逸東軒

星期六同朋友嚟飲茶，預約好安排坐寧靜嘅corner位😊🔸燒味雙輝．燒腩仔配叉燒🐷嚟逸東軒最喜歡就係食呢兩樣，燒腩仔皮脆肉嫩，叉燒夠腍又有焦香蜜糖味😋🔸金沙脆豆腐朋友喜歡食香口嘢，外層炸到金黃，入面豆腐保持嫩滑，加埋炸蒜好惹味。🔸蒜蓉鮮蝦春卷🥖🔸酥皮叉燒焗餐包🔸逸東小籠包點心中以上都好食或正常發揮，小籠包就非常一般。。。🔸芫荽牛肉腸粉🔸香荽牛肉球茶芥$28位，食物質素唔錯，地方坐得舒服😊🌸題外話：‼️建議預約‼️之後再同屋企人walk in嚟，準時10點正餐廳開門到達，店員要求我哋響門口等15分鐘後先可以入去，仲話15分鐘後就一定有枱。餐廳當時空無一人，既然一定有枱，點解要客人企響門口等15分鐘先可以入？難度呢15分鐘內會突然全場坐滿客人，所以唔會有位俾我哋？🤔 餐廳除咗食物質素，服務質素同樣重要，都嚟過咁多次，但服務總是令人失望，食物係米芝蓮質素，服務就有所保留喇，睇怕今次係最後一次嚟逸東軒了🙁🐾貓奴足跡🐾🌐逸東軒 (佐敦)📍佐敦彌敦道380號香港逸東酒店B2樓

窩夫早前第一次光顧久仰大名的「逸東軒」，餐廳位於香港逸東酒店地庫，電梯入口設於北海街。逸東軒自2017年起榮獲米芝蓮一星榮譽。窩夫喜歡桌與桌之間的距離夠遠。逸東軒平日午市的食客也很多，記得要預早訂位，窩夫當日的入座時間為下午12時45分，另外兩個時段分別為上午11時和下午2時30分。逸東軒的午市點心優惠只限星期一至五(公眾假期除外)，38元的點心最吸引，竟然有蝦餃燒賣。對筍尖鮮蝦餃($38)有點失望，最少有兩隻的皮都穿了。帶子蒸燒賣($38)比平日吃的燒賣多了帶子的鮮味，味道更豐富。叉燒芝麻黃橋燒餅($48)充滿芝麻的香味。春風得意脆皮腸粉($68)比預期細條，春卷皮不夠脆，影響口感。以「逸東」冠名的小籠包($48)，水準應該有保證吧，果然沒有叫人失望，皮夠薄，裡面灌滿湯，值得一試。金沙脆豆腐($68)的表面炸得香脆，入面的豆腐超級嫩滑。

逸東軒貴為米芝蓮一星已經係我to-eat list好耐🤩最近有優惠, 平日午市點心$38起(正價$58起)就即刻book位😎啲點心每款都好滿意🥹一食完已經想再黎試埋其他，精緻得黎仲有唔少特色點心，唯一可惜係有90分鐘限制，上菜速度快可以食得切，但想慢慢嘆就有啲趕啦👍杏香蘿蔔絲卷 $38平時食開蘿蔔絲酥餅，依個片狀造型第一次見幾驚喜😂蘿蔔味道清甜，加埋葱仲香，好鐘意啲蘿蔔絲有一定粗度夠哂咬口💯逸東小龍包 $48不愧係招牌!!!✅皮薄✅多汁✅肉餡正，全部都好掂，特別鐘意佢個餡唔係死落肥肉，啲餡都仲係咬落好鬆，湯汁好好飲一滴都唔想哂🤩👍春風得意腸粉 $58腸粉好滑夠薄身(透哂入面啲餡!!)，仲有米漿嘅香味，包住類似春卷嘅脆脆同蝦，咁嘅配搭冇可能唔好食🥰💯金沙脆豆腐 $58超好食😭😭點知會有咁好食嘅野😭外層係超薄嘅炸粉，炸得好靚仔，夾起覺得好似硬硬地，點知食落一咬就脆，食到熱辣辣好幼滑嘅豆腐，啲鹹蛋黃碎仲好惹味清哂見碟底😂👍蒜蓉鮮蝦春卷 $38 春卷有8大舊炸到漲卜卜，個皮好鬆脆，入面塞滿哂蝦肉，有埋蒜蓉味超好食💯瑤柱海皇灌湯餃(1個) $78一定要留肚食!!!依個真係今次食嘅top 1🌟成盅

book到頭輪時間，11點開門，用餐時間90分鐘，12點就last order，12:10pm叫你埋單。先不論成個過程好趕，食物的質素亦令我好失望。米芝蓮的中菜食府，呢個價錢當然吸引唔少人，的確係好相宜。⚂XO醬煎腸粉⚂點心唔夠熱係死罪，似乎係輕輕喺煎pan翻熱便上碟，XO醬味亦欠奉。⚂金沙脆豆腐⚂都係唔熱的，但內裡的豆腐至少好軟滑，但調味好淡，講不上惹味。⚂筍尖鮮蝦餃⚂最熱係呢籠，皮好薄，蝦亦爽彈。⚂帶子蒸燒賣⚂好普通，豬肉好實，亦唔夠味。⚂原個馬拉糕⚂鬆鬆鬆，鬆到就黎唔成形，少少咬口都冇，好似蒸左好多年咁。⚂蜂巢海鮮芋角⚂找不到海鮮...芋泥味好淡，雖然細粒，但好油。⚂春風得意脆皮腸粉⚂呢個比較有趣的組合，裡面包住春卷，都幾好食。但叫左呢碟就唔洗叫春卷。⚂招牌叉燒腸粉⚂最正常發揮，但皮係偏厚。⚂海鮮鹹水角⚂出面一般屋邨酒樓都做到的質素，但起碼夠熱。

逸東軒✨連續五年榮獲米芝蓮一星！中菜廳自疫情就推岀左星級點心優惠及晚市七折優惠~ 當然要把握機會品嚐下米芝蓮一星！星期一至五午市，十五款巧手點心一律$38！中菜廳裝潢雅致，寛敞舒適，枱同枱之間有一定距離，坐得幾舒服，服務仲好好添。餐廳午市分左1100 1245 1430三個時段，限時90分鐘。真係估唔到平日都咁full！1245就最快爆滿，建議大家預早幾日book位~⁣⠀🍵茶芥 $28/位茶葉都幾多款可以揀~ 鐵觀音生津回甘，不過龍丼就無平時飲開嘅咁好飲▪️脆皮流沙酥 $38一咬開超流心，流沙內餡超濃蛋黃味！美中不足係酥皮唔夠香脆。▪️春風得意脆皮腸粉 $48每次飲茶必點！腸粉皮滑溜，中間嘅油炸鬼（定春卷?!）超脆唔油膩，仲有大大粒蝦肉！口感層次豐富~▪️逸東小籠包 $48小籠包熱辣辣，用上匙羹盛戴，咁就唔怕夾穿流走晒啲肉汁~ 小籠包外皮厚薄適中，尖端位唔會太厚。湯汁滿滿帶肉嘅鮮甜，肉餡調味恰到好處，肉質偏軟腍。爹哋媽咪就表示好啱口味好鍾意！▪️帶子蒸燒賣 $38燒賣足料，除左豬肉餡之外，有大大粒彈牙蝦肉，蝦味幾突岀，不過就唔算特別鮮甜。面頭嘅帶子感覺上毫無昇華嘅作用，質地亦唔算太嫩滑。嗯，正

逸東軒又出點心優惠 點心類一律$38❗️但只有星期一至五先有 點心好似冇上次咁好食 但質素依然是中上酒店級服務又坐得舒服 都仲係好抵食 不容錯過帶子燒賣 大大粒帶子夠哂足料臘味糯米包 係非常傳統的蒸點 而家甚少見到薄薄的包皮包著糯米飯 裡面夾雜著鹹香臘味臘味較少所以味道唔出 但糯米飯口感剛好軟糯難得食到的糯米包 都算滿意今次的酥皮叉燒包就非常失色了上枱凍冰冰 個墨西哥酥皮又唔脆芋角做得出色 好香脆 裡面芋頭同肉比列剛好外脆內綿又熱辣辣 仲要有4件😍茶樹菇腐皮卷 菇味勁出好香 腐皮可以更脆但勝在唔油膩最抵食莫過於小食類 (各$48)XO醬蘿蔔糕 雖然欠了點色澤 但食落好惹味薄薄粉漿輕輕炸過特別脆口炸豆腐金磚 好大碟 脆漿薄但略嫌有點淡味可以加重一點調味

逸東軒做咗午市優惠價點心一段時間，而家已經無咁難book，所以特登平日請一日假去食優惠價點心款式都算多，點咗以下呢幾款。飲茶必點蝦餃同燒賣，蝦餃皮晶凝通透，食落少少煙韌，雖然唔算大粒，但內餡蝦肉鮮味。呢度嘅燒賣係有帶子，帶子鮮甜，燒賣爽口，食得出有肥豬肉但份量適中唔會過份油膩。平時唔太鍾意食叉燒包，但逸東軒嘅叉燒好出名，見個個都必點呢個酥皮叉燒焗餐包，所以都試下。叉燒餡唔會太甜太重口味，酥皮口感同味道都好。蜂巢海鮮芋角炸至金黃色，夠乾身唔會好油。食落酥脆好好味一向好鍾意食炸豆腐，次次飲茶都必點。呢度嘅金沙脆豆腐炸得夠乾身唔油膩，而且慢慢食擺耐咗都keep住咁脆既然叉燒係招牌菜，腸粉就揀咗叉燒腸。腸粉睇落都知好味，皮非常薄，食落滑溜有米香。春風得意脆皮腸粉係蒸腸粉包住炸春卷，腸粉有少少蔥花，炸春卷就算包咗入腸粉仍然保持脆身燕窩瑤柱海皇灌湯餃都幾足料，有兩隻蝦，湯底清甜鮮味。但灌湯餃皮唔夠薄，摺紋唔夠靚，餃皮咬落唔煙韌。蔥油餅一上枱以為嚟錯咗。表面佈滿芝麻嘅蔥油餅皮食落香口，韮菜蔥餡好味但比較油膩。原個馬拉糕呈淡黃色，用筷子夾起就覺得軟熟，食薄鬆軟富蛋香，而且唔黏牙。總括嚟講點心質素高，環

良心企業逸東酒店嘅中菜廳有米芝蓮一星⭐️我對佢好大期望，結果就有少許失望😆大部分點心都唔係好差但唔算特別好食🧐最推薦黃橋燒餅🍘入面有豬肉、冬菇、蔥，煙韌好味道金沙脆豆腐做得幾出色！脆皮夠薄，豆腐夠滑🤩至於筍尖鮮蝦餃、帶子蒸燒賣都幾大粒，蝦餃皮幾好食但啲蝦就唔算好新鮮🤨燒賣好足料，賣相吸引不過舊帶子好韌，扣了分🙈逸東小籠包啲皮過厚😫招牌叉燒腸粉 - 叫咗多有豬肉嘅點心😂結論係佢啲豬肉食得出係靚料！鳳凰珍珠雞 - 平時較少見嘅傳統點心～香芒糯米卷 - 正正常常😛話雖如此，我都覺得可以encore嘅😛因為啲茶幾香濃！午市做緊special menu都唔算好貴，而且抗疫措施都做得唔錯，餐檯隔得好開，坐得好舒服👍🏻

我同老公結婚後訂了這間點心，之前去過了無數次，喜歡這邊的環境、服務及食物質素，當然也是有良知的餐廳好大好寬廣的位置，我們今次被安排坐在房中，感覺一樣好，好舒適又休閑的感覺茶的質素好有保證，點了鐵觀音，好清香去油，茶葉質素好，唔好苦澀我們必點的金沙脆豆腐，熱辣辣又外脆內滑，豆腐好滑溜，加上一粒粒炸香蒜粒，老公必點逸東小籠包是我們第一次食，好精緻！一籠4粒，包中的湯汁多而香，皮薄肉香嫩，配上香醋薑絲老公最愛入味爽口的薑蔥牛柏葉、我喜歡的多菜皮薄的瑤柱菜苗餃老公話食過最好的大大粒爽口蝦餃，皮薄煙韌又摺得好靚；叉燒腸粉都好食，話哂叉燒是這裡出名的，豉油是自行加的帶子蒸燒賣是出名又必點的，帶子好大粒，燒賣蝦爽又脹卜卜，我喜歡配上辣椒醬一齊食紅油抄手是用沙嗲醬，抄手幾多又足料，但醬汁咸了點一定會再去，大家都可以試試❤️

因為要清假.  所以決定嚟好多好評但平日限既逸東軒點心. 長話短說點心樣樣出色, 以樣樣38蚊嚟講真係超值. 只係人手有DD不足. 不過係而家既形勢嚟講都算可以接受. 最有印象係帶子賣, 蝦餃, 菜苗餃, 個皮做得好好, 餡料亦真材實料. 所以佢D腸粉都唔錯. 唯一可惜既係我得一個胃, 如果唔係我應該樣樣都想encore一次. 

想舒舒服服同屋企人飲茶, 逸東軒係一個唔錯嘅選擇.依度冇出面D酒樓咁嘈, 仲有純音樂聽下.唔好以為係酒店飲茶好貴呀, 佢而家做緊優惠, HK$38起就食到米芝蓮星級點心喇. HK$38嘅點心選擇over 20款.今次我同朋友叫咗6款點心, 全部都好好食.海鮮鹹水角 (HK$38)佢個皮係好酥脆, 入面嗰層就煙煙韌韌咁.完全唔會話有油膱味或者好油嘅感覺.D餡料味道啱啱好, 唔會太鹹.金沙脆豆腐 (HK$38)依個豆腐嘅外皮都係炸到好香脆嘅.個皮好薄, 入面嘅豆腐好滑.味道唔會好鹹, 但唔係好食到蛋黃味.帶子蒸燒賣 (HK$38)幾特別嘅配搭.燒賣裡面有蝦, 蝦肉好脆.豬肉同蝦嘅比例啱啱好, 食落唔會太過實的的.招牌叉燒腸粉 (HK$38)腸粉就唔算好特別.但入面嘅叉燒係好食嘅, 肉質偏瘦, 食落唔會覺得好肥膩.脆皮流沙酥 (HK$38)本來係想食脆皮流沙包, 但今次個menu冇, 所以就點咗呢個流沙酥.味道有驚喜喎.個外皮好酥化, 又唔會太厚.入面個奶黃真係有流心嫁.好好食.瑤柱帶子菜苗餃 (HK$38)依個菜苗餃味道就冇咩特別.不過勝在餡料夠多, 件件都脹卜卜咁.整體來講, 嚟依度飲茶

聞名已久的逸東軒想食好耐，終於趁週年紀念去試吓，好彩朋友提醒要book位，朝早10點打去，已經得返12:30同埋2:30有位。朋友話逸東酒店無停車場(無FC)，比較近嘅停車場係油麻地多層停車場，不過去到年底就拆了😭到時可以泊邊去逸東😭講返餐廳，都用咗少少時間搵逸東軒入口，開頭以為門口係彌敦道，但原來唔係，要轉入傍邊的小路先係逸東軒入口，入到去搭𨋢落底層，唔好學我行樓梯😂轉極都未到嘅？餐廳環境好靚裝修係中國風，燈光比較暗但人好多，但又唔會好嘈。坐位舒適而且枱與枱中間非常闊，傾計都唔會怕隔離枱聽到。Waiter態度非常好，有禮之餘反應好快。一坐低覺得好凍，問waiter拎披肩佢極速就攞咗俾我先再做其他嘢，好貼心！當我地想貼糯米雞，waiter哥哥都詳細咁解釋佢地嘅糯米雞同傳統唔一樣，係煎嘅。唔想食煎嘢嘅我就改變主要了，好彩佢提一提。另外加水亦非常勤快主動，服務真的好令人滿意。食物質素好高，金沙脆豆腐非常驚喜，表面炸到脆卜卜的外層配上炸蒜，極之香口。一入口，裡面的豆腐好滑好似豆腐花咁，入口即溶，同外層脆口形成強烈對比！非常好食！推介！筍尖鮮蝦餃屬正常水平，皮不算太薄但也不算太厚，餡料豐富蝦仁

集團越大、地位越高，很多時候總會身不由己，避免招是非，甚至有些會見利忘義，不用說要盡公義的責任。難得逸東酒店在香港最艱難的時候，仍然無懼地在酒店外牆登出 “What does your revolution look like?” 的黑底白字海報，就算當初是無心插柳也好，仍能夠不避嫌地堅持下去。其後亦在政府魯莽地全面禁晚市堂食時，嘗試為辛勞的夜班「打工仔」提供一個「有瓦遮頭」的地方，不單單只是盡社會責任這樣簡單了。$38起可以吃到米芝蓮星級點心，而且這價錢還有十數款選擇，還真的非常多捧場客。吃這餐的時候本是第三波疫情前，還可以多於二人一枱，便早早一個月前安排此餐在難得的平日假期。著筆時剛好放寬二人一枱，看見逸東軒延長了$38起的點心優惠，實在難得，又想再來一趟了。酒店的中菜廳坐得舒適不在話下，這裡古典雅氣的裝潢也很是出色，不流於金銀的俗套。茶會用小小的蠟燭火熱著。我們點的是鐵觀音，綠茶葉清香淡雅而不澀。前菜是玉豆炒豆干，比現成的「頭」更有誠意。先來的竟然是脆皮流沙包，一個個工整地排開，其光滑的油面很是討好。一咬下去就是流心奶皇，鹹甜適中，絕對做到外脆內軟的豐富口感。接著來的是蒸點，相比

質素和價錢均有口皆碑，一直都想來；早前終可在weekdays的休假日前來品嚐。來之前當然先要看看友人的推介啦。最優惠價$38的有23款選擇，其次$48有9款，而$78就只有一款，當然還有一些粉麵飯啦；但一場來到，當然只打算叫點心及小吃啦！共叫了八款：筍尖鮮蝦餃、脆皮流沙包、蜂巢海鮮芋角、香麻叉燒酥、金沙脆豆腐、瑤柱帶子菜苗餃、招牌叉燒腸粉及Xo醬炒蘿蔔榚。蝦餃皮薄、蝦肉鮮爽；流沙包外層酥脆，流心奶皇濃郁香甜；脆豆腐外脆內軟、嫩滑可口；反而最後上的蘿蔔糕及腸粉水準比較一般，可以不點。每枱只限兩人，想吃的記得要預早訂位啦！#想㸃就點#另收加一服務費 #一位難求記得先訂位 #星期一至星期五#午餐時段 #逸東軒 地址: 佐敦彌敦道380號香港逸東酒店B2樓層電話: 27101093

相信大家對逸東軒都唔陌生⭐️真正米豬蓮餐廳🐷🙈非常推介大家去食🙊服務又好👍🏻環境又舒適整體黎講絕對值得一試，因為限聚令同疫情關係，上次去係兩個人坐張四人枱，又闊落又舒服🕺🏼🥳服務好好