渝酸辣粉

营业中

休息中

早前見到有網頁介紹銅鑼灣幾間出名有酸辣粉的餐廳，今日中午時間決定一試見鄰座的顧客點了口水雞酸辣粉套餐，賣相幾靚，好快決定好要跟！辣度方面，可以選少少辣、少辣等等。今次我選了少辣，初頭唔覺好辣，但愈食愈辣好過癮。湯底夠酸，材料也相當豐富，好適合喜歡芫茜的我，不錯的呢。口水雞的份量也充足，不會太喊。個人覺得有點少缺陷就是太肥，我是不吃雞皮的如果喜歡食肥美的雞皮的人就一定會好滿足。豆漿也不錯，不會太甜又夠大杯！也叫了奶茶，質素都幾好。餐牌上，一個餐大約80元，如果可以平返少少就好了。有機會都會再來！

係銅鑼灣行街如果諗唔到食乜野就會過來渝酸辣粉，因為這裡有我最愛嘅嗆炒土豆絲。通常會同老公兩個人來，各人叫一個面/酸辣粉，一個土豆絲，再加一個肉菜，夠食。這次我們兩個都選了酸辣粉，因為懷孕嘅關係，我選了小小辣，所以酸味會比較突出，平時選小辣。酸味和辣味就會比較平均。比選嘅土豆絲一如既往的出眾，土豆絲夠細，夠爽，加了花椒所以會有小小麻，食嘅時候要儘量挑走花椒。毛血旺因為豬紅賣完，便多加了其他配料給我們，都OK，雖然叫了小辣，還是比較偏辣。青瓜不夠入味，相比之下，鱔魚麵裡面的青瓜就入味好多，推薦一試。

一直都好中意食酸辣粉的我，有一次睇雜誌的時候冇意中話呢間酸辣粉好好食，於是今日lunch特地同朋友一齊試下。我地大槪中午一點左右到餐廳，已經有2位客人排隊等緊，但係等左10分鐘左右就有位了!我們2人被安排坐4人枱，需要搭枱，不過冇咩所謂啦!我們點了2個套餐，而我就點了招牌套餐，招牌套餐包括有口水雞、涼拌木耳、涼拌青瓜、涼拌蟲草花豬皮、酸辣粉、甜品及飲品!招牌套餐-涼拌木耳、涼拌青瓜及涼拌蟲草花豬皮，涼拌木耳沒有辣味，偏咸。涼拌蟲草花豬耳，有少少麻辣，豬耳爽口!涼拌青瓜麻辣味適中，青瓜爽口清甜多汁!招牌套餐-口水雞，口水雞微辣，面果D唔夠味，食到底果D辣度較出!雞肉嫩滑，唔算好大碟!招牌套餐-酸辣粉小辣，酸辣粉酸味較辣味出，配料肉碎、炸菜、花生不算很多，小辣唔算好辣，麻辣味起初不算好出，食食下先覺得麻。薯粉煙韌。一碗的份量不算很多，這裡酸辣粉的好處是食完唔會好口渴!豆漿，豆味濃!用黎解辣亦不錯。套餐甜品為桂花冰粉，桂花糖水的味道非常夠，配上冰粉一齊食不但可以解辣，而且很冰凍!總括黎講，食物價錢偏貴而且小份，酸辣粉不是想像中咁好食，如果要食飽可能呢間餐廳不會是首選。

酸辣粉 HKD$37(本來應該有芫荽、葱，可以我去掉了)紅薯粉韌度剛好，比較幼身，味道還可以，湯底不是很酸，也沒有很辣(我要的是普通辣度，老闆說已經算中辣了，但更原汁原味)，可是我必需說，它很嗆！就是吃一口，覺得不怎麼辣，那後勁卻會嗆得不停咳嗽😂，應該是太刺激到喉嚨，吃到後來已經習慣了，只是有點太鹹。.瀂水拼盤 HKD$14X (忘記了😛)兩人分吃剛好，味道不錯，只是有一點鹹。

其實本身唔係特別食得好辣, 但特別喜歡食麻椒味, 剛巧麻椒癮起黎到cwb, 一於試試mark了好久的渝酸辣粉!平日夜晚7點零鐘去到, 剛好取了最後一張2人枱, 地方比較細, 不過幾有中國風味, 而且重點係, 成間店都有果陣麻味今日唔係好肚餓, 只係叫左3樣野, 加一碗白飯。口水雞小辣(例牌)/$73:份量都ok, 舖左2層雞肉, 睇落去都唔係油淋淋既感覺, 而花椒油味好重, 好正, 雞肉亦都好滑, 小辣對我黎講岩岩好, 有麻辣感覺但又唔會辣到食唔到, 正呀!涼拌素食3拼/$62:有木耳, 茄子, 同青瓜,  木耳比較似貓耳朵, 唔辣既好開胃, 而另外2款都帶有少少辣, 3種都係涼拌菜但其實3款都唔同味, 味道做得幾好, 只係茄子比較油~酸辣粉小辣/$37: 等左好耐先上枱, 面層辣油唔多, 但有超多芫茜, 好正, 湯底好夠酸, 味道好正宗, 薯粉煮得剛剛好, 好q彈, 呢個湯算做得好好, 唔多油之餘又好夠酸辣, 大推!!3樣野飲加碗白飯, 埋單$190, 都幾抵食, 而且最欣賞既係做得對味之餘, 食物又唔會好似油浸咁

係openrice見到呢間酸辣粉好多好評，甚至有人講到係一生人食過之中最好食既酸辣粉咁就黎食下啦，去到現場都full咗要排隊，但等咗大約十五分鐘就入得，舖面唔太大，所以我諗午市/晚市正常時間黎應該都要排隊。入到去見到佢個menu都幾多野揀，好似好多都好好食咁，我地原本係門口係諗住每人嗌個一人餐再share食，但原來套餐剩係去到五點。我同朋友唔係太肚餓，所以都係一人叫咗一碗酸辣粉再加個例牌口水雞就算，朋友仲嗌咗杯豆漿，不過佢都會提供茶水既。個口水雞黎先，大約一碟有八至十舊，我地嗌咗小辣，唔係會辣岩岩好，但比起出面既口水雞fh咗一浸甜味，多咗浸黑椒/豆豉味，冇我想像咁好食，不過可能我冇食過正宗重慶，可能正宗既口水雞係咁（？個酸辣粉黎既時候睇落好細碗，望落都驚唔夠食，但食落都幾多下。不過佢冇咩湯，我地揀咗小辣，真係小辣，完全唔辣，食得辣既朋友可以試下嗌中辣，不過佢個酸辣粉個味我就覺得麻麻地，酸同辣都唔係好夠，可能卵本身鐘意食酸啦。我就覺得個酸辣粉冇人地講到咁好食，有啲失望。不過我見佢menu都有好多其他四川/重慶菜式，見隔離枱都食得幾滋味，下次可以再黎試其他野。

因為時常嘈住要食酸辣粉，所以同事話要帶我食心目中好味嘅酸辣粉。十二點九去到渝酸辣粉，正好坐埋最後一個空位。今次叫左口水雞酸辣粉套餐，$78加左10蚊飲青瓜豆漿。好濃青瓜味，回味帶點豆香，好fresh。我唔想食到太辣，叫少少辣試下先，湯底比我想像中清。莞茜睇上去有一定粉量但又冇莞茜味，有少許花生加非常少嘅榨菜做配料，湯頭只有少少酸味但麻勁強，薯粉屬於永遠咬不開系列，其實食左好多間都係咁，呢點我唔怪佢。口水雞有點驚喜，花椒味好香，唔係一味麻同辣，不過愈食愈鹹，食到底放落湯洗一洗都係鹹到入唔到口！呢個價錢我覺得可以更好，味道我更喜歡金百利個間酸辣粉！

辣!!我十分歡喜,但..不太能吃..少辣已非常滿足。四川的編編非常吸引。口水雞辣味好夠..野味.雞夠滑又不太辣.非常滿意。飲品:好好飲非常清新,jasmine tea入面有jelly.可能解辛辣,再飲多杯都可以.但是價錢貴了點.酸辣湯粉因為我不吃莞茜走了所有青蔥.看起來好悶,其實湯都夠味了.都非常滿意.最後我們還點了,拍青瓜.好味的.香到不得了.

呢一年間差不多每星期都來幫襯一次,今日終於的起心干上黎為佢開個帳戶寫番個食評.食物嘅味道及溫度次次都有少少唔同,唔知係咪知我地寫食評,今次樣樣都好啱口味=P因為比較細食,每次都係酸辣粉加半隻口水雞就夠.今晚我地叫左一個好少點嘅二人套餐:二人套餐嘅口水雞係例牌份量,肉質依舊嫩滑,今次溫度剛好(有時會暖左少少).口水雞唔係話好辣,而係微辣得黎好香,好岩我地口味.我好鐘意食面頭D花生.店家話係自己炒架喎!~自選拼盤方面我地揀左涼拌青瓜,青椒皮蛋,涼拌木耳. 原本係泡椒豬手,泡椒鳳爪二選一. 由於豬手賣晒我地又唔想食鳳爪,於是就俾我地喺第一項揀多樣.最鐘意係個皮蛋,辣辣地勁好味!!其他兩款就無咩特別每次黎都必點嘅中辣酸辣粉.呢道菜唔係次次都啱口味.D粉有時會偏硬,辣同麻嘅程度都會有出入.今次係比一般偏林,林D易咬D就啱晒我,但男朋友就鐘意煙韌D~好值得讚嘅係今晚D麻嘅感覺好正!店家話麻嘅程度係受花椒粉嘅新舊而有所影響,我諗因為咁所以次次嘅麻都唔同啦.擔擔面中辣係近呢幾次先有叫,個面上枱要即刻撈,唔係就硬左一舊咁好難撈.擔擔面麻辣程度仲勁過酸辣粉,係就係好過癮但要抵得渴.因為乾面嘅關係,D調味撈

已經係第二次黎食喇，上次食完之後回味無窮所以今日安排出黎再食;)首先當然要口水雞，其實我們是為了它而再來，但可惜的是今次是雞的背和胸部分，加上肉過凍，好鞋，無上次黎食咁滑，有點失望。但呢個啲汁真係好香好惹味，挽回些分數啦。******************************第二樣ENCORE 既就係擔擔麵，第一次來食時見到佢係撈既時候係驚訝同失望，咁乾以為唔好食啦，但食左一啖之後完全改觀，睇野真係唔可以只看表面所以今次都係必叫的!碗底有D擔擔汁，有D花生粒，撈起來真係好香，微辣，麵質不會太稔有咬口，GOOD!******************************今次新嘗試既係酸辣粉&夫妻肺片夫妻肺片(小辣)，比起想像中大碟，每塊切得薄薄的好大塊，鹵得入味，夠稔，雖然叫了小辣，而我倆都算是吃得辣之人，竟然愈食愈辣，麻到咀唇無曬感覺不過好過癮，食到流曬鼻水都要繼續食******************************酸辣粉，我鍾意這裡的味道，不過覺得可以再酸再辣些會更好!!

秘書同事知我嚐辣, 所以介紹我去位於耀華街的渝食酸辣粉.記得我第一次食酸辣粉, 是很多年前跟朋友上深圳整GEL甲時, 佢帶我去食的, 食過後就愛上.其實之前已知道這裡開了間店有得食酸辣粉, 但係因為ADMIN妹妹不怎吃辣, 所以一直都無諗住要佢同我去不過秘書同事話到好似好OK, 而且又有唔辣的食物, 所以我都係忍唔住叫左ADMIN妹妹今日同我去我唔洗講, 當然要揀酸辣粉, 所以叫了口水雞跟酸辣粉餐 (HK$50);而ADMIN妹妹就叫了個唔辣既餐, 四川滷水配雞絲奶湯麵, (滷水就揀了牛展) (HK$52+2"凍飲")<<評語>>口水雞: 幾好味, 雞本身的肉質唔錯, 味道再香一點更好酸辣粉: 好好味, 酸同辣的比例很好, 唔會話因為太酸或太辣而搶了對方的味道, 粉煮得好透, 好煙韌, 花生份量好夠, 加上少許的炸菜提上這個味道滷水牛展: 看上去顏色好夠, 但食落無味道, 而且切得很薄且偏乾,變到無咩咬感雞絲奶湯麵 : 由於是奶湯底, 所以味道偏淡<<總結>>食辣的菜色會比較有信心, 唔辣的食物應該不是此店的強項價錢偏高了

又是想吃辣的一天, 在銅鑼灣有事要做, 趁機來了這家最近很有好評的酸辣粉店。門面不算起眼但也不算難找, 店裡的陳設是現代風的鄉土風情 (真矛盾!)。店內各式人等都有, 情侶又有, 柴娃娃小女生又有, 連地道川妹子和外地遊客都是座上客。我貪心, 想一次試多點東西, 它的招牌套餐賣 $68 已有涼菜、口水雞、酸辣粉和甜品, 但我真的吃不下那麼多啊。也有其他套餐供應的, 最後選了輕巧一點的 素菜併盆配重慶酸辣粉套餐 ($42), 包飲品, 要了豆漿。素菜併盆有涼拌青瓜、涼拌茄子和涼拌木耳。三款的口味都大不相同, 青瓜用的是口水(雞)汁, 麻味最強, 青瓜類似手拍黃瓜, 很爽脆; 茄子就用上麻辣繙, 醬汁較鹹和辣, 茄子本身保留原味, 清甜得度; 而木耳就只加了芫茜, 清爽解辣。酸辣粉是幾大碗的, 簡單的只加了芫茜和花生, 酸味比辣味強, 我卻覺得麻香強一點較合口味。紅薯粉幾粗身, 可是有點韌, 結果吃不完。另一個原因呢, 咳咳, 當然是想點這裡的四川風味創意甜品! 其中較有特色的是桂花冰粉, 是用木瓜籽造的甜品, 以前在別的地方吃過了, 雖然是比較貴, 還是要此店獨有的麻麻地奶凍吧! 麻麻地

昨天下午大約五點去到, 無其他客人! 因為唔係晚飯時間, 員工正在食飯, 但見我入去, 好快就出黎招呼我! 店舖主要係木枱,木椅, 雖然只有大約廿個位, 但唔算迫, 都坐得幾舒服! 我叫左一個口水雞, 酸辣粉加飲品餐, hk$50 ! 口水雞好入味, 雞好滑, 個川辣汁超好味, 好香! 酸辣粉嘅粉好滑, 好煙un! 但係個Iced Lemon Tea 就唔得, 無茶味, 不過佢地唔係做飲水, 所以可以接受啦!

有睇我食評都知我近期愛上了吃酸辣粉，上次介紹完旺角傷心，星期日在銅鑼灣遊盪又俾我發現這間「渝」。個名就夠哂型，不知當中有何含意﹔店子細細呈長方形的，裝修以木為主帶點中國味，位與位之間也算闊落不迫狹。門口仲有對外藉夫婦在吃酸辣粉，見佢地一路食一路影，相當投入過癮。午飯時間有餐供應，成日都未食野梗係食大佢，同食家一人點一個餐。我要了一個三色素菜拼盤配酸辣粉，食家想試試這兒的口水雞，也配了個酸辣粉做餐。見落單時姐姐無問我地要幾辣，我地就多口問o下，姐姐說如客人沒有特別要求的話，佢地會安排為中辣，唔吃得辣又勇於挑戰自己著MoFork的我諗住本死無大害，中辣就中辣啦﹗先來我的三色拼盤，是拍青瓜、涼拌木耳及茄子。拍青瓜爽脆、蒜味濃，有麻油香鹹甜適中。拍青瓜我一向愛吃，經常也說香港的拍青瓜不及內地吃到的入味，呢間「渝」的出品是最接近我要求的味道了。木耳凍食我都係第一次，入口軟腍爽脆，咬下口中鏗鏘有聲，質感煙韌，口感有點像牛柏葉，挺有趣的﹗茄子是幼身細條的，切得一件件，味道帶辛辣卻多汁，咬落軟熟陣陣茄子甜香，這個三色拼盤每樣也很好。食家的口水雞就偏細碟，扣去雞皮後雞肉得三幾件，汁底辣中有甜，雞肉尚算嫩