粵來順 (已結業)

今日約咗阿辣妹撐枱腳，本來諗住近近地去呢間附近食陳村粉，不過喺OpenRice搵搵吓無心插柳搵到佢。Book咗六點半，去到只有兩台客，之後先至再發現原來佢係米芝蓮推介。喺OpenRice睇啲相已經幾吸引，菜式都比較特別，所以睇完個Menu之後好多嘢都想試，不過只得兩個人所以只能叫心水精選。阿辣妹鍾意食粉絲，本來帶咗個粉絲什菜煲，點知落左單先見到依張相，所以即刻改，絕對一個靚改，菜式特別，粉絲撈左魚面，味道唔錯，份量重好多，啱晒佢口味。呢碟骨都係第一次食咁嘅口味，之前一路都係叫欖角骨或者蜜汁欖角骨，今次加咗梅子酸酸地好開胃，個人口味會希望佢可以在炸得香口啲，不過依家肉汁非常，叉燒妹一定啱。墨魚拼紅腸，唔係個人最喜歡，不過好鍾意佢薦底嘅豆腐，只覺得紅腸偏鹹，墨魚正常。最後當然要叫個避風塘雞翼送啤酒。雞翼算係中等大細，在於巴西雞翼同美國雞翼之間，辣妹最後攞咗面頭嘅蒜粒去撈粉絲食，一絕！總括嚟講係一間己有驚喜嘅米之蓮，絕對會翻桌encore，下次要試埋佢嘅炸芝士，豬肺湯，等等。

好朋友生日，特別要求要吃中菜，尋尋覓覓之下找到這一家評價甚好又在市區的餐廳。一行十幾人，可以多點幾款不同的菜色，吃中菜正合心意！原來這一家餐廳的總廚是之前烹飪比賽節目《大廚出馬》的終極四強之一譚嘉輝師傅，顧問就是該比賽的總冠軍東來順名廚陳國強，難怪菜色水準甚高！聖子皇 ($25/隻)聖子十分大隻，厚肉，配上蒜蓉粉絲蒸真的是最佳配搭，力推！蜂蜜豉油皇雞 ($208/隻)雞不算大隻，中型而且肥瘦適中，肉質頗滑，比很多大酒樓好很多。羔蟹糯米飯 ($608)糯米飯超級好吃！雖然是蒸的但不會太黏，而且十分入味！價錢有點貴不過多人分擔所以可以接受，夠budget的人士務必要試！魚香茄子煲 ($88)好吃！不過很多小菜館做這一道菜都不會差，所以不算特別。咸魚雞粒豆腐煲 ($78)普通小菜，味道不錯，豆腐嫩滑。蘇梅西檸雞 ($78)沒有嚐出蘇梅醬的味道，跟平時的西檸雞味道差不多，味道不錯。五柳斑塊 ($88)我覺得比較像咕嚕斑塊，不太像五柳醬的味道，不過味道不錯。千絲芝心球 ($98)我覺得千絲比芝心球好吃，芝心球跟平時火鍋的芝士丸分別不大，但比較流心，最有驚喜是千絲，炸得脆卜卜，條條分明，只吃千絲也

依家做新聞也好，做Blogger都好，寫嘢一定要夠爆夠Juicy，才能引起讀者注意。做飲食亦然，但怎樣的食店才夠Juicy呢? 第一，菜式要麻甩，口味要幾重得幾重；第二，環境要「引人入性」，最好隣近時鐘酒店。這晚去吃飯的旺角粵來順，就符合以上兩個條件了，附近有聞名的地標式時鐘酒店外，隔離是馬會投注站，對面是某酒店集團旗下的Boutique Hotel，確實可以有好多想像空間的。但是，這晚飯局是全男班，好麻甩呀，唔通要我跟佢地去開房? Oh no! 太過份Juicy了，我接受唔到，還是乖乖地吃飯吧!粵來順亦並非一般的街坊小店，大廚譚師傅上過電視，得過奬，而這店又跟東來順有些關係，聽落又真的幾誘人!先來半隻豉油雞$98，以為平平無奇，一吃便知龍與鳳，豉油調得非常香甜濃豔，皮滑而肉質尚算嫩滑，雖然未至於是一等一靚雞，但功夫搭夠。杏汁燉白肺$208，一片奶白的湯，滑滑脫脫似豬膏咁滑，杏仁味好香甜，如果再重一點甜一點，就更好。話梅豬手$98，這道菜是在場的豪哥指定必試的，話梅酸甜而不會搶去醬油的鮮味，兩者調得很恰當，豬手好滑而保持爽口。黑椒脆豬肶$128， 繼續重口味，豬肶原隻炸好後上枱，先切開

當大廚的工作壓力非常大，因此大廚師喜歡於下班後相約同業找間酒家宵夜聯誼，一來大家吹吹水，減減壓，二來可以以顧客身份看看別人出品菜式，賣相，味道和份量，他山之石可以攻錯，實在比去竹戰有益有建設性。最近好友得知一間大廚經常去宵夜的店子，廚師都去得的，怎也不會差得怎樣！遂相約吃一餐看看如何？店子在登打士街，在投注站旁，很不容易才找到，地方不大，裝飾簡潔，相信做街坊生意多。先試 豉油雞半隻，雞皮很薄，豉油味調得不錯，肉質很嫩滑。沙薑雞腳，頗大隻，炆得很腍，骨骼一吮即散開，本身已夠味，點不點沙薑醬也可。知道這裏的杏汁燉白肺做得不錯，也點了一盅，湯味有極濃杏仁味，湯色奶白，極好味，湯渣一大碟，有豬肉，馬蹄，豬肺等，豬肺洗得乾淨，人人都在「搜尋」，因實在好吃。話梅豬手，顏色烏潤，豬皮炆得剛好，仍帶點嚼勁，口感殊佳，豬手肉與骨也很易分開，話梅汁甘甜，用來炆豬手很合適，又可解膩。金勾銀柳，以粉絲，肉末，魚麵，蝦米，江瑤柱碎等炒成，粉絲吸索了其他材料的精華，很好味惹味。千絲芝心球，先以芝士釀入蝦膠，外面綑上很幼的麵線，炸至金黃。入口先是一碰即斷的脆麵條，再咬開蝦膠是爆出的芝士漿，三者混合，味道很夾。櫻花蝦

一篇又一篇的報道!見到美食,垂涎三尺!老朋友一起開餐就來到粤來順先食個金勾銀柳！超讚！粉絲香口又乾身!蝦米蝦籽配搭一流！話明家常便飯點可以無最美味嘅咕嚕肉！脆身香口味道酸甜開胃！老友們3分鐘內掃清拼盤+冰凍啤酒！好好味！環境老香港風情！吊扇，紙皮石牆都見有心思的香港情懷!定必再來！香港人的家常食堂

年末的時候，一家六口子去了粵來順吃團年飯，不是「弟弟」建議，也沒發現旺角油麻地交界處的粵來順。很少的店子，記得要先預訂才來，否則應該都要花點時間等位。老人家喜歡吃中菜，粵來順的菜色正合幾代人的心意—潮粵fusion每樣都有! 懶得用腦的AW，還是「看圖識字」好，大廚推介的餐牌有齊王牌小菜，一口氣點了：千絲芝心球—流心芝士，完全知我心；金勾銀柳— 蝦籽跟粉絲的配搭，一般啦；金沙桶蠔— 蠔是AW最愛，雖然蠔的SIZE不算很大，但醃料味道不錯；還點了豬潤+菜，可惜當晚沒有花甲，所以加了鹵水拼盆和炒雞丁。餸菜味道整體一般，個別FUSION菜較有特色，但上菜碟頭份量偏少，男生們要多點幾道菜囉。菜名很長，沒有一一記下，識食的香港人，你懂的! 餐廳很少，只有數張六人枱，不太適合團體聚會 鹵水拼盆，賣相不錯~ AW最愛，一舊舊炸彈似的物體— 蠔，哈哈，似乎跟菜名有點出入 金沙桶蠔 $168-HKD 千絲芝心球 $88-HKD，菜如其名，芝心球在那?? 流心芝士，配上香脆的外皮，口感一流! 金勾銀柳 $88-HKD，無記電視節目上有亮過相~ 不過AW覺得一般般... 豬潤+白菜~ 家常小菜 小碟

2011年中，TVB製作的大廚出馬節目頗有睇頭，愛好美食者皆觀賞至津津有味，亦替一眾参賽大廚提高知名度，不失為對行業的表揚。當年冠軍陳百強師傅一直任職酒店，主理東來順，但去年已經離任，上月見雜誌報導，當了粵來順的顧問，而主理的譚嘉煇大廚亦參加過這比賽，因為對陳師傅有信心，因此二人走來看看環境，好讓下月搞局前有個概念。位於登打士街的粵來順位置遠離旺區，從油麻地地鐵站走過去也許要十分鐘，要一直走向西九龍走廊方向。位於街之一角，也許租金比較便宜，兩舖相連，也許對客量有信心。粵菜風格，玻璃廚窗有燒味外賣。話說老香港風情，裝潢像六七十年代的酒樓，亦有點兒像茶餐室，吊扇鐵窗花，紙皮石牆，卡位雲石方桌，中央圖桌。中式餐具，雅緻企理，想不到又如此講究。過膠餐牌，分類清晰。小吃$48起，小菜$68至最貴的古法羊肉$298。當然有更能取價的海鮮項目，名碼實價，相當公道。二人飯局，只能嚐三道菜，就選了蜂蜜鼓油皇雞半只（＄88）及兩道大廚金牌菜；金勾銀柳（＄88）及醬爆黑豚肉（＄88）。 蜂蜜鼓油雞如預料中，鼓油雞先到，因為是滷味早已煑好，也許就是放在大門旁廚窗內那些，師傅只需斬件便可上菜，因此下單不到片

幾位長老, 以媽咪把口最醃尖, 出街食飯, 又要抵食(怕我地花費), 又要好味, 些少口渴, 就話有味精, 即時列入黑名單. 我估媽媽今晚都頗滿意, 食完只係投訴份量只夠一人一件, 佢最欣賞個黃金桶蠔想食多件都唔得, 但同時又計劃下次食咩, 要encore再嚟; 至於玊帝爸爸就鍾意黑椒豬肶煲, 送酒一流;壽星仔就LIKE爆個鴛鴦雞，好彩在活雞停售前, 一下子試到2款口味; 老爺原來第一次食黑松露, 配上佢至愛豆腐，尋到新味道，笑到見牙唔見眼; 老外妹夫，樣樣very 骨、骨、骨(very good)!似乎, 呢間懷舊菜館可以幫我一次過滿足屋企班大帝, 等我黎緊過節, 暫時不用為去邊度食傷腦筋!

粵菜，為中國八大菜系之一，亦稱廣東菜，其中包括廣府菜（廣州菜）、潮州菜（潮汕菜）、客家菜（東江菜）、順德菜（鳳城菜）。由於嶺南地區氣候炎熱潮濕，所以我哋廣東人飲湯水保身，通常熬上五六個鐘，所以稱為「老火湯」。今次有幸食到依間壞舊小店，真喺超級榮幸！原因喺依到嘅主廚曾經喺三色台嘅烹飪節目攞過冠軍嘅譚嘉輝師傅！而依到主打傳統粵菜！既然拋書包做咗資料收集，咁我哋幾個麻甩叫咗佢哋幾款主打出品！第一款主打的出品就喺粵菜中的最特色嘅老火湯：《生磨杏汁白肺湯》，聽負責人講師傅將豬肺洗乾淨好幾次，再熬上五六個鐘， 配上即磨新鮮杏仁煮成，滋潤又保肺！味道方面果然不同凡響，非常清甜， 配上濃郁的杏仁味道，正！ 但故事仲未完結，師傅送上部份湯渣及豉油，就算食湯渣都好有家庭 feel！第二樣主打喺菜式喺《咕嚕骨》！ 咕嚕骨雖然普通， 但越簡單嘅菜式，喺越難煮！而且可以直接測試到師傅嘅功力！依到嘅咕嚕骨最特別嘅地方喺粉醬好薄，而且甜酸汁嘅味道調配得啱啱好，不會太甜又不會過酸，總之非常惹味！ 簡直食慾大增！ 而咬落外脆內軟，簡直是雙重口感！第三款主打《千絲芝心球》！一條條嘅外皮賣相非常精緻用心，做法類似銀絲卷咁，