一風堂 (已結業)

我們星期日等睇戲, 中間仲有少少時間食一個 high tea, 在 times square 旁揀了 "一風堂"真的不是第一次來幫襯了, 但我都是覺得一蘭味道再濃些....而且service 比一風堂好見到牆上推廣了很多餐廳的介紹, 早期就是推震店之寶了! 赤丸新味是以豬骨湯配上黑蒜油, 味噌, 博多幼麵及叉燒 叉燒很軟滑, 而且現上這個湯, 雖然portion 不大, 仍很滿足更開心的是旁邊所有配料任加, 而且很新鮮! 

難得肥髀學校閒日放假，帶佢睇完展覽，佢話要食拉麵，之前兩大日本拉麵店來港開店，人龍排幾條街，所以仲未有勇氣去食，今日得閒日就去試下！好在6點幾，仲未要排隊！侍應帶我哋坐响窗口旁四人位！桌椅闊落，坐得舒服，裝修明亮簡潔，紅白色為主，尤其係湯匙牆！好搶眼，枱面放咗好多調味料，侍應放低兩杯水，天氣凍，好在佢比嘅係暖水！幾細心！睇openrice知道幾款招牌菜！叫咗：博多棒棒雞沙律（$35）：我見圖片有少許辣椒响面！因為肥髀唔食辣，本來想走辣，侍應提議可以辣油另上，上菜速度好快，係雞絲沙律菜配芝麻醬！味道清新，沙律菜新鮮爽口！雞絲無乜味，不過配芝麻醬都好味！仲有蕃茄仔！酸酸哋！可以清咗啲拉麵油膩感！一風堂叉燒角包（$28）：見個賣相幾得意！饅頭叉燒三文治，份量不大！細細件！饅頭軟熟，內有叉燒一塊及生菜！配沙律醬！個角包味道唔錯！不過食唔出叉燒嘅味道！因為比沙律醬遮蓋了！赤丸新味（$68）加紫菜（$8）替玉（追加拉麵）（$15）：紫菜四片另外上！唔會浸响湯度淋晒！夠爽脆！因為同肥髀分享！個麵底份量唔算大！（男仔應該唔夠）所以追加一個拉麵！拉麵我叫普通硬度！拉麵偏幼！所以索湯多！偏咸！追加嗰個麵我

覺得自己試食會d相影得唔夠靚, 又唔想帶單反機去試食, 因為太大部好掗拃又好重... 加上如果要買1.8大光圈+超微距+蔡司鏡, 齋鏡都過萬, 仲要重過機身, 唔係太識合我用...另一半幫我揀咗部Sony Cybershot DSC-RX100, 過幾日又有食家飯局, 唔等得啦, 放工即刻去Times Square買新相機...買完心頭好, 就係Times Square附近搵食... 望到對面街「一風堂」個招牌, 就去試吓啦~ 之前想去尖沙咀試好耐, 不過人人都話要排好耐隊, 所以都唔係好敢去試...6:30PM去到, 時間尚早, 只有幾枱客, 唔使排隊直入... 全香港最貴嘅黃金地段, d枱櫈好袖珍~浸住檸檬嘅冰凍清水, 已經預先放置係大家嘅座位前, 以自助形式飲用~ 凍水滲出淡淡的檸檬味, 幾清新...第一次o黎, 對一切都好陌生, 特別係呢個芝麻樽, 研究咗好耐先識用, 好大鄉里, 哈哈... 同埋覺得佢個樣好鬼似「千與千尋」入面嘅「無臉男」, 好搞笑...第一次幫襯, 都唔知有咩好食, 求其Order啦...落單時職員會問客戶對麵條軟硬嘅喜好, 極為細心...赤丸新味 -- 另

自從數月前到東京吃過「吉左右」那碗有水準的つけ麺後，不知不覺已有接近五個月沒吃過拉麵。上一學期最後一堂課後與友人到隔鄰吃過元氣壽司，吃完才想起這人氣爆燈的一風堂，早已約定下個學期下課後再來，終於來到這一天，抱著充滿期待的舌頭乘著電梯到二樓來，原先還以要花上不少時間等位，怎料人潮比想像中的少，只是十分鐘左右就可以進店了。店內的座位大多都是counter或長枱形式，座在一風堂的發展史下，忽然有點像去了博物館的感覺。店子寬敞舒適，由於座位多，流量自然也較快，每個座椅下有籃子供客人放小型的行裝，不用放在椅背或地上，在香港算是十分細心的照顧。翻開餐牌，共六款口味的豚骨湯底拉麵供選擇，各有特色，索價只是60-70元左右，價錢合理。還有溫泉蛋﹑海苔等各式各樣的配菜可供選擇。找不到原先最想試的白丸元味，就退而求其次選了同樣是鎮店之寶之一的赤丸新味另加豚角煮。赤丸新味的豚骨湯底，是常見的淡黃色一種，但味道比意料中濃，濃厚的豚骨及油香味滲滿了整個口腔。自己未吃過正宗地道的九洲豚骨拉麵不能作比較，但至少眼前這個湯底味道至少做得滿意。雖然麵條自己還是偏好北海道風的粗身「太麵」多一點，但九洲風味用的多是幼身的「

11月2日, 日本拉麵大熱, 經常都聽到或見到週邊朋友談論到過哪間新店吃哪種拉麵, 最近最常聽到的便是尖沙咀本店永遠大排長龍的一風堂~ 不過我地兩個都好少過海, 所以一直無緣食到. 如今一風堂擴充版圖殺入銅鑼灣區, 我同呀比即刻走去試! 是夜平日放工時間, 嚟到門口都已經好多人, 喺自助派籌機拎咗飛仔之後可以選擇喺門口等或者落街行下, 總之差唔多到你時就會有自動來電提你~ 都幾方便到顧客! 本以為要等好耐, 點知等咗15分鐘左右就可以入座喇!::: 赤丸新味 ::: $68論份量, 比起出面d拉麵店細碗少少~ 論配料, 亦只有黑木耳、青蔥同埋兩塊叉燒~ 少咗平時食拉面都會有嘅筍絲、紫菜同雞蛋! 佢嘅豚骨湯底本身唔算好濃, 不過湯頭浮滿一粒粒肥豬膏, 滲出陣陣豬油香. 赤丸新味比普通白丸多加咗味噌醬同埋蒜油, 撈埋入湯裡面令湯底惹味得多~ 麵條無得你揀軟硬度, 係較幼身嘅拉麵, 唔太索湯, 但咬落都煙韌. D叉燒係腩位一層肉一層肥膏嗰隻, 配埋個粒粒肥膏湯確實油膩… 整體係偏細碗, 但係油膩. 味道ok但唔算特別出色.::: 味噌豚骨拉麵 ::: $58豬骨湯底加上味噌好似怪怪地, 食得

一個星期六的11時令，在CWB上完堂四圍行。知道開左一風堂，未夠12點，早D去試下。 (因為晏D會多人排)小弟曾經去過TST個間，覺得唔錯，去新店試食下。好快有位。店外未有人排，店內都未坐滿人。今次點左「赤丸新味」，(上次TST食「白丸元味」) ，再加個炸豬柳串兩樣嘢！麵夠彈牙，煮得啱啱好，湯底夠濃，但有D辣，唔飲咁多！到食炸豬柳串......金玉其外......但麻麻地，唔啱小弟口味，肉硬硬地地，......普普通通......！埋單連「加一」一條友食成百令蚊！個肚仲有D空虛.......食名氣.......只適合鍾意研究「日本拉麵」嘅人。