎撈埋所有材料食。果然咁樣令成個飯都充滿鵝肝既油香，加上少少飯焦，為呢餐畫上完滿既句號。總結呢度真係好適合想同三五知己，飲下野，食下野，傾下計既好地方，果然係深宵食堂！

曾經係深宵食堂嘅漫畫同電視劇迷！明明差不多已遺忘，但電影最近都會準備上影，又了起咗我嘅心癮，一於搵人陪我去癲吓啦好彩去到都未到一般上班族O完T，要放工嘅時間，等咗一陣就可以直入！內面嘅環境真係好似日本嘅居酒屋噤，好啱輕鬆吓吹吓水噤一早知道串燒喺要慢慢嚟，慢工出細貨，所以叫定個蟹肉沙律頂一頂先！呢個蟹肉沙律係走清新路線，唔多調知先食到材料嘅鮮味！反而蟹肉有事先浸過黑醋，有點驚喜蔬菜類先上！呢個冬菇串CP值都幾高，唔貴又有四大粒鮮冬菇，外面燒得乾食，但食落去，中間又好Juicy，好考師傅功力娃娃菜燒得稔身又甜！加埋獨家醬汁，另一享受Fans必叫嘅貓飯！之前睇電視劇個時已經好想試，今次就係親身見到，好滾動呀！貓飯上面個啲柴魚上檯個時，真係仲郁緊嫁！淋上獨特嘅汁，真係好下飯雖然唔係咩好貴嘅食材，但相信好多fans都會忍唔住叫！串燒蝦皇報道！外表燒得微焦，令蝦肉除咗彈牙之外，仲有陣柴火味，風味一流！另外，蝦頭嘅羔燒得香，食落又甜，一啲都唔死實呢個燒煙肉廣島蠔 ，一上檯就被叮囑要趁熱食，果然一食落又多汁又鮮味，好amazing不過真係要小心啲食！另一個要小心啲食嘅係呢個炸芝士蝦丸！表面好似無咩嘢噤

花左一星期時間, 終於搵到d同樣唔怕熱氣既腳s(多D人可以叫多幾款~)一齊去深宵食堂食串燒/bbq喇 雖然係樓上鋪但唔難搵.同聰嫂同一條街. 木紋皮Menu. 幾有feel. 裡面冇價錢. 價錢只show係order紙. 哈哈哈, 叫既人睇唔到價錢點得好開心好瘋狂.而畫order紙既人就開始滴汗...~~ XD雞泡魚干同平時食到既唔同. 咬落去有汁.軟軟地.唔會好乾身. 店長話佢地專誠係日本source左D靚貨先做到呢個效果. 零舍不同!  黎唔切相機先食大家已經將佢KO~佢地既串燒/燒物都燒得幾好呢. 做到既香口又唔dry (芝麻雞翼仲好juicy好嫩滑!) 既層次. 豬肉露荀卷 (鮮甜露荀外面包左薄脆如肉乾既豚肉.)除左串燒. 主食都有驚喜. 石鍋燒唔止整到飯焦出黎, 仲將什菌d味trap晒係個鍋度. 做到啖啖飯都有好濃郁既什菌味. 超好食!~~~ 主角鵝肝都燒得岩岩好. 外表香脆內裡入口即溶, 少少渣都冇亦唔覺得油膩. 芝士迷會鍾意既芝士年糕. 一反轉D芝士就忍唔住湧出黎. 熱辣辣軟綿綿. 為了養生 (老lu.. T.T) 點左D菜類黎中和下D "熱氣"蟹肉沙律有超多蟹肉. 配上

旅行buddy聚會，大家都想食串燒所以晚餐去了位於銅鑼灣的樓上日式串燒小店--深宵食堂。晚上八時，餐廳差不多已經滿座。幸好我們有訂位，不然大概要摸門釘了。餐廳細細間，我們的座位對正電視機。正呀！有在家睇電視送飯feel。食品有炸物、燒物、主食和一品料理，要畫紙仔落單。芝麻雞翼＄48（三隻）雞皮炸得好脆，鬆化。雞肉嫩滑唔會乾。好食！我認為這道雞翼最值得encore！讚！蟹肉沙律＄42沙律菜好新鮮，蟹肉的份量都不少。配上酸酸的沙律汁，很清新的一道沙律。吉列廣島蠔＄42（四隻）炸得很好，炸粉不會太厚。非常香口！連平日不太吃蠔的我也忍不住吃了一粒。汁燒帆立貝＄36（一串三粒）帆立貝好容易會燒得過火變得又乾又硬，這裏的汁燒帆立貝燒得剛剛好。肉質爽口不會乾，配上燒汁一起吃，正好用來送啤酒（可惜我們沒有order酒)芝士年糕＄36身為芝士控的我，當日讚一讚這裏的芝士年糕。記得一定要趁熱食！年糕裏面釀了滿滿的芝士，咬下去軟軟的，好像棉花糖但芝味濃郁。最討厭吃完會黏住牙齒的年榚，但這個芝士年榚完全不會啊！細細碟吃完也不會覺得太膩。蒜片牛柳＄66起初以為蒜片牛柳即是蒜片炒牛肉粒，上桌後才發現我們會錯意…這

與一班好友共聚，相約在一小店吃日式串燒，店名叫「深宵食堂」，據說是店主熱愛日本漫畫「深夜食堂」而啟發，這是一本描繪飲食的漫畫，當中有些新創食譜，店主也有仿效試做。店內座位不多，約有二十來個，我們七、八人已佔據了大部份，嗅到燒烤香味，眾人已食指大動，人多好辦事，可以多點幾款試試。胡麻番茄，肥大番茄雪凍切片，淋上香口芝麻醬，與番茄的酸十分匹配，清爽開胃。蟹肉沙律，有車厘茄，狗牙菜及一些外國菜，拌了蟹肉，醬汁並不太酸，賣相和味道有進步空間。芥末八爪魚和辣味花螺是小食，淡淡的芥末辣味，惹味開胃，八爪魚煙韌，略嫌剪得碎；辣味花螺可以再辣些會更好。雞泡魚干，烤成薄片似豬肉乾，頗香口，點沙律醬也是開胃小食。芝士蟹肉玉子燒，以層層蛋漿包著蟹肉和芝士，蛋香輕盈，沒有蓋過芝士的香味，蟹肉鮮甜，三者組合完美。一口牛，以竹韱串著，燒得不乾，肉質不錯，仍有肉汁，必吃之選。煙肉荔枝卷，鹹香的煙肉捲著甜蜜的荔枝，清香的荔枝汁平衡了煙肉的油膩，尤以燒焦的邊位勁香，愛吃。 汁燒白鱔，肉厚肥美之白鱔，燒至外皮微脆，而肉汁保存，蜜汁焦香，白鱔極新鮮，真心推介。麻辣牛脷，辣中帶麻，麻中帶辣，牛脷爽口，過癮之選。日式一口雞，日

有時一大班人同枱食飯，要食得開心愉快，又或夠盡慶，唔單止嘢食好，仲要睇吓喺咩飯腳。同班死佬朋友，天南地北乜都講；同班食友，就交換吓飲食情報，以及研究吓菜式、味道；同班親友，彼此關心，寒暄問暖；唯一最怕，就代公司出席友好晚宴，同枱個個三唔識七，唔知有咩好講。今晚，可以食得逍遙自在，皆因一枱都喺相熟朋友 ！深宵食堂位處銅鑼灣商廈，一出電梯就見，以「食堂」為名，總有種小店嘅感覺。果然，鋪內唔大，大概廿多個座位左右，既橫又直嘅條木作為牆身木板，配深啡皮梳化，有份暖和而樸實嘅味道 。餐廳一角牆上嘅書架，放置一列安倍夜郎創作嘅日本漫畫「深夜食堂」，大抵你明白點解店主會將店名改為深宵食堂吧。睇嚟店主喺個喜歡日本漫畫之人，因為除深夜食堂，仲發現有其他漫畫。細看餐牌，食物大致分為主食、燒物、炸物、一品料理、蔬菜、小食及另一張點菜紙嘅甜點及飲品等。牆上掛有一小塊黑板，寫住好幾款深宵推介。先分享一下小食類，因為都喺一啲細細份，或者用作開開胃嘅前菜。 辣味花螺 $58 螺肉頗為爽口，味道鮮辣，辣得嚟唔會太嗆，食起嚟幾醒神。 芥茉八爪魚 $48 雖則混入芥茉，但辣度中等，唔會太攻鼻，而八爪魚幾鮮爽