莆田 (荷里活廣場)

营业中

休息中

莆田扁肉湯 $22/位見餐牌寫「皮與餡都係肉」所以先嗌黎試試，點知食落味道一般般，無咩特別酥炒芋頭 $89食第一啖係驚喜，之後就得番個「滯」字反而洋蔥還幾好食🤭興化炒米粉 $88米粉幼細🍝大愛❤集海鮮與蔬菜於一身嘅主食！抵食👍但留意食之前要挑出蜆殼❗蒜香豆豉蒸鰻魚 $168季節限定，可能對佢期望太高，以為好好食但其實還好！但留意食之前要挑出細骨❗*飯前小食，唔知係咩黎？但好好食❤搵日經過留意下先🤭*附送飯後水果：冰鎮西柚兩塊

平時行街都會經過不過今次真係第一次入去食聽聞莆田的食品賣相精緻咁就一定要去試下啦!蝦苗拌頭水紫菜係我呢餐覺得最愛的菜式有有口感，酸中帶甜第二道菜 莆田扁肉湯湯底都係酸酸甜甜,好開胃講精緻就一定要講佢個小餃子係我見過最細粒既餃子皮薄餡靚，非常精緻酥炒芋頭口感十足 芋頭面層有一層微微的焦糖咬落去有少少脆口甜度適中原味燜豆腐加了瑤柱.冬菇.雞蛋.瘦肉等食材好有層次感但我覺得味道比較淡所以加了小小醋莆田鹵麵傳統中國鹵麵好足料，味道還可以總括而言鍾意食中菜的朋友可以試下呢間係一間比較精緻用心的中國餐廳我專重他們對食物賣相的講求價錢亦都合理

甚少在荷里活廣場搵食，今天既然在這兒，找間人流不少的店舖嚐嚐。「頭水紫菜」指的是每年首次採割的紫菜，配上清甜的小蝦米和香醋來煮，味道酸酸甜甜的，爽口開胃。愛醋的話，這是一個不錯的選擇，否則會覺得怪怪的，未必人人都會接受。這個酥炒芋頭，用了檳榔芋，以農家傳統方法炒製，外面酥脆中帶有甜味、內裏鬆軟香口，鹹中帶甜，欲罷不能。我跟朋友一人一件，不一會便把整碟芋頭K.O.了。這個扁肉湯，主要是用了很多燕皮包着扁肉做成的餃子來煮，肉質很冧，湯很清甜中帶少少酸醋的香味，不俗。這個豆腐跟一向吃的豆腐很不同，它是用曬乾的黃豆為原料，輔以瑤柱、瘦肉、冬菇、雞蛋等食材燜成。豆味濃郁，伴飯一流。這滷麪麪質太冧，有點糊口反而欣賞莆田的辣椒醬，有點似越南撈檬的醬汁，酸酸甜甜辣辣，味道很豐富，而且很開胃。

如果成日去荷里活廣場嘅人都應該知道，荷里活有個三煞位，就係二樓中間近麥當奴隔籬兩個舖嗰個角落頭位。由荷里活開嘅第一日開始，大大話話轉過十手人，間間都做唔長，印象中做過中菜、日本餐、別府、韓國餐，記都記唔晒咁多間開過亦執咗嘅食店。作為三煞位嘅新主人，本住食得一次就一次嘅心態去食莆田，驚佢執咗都未試過好唔好食。點知，依個月已經食第二次。莆田自稱是「來自新加坡的福建菜」，我未去過福建，我去新加坡又無留意過有間莆田，不過，只可以講，香港依間莆田，好鬼好食。先嚟兩碟前菜，花生一直唔係我所好，所以我無食，但紫菜有，碟紫菜腍咗，食咗兩條唔係好對路，佢再換碟嚟，第二碟先正常嘅脆口。跟住就點咗以下幾道菜：酥炒芋頭（$88）即係反沙芋頭，好味，甜度適中，芋頭料靚夠粉，好味莆田滷麵（大$156）我認為當天最出色的菜色，湯底非常好味，味濃但不咸，配料有蜆、蝦、菜、冬菇等，麵是用他自家造的麵，不軟不硬，配這個湯非常夾，最終我包底食晒連湯都飲埋。正。藥膳竹筒蝦（$48）我唔知好唔好食，我淨係知去完洗手間返嚟就食晒，皇后話淨低張相比我回味。。。oh my god.....黃金荷葉包（$28/個）有啲似饅頭嘅包，上面