群記牛肉圓豬手

营业中

休息中

久聞群記大名，終於老公趁帶貓去粉嶺寵物店沖涼時順道去買咗碗豬手米返嚟。一打開外賣碗，嘩，份量好足！有成8件豬手，鋪滿成個碗，老公叫我估吓幾錢？我仲以為要成$60-70，原來只需$47連一杯豆漿，加分啦咁多件豬手喎！豬手係白烚，應該有醃過，咬落好足味，但又唔會太韌痴曬牙，比起一般豬手米，群記的確做得幾出色。米粉正常，湯底正常，最正原來係提供嘅辣椒油🌶，一加落湯底度，嘩，成碗麵即刻升LV呀！辣椒油係佢哋自家制，香到不行！即刻將呢碗「一般好」提升到「非常好，令人一試難忘」嘅質素！佢哋嘅辣椒油唔係太辣，所以一般人好似我咁怕辣嘅都冇問題。總結：豬手米性價比非常高， $47豬手米配豆漿，我同老公兩個都食到飽，記得記得記得要落佢哋自家製嘅辣椒油！

話說我本身唔係好鍾意食肉，更加唔鍾意食豬手，點知有一日我朋友話帶我嚟食超級好食嘅豬手！我嚟咗之後就念念不忘，成日都要返嚟食啦！呢度係冇冷氣，嘅都冇風扇，地方又舊！又要多人！ 仲要唔係成日都有豬手喎！好快就賣曬！有咩導致我要成日專登揸車入嚟咁遠食呢？佢個豬手炆得好林，好入味！再加埋佢嗰個超好食嘅辣椒油，真係不得了！佢個牛丸都唔差㗎！ 又彈牙又入味！有睇開我寫嘅食評都知㗎喇！ 我個人係好鍾意去啲舊舖頭食嘢，upup dum dum 就最啱我啦！嗰個懷舊嘅味道真係唔識點寫出嚟呀

以前細個日日食，而家佢紅到去火星，我都唔夠膽過嚟食！不過入開來聯和墟，鼓起勇氣即管過嚟睇下會唔會爆到漏！好彩有比我一條毒男等到位👏🏼👏🏼👏🏼唔使講嘢一碗豬手麵一個炸肉。其實真係好佩服佢，4、50年如一日，同一個裝修，煮同一樣野！味道亦都一樣👍🏼👍🏼豬手同炸肉固然有佢過人之處，但係其實毒男最鍾意係佢嘅辣椒油，可能我太鍾意食辣的關係！如果冇咗個辣椒油襯托個豬手，起碼冇左20分🤣🤣！

走入粉嶺有咩好食，好多街坊都會推介 群記豬手門面同內籠都係比較懷舊，沒什麼花巧，但就好多人排隊等食黎碗細牛丸，牛丸彈牙爽口，清湯底好似無咩特別，但就滋味非常，牛味十足豬手麵，碗麵認真足料，豬手堆到滿一滿，骨同肉都有，豬骨吸收了湯底，令豬骨都好美味，豬手骨膠原多，肉都不少，但完全不覺膩口，肉嫩而不老，骨膠原爽口，清湯食出肉味濃郁，味道不俗，36蚊認真抵食呢間餐廳嘅辣椒醬也不得不試，係自家製，辣椒味重而香，絕對值得一試

老店豬手米話說之前答應友人要帶佢黎食群記豬手米，當然唔可以失約，只好在酷熱天氣警告底下去聯和墟食啦！到店看到客人不多，同平時不一樣，馬上就知道原因，豬手剛賣完要等30分鐘～心諗⋯咁熱去邊等⋯咁唯有叫飲品坐底等，友人連午餐都還未吃，所以我們先點了一個牛丸米，牛丸沒什麼牛味，味道尚可，但沒有驚喜～米粉同湯加上特製的辣椒醬，當然還不錯！等了30分鐘，豬手米終於上場了！我們再點了一碗大的豬手米和小的豬手米～豬手很軟，咬得開，有咬勁～不過千萬不要想像是入口會溶化的那種！而是很有咬口、很入味、很有風味～再加上特製辣椒醬，超級美味！大概係一半帶骨、一半去骨的豬手～大碗同小碗感覺好像沒差很多～吃一碗小真係唔夠飽～後來到的客人排到出門口～果然招牌還是豬手～牆上舊式茶餐廳的價格牌，其實我真的看不懂吃完友人已經在期待下次再來吃⋯哈哈～不過群記真係食到流曬汗⋯好像無冷氣的店～

來到粉嶺聯和墟覓食，總是會想起三家餐廳，群記牛肉圓豬手便是其中一家。小時候家父常帶我們來食，以前在周末下午總是摸門釘，假日不開市，而且豬手一賣光便收舖，這是從前的群記。現在第一輪豬手賣完，等兩小時便再有新鮮出爐。又多了一個到訪的理由。豬手麵當然是必選之列，豬手煮得軟硬適中，豬手皮很好彈性，食起來一點肥膩也沒有，而是啖啖肉的美味。我這天點的是豬手米粉，米粉剛好清爽，更突出豬手的原味。來這裡，其實第一個上菜的，不是油菜，而是一碟辣醬。這碟讓人愛不釋手的辣醬，輕輕的麻辣感覺，而且辣油相當香，用豬手點上，不但提升了豬手的鮮甜，更讓人不禁食多了。牛腩煮得很入味，牛筋彈牙，想多食一口又一口，甚至把湯喝了。

是日元旦，新一年相約一起去鶴藪走走，本想去上水食好味多料紅豆冰，但星期四廣成係定休日，唯有返返去粉嶺捃食，友人就建議到聯和墟­捃食。在OPENRICE找到位粉嶺聯和墟­人氣最高既 群記牛肉圓豬手，友人說這家小店勁多人，成日要等位，但反正諗唔到其他，試下2015首日的運氣吧！泊好車，一行3人入店捃位，大約下午1點45分店內有8成既檯後也有人等緊，超爆滿；店子簡樸本想試家鄉炸卷，但聽到賣晒等了唔使10分鐘有兩個位，食緊野位太太好好人，叫我地坐住先同提議我地叫定野食，一陣就讓個位比我地; 感恩運氣也不錯  .  一張貼牆的方檯，每邊都要坐兩個人其實都幾迫坐底店員即刻比咗三碟辣椒油我地，聽聞都幾辣，所以我無試；分別叫了一碗大手麵、一碗大手米、一碗細手米，另加一碗淨細牛丸同一碟菜SHARE牛丸有點似豬肉丸，無乜牛味又唔彈牙，好無特別大手麵 ~ 豬手的數量比細多兩三件左右 ，食得辣應該點D辣椒油味道會有所提升細手米 ~ 豬手算多肉、皮同肉爽腍，若多D筋就仲正離開時，店外已有一堆人在等候入內

今日經過群記,見幾多人,就入去試下,大家都在等位,好在大多數人都是吃完便走,好快便有位,叫了個豬手米線,見到豬手白白地,感覺很普通,吃下去更是無甚味道,豬味嗎?不是太濃,上網看過要沾這裡的辣椒醬,沾了一些之後,神奇的事情發生了,這個豬手加辣椒醬的組合原來幾合拍,辣椒醬不是太辣,但香味很足,用來配上淡味的豬手真是剛剛好,值得推介不過店內沒有冷氣,只有風扇,吃到身水身汗

早陣子在沙嶺上班，沙嶺是在哪裏，未到那邊工作以前完全沒有概念，只知地方相當偏遠，在上水火車站下車後，還要搭大概十分鐘車才到…結果某天同事聽說我未吃過這家聞名已久的豬手店，特地車我們來吃。差不多一時到達，店處於大半滿的狀態，這店的裝修陳舊，很有風味，倒讓我想起以前舅父做的那家茶餐廳，那裏的地板也是鋪著這樣式的紙皮石呀。要了碗大的豬手米，先試一口湯頭，清甜得很，是很純粹的豬骨味，難得沒有臊味，米粉吸了豬骨湯自然也是沒難吃的道理，光是喝一口湯就很知道不得了！大的豬手米大概有六七塊豬手，用白鹵水煮，沒南乳般搶味，更能吃得出本身的肉味，豬肉本身有咬勁，豬皮爽滑，夾著皮下脂肪來吃，嫩嫩爽爽的令人吃上癮！看食評網有不少人說骨多肉少，但也許我那天走運，倒也沒這個問題，除了一塊骨頭較多以外，其他也是正常分量 (總不能完全沒骨吧？？)難得來到，也試了這裏的炸卷，即叫即炸，上桌的時候還處於冒煙狀態，用腐皮包著牛肉碎來炸，牛肉調味不多，吃下口帶輕清的羶味，但老實說這炸卷炸得有點太乾，而且對鄙人來說也有點「太肉」，不太對自己的口味就是。也要了一碗牛丸跟同事分吃，牛丸是很彈牙的那種質感，牛肉味也香濃，比起炸卷要好

LUNCH TIME 同事提意去食豬手,所以夠鍾放LUNCH的時候就CALL 定的士.一行三人,一去到12:45右左,一入到裹面9成人都係食緊豬手米或牛丸米,又多人等位,我們等了5分鐘就有位了,我們點了2個豬手河1個豬手米及一碟家鄉X卷.豬手米:豬手的肉同骨巳分開的,大大夠肉好有口感好淋原汁原味, 因為食不出有味精成分的,湯低好清甜,米粉OK LA ~家鄉卷:不太脆,可能不是剛剛炸好的,似是放了很久,外面是腐竹,內裹是牛肉崧.下次要試下牛丸米~^.^~