香港老飯店

营业中

休息中

要請兩位我非常尊敬的導師食飯，要搵一個不能太隨便的地方，於Openrice搜尋到依間老牌上海菜館，看食評及相片，食物質素、環境、地點均非常合心意。果然無令人失望！我們6:30左右到達，當時客人不算多，7:00後就差不多滿座，建議預先訂位會較穩陣。目測侍應人手非常充足，服務週到。餐廳環境光猛衛生，令人食得舒服，感覺安心。食物方面，原本想食紅燒元蹄，但侍應很老實地對我們說，因份量頗大，三人應吃不完。因此，我們點了：烤雙方，超級好食！👍🏼👍🏼👍🏼無錫脆鱔，不錯！蟹粉小籠包，不錯！賽螃蟹，好食！👍🏼松子黃魚，好好食！👍🏼👍🏼最後叫埋高力豆沙作結，好食！👍🏼最後仲要讚下，侍應會經常走來睇吓茶壺仲有無水，根本唔需要舉手叫人加水，依點要特別讚下！👍🏼我對依餐非常滿意，值得推介！👍🏼👍🏼👍🏼

呢間係我常到嘅上海菜館, 不過食評就真係第一次寫. 疫情期間, 只可以二人用餐, 可以選擇嘅食物相對減少.. 不過唔理喇, 好想食佢哋嘅核桃燻蛋同高力豆沙! 照去👫🏻結果兩個人嗌左兩個冷盤, 一個餸, 一個菜, 一碗麵仲有甜品. 真係飽到我哋傻咗🤪▫️每次都一定嗌嘅核桃燻蛋, 核桃夠爽夠香甜, 蛋燻得夠入味, 煙燻味濃郁, 蛋黃半凝固蛋白就夠彈牙. 賣相仲好靚😊▫️相比之下煙燻魚比較一般, 個汁對我黎講太甜,魚骨太多..▫️好味嘅賽螃蟹,啲蛋唔會炒得太散又唔會太油.讚👍🏼▫️Menu 上無既, 不過我每次必嗌. 簡單嘅蒜蓉炒豆苗, 已經好好食! 另一推薦👍🏼▫️麵煮得啱啱好, 唔會太熟太淋. 湯係上湯熬製, 濃郁得黎又唔會太油膩. 見佢個碗細細, 不過原來份量都唔少😂▫️高力豆沙最少可以order四個, 兩個人食就啱啱好. 蛋白鬆軟, 豆沙餡夠幼滑. 唔算太甜. 讚👍🏼

這晚相約了幾位朋友一同來試一下比較傳統派的上海菜. 這家香港老飯店可算是上海菜老字號. 店內設計有少許像廣東酒樓, 但地方頗為整潔. 這道夫妻肺片與常吃的川式不一樣. 調味主要以麻及酸為主, 入口麻香四溢, 十分開胃. 中式的燻蛋, 以煙燻香味為主而不像日式以醬汁入味. 帶煙燻的蛋配上核蛋正是很好的配合. 這道醉鴿吃得出不會是用陳年的花雕, 但以價論價, 現在的陳年花雕實在價格不菲. 雖酒味不夠濃郁, 但鴿肉做得滑嫩, 已算出色. 無錫脆鱔好像不是每家上菜菜館都有, 難得這裡自然點一份嚐嚐. 入口做得香酥可口, 滷汁沾得均勻, 甜中帶點咸, 很好吃. 這道賽螃蟹做得不錯, 做得滑嫩且帶有少許肉蟹肉的質感. 這道先蒸後煙燻的梓茶鴨, 是全晚吃過最好吃的一道菜. 樟茶鴨做得外脆內嫩, 且保持油潤. 嫌太油膩的可夾一塊包子同吃. 我則喜歡只吃鴨. 這晚稍為失色的一道菜. 蝦仁炒得清脆嫩, 裡頭看得出無半點蝦腸. 只是調味略咸了少許. 小籠包皮薄有汁, 正宗上海風味. 今天帶了2瓶酒過來, 開瓶費1瓶收$100, 但店方願意提供每人兩隻杯及冰桶, 相對合理. 若扣掉開瓶費, 這晚一位大約$30

媽媽好喜歡食上海菜, 尤其鍾意去北角舊居附近嘅香港老飯店, 差不多每個月都要去食返餐。不過自從幾年前餐廳搬遷之後, 我地就要趁大時大節先會去食。趁老婆約左朋友,  今日就做返日孝順仔, 同兩老三人行去搬左去中環嘅香港老飯店嘆返餐。😁由於今日唔駛OT, 我地6點半已經到餐廳, 當時客人未多, 不過7點之後就開始多人。餐廳裝修雅致, 光潔明亮, 而且座位較一般中式餐廳寬敞, 感覺舒適。除左主餐牌之外,  另有多款廚師推介同時令推介選擇, 不過媽媽鍾情香港老飯店嘅上海菜, 所以今日都係同平時一樣點左烤雙方, 小籠包, 炒鱔糊同賽螃蟹, 再加上一款廚師推介嘅砂鍋鮑魚仔海參, 3個人應該好夠食。😙蜜味烤雙方 $108香港老飯店嘅烤雙方做得特別好, 火腿肉香味濃, 而且唔會過咸, 以鬆軟包身夾住, 配上蜜糖, 非常惹味。😋蟹粉小籠包 $128蟹粉小籠包一籠有4隻, 小籠包皮薄, 肉汁豐富, 加上濃郁蟹粉鮮甜味, 比一般小籠包美味好多。😍清炒鱔糊 $168媽媽最愛嘅炒鱔糊魚肉嫩滑唔會太肥, 醬汁香濃, 最抵讚係無加入芽菜等配料, 啖啖鱔肉, 份量十足。👍砂鍋鮑魚仔海參 $688呢款廚師推介嘅砂鍋鮑魚