金公館 (彩明商場) (已搬遷) 新店位置

以前公館嘅主人，非富即貴，其廚子必須精通大江南北菜，方能綁得住主人的胃，也能令主人的餐桌在客人面前體體面面據聞這間金公館的大廚也身懷十八般武藝，唯以京、川、粵菜最洒家👍甫入店中，最吸引眼球的，竟然是這台“高科技”自動補水電水煲，方便到不得了。。。京菜代表不得不試片皮烤鴨，鴨烤得香脆，大廚还很贴心將鴨皮的皮下脂肪片走，食落不觉得油腻，鴨香充滿口腔之中，另外鴨肉雖是全瘦，但軟滑可口、肉汁充盈川式酸菜魚，湯頭鮮香，酸、辣、鮮、甜共冶一爐，加上滑滑魚片，相得益彰！粵式主打點心，選擇很多，應有盡有！蝦餃皇皮夠薄、餡飽滿，鮮蝦夠哂彈牙！幾款點心都是水準之上，尤其是這碟排骨，吃得出不是用雪藏貨，落重本呀!飯炒得粒粒分明，簡單配料先能顕出師傅功力！只聽店名以爲貴價食店，其實價錢平民化，而且用料新鮮，唔怪之疫症期間都座無虛席，果然有實力。

全球疫症蔓延， 很多時都留在家中，自己煮食避免外出。 但有時悶悶哋又不想煮食，唯有外賣自取是一個好方法。今天途經金公館非常懷念他們的酸菜魚， 於是決定今晚晚餐在這裏外賣自取。 這裏有川菜還有廣東菜，我必選酸菜魚，還選擇了菠蘿咕嚕肉和翡翠紅燒豆腐。外賣時間都快捷，落單後大約20分鐘左右已經可以取走了。自取後就可以回家即時享用，他們外賣包裝都很細心，食物盒蓋好後再用保鮮紙在外包住確保不會漏掉。這個酸菜魚，因份量比較大鍋，他將分成兩大碗方便提取， 味道依然保持水準，酸辣味濃魚塊還很嫩滑。菠蘿咕嚕肉，酸酸甜甜都很好味， 配埋 紅燒豆腐這餐外賣非常豐富滿足。這間金公館防疫措施都做得很足夠， 上月未爆發得很嚴重時，我在堂食，他們鋪裏都已間起了屏風，還有酒精搓手液和探熱， 還值得一讚他們都很熱心，我都看見幾次在鋪門口外派發消毒藥水，疫症之下大家互相支持， 希望疫症快過大家加油。

最近將軍澳開左間新餐廳，今日特登黎試下餐廳都幾乾淨，唔使點等位，好快就有得食呢到既店員都幾有性格，應該會幾好食可惜太夜黎已經冇北京烤鴨食唯有食下其他野外脆內軟既炸饅頭，又香又熱色香味俱全，牛肉唔會太老太靭太乾身，感覺好似食緊7成熟咁以後近近地可以黎呢到食酸菜魚，唔使返大陸lu，魚肉本身就好滑，不過要小心仍然有少少骨，味道唔會太濃睇落去好似好辣，食落去還可以，只係比較多骨，如果用黎送啤酒就好了食左成晚炸野，要飲返個湯滋潤一下食完飯唔少得梗係要食返個甜品， 個甜品應該係即刻整既， 拎上手仲有餘溫，食落去會辣咀總體黎講呢到都唔錯，不過下次要早D黎食

教育局宣佈學校停課几天！細路唔返學，家長好頭痕！返工已經疲於奔命，放工後更加唔想煮！今晚外出晚餐！大約７時來到這商場，看到這家金公館快客滿。直覺：平日晚上仍有那麼多客人光顧，應該有一定水準。再細閱店門餐牌，款式ＯＫ，所以決定在此晚餐。　　一家三口於細枱就座，看到枱面有筷子托，覺得很開心。自家傳統思想：筷子托，子有所托。　　其實在店門等待之時，己相中＜招牌片皮鴨＞。散點半隻188元！而套餐盛惠338元！只是額外多了百五個大洋，就享有湯，涼粉小食，炒豬頸肉，青菜，白飯和甜品。心中那＜計到盡＞的性格：點套餐抵食尐！　烤北京填鴨　　填鴨，需要客人親自包起各配料，自己DIY。對細路來講＝有得食，有得玩！所以小米喜歡北京填鴨。　薄身烤鴨皮己刮去油脂，只得薄薄的一片鴨皮，是減肥恩物。配大蔥，青瓜，麵醬，冰梅醬，一流！　　最特別是這叠饃饃皮很有心思！　每層有紙相隔，保証饃饃皮不粘結。　大蔥和青瓜長度較短，方便把各材料包成小卷，變成一口填鴨。客人可一口即食，無需咬斷，食烤鴨保証有儀態。可是小米食片皮鴨經驗不足，手勢不純熟，唯有把一堆食材連同饃皮放入口中。原來烤鴨皮下還有多件鴨肉，可沾冰梅醬，變成一鴨二食

知道屋企附近開咗金公館當然要帶屋企人去食，環境舒適座位闊落。食物選擇有好多，價錢亦合理，午市仲有點心 。北京填鴨一定要食，我哋一家三口點咗半隻， 皮脆肉厚， 配埋薄餅、配料，再沾上醬汁，正。另外一定要食酸菜魚，暫時是我食過最好食的。用咗肉厚肉潤的桂花魚， 湯料非常豐富，有粉皮、萵筍等， 香辣又惹味，用嚟送飯一流。鹹蛋黃蝦非常邪惡，大大隻蝦新鮮彈牙， 外面沾滿鹹蛋黃，非常惹味。當然要點個炒菜中和下，炒菜心都幾大碟最後一人一碗椰汁西米露， 非常滿足。

今日同朋友黎到調景嶺彩明商場飲茶都幾多人下 不過唔使等位👍🏻午市食物比一般酒樓更加多樣化碗碟靚得黎 仲要好乾淨茶壺入面仲要有茶包 包住d茶葉飲茶趕時就唔會飲埋啲茶葉落肚見到menu第一時間就比酸菜魚吸引到所以嗌咗個小辣嚟試吓酸菜魚 (小辣） $82🐠比起出面食酸菜魚平一半但係質素一啲都唔差魚嘅肉質非常嫩滑成個酸菜魚嘅配料都好豐富有萵筍、酸菜、辣椒、胡椒、姜同寬粉兩個人食都覺得好大碟好抵食蘿蔔千絲酥 $25外層酥皮好薄入面嘅蘿蔔好多食得出係新鮮出爐係我人生中食過最好食嘅蘿蔔千絲酥北方蔥油餅 $32同平時食開嘅蔥油餅唔同佢個皮係好似炸饅頭咁包住中間好香嘅蔥油食一啖都覺得好滿足煎釀茄子 $25味道Ok 幾大舊總括而言，咁嘅價錢有咁嘅質素真係非常之抵食大家一定要記得黎食下啦

生日諗住同屋企人出去食飯就選擇咗新開嘅京菜？🥳味道都尚可 但態度需改善🤷🏻‍♀️首先因爲新開張有許多人都想試試新菜 由取飛到入去坐低 大概等候了個半鐘 尚算可以理解😊😊但由於許多人取飛後離開 叫號時有些混亂入去坐底後點咗北京填鴨半隻🦆🦆🦆 。酸菜魚🐟🐟🐟。四川擔擔麵🍜🍜🍜。宮保雞丁🐔🐔🐔味道幾嘢味😋。份量中等。三人食都足夠了👌🏻人手有啲不足同其中一個經理態度差之外。值得一嘗😴