Zappy (已結業)

之前上網搵到呢間Zappy Cafe & Bar，環境寧靜舒服，場內播放住柔和嘅音樂，絕對適合同男友撐下檯腳。我地叫左個黑松露薯條做頭盤小食，好大碟，炸得金黃脆口，食落熱呼呼的感覺，加上上面鋪左不少嘅黑松露，散發住陣陣黑松露香味，非常之好味。主菜方面我哋揀左個蟹肉野菌意大利飯，份量足夠，賣相都幾靚，有兩隻酥炸蟹鉗放上頂，十分搶眼。撥開蟹鉗後，更是有驚喜，有一大埋黑松露醬在面，mix埋意大利飯一齊食...正! 意大利飯唔會太過黏口，一口蟹肉，一口野菌，配合得天衣無縫。蒜香辣油活蜆天使麵絕對適合鍾意食辣嘅朋友，蒜香味重，而且有辣油鋪上面，十分惹味。天使麵條條分明，爽口彈牙。蜆肉鮮甜肥美，而且無沙。整體上，環境同食物都唔錯，如果想同朋友或者伴侶靜靜哋傾下計食個飯，呢間餐廳會係個唔錯嘅選擇。

銅鑼灣係朋友食飯行街的好去處，但大家會唔會同我一樣覺得好難揾一間有得Book位又可以坐得舒服，靜靜地傾下計的餐廳呢？今次我去到百樂中心，一個充滿餐廳的大廈，去左位於13樓的小Cafe Zappy。去cafe當然要叫杯咖啡飲下啦。本身諗住叫比較少有的薰衣草咖啡，不過我又忍唔唔到玫瑰咖啡的引誘。Rose Latte的味道夠清香，唔係一般的死甜，Mix埋咖啡的獨有香氣，淨係聞都夠正！至於朋友仔就叫左一杯荔枝梳打，見到佢好快就飲左一半就知道味道唔差。係食主食前，我們叫左一份吉烈炸蠔。一共有6隻炸得金黃鬆脆的蠔，$58都幾抵食。個皮唔算太厚，個外皮炸得非常鬆，令人想食完又一粒。主食方面，我們叫左份蟹肉野菌意大利飯，每粒飯都充滿蟹肉的香氣，撈埋埋意大利黑松露醬，令味道的層次更多。個人比較有驚喜的係香烤美國安格斯無骨牛小排。雖然無得揀要幾成熟，不過黎到的，正係我想要的！牛小排肉質都幾嫩口，上面的香草令到牛肉更香。此外，我都幾鍾意食牛小排下的薯蓉，薯味非常濃，口感仲幾滑Tim。==============================鍾意我的分享的，我邀請你訂閲我的食評，我會繼續與大家繼續吃掉世界，

假期自己一人去銅鑼灣行下，行到肚餓就黎到依間想試好耐嘅餐廳喇！門口裝飾簡約，令人覺得好舒適。餐廳唔算好大，可以坐得舒舒服服。午餐選擇都算多元化，有輕盈嘅，又有肉類。海鮮愛好者嘅我就選擇左蟹肉野菌意大利飯。午餐包一個餐湯，今日餐湯係忌廉蘑菇湯。忌廉湯熱辣辣，都幾creamy，有打碎左嘅蘑菇，亦有不同嘅菇類，真材實料！非常好！主菜上場喇！蟹肉野菌意大利飯，睇落已經覺得好creamy 面頭有黑松露醬，大愛呀！食落啖啖都有蟹肉，一d都唔手軟呀！飯粒軟硬適中，味道有微微嘅白酒味，再加上野菌嘅咬口，得好！如果再加埋黑松露醬一齊食，又會多一個層次！不錯呀！值得一讚係服務態度，侍應好細心呀，叫餐飲時會問客人要唔要少冰，而且反應好快，絕對唔需要客人等好耐。非常好！

琴晚食完餐西餐,同朋友分享,傾開個時,佢介紹左一間隱世既西餐比我.咁岩今日有時間,就去試下啦.不過平時我就唔鍾意連續食同一種類既菜既.呢排唔洗加班,一收工就去食飯,所以一般都好少人,唔洗排隊等位就入得啦.見到第一個MENU,諗住叫set既時候發覺原來係lunch set黎唔緊要,咁散叫啦,就食朋友推介既菜式牛肝野菌忌廉濃湯 $38好鍾意用大大隻碟去裝啲湯飲,因睇感覺上氣派啲,好彩呢碟湯都唔貴中間用忌廉畫左個圖案出黎,幾靚,係碟邊仲放左個蒜蓉牛油多士添一黎到已經聞到濃郁既香味,飲落啖啖都有野菌,好足料,味道都係適中既蒜蓉牛油多士 軟身既蒜蓉牛油多士,加上香脆既包邊,食落都好新鮮就咁食又或者沾啲湯食都可以蟹肉野菌意大利飯 $138朋友推介一定要試下呢碟菜.第一個感覺係個risotto整得幾好,濃淍度適中同埋好大方,係面頭上有一大舊黑松露,蟹肉都係密集式地平均分布果然係隱世樓上店,係有返咁上下水準既本身想試下個日本北海道千層蛋糕,但因為太飽了,都係下次先最後想讚下啲員工服務幾好,我飲水飲得好快,佢都好勤力咁好快幫我斟返,搞到我都有啲唔係幾好意思走個時見到呢個位整得幾靚,下次要試埋啲飲品至得.

是日在時代血併後，要找個舒服的地方吃飯，好好慰勞一下雙腳和胃於是找到了附近的zappy cafeCafe面積雖然不大，但座位舒適，枱與枱之間又不會太近店內播放著英文慢歌，悠悠的，很舒服食物選擇貴精不貴多，但意粉、飯、排、小食、甜品都有供應我們就點了沙律、意大利飯、豬肋骨和千層蛋糕蟹肉野菌意大利飯($138)：看食評得知這個飯不錯，果然沒令人失望整體夠濕潤而不膩口，飯粒軟硬適得宜飯中有不少蟹肉，如醬汁般包裹著飯粒，而且已拆肉的蟹很適合我這種不太會拆蟹的人加上飯面上那大坨黑松露醬，令飯的香味提升，讓我這愛野菌、愛黑松露的人十分滿足BBQ醬豬肋骨($168)：豬肋骨的擺盤很好看，肋骨已切開一條條，方便食用BBQ醬十分香又惹味，肋骨的肉中帶少少脂肪，有嚼勁又帶點油脂香薯菜中的薯仔是迷你薯仔，很可愛，皮很脆雲呢拿味千層蛋糕($48)：蛋糕口味每星期不一，這天的是雲呢拿味蛋糕每層的厚度相若，雲呢拿忌廉很香很滑

太太今日突然急call話唔開心要食西餐！太太一落呢個order我即時發癲，勁問朋友有咩好介紹之後就有幾個朋友都叫我去銅鑼灣嘅"Zappy"即刻打去book枱一開笠門以為自己去錯地方，點知一望左手邊就見到]店員好親切，會了解我同太太鍾意食咩之後就開始介紹！有時去餐廳除咗食物質素之外，其實店員嘅服務都好重要，呢間餐廳嘅服務水平真係酒店級首先試吓佢嗰個 牛肝菌忌廉湯，好重菌味嘅一個湯，廚師將呢個湯打到好滑之餘，好有心思將部分牛肝菌切到好碎，飲落口就有多一份感覺！而湯亦都唔會做得太杰或太希！班友仔冇介紹錯。呢個茴香白酒煮蜆，雖然蜆仔細細但係啲肉一啲都唔削冇沙，味道較清用白酒加少許牛油煮到啲蜆剛剛好，呢種調味令到蜆肉嘅鮮味都冇流失！質素好到咁都係講緊68蚊。呢個不得了" 蟹肉野菌意大利飯"忍唔住要影多張大頭相，俾大家睇吓佢啲蟹肉多到每一啖都可以食得到，鮮味無比再加埋黑松露醬！見到太太食得咁開心我都放心晒而呢個豬肋骨燒汁好好食唔會太酸，又野味濃郁而廚師用咗厚切方法嚟上枱成件事靚晒！個肋骨條咬落去係冇渣 好嫩滑都好juicy，最重要有大量新鮮菜伴碟~食完咁多肉再食番啲蔬菜罪惡感會冇咁大呢間嘢真心做得

太耐冇食西餐，行下銅鑼灣記得朋友之前介紹嗰zappy cafe & bar，就膽粗粗上去食。格調好grand，枱同桌子以紅黑為主，餐廳面積唔大，入面唔嘈，非常適合二人情侶共進晚餐。我係Taylor swift既熱血fans，咁啱餐廳播好多Taylor Swift既舊歌，好令人懷念。食西餐少不免叫酒，今次叫左杯紅酒，待應提醒我地紅酒係凍飲，飲落有啲水果味，而且唔Gip，易入口，可以一試！我地叫左兩道主菜，待應好細心問我地係唔係share食，之後俾左兩個碟我地蟹肉野菌意大利飯賣相一流，黑松露味噗鼻而來，忌廉汁好濃，口感細膩，每一啖都食到蟹肉，飯既硬度啱啱好，有齊好味意大利飯所有因素。香煎三文魚柳不惶多讓，賣相別緻，三文魚柳唔會過熟，肉質嫩滑濕潤，牛油忌廉汁同三文魚柳好夾，仲有沙律薯菜伴，好豐富！下次一定再試!